udhr
Version:
Universal Declaration of Human Rights
252 lines (251 loc) • 12 kB
HTML
<html data-code="kqs" data-iso6393="kqs" dir="ltr" lang="kqs">
<head>
<title>Kissi, Northern</title>
</head>
<body>
<h1>Yonda ciendo le hakilan wanaciewo</h1>
<header>
<h2>Dimilacioo</h2>
<p>Te o wa pa, a laalando a num pla le yugoo faw o pulalen ni a haki ndaa vellaa velle, o wana tɛɛnbu le o, ndu cio tumdo ni le malnɔndo, a senduwo, a kol Muloo sɔlaa o ciendo ni.</p>
<p>Te o wa pa, ma kɛ wanathyéyɛyi cɛucɛuvo kɛwo sina, a kɛwo ndu hɛnando, ndu nɔn hunɔn a delɔɔcoo ni mi wanda faMa, ndu tosa saboo wɛlɛ ni mi wada sɔla kul Muloo, le waa ba daa cio le sanga wɔɔdo ciolabaa.</p>
<p>Te o wa pɛ, a wanaceu cɛucɛuvo a kangalan ngo cio ni, o kon ni mɛ mi lingden nde wa bendaa ni tɔngdo kɔɔli pindo, kon nɔn tosaa ni mi wanda kɛɛ nufia le nda pla i kayi, ma tosa baara o lingden o kul ndyadaa ni.</p>
<p>Te o wa pɛ, mi naan kenan balan le bɛndaa ciɔɔluo lɔyɔɔ lingdo tɛ,</p>
<p>Te o wa pɛ, lingi cio o “ONU” bɛnda bɛndo ni, mi ndaa yɔngu diyom daa a n’cio wanathyéo kadaa, ma ciɛucɛu ndu mi siingu wanapɔnɔn a wanalanɔn vellaa velle,</p>
<p>Te o wa pɛ, aa lingi cio lenni nda, nda cɛl pɛ a “ONU” kɔ, le bɛnda ciɛdo ho, a waa ba numdo cio a biyɔɔ a balan tan ciɔn pɛ,</p>
<p>Te o wa pɛ, a yian pilɔɔ nan nɔn ni, le hakilan dan a wa ba numdo thyo o tosaa mɛɛ naan dimi yɛ,</p>
<p>Bɔɔngian kundaa</p>
<p>yiyan kudaa wanda tu, a Mɛ lingdon le cio nufia wo o benda naan ni, miyonda kon wa bɛ tu le bol, le lɔɔ lɔɔ, o kon kɔɔly mɛ mi bɛtu kinding a kalando kɔɔly a kaala kɛndan kɔɔly le hakilan lan a malaa thɛuthɛuvo le kɔlan laci, o kon ni mi bɛɛlen le tosang o lingi nayini a lingy kɛkɛ cio o kundaa kalaa ni.</p>
<p>Yonda ciɛdo le hakilan wanaciɛwo</p>
</header>
<article data-number="1">
<h2>Tɔng 1</h2>
<p>wanda tu cio Mɛ pilɔɔ o wolɔɔ ni, le waa o ba ndɔɔ cio, o bɛɛlen kenando ni, o tɔngdo ni, bɛtu nɔn yiyando a kullo, o kon ni naan tu dua mim maalyan kalapilɔyɛyi ni.</p>
</article>
<article data-number="2">
<h2>Tɔng 2</h2>
<p>wana wana dua mo wa tɔng cɛucɛu wanaciɛ wo bɛngu, mɛɛ mɛɛ suu numdo ciɛ, mɛɛ mɛɛ diyallonumdo ciɛ, mɛɛ mɛɛ tɔng le lingdo ciɛ, a naa naa nda wellu numda ciɛ.</p>
</article>
<article data-number="3">
<h2>Tɔng 3</h2>
<p>kul wana wana dua mo sɔla kidaa, le waa wɛlɛ o ba dɔɔ cio, le boten ndɔlencɛucɛu vo.</p>
</article>
<article data-number="4">
<h2>Tɔng 4</h2>
<p>wana wana dua mo wa ciɛlen bɛngu le, mo wa sawo wana celen bɛngu le, o kon ni ciɛlen nde kuunang a yulalen dɔlen wɛlɛ.</p>
</article>
<article data-number="5">
<h2>Tɔng 5</h2>
<p>wɔulen kɛ kɛ duama andun wanaciɛu ciɛyo le, y pala du woo, y dɔɔniMa wɛlɛ ndu woo.</p>
</article>
<article data-number="6">
<h2>Tɔng 6</h2>
<p>n’dua minsina wanaciɛyɛyi le wana wana o tɔngdo hɔlba ba o wa pɛ.</p>
</article>
<article data-number="7">
<h2>Tɔng 7</h2>
<p>bɛtu cio biyɔɔ pilɔ ni tɔngdo hɔl, mo mala wɛlɛ bɛtu, wanna fisa wɛlɛ cian tɛ ndo hɔl.</p>
</article>
<article data-number="8">
<h2>Tɔng 8</h2>
<p>bɛtu dua mo bi seyi tɔng le lindo, te o pilan num pɛ tana pɛ, te o cio kɔlan ngo nɛyo cioo le.</p>
</article>
<article data-number="9">
<h2>Tɔng 9</h2>
<p>wanna bi tyandɔ lende naa le, ma loyɛi ndu o kaaso ni, ma tow ndu o lingi nduwɛy ni fuu.</p>
</article>
<article data-number="10">
<h2>Tɔng 10</h2>
<p>kangalan mɛɛ mi suwɛyi wanacieo wa o diyandaa, mo wa wagba diiyo kɔɔly o ciɛyi kitiyo ni, le haki dɔ a yaala dɔ sina.</p>
</article>
<article data-number="11">
<h2>Tɔng 11</h2>
<ol>
<li>
<p>Wana wana tɔngdo by o sikaa kɔɔly, wana kon dua binu maa i nduɛyi cio lening te, haan ma kero yabayo kerung, ma ke ndu diiyo te o tyo kon te ma yaala du.</p>
</li>
<li>
<p>Wana wana biinun pɛ tɔng paando tɛɛmbuo kɔɔly, wana doi ma biinun ndu le kity tɔng sɛnɛyo le, pɛɛgu biyɔɔdo dua mo yiu haki kiti paando le.</p>
</li>
</ol>
</article>
<article data-number="12">
<h2>Tɔng 12</h2>
<p>wanna doi ma lɔyi o suɛyi playe ni te, o wa pɛ suɛyi pulalen ndɔlen pɛ, o wa pɛ sun dɔ vinan wɛlɛ pɛ, a sun lungdo wɛlɛ pɛ, o doi ma sɔla kul palaa kɛ kɛ o lan ning te, te kun wa pɛ, tɔngdo doi kada bɛ tu o sun wa lende ni.</p>
</article>
<article data-number="13">
<h2>Tɔng 13</h2>
<ol>
<li>
<p>kɔlan nga hɔnɔɔ kumbiya wagba le bɛ tu o lingden ni, naa naa nyɛnan wɛlɛ pɛ a doi ma thianun don.</p>
</li>
<li>
<p>Wana wan cio o ba dɔɔ cio le fagandɔ o lingden ali o wa lingi nduɛyi pɛ, ma muugu wɛlɛ o ndu lo.</p>
</li>
</ol>
</article>
<article data-number="14">
<h2>Tɔng 14</h2>
<ol>
<li>
<p>Te sɔn delɔɔcio ying pɛ, a tiuba ma kuwɛ o lingy cielen ni le kidaa sɔlaa, wanaa kan dua ma kɛɛ num te.</p>
</li>
<li>
<p>tɔngdo ho cio le wando ho le, o tɛɛbu tɔng lingi ndoɛyi mo sɔndan.</p>
</li>
</ol>
</article>
<article data-number="15">
<h2>Tɔng 15</h2>
<ol>
<li>
<p>bɛ tu dua mo wa o lingden ma polelingdo,</p>
</li>
<li>
<p>wanna kuuna du polelingdo sɔlaa le, o kon ni, o tiwba mo sɔlaa poleling dole lingden ciɛlen.</p>
</li>
</ol>
</article>
<article data-number="16">
<h2>Tɔng 16</h2>
<ol>
<li>
<p>te wɔsilan felegbɔaa tiiya pɛ nɔw pɛ, a tiwba nang o nɔw ni, suwɛyi suu hɛlyo kon ni te a suwɛyi diinayi wɛlɛ cio kon ni te, le lan bɛ tu thyo vellaa velle tɔngdo laci,</p>
</li>
<li>
<p>nɔw djinun niya Mɔn tɛn te fo mi la ciyɛl,</p>
</li>
<li>
<p>yungoo, naa pla tɛn ngo fula ni nɔw kɔɔli, lelan n’dua mi gbagba ndaa o lingden ni</p>
</li>
</ol>
</article>
<article data-number="17">
<h2>Tɔng 17</h2>
<ol>
<li>
<p>wanna wa pɛ kundaa tɛn pɛ, te o cio kon te, mo wa wanapilɛyɛi ni, o nɔn hakiyo le sɔla le ndu pla.</p>
</li>
<li>
<p>Mɛ wanna dua ma puu ndoo ba kafalan cio le.</p>
</li>
</ol>
</article>
<article data-number="18">
<h2>Tɔng 18</h2>
<p>bɛtu nɔn hakiyo le waa o ba dɔ cio, le yiyando, le kɔlo sɔlaa le diinayo mɛ o hɛnang yɛ, o nɔn wɛlɛ hakiyo le Yiyan dɔ a diina dɔ kon singafila mɛ o yɛnang yɛ,o kundaa tɛn kaa mo wanapilɛYɛi ni.</p>
</article>
<article data-number="19">
<h2>Tɔng 19</h2>
<p>bɛtu nɔn hakiyo le waa malaa ni le Yiyan dɔ ciɔɔmuo, kon thyɔm ni ma ciyogi doi ma bii ndu le o Yiyan ndɔ kon te, kon cio sɛngindo wɛlɛ babba a nɛilan siyaama mo tang wɛlɛ pɛɛngu le lingdon tu.</p>
</article>
<article data-number="20">
<h2>Tɔng 20</h2>
<ol>
<li>
<p>bɛtu nɔn hakiyo le bcngiyando a kunda kul Muloo tosa.</p>
</li>
<li>
<p>Wanna doi mo luwɛyi ciandɔ o kundaa ni kalan te.</p>
</li>
</ol>
</article>
<article data-number="21">
<h2>Tɔng 21</h2>
<ol>
<li>
<p>bɛtu nɔn hakiyo waa masa le lingdo, te o cio kon te, mo wa le wana dɔ Yɛnangdo,</p>
</li>
<li>
<p>hɔɔlelingdo tu nɔn hakiyo le waa baara le lingdo ni velle velle,</p>
</li>
<li>
<p>Yomu sariya lingdɔn le cio landaaa Yɛnang hɔɔlelingdɔn, ndaa doi mi ndaa ciɔm Yiyan da kɛndan o laalando kɔ, a wote wɛlɛ kɔ.</p>
</li>
</ol>
</article>
<article data-number="22">
<h2>Tɔng 22</h2>
<p>lingden faw doi mo cɛucɛu hɔɔalelingda faw, o suɛyi sɔlaa kɔ, o suɛyi gbawɛyiyo kɔ, o suɛyi dɛnɛ sina kɔ. cɛucɛu le lingden le le, o Mɛ dɔ sɔlaa ni ngo fula ni, a Mɛ ndɔ sɔlaa o baaralan ni a lingi thelenda tayin.</p>
</article>
<article data-number="23">
<h2>Tɔng 23</h2>
<ol>
<li>
<p>bɛtu doi mo sɔla baara, mo tosa baara o hɛmang du wo o kul Muloo ni, o doi mo cɛu cɛu wanaa le lingda le baara le pɛngdo ciolabaa.</p>
</li>
<li>
<p>baaralan la cio Mɛ pilolan kan duama nɔ saralan pilɛ lan le wanaa baara.</p>
</li>
<li>
<p>baara dua mo sarang, sara dua mo tiu wanaabaara a Mugu do,</p>
</li>
<li>
<p>wanaa baara faw nɔn hakiyo le kundaa tosa, o mala wanaa baara wa, ma veelu ndu ‘‘ syndicat ’’o puuriɛ ni.</p>
</li>
</ol>
</article>
<article data-number="24">
<h2>Tɔng 24</h2>
<p>bɛtu nɔn hakiyo le pɛngiyo o baara ni, mo pisulu baara kɔɔli a baara tosa pɛɛngo bɛngu, ma sara ndu wɛlɛ pɛngu pɛngiyo bɛngu, o nda weelu naa “congé”</p>
</article>
<article data-number="25">
<h2>Tɔng 25</h2>
<ol>
<li>
<p>bɛtu nɔn hakiyo le sew sɔlaa o cɛucɛu yugu dɔɔ, le ciɛn kɛndɔɔ tosaa, le kɛndiya, Mɛdiya, worolan, cɛyi lɔlaa, a ndu pla dandaa dɔwɔɔ. Te naa komalang pɛ, baara le pɛngdo pɛ, a balafondoyɛi kɛ kɛ komalang pɛ, a doi ma sɔla malaa.</p>
</li>
<li>
<p>Komisaa a cɛrɛgbɛ nɔn hakiyo le malaa sɔlaa, hɔɔ welun pɛ o nɔw ni kaa o ciɛmɔɔ ni, haki pilɔ nda nɔn ni o cɛuciɛuvo ni.</p>
</li>
</ol>
</article>
<article data-number="26">
<h2>Tɔng 26</h2>
<ol>
<li>
<p>bɛtu nɔn hakiyo kalando, mi kalan kon doi mo wa wɛlɛ fondoo, le kalan tasoo a o din dɔɔ, kalan la lan doi ma kangalan le bɛtu. Karantaa le dɛnɛ sina, karantaa le baara pɛɛkuwo a karantaa bɛndo o thyo lan tu cioocioo wo, cio malaa le bɛtu vellaa velle,</p>
</li>
<li>
<p>karantaa doi mo mala wana thyeu, le wanayɛyi nduɛyi yowɔɔ lathi, le waa o ba ndɔ cio yowɔɔ laci, o doi mo tosa saboo le nɛyɔn wɔɔndo malɔɔ, mo tosa wɛlɛ mi Miyɛ a canjan luɛyi ceedo ni suulan tɛ, diinalan wanda tɛ, ma mala wɛlɛ kundaa bɛndo “ONU” le bɛnda lɔyɔɔ o ciɛdo ni,</p>
</li>
<li>
<p>bɛtu nɔn hakiyo le hɔɔa ndua malɔɔ o karanta ni o hɛnan nda pɛ</p>
</li>
</ol>
</article>
<article data-number="27">
<h2>Tɔng 27</h2>
<ol>
<li>
<p>bɛtu nɔn hakiyo le waa o sun dɛnɛ sina le lingdon ni mɛ mɛ o wa, mo o soling wɛlɛ tɔnɔɔn.</p>
</li>
<li>
<p>bɛtu nɔn hakiyo le tɔnɔn baara ndɔ le yiyanndo, a baara ndɔ le diyallo, a baara ndɔ kɛ kɛ o dɛnɛ sinaa ni ma cɛucɛu lan le nduvo.</p>
</li>
</ol>
</article>
<article data-number="28">
<h2>Tɔng 28</h2>
<p>bɛtu nɔn hakiyo le tɔngdan naan yɔda nua, mi le tosang o wanayɛi ni o lingden ni a lingi tuwɛi wɛlɛ ni.</p>
</article>
<article data-number="29">
<h2>Tɔng 29</h2>
<ol>
<li>
<p>te wancɛu nɔn pɛ hakiyo pɛ, laalan wɛlɛ ma o nɔn o cio le tosaa kangalan,</p>
</li>
<li>
<p>a wa pɛ baara haki numdo tosaa pɛ, a dua ma lo tɔngdo kɔɔli, haliko ma pilan wana thelen tana le,</p>
</li>
<li>
<p>tɔngda la lan dua mo kera o yiyan celen thyoo le, te o cio yiyan kunda bɛndo “ONU” o le.</p>
</li>
</ol>
</article>
<article data-number="30">
<h2>Tɔng 30</h2>
<p>wanna nɔn ma yɔɔmu le, lingi kɛ kɛ nɔn ma yɔɔmu le, le fulaa a neyi celen o tɛɛbu tɔngdan lan naan yɔda lan.</p>
</article>
</body>
</html>