udhr

<!doctype html> <html data-code="fur" data-iso6393="fur" dir="ltr" lang="fur"> <head> <title>Friulian</title> </head> <body> <h1>DECLARAZION UNIVERSÂL DAI DERITS DAL OM</h1> <header> <h2>Preambul</h2> <p>Tignût cont che il ricognossi la dignitât di ducj i membris de gjernazie umane, i lôr derits, compagns e inalienabii, e je la fonde de libertât, de justizie e de pâs tal mont;</p> <p>Tignût cont che il dineâ e il spreseâ i derits dal om a an puartât a barbaretâts ch’a ufindin la cussience de umanitât e che al è stât proclamât che il divignì di un mont dulà che i oms a gjoldin la libertât di peraule e di fede e la liberazion de pôre e de miserie e je la plui grande braure dal om;</p> <p>Tignût cont che i derits dal om bisugne ch’a sein garantîts des leçs, se si intint di fâ in mût che l’om, come ultin ricors, nol scugni voltâsi cu la fuarce cuintri la tiranìe e la sclavitût;</p> <p>Tignût cont che bisugne promovi il svilup di bogns rapuarts tra lis Nazions;</p> <p>Tignût cont che tal Statût i popui des Nazions Unidis a an tornât a declarâ la lôr fede tai derits fondamentâi dal om, te dignitât e tal valôr de persone umane, te paritât dai derits dal om e de femine, e ch’a an decidût di promovi il progres sociâl e un miôr sistem di vite tune plui grande libertât;</p> <p>Tignût cont che i Stâts membris a an cjapât l’impegn di otignî, in cooperazion cu lis Nazions Unidis, il rispiet e l’osservance universâl dai derits dal om e des libertâts fondamentâls;</p> <p>Tignût cont che une convinzion gjenerâl sun chescj derits e sun cheste libertât e je de massime impuartance par une complete realizazion di chescj impegns;</p> <p>la Samblee Gjenerâl des Nazions Unidis</p> <p>e proclame cheste Declarazion Universâl dai Derits dal Om come ideâl comugnâl ch’a an di rivâ a vêlu ducj i popui e dutis lis Nazions par che ogni individui e ogni strument de societât, tignint cont simpri di cheste Declarazion, a cirin di promovi, cu la instruzion e la educazion, il rispiet di chescj derits e di chestis libertâts e di garantîur, midiant proviodiments progressîfs di stamp nazionâl e internazionâl, il ricognossiment universâl e efetîf e il rispiet tant de bande dai popui dai Stâts membris, che de bande dai popui dai teritoris ch’a son sot de lôr jurisdizion.</p> </header> <article data-number="1"> <h2>Articul 1</h2> <p>Ducj i oms a nassin libars e compagns come dignitât e derits. A an sintiment e cussience e bisugne che si tratin un culaltri come fradis.</p> </article> <article data-number="2"> <h2>Articul 2</h2> <p>A ogni individui i spietin ducj i derits e dutis lis libertâts proclamâts in cheste Declarazion, cence nissune distinzion par vie di gjernazie, colôr, mascjo o femine, lenghe, religjon, di impinion politiche o alcaltri, di zoc nazionâl o sociâl, di ricjece, di nassite o altre condizion.</p> <p>E no sarà fate nissune distinzion nancje par vie dal Statût politic, juridic o internazionâl dal paîs o de tiare che une persone i parten, tant se chê tiare e je indipendent che s’e je sot ministrazion fiduciarie o no autonime o sot cualchi altri limit di sovranitât.</p> </article> <article data-number="3"> <h2>Articul 3</h2> <p>Ogni individui al à derit a la vite, a la libertât e a la sigurece de sô persone.</p> </article> <article data-number="4"> <h2>Articul 4</h2> <p>Nissune persone e pò jessi tignude in sclavitût o servitût; la sclavitût e il trafic dai sclâfs di cualsisei gjenar a son improibîts.</p> </article> <article data-number="5"> <h2>Articul 5</h2> <p>No si pò torturâ nissun, ni doprâ par nissune persone trataments o punizions barbars, disumans o vergognôs.</p> </article> <article data-number="6"> <h2>Articul 6</h2> <p>Ogni individui al à derit, pardut là che si cjate a sei, che i vegni ricognussude la sô personalitât juridiche.</p> </article> <article data-number="7"> <h2>Articul 7</h2> <p>Denant de leç a son ducj compagns e ducj a an derit, cence nissune parzialitât, a la stesse protezion de leç. A an ducj derit di jessi vuardâts di ogni discriminazion contrarie a cheste Declarazion ch’e je stade fate cuintri cualsisei instigazion a discriminazions di chê sorte.</p> </article> <article data-number="8"> <h2>Articul 8</h2> <p>Ogni individui al à derit a une reâl possibilitât di ricori a tribunâi competents nazionâi cuintri di fats ch’a van cuintri dai derits fondamentâi che la constituzion o la leç i ricognossin.</p> </article> <article data-number="9"> <h2>Articul 9</h2> <p>Nissune persone no pò jessi arestade, tignude in preson o mandade in esili cence juste reson.</p> </article> <article data-number="10"> <h2>Articul 10</h2> <p>Ogni individui al à derit in plene paritât, a une juste e publiche udience denant di un tribunâl indipendent e imparziâl, par decidi dai siei derits e dovês, e ancje par provâ la positivitât di cualsisei acuse penâl che i vegni fate.</p> </article> <article data-number="11"> <h2>Articul 11</h2> <ol> <li> <p>Ogni individui acusât di une malefate al è presumût nocent fintant che la sô colpe no sei stade dimostrade par vie legâl tun public proces dulà che i vein dât ogni garanzie par difindisi.</p> </li> <li> <p>Nissun individui nol pò vignî condanât par une robe fate o no fate, se, in chel tâl moment, chê robe no jere considerade une malefate secont il derit locâl o internazionâl. Come che no si podarà mai dâ un cjastic plui grant di chel stabilît tal moment de malefate.</p> </li> </ol> </article> <article data-number="12"> <h2>Articul 12</h2> <p>Nissun individui nol pò jessi sogjet a interferencis arbitrariis te sô vite privade, te sô famee, te sô cjase, te sô corispuindince, e nancje jessi ufindût tal so onôr e te sô stime. Ogni individui al à derit di jessi vuardât de leç cuintri interferencis o ufesis di cheste fate.</p> </article> <article data-number="13"> <h2>Articul 13</h2> <ol> <li> <p>Ogni individui al à derit di stâ e di movisi dentri i confins di ogni Stât.</p> </li> <li> <p>Ogni individui al à derit di lâ vie di cualsisei paîs, ancje dal so, e di tornâ.</p> </li> </ol> </article> <article data-number="14"> <h2>Articul 14</h2> <ol> <li> <p>Ogni individui al à derit, cuintri lis persecuzions, di cirî e cjatâ ricet in altris paîs.</p> </li> <li> <p>Nol podarà ricori a chest derit un individui s’al è cirût par malefatis no politichis o par fats contraris ai fins e ai principis des Nazions Unidis.</p> </li> </ol> </article> <article data-number="15"> <h2>Articul 15</h2> <ol> <li> <p>Ogni individui al à derit di vê une citadinance.</p> </li> <li> <p>A nissun individui no si pò cjoli cence une reson la sô citadinance e nancje il derit di cambiâle.</p> </li> </ol> </article> <article data-number="16"> <h2>Articul 16</h2> <ol> <li> <p>Oms e feminis in etât adate a an il derit di sposâsi e di meti sù famee, cence nissune limitazion di gjernazie, citadinance o religjon. A an ducj i stes derits a rivuart dal matrimoni, par tant ch’al dure e cuantche si disfe.</p> </li> <li> <p>Il matrimoni si pò fâlu dome cul libar e plen consens dai nuviçs deventants.</p> </li> <li> <p>La famee e je la fonde naturâl e fondamentâl de societât e e à il derit che la difindin la societât e il Stât.</p> </li> </ol> </article> <article data-number="17"> <h2>Articul 17</h2> <ol> <li> <p>Ogni individui al à derit di vê une propietât sô personâl o comugnâl cun altris.</p> </li> <li> <p>A nissun individui no si pò cjoli la sô propietât cence une reson.</p> </li> </ol> </article> <article data-number="18"> <h2>Articul 18</h2> <p>Ogni individui al à derit a la libertât di pinsîr, cussience e religjon; chest derit al vûl dî ancje libertât di gambiâ religjon o fede, e libertât di pandi dibessôl o cun altris, tant in public che in privât, la sô religjon o la sô fede tal insegnâ, tes pratichis, tal cult e te osservance des ceremoniis.</p> </article> <article data-number="19"> <h2>Articul 19</h2> <p>Ogni individui al à derit a la libertât di impinion e di espression, dutun cul derit di no jessi lambicât par vie de sô idee e il derit di cirî, di vê e di propagandâ informazions e ideis cun ogni mieç e cence limitazions.</p> </article> <article data-number="20"> <h2>Articul 20</h2> <ol> <li> <p>Ogni individui al à derit a la libertât di riunion e di associazion pacjifiche.</p> </li> <li> <p>No si pò obleâ nissun a fâ part di une associazion.</p> </li> </ol> </article> <article data-number="21"> <h2>Articul 21</h2> <ol> <li> <p>Ogni individui al à derit di partecipâ al guviêr dal so paîs tant di persone che par mieç di rapresentants sielzûts liberementri.</p> </li> <li> <p>Ogni individui al à derit di pode rivâ, in condizions di paritât, ai puescj di vôre publics dal so paîs.</p> </li> <li> <p>La volontât popolâr e je la fonde de autoritât dai guviêrs; cheste volontât si à di pandile traviers elezions periodichis e onestis, a sufragjo universâl e compagn, cun vôt segret o tun altri mût ch’al garantissi la libertât di esprimisi.</p> </li> </ol> </article> <article data-number="22"> <h2>Articul 22</h2> <p>Ogni individui, come part de societât, al à derit a la sigurece sociâl, e ancje di realizâ, cul impegn nazionâl e la colaborazion internazionâl e tignint cont de organizazion e des possibilitâts di ogni Stât, i derits economics, sociâi e culturâi indispensabii a la sô dignitât e a la libare cressite de sô personalitât.</p> </article> <article data-number="23"> <h2>Articul 23</h2> <ol> <li> <p>Ogni individui al à derit al lavôr, a la libare sielte dal puest di vôre, a condizions justis e buinis di lavôr e a jessi vuardât cuintri la disocupazion.</p> </li> <li> <p>Ogni individui, cence parzialitât, al à derit di vê la stesse pae par un lavôr compagn.</p> </li> <li> <p>Ogni individui ch’al lavore al à derit a une pae juste e buine che i garantissi a lui e a la sô famee une vite secont la dignitât umane e staronzade, s’al covente, cun altris mieçs di protezion sociâl.</p> </li> <li> <p>Ogni individui al à derit di meti sù sindacâts e di fâur part par difindi i siei interes.</p> </li> </ol> </article> <article data-number="24"> <h2>Articul 24</h2> <p>Ogni individui al à derit di polsâ e di distraisi, intindint cun chest un just limit des oris di lavôr e di feriis periodichis paiadis.</p> </article> <article data-number="25"> <h2>Articul 25</h2> <ol> <li> <p>Ogni individui al à derit a un sistem di vite bon di garantî la salût e il bonstâ so e de sô famee, massime pal nudriment, il vestiari, une cjase, la assistence mediche, e ai servizis sociâi necessaris; al à derit a la sigurece in câs di disocupazion, malatie, invaliditât, veduance, vecjae o in ogni altri câs di piardite dai mieçs di sussistence par robis che no dipendin dal so volê.</p> </li> <li> <p>La maternitât e la infanzie e an derit a curis speciâls e assistence. Ducj i fruts nassûts tal matrimoni o fûr, a an di gjoldi de stesse protezion sociâl.</p> </li> </ol> </article> <article data-number="26"> <h2>Articul 26</h2> <ol> <li> <p>Ogni individui al à derit a la instruzion. La instruzion e à di jessi a gratis almancul pes classis elementârs e fondamentâls. La instruzion elementâr e à di jessi obligatorie. La instruzion tecniche e professionâl e à di jessi possibil a ducj e cussì la instruzion superiôr e à di jessi possibil a ducj daûr dal merit.</p> </li> <li> <p>La instruzion e à di jessi indreçade a une plene incressite de personalitât umane e a un simpri plui grant rispiet dai derits dal om e des libertâts fondamentâls. La instruzion e à di fâ cressi la comprension, il bon cûr, la amicizie fra dutis lis Nazions, lis comunitâts etnichis e religjosis, e dâ une man a la vôre des Nazions Unidis par mantignî la pâs.</p> </li> <li> <p>I gjenitôrs a an prin di ducj derit di sielzi il gjenar de instruzion pai lôr fîs.</p> </li> </ol> </article> <article data-number="27"> <h2>Articul 27</h2> <ol> <li> <p>Ogni individui al à derit di jessi a part de vite culturâl de comunitât, di gjoldi des arts e di dâ di vôre al progres de sience e usufruî dai siei beneficis.</p> </li> <li> <p>Ogni individui al à derit a la difese dal interes morâl e matereâl ch’a divegnin di une produzion sientifiche, leterarie e artistiche che lui al vedi fate.</p> </li> </ol> </article> <article data-number="28"> <h2>Articul 28</h2> <p>Ogni individui al à derit di cjatâsi a vivi tun sistem sociâl e internazionâl dulà che i derits e lis libertâts proclamadis in cheste Declarazion a sein metûts in pratiche dal dut.</p> </article> <article data-number="29"> <h2>Articul 29</h2> <ol> <li> <p>Ogni individui al à dovês viers la comunitât, là che lui al pò madressi adimplen e cun libertât.</p> </li> <li> <p>Tal doprâ i siei derits e lis sôs libertâts, ognun al à di tignî cont dome dai limits prescrits de leç par che si ricognossin e che si rispietin pardabon i derits e lis libertâts di chei altris e par contentâ lis esigjencis justis de morâl, dal ordin public e dal benjessi gjenerâl di une societât democratiche.</p> </li> <li> <p>No si pò doprâ mâl chescj derits e chestis libertâts cuintri i fins e i principis des Nazions Unidis.</p> </li> </ol> </article> <article data-number="30"> <h2>Articul 30</h2> <p>Nissun Stât, grop o persone a puedin cjapâ alc di cheste Declarazion par campâ derits di meti sù trafics o combinâ vôris ch’a cirin di dineâ cualchi derit o libertât ch’e je stade metude in clâr culì.</p> </article> </body> </html>