udhr

<!doctype html> <html data-code="eve" data-iso6393="eve" dir="ltr" lang="eve"> <head> <title>Even</title> </head> <body> <article data-number="1"> <h1>Статья 1</h1> <p>Бэйил бокэтчур омэн хилкич нян урумкэр балдаритно, теми ноҥардук эгдьэн ҥи‐да ачча. Бэйил бөкэтчур мэн долан акагчимур биннэтын.</p> </article> <article data-number="2"> <h1>Статья 2</h1> <p>Ирэк‐да бэй, ҥи‐да бими, эрэк. Декларацият гапча правалбу гадьин.</p> <p>‐ Ҥунмэрдукуйи, торэндукуйи, аси‐да бидэн ньари‐да бидэн, эҥея‐да бидэн, ян‐да ачча бидэн, ҥидук‐да балдадуҥат.</p> <p>‐ Ноҥан балдача төрэн хо эгдьэн‐да бидэн, хо көчукэн‐да бидэн, эникэн ҥидук‐да ҥэлникэн мээн мэргэнди, ҥиидэ, эникэн этур бэйдьи бидьин.</p> </article> <article data-number="3"> <h1>Статья 3</h1> <p>Өмэтэл бэйилбу ҥии‐да эсни оһэйры, бэйдьи оон тэгэттин тачин тэгэтчин.</p> </article> <article data-number="4"> <h1>Статья 4</h1> <p>Бэйилбу ҥи‐да эсни унир, нян хааратта.</p> </article> <article data-number="5"> <h1>Статья 5</h1> <p>Бэйилбу ҥи‐да эснэн дьавутта. Бэю бэй мэптипи эсни кээлэмэттэ. Бэю бэй ҥингичин эсни хойэтто.</p> </article> <article data-number="6"> <h1>Статья 6</h1> <p>Бэйилбу бокэтчур, ҥи‐да илэ‐да бидэн закон дысутчин.</p> </article> <article data-number="7"> <h1>Статья 7</h1> <p>Бэйил кубигыр, Законду өмэн хилкин, нян мээн доливур бинньивутэи биһи Закон бэлэчинди.</p> </article> <article data-number="8"> <h1>Статья 8</h1> <p>Бэйил Конституцият бөпчэ ныкылгимэн, ҥи‐гол һайрыкан тарак бэй судач, мэн правалби былыгимкэннэн.</p> </article> <article data-number="9"> <h1>Статья 9</h1> <p>Ҥии‐да, ҥиив‐дэ Ынидьиһэнкиндьи, һиньаһунли эсни нодар, нян балдача төрдэкуй и эсни илбэскнэ.</p> </article> <article data-number="10"> <h1>Статья 10</h1> <p>Суд, бэйэтики хээнвэлиг нээчэ биһикэн, ноҥан тарав, эми айутти угин судла, бокэтчур иһич, нэнмэчиннэн.</p> </article> <article data-number="11"> <h1>Статья 11</h1> <ol> <li> <p>Һымкыличэ бэй, ноҥан кэньсливу ориван, бокэччэн, эливун бакрикатнан‐нюн, бэйдьи эливун кэнеличь нөкчэ гоникэн дьомкучуннан. ‐ тачикан ноҥартакун айич бидэн бэлэчэнди суд бакчин.</p> </li> <li> <p>Ҥи‐да эсни Һымкымун, нян һилгичшоды, ноҥан мэргэндьи кэнеливу эчу ор гоникэн дьомкөттакан, һилгигинын тала опча Закондук эсни эгдьэн бис.</p> </li> </ol> </article> <article data-number="12"> <h1>Статья 12</h1> <p>Ирэк‐да, омтэл бэй дюван, ҥи‐да эсни оһэйрэ, ноҥан дялву нян бэйдьи тэгэмэн ҥи‐да эсни һуҥдир, эсни дьааргатти, ҥэлукэтти.</p> </article> <article data-number="13"> <h1>Статья 13</h1> <ol> <li> <p>Ирэк‐да бэй мэн төгэтти төрдук, илэ‐да хорридьи мэн дьюи илуридьи төгэчиннэн.</p> </li> <li> <p>Өмэтэл бэй мэн төрдукуйи хонтэ төрлэ хуриннэн, нян тачин‐да амаски мучумнаан.</p> </li> </ol> </article> <article data-number="14"> <h1>Статья 14</h1> <ol> <li> <p>Өмэтэл бэй, ноҥман холото токутэн мэн бугдукуи, хонтэ бугла дириһимнэн.</p> </li> <li> <p>ООН принсипальди ноҥан гэлэтгэкэтнэн, бэй бугтукий эснэн хоррэ.</p> </li> </ol> </article> <article data-number="15"> <h1>Статья 15</h1> <ol> <li> <p>Өмэтэл бэй ями‐да гражданствонкан биннэн.</p> </li> <li> <p>Тараҥач ҥи‐да эснэн аталды.</p> </li> </ol> </article> <article data-number="16"> <h1>Статья 16</h1> <ol> <li> <p>Асинюн, ньари, ҥунмирдукий нян тэдьэтидукун эникэн дьакра мэн долин гаматсир.</p> </li> <li> <p>Мэн доливур деридюр омэн мэргэлкэн бими гаматчир.</p> </li> <li> <p>Государство тарак пимэру этуннэн.</p> </li> </ol> </article> <article data-number="17"> <h1>Статья 17</h1> <ol> <li> <p>Өмэтэл бэй тэгэлгэндунэн мэн энеелкэн биннэн.</p> </li> <li> <p>Тараҥман ҥи‐да эснэн тиир.</p> </li> </ol> </article> <article data-number="18"> <h1>Статья 18</h1> <p>Өмэтэл бэй мэн мэргэлкэн, тэдьэнэлкэн биннэн нян тарав хонтэ бэйилтэки тэлэҥдыкын.</p> </article> <article data-number="19"> <h1>Статья 19</h1> <p>Өмэтэл бэй бэйдьи дьомкучинна нян тарав бэйэлтэки эникэн ҥэлдэ мутуннэн, тарав государство эснэн һайутта.</p> </article> <article data-number="20"> <h1>Статья 20</h1> <ol> <li> <p>Өмэтэл бэй чакабакалду холлечиннэл.</p> </li> <li> <p>Ҥи‐да як‐та урэчин группала, организацияла бэйю эсни нукэт.</p> </li> </ol> </article> <article data-number="21"> <h1>Статья 21</h1> <ol> <li> <p>Өмэтэл бэй мэн государствони дюлэски ҥындинэн горбэттэн бэлэчимэн.</p> </li> <li> <p>Ноҥан государство нындимэн, тала гургэвчимнэн, нян хонтэ бэйилгэчин өмэн һилкы төгэчимнэн.</p> </li> <li> <p>Ҥунмир гонивутнэн правительство дьоһуннан. Нян правительство эргыл һиннивунукан обыннан.</p> </li> </ol> </article> <article data-number="22"> <h1>Статъя 22</h1> <p>Өмэтэл бэй тэгэлгэндулэн государство культуралан, экономикалан, нян эҥее одан бэлэннэн.</p> </article> <article data-number="23"> <h1>Статья 23</h1> <ol> <li> <p>Өмэтэл бэй гургэвчимнэн, тарав һайутти як‐та ачча биннэн, ач гургэлэ эдэн биһэ государство бэлэчимҥэн.</p> </li> <li> <p>Ноҥан гургэвэн аич тамдьиҥавур.</p> </li> <li> <p>Өмэтэл бэй, гургэвэн аич тамыннатын, тарак ноҥан дялни ибгат тэгэттивэтнэн бэлэннэн.</p> </li> <li> <p>Ноҥан правалби коэтти нян болэтти профсоюзбан опти нян профсоюз членат бимнэн</p> </li> </ol> </article> <article data-number="24"> <h1>Статья 24</h1> <p>Өмэтэл бэй, дэрэмкэччинэн нян хэбдьэкэннэн, гургэн инэҥин энтэкэйэ эсни гор биннэн.</p> </article> <article data-number="25"> <h1>Статья 25</h1> <ol> <li> <p>Өмэтэл бэй аич тэгэчиннэн, ноҥан дялни нян ибгит төгэчинэт.</p> </li> <li> <p>Эньинтикий нян ноҥан хутлэн индэттын нян тыгыттии социальнай бэлэчин ями‐да аннатын. Куҥал кубычим. Социальнай бэлэчин ями‐да ганнатын.</p> </li> </ol> </article> <article data-number="26"> <h1>Статья 26</h1> <ol> <li> <p>Өмэтэл бэй ями‐дя хупкучиннэн. Начальнай нян средняй хупкучэк, ач эрилэ биннэн.</p> </li> <li> <p>2. Начальнай хупкучэкиэ, бэй бокэчур ганнан. Средней нян профессиональнай хупкучэкиэ иин ач хилуһиа биннэн.</p> </li> <li> <p>Куҥа дялни, мэн хуттибэйдюр хинманнаттан.</p> </li> </ol> </article> <article data-number="27"> <h1>Статья 27</h1> <ol> <li> <p>Өмэтэл бэй искусствач урынчиннэн, наука дюлэски ҥындэн бэлэчиннэн, нян тарич бэйдьи айюннан.</p> </li> <li> <p>Өмэтэл бэй художественнай литературнай гургэн авторан биннэн, тали ноҥантаки аич таманаттан.</p> </li> </ol> </article> <article data-number="28"> <h1>Статья 28</h1> <p>Өмэтэл бэй социальнай нян международнай бинилэ, ҥидук‐да эникэн ҥэлдэ тэгэчиннэн.</p> </article> <article data-number="29"> <h1>Статья 29</h1> <ol> <li> <p>Өмэтэл бэй общество дюлдэлэн, мэн бинийи тэлэҥнэн.</p> </li> <li> <p>Бэй правал хонтэ бэйил тэгэчээнтэн аич бидэн гөникэн бэй правнюн чикибиннан.</p> </li> </ol> </article> <article data-number="30"> <h1>Статья 30</h1> <p>Я‐та эрэв Декларацияу, һаан быйылтыки нян государствалтыни, бый биниуэн нанык тэгэлгэмэн һаайудан гааникэн элэ дунунча Декларация эсни туун, эсни ньуукытты.</p> </article> </body> </html>