udhr
Version:
Universal Declaration of Human Rights
184 lines (183 loc) • 8.02 kB
HTML
<html data-code="cbs" data-iso6393="cbs" dir="ltr" lang="cbs">
<head>
<title>Cashinahua</title>
</head>
<body>
<h1>JAVADA JUNIBUN MAl DASIBÍ AUN AKAIBUN, JATU NEMATIDUBUMAKI</h1>
<header>
<h2>Preambulo</h2>
<p>Ainbu inun juni yudakuinki, yuinakamadan. Jabiaskadi xinain, pepanametidubuki, detenamemadan. Jaska xinanma, sinatakin, yuda betsa chakabu va, nuitapamisbuki. Ikunkin, yuikin, xinain, xinan pepamisbuki, dateamadan.</p>
<p>Detenamekatsi ikama, xanen ibubun jancha pepa jau chibanunbunven. Javen nabu jivea pepa uinmatidubuki. Dasibi jau medabenamenunbunven, jaibunameidan.</p>
<p>Yudabu dasibi pepa xinain, juni inun ainbu jau dua vanunbunven, jabiaskadi vakinan. Yuda dasibi pe jivenunbunan. Jaska xinankin, xanen ibun javen nabu pepa vakatsi imiski.</p>
<p>Jaskaven taexun, yuda dasibibun unayan, xanen ibubu ichapa ichaxun, na jancha kenenibuki.</p>
</header>
<article data-number="1">
<h2>Artículo 1</h2>
<p>Yudabu dasibi jabiaskadi akin, xinantidubuki. Javen taea jau jaibunamenunbunven.</p>
</article>
<article data-number="2">
<h2>Artículo 2</h2>
<p>Na jancha dasibibun atidubuki, yuda mexupabu, yuda taxipabu, yuda juxupabu jusia, jancha betsa betsapabu, ikuain betsa betsapabu, baiyabu, baiumabu, jene betsa betsapaven jiveabu, bekex betsa betsapaven jiveabu, na dasibi jau duanamenunbunven, jabiaskadi vaidan.</p>
</article>
<article data-number="3">
<h2>Artículo 3</h2>
<p>Dasibi unanuma maniabun, juni betsa betsapan jau nemayamanunbunven.</p>
</article>
<article data-number="4">
<h2>Artículo 4</h2>
<p>Tsumavakin, dayamakin, java inamadan, chakabuki. Jau nemanunbunven.</p>
</article>
<article data-number="5">
<h2>Artículo 5</h2>
<p>Ichakanika chakabuki. Jau nemanunbunven.</p>
</article>
<article data-number="6">
<h2>Artículo 6</h2>
<p>Gobierno xanen ibubun yudabu dasibi jau dua vanunbunven, jabiaskadidan, javen jaibu bestimadan.</p>
</article>
<article data-number="7">
<h2>Artículo 7</h2>
<p>Xanen ibu bexmastun jancha pepa chibanma, yudabu ichaka vaya, javen xanen ibun jau pevanunven.</p>
</article>
<article data-number="8">
<h2>Artículo 8</h2>
<p>Ichaka vaken, gobierno xanen ibubun jau medabe vanunbunven, dau vakinan.</p>
</article>
<article data-number="9">
<h2>Artículo 9</h2>
<p>Chakabu xinankin, guardiabun achixun, jau bichiyamanunbunven. Jakia pe xinankin, atiduki. Jabiaskadi achixun, mae betsanu jau nichinyamanunbunven.</p>
</article>
<article data-number="10">
<h2>Artículo 10</h2>
<p>Yuda betsan yuikin -Ja juni chakabuki -ivanan, kupimakatsi ika, gobierno xanen ibubun javen xinan pepa, ninkakin, ¿Jadatu pemen? akin, yukabaunkin, jau katununbunven, unankinan.</p>
</article>
<article data-number="11">
<h2>Artículo 11</h2>
<p>Ja dukun juni pepa xanen ibun jau uinunven. Xinanxun javen chakabu uinkin -Juni chakabuki -ixun, xinantiduki. -En peki -ixun, uinmakatsi ika, xanen ibun ja juní jau medabe vanunven.</p>
</article>
<article data-number="12">
<h2>Artículo 12</h2>
<p>Juni betsa jiveabu ichaka vatimaki. Unanma, juni betsa kidi chakabu yuitimaki. Unanma, juni betsa kidi chakabu vaken, xanen ibun jau nemanunven, medabe vakinan.</p>
</article>
<article data-number="13">
<h2>Artículo 13</h2>
<p>Janida jivekatsi iki, itiduki. Javen mae jenebaini, katiduki. Xinan ana jukatsi iki, jutiduki.</p>
</article>
<article data-number="14">
<h2>Artículo 14</h2>
<p>Javen mae anu ichaka vaya, mae betsa anu ka, janu unanuma jívetiduki.</p>
</article>
<article data-number="15">
<h2>Artículo 15</h2>
<p>Dasibi mae jayabuki. Chakabu jayamaken, xanen ibun nichintidumaki.</p>
</article>
<article data-number="16">
<h2>Artículo 16</h2>
<ol>
<li>
<p>Junin ainbu eva ain vantiduki. Ainbun juni eva bene vatiduki. Ja dabe jabiaskadi itiduki.</p>
</li>
<li>
<p>Ja dabe bechipainamei, beneyamiski. Bechipaiamaken, bimatimaki.</p>
</li>
<li>
<p>Javen nabubes jivea, peki. Javen nabuuma, unanuma jivetidubumaki. Javen nabu xanen ibun jau mekenunven.</p>
</li>
</ol>
</article>
<article data-number="17">
<h2>Artículo 17</h2>
<p>Dasibi bai jayatidubuki. Pakamaxun, gobierno jatu mebintidumaki.</p>
</article>
<article data-number="18">
<h2>Artículo 18</h2>
<p>Javada ikuankin, yuikin, yusinkin, ken vankin, juni betsa ichaka vama, itidubuki. Jau nemayamanunbunven.</p>
</article>
<article data-number="19">
<h2>Artículo 19</h2>
<p>Dasibi xinankin, javada xinankin, juni betsa ichaka vama, yuitidubuki. Xanen ibubun jau nemayamanunbunven.</p>
</article>
<article data-number="20">
<h2>Artículo 20</h2>
<p>Ikatsi iki, dasibi ichatidubuki. Ikatsi ikamaken, jatu icha vayamanunbunven.</p>
</article>
<article data-number="21">
<h2>Artículo 21</h2>
<p>Mae tibi anu, dasibibun javen xanen ibu jau kabenunbunven. Xanen ibubun yuda tibi jau medabe vanunbunven, jabiaskadi vakinan.</p>
</article>
<article data-number="22">
<h2>Artículo 22</h2>
<p>Juni yusinan inun juni dauya inankin, padanaibu nemakin, xanen ibubun yuda tibi jau medabe vanunbunven. Jaskaven taea unanuma dasibi evatidubuki.</p>
</article>
<article data-number="23">
<h2>Artículo 23</h2>
<ol>
<li>
<p>Dasibi jau dayanunbunven. Javada dayakatsi iki, itidubuki. Daya jayamaken, xanen ibu akin, dayamatidubuki.'</p>
</li>
<li>
<p>Juni dabe jabias dayaken, jabiaskadi jau pakanunven, padanmadan.</p>
</li>
<li>
<p>Javada bikatsi ikin, bia, javen daya pei ikamaken, chakabuki. Xanen ibubun jau medabe vanunbunven.</p>
</li>
<li>
<p>Akatsi ikin, Cooperativo icha vatidubuki.</p>
</li>
</ol>
</article>
<article data-number="24">
<h2>Artículo 24</h2>
<p>Dasibi beyustidubuki, dayabestimadan.</p>
</article>
<article data-number="25">
<h2>Artículo 25</h2>
<ol>
<li>
<p>Piti inun, tadi inun, jive inun, dau inun, yusinanan, dasibi bikatsi ikaibun, jayamaken, xanen ibubun jau medabe vanunbunven.</p>
</li>
<li>
<p>Ainbu bakeya xanen ibubun pepa vakin, jau medabe vanunbunven.</p>
</li>
</ol>
</article>
<article data-number="26">
<h2>Artículo 26</h2>
<p>Dasibi escuelanu butidubuki. Bakemixtibu escuelanu jau bununbunven, pakamadan. Dasibitun kene pe jaida vai, escuela anua evatiduki. Keneama, ana escuelanu jikitidubumaki. Juni betsa dua vakín, escuelanu jau tapinunbunven jaibu keskaidan.</p>
</article>
<article data-number="27">
<h2>Artículo 27</h2>
<ol>
<li>
<p>Javen nabu ichaya, dasibi ichatidubuki. Juni bestichai nematidubumaki.</p>
</li>
<li>
<p>Javada junin akin, javen pepa javenaki. Juni betsan jau yumetsuyamanunven.</p>
</li>
</ol>
</article>
<article data-number="28">
<h2>Artículo 28</h2>
<p>Jaska na jancha yuia, janida unanuma jivekin, dasibi bikatsis ikikiki.</p>
</article>
<article data-number="29">
<h2>Artículo 29</h2>
<ol>
<li>
<p>Dasibi javen mae jau dayaxununbunven.</p>
</li>
<li>
<p>Javada akin, juni betsa jau ichaka vayamanunbunven.</p>
</li>
<li>
<p>Xanen ibubu ichaxun, yuiniken, ninkaxun, chakabu jau vayamanunbunven.</p>
</li>
</ol>
</article>
<article data-number="30">
<h2>Artículo 30</h2>
<p>Na jancha ninkaxun -En ichaka vatiduki -ivanan jau xinanyamanunbunven.</p>
</article>
</body>
</html>