udhr

<!doctype html> <html data-code="acu_1" data-iso6393="acu" dir="ltr" lang="acu"> <head> <title>Achuar-Shiwiar (1)</title> </head> <body> <h1>MASH AINTSTI IWIAKMAU AYAMPRUMATI</h1> <header> <h2>ININTIMSAMU</h2> <p> Juu nunkanam aintsti ankant nuya mai metekrak warasar penker pujustin awai nuka iniuiti mash aisttiniununa yasha atantin jeatsuái. </p> <p> Penker inintimsamka aintsti nekàchmaujai nuya timianchau inintimtakur aintsu penkeri nuya mai metekrak warasar pujutin emesmaji, tu asamti seamji ankant umasmau áarat pasenumia, turakur ankant warasar pujúsarmi ii nekamujai tusar. </p> <p> Aintsti inui penkeri aneakur chicham juukmakar kirak najanar ayamprumakur, aintsnaun kajerin ainiaush nepekatatji turakur kakaram wajastatji. </p> <p> Penkerka juu nunkanam warasar nuya metekrak aujmatsar pujakur eemtikji iniau nuya mash aintsti takakmau. </p> <p> Aintsti iwiakmauri nuya penkeri inintimtusar yajaa nunkanmaya aints iruntraru juu takatan najanawaruiti, nuwasha aishmanjai mai metek arat tusar nuya aintsan chichaman jusaruiti ikiakartai turam maimetek ankan suritkachmau emkarat juu iwiakmaunum tusar. </p> <p> Mash nunkanam chichamant sumamsaruiti iruntrar aints iruntraru nuya mash nunkanmaya aintsnau ayampruktai tusar chicham jusamuiti. </p> <p> Inintimsar chicham sumamasar aintsnau nuya aintsti akan pujustin chichamramka penke shirmaiti. </p> <p>JUNT IRUNTRAMU</p> <p>MASH NEKAMTIKMAU AINTSU IWIAKMAURI AYAMPRUMATIRI</p> <p> Mashti inintimmau jusamuka, aintsti iwiakmauri mash nunkanam pant awajjsamu ati tamawiti tu asamti ii aintsti iruntrautikia ikiakartiniutji, unuimiatiniam páant jintiamu ati tiri turakur aintstiniau. nuya itiur ankan pujustiniuit nusha mash nekamu nuya arantukmau juaktatui.ii pujamunmasha nuya yaja nunkanam. </p> </header> <article data-number="1"> <h2>Umiktiniun iniakmauri kichik (Artículo 1)</h2> <p> Penker inintimsamka mash aintsti ankan, metekrin nuya nii penkerin takakui nii akiniamunmaya tu ausamti arantukmau atinuitji mai metekrak. </p> </article> <article data-number="2"> <h2>Umiktiniun iniakmauri jimiar (Artículo 2)</h2> <p> Juu chithamnumka mash aintnau ayamprumaktin takakji warinmaksha pase inintimtunitsuk, jirkauri, niniu unuimiarmaurijaish nuya kich chichamjaish, mai metek armi tamawiti. </p> <p> Nusisan achuar mash nunkanam niisha pujuiniaausha, ni juntri umirin asar, maanitiuk, kajernaitsuk, mai meték ayamprunikiar pénker pujusartin aíniawai. </p> </article> <article data-number="3"> <h2>Umiktiniun iniakmauri kampatam (Artículo 3)</h2> <p> Mash aintsti takakji iniu iwiakrriauri, akan pujustin nuya pénker wainkamu atiniutji </p> </article> <article data-number="4"> <h2>Umiktiniun iniakmauri yachintiuk (Artículo 4)</h2> <p>Aintsti kajerkamu nuya iniarmau pujustin atsaji nuka pénker surimkamuiti.</p> </article> <article data-number="5"> <h2>Umiktiniun iniakmauri Uwej (Artículo 5)</h2> <p>Yaksha asutramu, epenmiau, nuya yajasmauwa ainin jismau achatniuitji</p> </article> <article data-number="6"> <h2>Umiktiniun iniakmauri Irúk (Artículo 6)</h2> <p>Mash aintsti iniu takakji tuwinsha páant nekamu nuya kirakmamu atiniutji</p> </article> <article data-number="7"> <h2>Umíktiniun iniakmauri jimiaruk (Artículo 7)</h2> <p> Umiktin kirakjai jismasha mash metekraitji nuya mash ayamprukmau atin yash menankichmau achatniuiti. </p> </article> <article data-number="8"> <h2>Umiktiniun iniakmauri mena (Artículo 8)</h2> <p> Mash aintsti iniu ayamprumaktin takakji juunt iruntramunam nuya ayamkar iniu ayamprumaktin kirakmamun uminiachmati. </p> </article> <article data-number="9"> <h2>Umiktiniun iniakmauri Ipiak (Artículo 9)</h2> <p> Yaksha kakarmajai achikiar jea tanishmarmaunam epenmiau nuya asutramu archátnuiti. </p> </article> <article data-number="10"> <h2>Umiktiniun iniakmauri maiwej (Artículo 10)</h2> <p> Mash aintsti iniu ayamprumaktin takakjimetekrak anturnaikiatin nuya umirnaikitin tura aintsan wari chicham akuisha penker nekarnaiya iwiaratin. </p> </article> <article data-number="11"> <h2>Umiktiniun iniakmauri maiwej kichik (Artículo 11)</h2> <ol> <li> <p> Mash aintsti iniu takakji ayamprumaktin warinsha najanachu arinink nankamir tsanumamu akur, umiktin kirak najanamu ayamprutmaji, pant nekamu nuya penker iwiarama juakat tinia. </p> </li> <li> <p> Umiktin kirakjai jisam warish atsau wainiatur yaksha pase umakmau atsutnuiti nuya aintsan nuna pase najanatin atsawai. </p> </li> </ol> </article> <article data-number="12"> <h2>Umiktiniun iniakmauri Maiwej jipiar (Artículo 12)</h2> <p> Yaksha nii iwiakmaurin, nii weurijiai ni jeent pujau nuya tuwinsha pujau pase umakmau nuya aintsan kajerkamu awatramu achatnuiti nuna ayamprutmaji umiktin kirak najanmauka. </p> </article> <article data-number="13"> <h2>Umiktiniun iniakmauri maiwej kampatam (Artículo 13)</h2> <ol> <li> <p> Juu nunkanmanka mash aintsti iniu takakji ankan ii wakeramu wekasatin, irastin nuya aintsan ii pujustin wainkatin. </p> </li> <li> <p> Mash aintsti iniutakakji yajaa nunkanam irastin, ii nunkencha nuya aintsank irasar iniu nunken waketkir pujustiniun. </p> </li> </ol> </article> <article data-number="14"> <h2>Umiktiniun iniakmauri maiwej yachintiuk. (Artículo 14)</h2> <ol> <li> <p> Tuwinsha turachkunka yajaa nunkanmasha uwempratin takakji aya neachmau kajerkamu nuya apapekmau akur. </p> </li> <li> <p> Juu ayamprumamuka umiktin kirak nuya juunt iruntrau chichamen umikchata tachamuiti, antsu chicham iwiarmaman uwemtikramji. </p> </li> </ol> </article> <article data-number="15"> <h2>Umiktiniun iniakmauri maiwej uwej (Artículo 15)</h2> <ol> <li> <p>Mash aintsti takakji iniu pujamuri nekamu atín.</p> </li> <li> <p> Yaksh niniu suritkamu atsui nii pujamu nunkanam nuya aintsan yajaa nunkanam pujustin. </p> </li> </ol> </article> <article data-number="16"> <h2>Umiktiniun iniakmauri maiwej Irak (Artículo 16)</h2> <ol> <li> <p> Uchi natsmaru nuya nuwa nawanmaru nii nuwatnaikiar pujustlnlun yaksha suritkashtiniuti, antsu niniuka nuwatnaik warasar pujustin nuya ni tsaniakmaurijai ajapnayatin nuka nii inintin ainiawai. </p> </li> <li> <p>Antsu ninki anajmanirmaujai penker anturnainiak nuwatnaikiatin awai</p> </li> <li> <p> li weuka arutam amasmawiti nuya shirmaiti juuiwiakmaunum tura aintsan takakji iniu ayamprukmau atin juu iwiakmaunum nuya juu nunkanam. </p> </li> </ol> </article> <article data-number="17"> <h2>Umiktiniun iniakmaueri maiwej jimiairuk (Artículo 17)</h2> <ol> <li> <p>Mash aintsti takakji iniu, iniuk nuya mashnau jimiastin,</p> </li> <li> <p>Yaksha ni takakmau takustin suritkamu atsawai.</p> </li> </ol> </article> <article data-number="18"> <h2>Umiktiniun iniakmauri maiwej mena (Artículo 18)</h2> <p> Mash aintsti iniu takakji ankan inintimratin, nuya arutam umirkatin tura aintsan iniuka awai iik yapajniatin yash tachamaitiatur ii inintimtairincha nuya arutam umirkatniunmasha turakur páant awajkitn iniuk tura mashnum nekamu arat tusar. </p> </article> <article data-number="19"> <h2>Umiktiniun iniakmauri maiwej ipiak (Artículo 19)</h2> <p> Mash aintsti iniu takakji ankan ii inintimmau nuya chichaktin nuya aintsan mash aintsti inintinmau pase ·umakmau nuya ekekar etseramu atsutnuiti. </p> </article> <article data-number="20"> <h2>Umiktiniun iniakmauri mai nawe (Artículo 20)</h2> <ol> <li> <p> Mash aintstí iniu takakji akan iruntratin nuya shiram kawenkar chicham iwiarmau </p> </li> <li> <p>Yash utsukchamuiti kich iruntramunam wetiniun.</p> </li> </ol> </article> <article data-number="21"> <h2>Umiktiniun iniakmauri mai nawe kichik (Artículo 21)</h2> <ol> <li> <p>Mash aintsti iniu takakji ii nunken juunt naamkatin nusha iruntrau chichamejai.</p> </li> <li> <p> Mash aintsti iiniu takakji tuwisha takakmastin nusha juu nunkanam paant nekamu </p> </li> <li> <p> Aints iruntrau kakarmarijiai juuntri naamkatin jeaji. nuu kakaram susamuakur nekas juntri atatji, tura aintsan ii inintimmau iniaikiatnuiti. </p> </li> </ol> </article> <article data-number="22"> <h2>Umiktiniun iniakmauri mai nawe jimiar (Artículo 22)</h2> <p> Mash aintsti iniu takakji juu iwiakmaunum pujau asar penker wainkamu atin tu asamti penker wainkamu atiniutji kich iruntrarusha yainmau warasar pujustatji mash yainmau akik chichamnum, nuya penker pujustin turakur emkir wetin ii iwiakmaurin. </p> </article> <article data-number="23"> <h2>Umiktiniun iniakmauri mai nawe kampatam (Artículo 23)</h2> <ol> <li> <p> Mash aintsti iniu takakji takakmastin wari takata wakeraji nuwi takakmakur warasar pujaji turakur takatrinchau pujatsji iiiwiakmaunum: </p> </li> <li> <p>Mash aintsti iniu takakji, yash menankichmau mai metek akik wainkatin aji</p> </li> <li> <p> li takakmamunam penker nuya mai metek akikmau atinuiti turakur ii weujisha warasar pujustin tura aintsan penke kakaram uyumakrinkia iruntrau yainmau aartinuitji </p> </li> <li> <p> Mash aintsti iniu takakji iruntratin nuya iruntraunam achikiatin iniu ayamprumaktasar. </p> </li> </ol> </article> <article data-number="24"> <h2>Umiktiniun iniakmauri mai nawe yachintiuk. (Artículo 24)</h2> <p> Mash aintsti iniu takakji ayamratin, warastin akan amaunum nuya aintsank takakmastin nuya ayampratin kintia tesarmau atiriuiti. </p> </article> <article data-number="25"> <h2>Umiktiniun iniakmauri mai nawe uwej (Artículo 25)</h2> <ol> <li> <p> Mash aintsti iniu takakji penker pujustin ii weujai timia nekaska yurumkanam, ewejmaknum, tsuamatiniam, jea takustin nuya mashnum yainmau atinuiti tura aintsan junmasakrin, wajemawakrin nuya ii namanken pasemarakrin yainkmau atin takakji. </p> </li> <li> <p> Nuwa wakentin nuya uchi niniun takakui penker wainkamu nuya yainmau atin nuya aintsan mash uchi niniun takuiniakui penker wainkamu atin nuatnaikiar nuya ikian pujusarakiamu akusha. </p> </li> </ol> </article> <article data-number="26"> <h2>Umiktiriiun iniakmauri mai nawe iruk (Artículo 26)</h2> <ol> <li> <p> Mash aints niniun takuiniakui unuimiartin tura aintsan akikmatkachmau unuimiatnumka unuimiatinuiti nuya aintsan mashnum niniun takakui uchi, natsa, juunt unuimiatiniam unuimiartiniun. </p> </li> <li> <p> Unuimiartinka takakui nii penkerin, aintstikia unuimiakir weakur iwiarnaji ii penkerin nuamtaik aintsti arantuniktin, warutam kich aints nuya kich iruntrau irunkuish tuke. arantukmau atinuiti tura aintsar takakmakir weakur juunt nunkanmaya iruntraru yaiminiúash paant awasatatji. </p> </li> <li> <p>liniu aparinkia niniun takakui nii wakeramunam uchirin unuiniartin</p> </li> </ol> </article> <article data-number="27"> <h2>Umiktiniun iniakmauri mai nawe jimiairuk (Artículo 27)</h2> <ol> <li> <p> Mash aintsti iniu takakji ii wakeramujai pujustin irutkamunam, irutkamu chichame umiakur warinmash mash yainmau atatji takat nuya unuimiartin chichamnum. </p> </li> <li> <p> Mash aintsti iniu takakji warinmash yainmau atin, inintimmaunum nuya aintsan takatnum turasha juu takatnum unuimiartin, kirák najankatin nuya takakmati chichamnun turakur ii nurintin najanartatji. </p> </li> </ol> </article> <article data-number="28"> <h2>Umiktiniun iniakmauri mai nawe mena (Artículo 28)</h2> <p> Mash aintsti wakeraji iniu ayamprumaktin páant nekamu ati mash nunkanam nuya yaja nunkanmasha. </p> </article> <article data-number="29"> <h2>Umiktiniun iniakmauri mai nawe ipiak. (Artículo 29)</h2> <ol> <li> <p> Mash aintsti umiktin takakji irutkamu arantuktin ii penker tsakartiniun suramu asakui. </p> </li> <li> <p> liniu umiakur warasar pujakrisha tuke umiktinuitji umiktin kirak najanamuka turakur páant nekamu atátji kich aintsush arantakur warasar pujustatji tura aintsaík aintsun umintikniush nuya aints iruntraush waramtikji </p> </li> <li> <p> liniu warasar pujamuka anajmarar wari takatash najanmau atsawai antsu yaja nunkanmaya iruntraru inintimmauka aintsnau páant awajsata tamauwiti. </p> </li> </ol> </article> <article data-number="30"> <h2>Umiktiniun iniakmauri kampatam nawe. (Artículo 30)</h2> <p> Juu takat emtikmauka pase inintimchamuiti antsu juu takatka aintsti Inlu takakmau páant awajsamu nuya arantukmau ati mash nunkanam tamauwiti. </p> </article> </body> </html>