import type { Chapter } from '../../types.js'

// Bal Kand (काण्ड 1) of Tulsidas's Ramcharitmanas (Awadhi) — 361
// doha-numbered segments, verbatim Devanagari from the public-domain (Unlicense)
// WirelessAlien/Ramcharitmanas dataset (main/data/verses/balkanda.json), whitespace
// normalised only. A best-effort Awadhi IAST is layered on every segment;
// researched English prose + Hindi bhāvārtha are later passes. See SOURCES.md.
const balKand: Chapter = {
  number: 1,
  titleEnglish: "Bal Kand",
  titleSanskrit: "बालकाण्ड",
  titleHindi: "बालकाण्ड",
  verses: [
    { devanagari: "चौपाई\nबंदउ गुरु पद पदुम परागा। सुरुचि सुबास सरस अनुरागा।।\nअमिय मूरिमय चूरन चारू। समन सकल भव रुज परिवारू।।\nसुकृति संभु तन बिमल बिभूती। मंजुल मंगल मोद प्रसूती।।\nजन मन मंजु मुकुर मल हरनी। किएँ तिलक गुन गन बस करनी।।\nश्रीगुर पद नख मनि गन जोती। सुमिरत दिब्य द्रृष्टि हियँ होती।।\nदलन मोह तम सो सप्रकासू। बड़े भाग उर आवइ जासू।।\nउघरहिं बिमल बिलोचन ही के। मिटहिं दोष दुख भव रजनी के।।\nसूझहिं राम चरित मनि मानिक। गुपुत प्रगट जहँ जो जेहि खानिक।।\nदोहा/सोरठा\nजथा सुअंजन अंजि दृग साधक सिद्ध सुजान।\nकौतुक देखत सैल बन भूतल भूरि निधान।।1।।", iast: "caupāī\nbaṃdau guru pada paduma parāgā| suruci subāsa sarasa anurāgā||\namiya mūrimaya cūrana cārū| samana sakala bhava ruja parivārū||\nsukṛti saṃbhu tana bimala bibhūtī| maṃjula maṃgala moda prasūtī||\njana mana maṃju mukura mala haranī| kie~ tilaka guna gana basa karanī||\nśrīgura pada nakha mani gana jotī| sumirata dibya drṛṣṭi hiya~ hotī||\ndalana moha tama so saprakāsū| baṛe bhāga ura āvai jāsū||\nugharahiṃ bimala bilocana hī ke| miṭahiṃ doṣa dukha bhava rajanī ke||\nsūjhahiṃ rāma carita mani mānika| guputa pragaṭa jaha~ jo jehi khānika||\ndohā/soraṭhā\njathā suaṃjana aṃji dṛga sādhaka siddha sujāna|\nkautuka dekhata saila bana bhūtala bhūri nidhāna||1||" },
    { devanagari: "चौपाई\nगुरु पद रज मृदु मंजुल अंजन। नयन अमिअ दृग दोष बिभंजन।।\nतेहिं करि बिमल बिबेक बिलोचन। बरनउँ राम चरित भव मोचन।।\nबंदउँ प्रथम महीसुर चरना। मोह जनित संसय सब हरना।।\nसुजन समाज सकल गुन खानी। करउँ प्रनाम सप्रेम सुबानी।।\nसाधु चरित सुभ चरित कपासू। निरस बिसद गुनमय फल जासू।।\nजो सहि दुख परछिद्र दुरावा। बंदनीय जेहिं जग जस पावा।।\nमुद मंगलमय संत समाजू। जो जग जंगम तीरथराजू।।\nराम भक्ति जहँ सुरसरि धारा। सरसइ ब्रह्म बिचार प्रचारा।।\nबिधि निषेधमय कलि मल हरनी। करम कथा रबिनंदनि बरनी।।\nहरि हर कथा बिराजति बेनी। सुनत सकल मुद मंगल देनी।।\nबटु बिस्वास अचल निज धरमा। तीरथराज समाज सुकरमा।।\nसबहिं सुलभ सब दिन सब देसा। सेवत सादर समन कलेसा।।\nअकथ अलौकिक तीरथराऊ। देइ सद्य फल प्रगट प्रभाऊ।।\nदोहा/सोरठा\nसुनि समुझहिं जन मुदित मन मज्जहिं अति अनुराग।\nलहहिं चारि फल अछत तनु साधु समाज प्रयाग।।2।।", iast: "caupāī\nguru pada raja mṛdu maṃjula aṃjana| nayana amia dṛga doṣa bibhaṃjana||\ntehiṃ kari bimala bibeka bilocana| baranau~ rāma carita bhava mocana||\nbaṃdau~ prathama mahīsura caranā| moha janita saṃsaya saba haranā||\nsujana samāja sakala guna khānī| karau~ pranāma saprema subānī||\nsādhu carita subha carita kapāsū| nirasa bisada gunamaya phala jāsū||\njo sahi dukha parachidra durāvā| baṃdanīya jehiṃ jaga jasa pāvā||\nmuda maṃgalamaya saṃta samājū| jo jaga jaṃgama tīratharājū||\nrāma bhakti jaha~ surasari dhārā| sarasai brahma bicāra pracārā||\nbidhi niṣedhamaya kali mala haranī| karama kathā rabinaṃdani baranī||\nhari hara kathā birājati benī| sunata sakala muda maṃgala denī||\nbaṭu bisvāsa acala nija dharamā| tīratharāja samāja sukaramā||\nsabahiṃ sulabha saba dina saba desā| sevata sādara samana kalesā||\nakatha alaukika tīratharāū| dei sadya phala pragaṭa prabhāū||\ndohā/soraṭhā\nsuni samujhahiṃ jana mudita mana majjahiṃ ati anurāga|\nlahahiṃ cāri phala achata tanu sādhu samāja prayāga||2||" },
    { devanagari: "चौपाई\nमज्जन फल पेखिअ ततकाला। काक होहिं पिक बकउ मराला।।\nसुनि आचरज करै जनि कोई। सतसंगति महिमा नहिं गोई।।\nबालमीक नारद घटजोनी। निज निज मुखनि कही निज होनी।।\nजलचर थलचर नभचर नाना। जे जड़ चेतन जीव जहाना।।\nमति कीरति गति भूति भलाई। जब जेहिं जतन जहाँ जेहिं पाई।।\nसो जानब सतसंग प्रभाऊ। लोकहुँ बेद न आन उपाऊ।।\nबिनु सतसंग बिबेक न होई। राम कृपा बिनु सुलभ न सोई।।\nसतसंगत मुद मंगल मूला। सोइ फल सिधि सब साधन फूला।।\nसठ सुधरहिं सतसंगति पाई। पारस परस कुधात सुहाई।।\nबिधि बस सुजन कुसंगत परहीं। फनि मनि सम निज गुन अनुसरहीं।।\nबिधि हरि हर कबि कोबिद बानी। कहत साधु महिमा सकुचानी।।\nसो मो सन कहि जात न कैसें। साक बनिक मनि गुन गन जैसें।।\nदोहा/सोरठा\nबंदउँ संत समान चित हित अनहित नहिं कोइ।\nअंजलि गत सुभ सुमन जिमि सम सुगंध कर दोइ।।3(क)।।\nसंत सरल चित जगत हित जानि सुभाउ सनेहु।\nबालबिनय सुनि करि कृपा राम चरन रति देहु।।3(ख)।।", iast: "caupāī\nmajjana phala pekhia tatakālā| kāka hohiṃ pika bakau marālā||\nsuni ācaraja karai jani koī| satasaṃgati mahimā nahiṃ goī||\nbālamīka nārada ghaṭajonī| nija nija mukhani kahī nija honī||\njalacara thalacara nabhacara nānā| je jaṛa cetana jīva jahānā||\nmati kīrati gati bhūti bhalāī| jaba jehiṃ jatana jahā~ jehiṃ pāī||\nso jānaba satasaṃga prabhāū| lokahu~ beda na āna upāū||\nbinu satasaṃga bibeka na hoī| rāma kṛpā binu sulabha na soī||\nsatasaṃgata muda maṃgala mūlā| soi phala sidhi saba sādhana phūlā||\nsaṭha sudharahiṃ satasaṃgati pāī| pārasa parasa kudhāta suhāī||\nbidhi basa sujana kusaṃgata parahīṃ| phani mani sama nija guna anusarahīṃ||\nbidhi hari hara kabi kobida bānī| kahata sādhu mahimā sakucānī||\nso mo sana kahi jāta na kaiseṃ| sāka banika mani guna gana jaiseṃ||\ndohā/soraṭhā\nbaṃdau~ saṃta samāna cita hita anahita nahiṃ koi|\naṃjali gata subha sumana jimi sama sugaṃdha kara doi||3(ka)||\nsaṃta sarala cita jagata hita jāni subhāu sanehu|\nbālabinaya suni kari kṛpā rāma carana rati dehu||3(kha)||" },
    { devanagari: "चौपाई\nबहुरि बंदि खल गन सतिभाएँ। जे बिनु काज दाहिनेहु बाएँ।।\nपर हित हानि लाभ जिन्ह केरें। उजरें हरष बिषाद बसेरें।।\nहरि हर जस राकेस राहु से। पर अकाज भट सहसबाहु से।।\nजे पर दोष लखहिं सहसाखी। पर हित घृत जिन्ह के मन माखी।।\nतेज कृसानु रोष महिषेसा। अघ अवगुन धन धनी धनेसा।।\nउदय केत सम हित सबही के। कुंभकरन सम सोवत नीके।।\nपर अकाजु लगि तनु परिहरहीं। जिमि हिम उपल कृषी दलि गरहीं।।\nबंदउँ खल जस सेष सरोषा। सहस बदन बरनइ पर दोषा।।\nपुनि प्रनवउँ पृथुराज समाना। पर अघ सुनइ सहस दस काना।।\nबहुरि सक्र सम बिनवउँ तेही। संतत सुरानीक हित जेही।।\nबचन बज्र जेहि सदा पिआरा। सहस नयन पर दोष निहारा।।\nदोहा/सोरठा\nउदासीन अरि मीत हित सुनत जरहिं खल रीति।\nजानि पानि जुग जोरि जन बिनती करइ सप्रीति।।4।।", iast: "caupāī\nbahuri baṃdi khala gana satibhāe~| je binu kāja dāhinehu bāe~||\npara hita hāni lābha jinha kereṃ| ujareṃ haraṣa biṣāda basereṃ||\nhari hara jasa rākesa rāhu se| para akāja bhaṭa sahasabāhu se||\nje para doṣa lakhahiṃ sahasākhī| para hita ghṛta jinha ke mana mākhī||\nteja kṛsānu roṣa mahiṣesā| agha avaguna dhana dhanī dhanesā||\nudaya keta sama hita sabahī ke| kuṃbhakarana sama sovata nīke||\npara akāju lagi tanu pariharahīṃ| jimi hima upala kṛṣī dali garahīṃ||\nbaṃdau~ khala jasa seṣa saroṣā| sahasa badana baranai para doṣā||\npuni pranavau~ pṛthurāja samānā| para agha sunai sahasa dasa kānā||\nbahuri sakra sama binavau~ tehī| saṃtata surānīka hita jehī||\nbacana bajra jehi sadā piārā| sahasa nayana para doṣa nihārā||\ndohā/soraṭhā\nudāsīna ari mīta hita sunata jarahiṃ khala rīti|\njāni pāni juga jori jana binatī karai saprīti||4||" },
    { devanagari: "चौपाई\nमैं अपनी दिसि कीन्ह निहोरा। तिन्ह निज ओर न लाउब भोरा।।\nबायस पलिअहिं अति अनुरागा। होहिं निरामिष कबहुँ कि कागा।।\nबंदउँ संत असज्जन चरना। दुखप्रद उभय बीच कछु बरना।।\nबिछुरत एक प्रान हरि लेहीं। मिलत एक दुख दारुन देहीं।।\nउपजहिं एक संग जग माहीं। जलज जोंक जिमि गुन बिलगाहीं।।\nसुधा सुरा सम साधू असाधू। जनक एक जग जलधि अगाधू।।\nभल अनभल निज निज करतूती। लहत सुजस अपलोक बिभूती।।\nसुधा सुधाकर सुरसरि साधू। गरल अनल कलिमल सरि ब्याधू।।\nगुन अवगुन जानत सब कोई। जो जेहि भाव नीक तेहि सोई।।\nदोहा/सोरठा\nभलो भलाइहि पै लहइ लहइ निचाइहि नीचु।\nसुधा सराहिअ अमरताँ गरल सराहिअ मीचु।।5।।", iast: "caupāī\nmaiṃ apanī disi kīnha nihorā| tinha nija ora na lāuba bhorā||\nbāyasa paliahiṃ ati anurāgā| hohiṃ nirāmiṣa kabahu~ ki kāgā||\nbaṃdau~ saṃta asajjana caranā| dukhaprada ubhaya bīca kachu baranā||\nbichurata eka prāna hari lehīṃ| milata eka dukha dāruna dehīṃ||\nupajahiṃ eka saṃga jaga māhīṃ| jalaja joṃka jimi guna bilagāhīṃ||\nsudhā surā sama sādhū asādhū| janaka eka jaga jaladhi agādhū||\nbhala anabhala nija nija karatūtī| lahata sujasa apaloka bibhūtī||\nsudhā sudhākara surasari sādhū| garala anala kalimala sari byādhū||\nguna avaguna jānata saba koī| jo jehi bhāva nīka tehi soī||\ndohā/soraṭhā\nbhalo bhalāihi pai lahai lahai nicāihi nīcu|\nsudhā sarāhia amaratā~ garala sarāhia mīcu||5||" },
    { devanagari: "चौपाई\nखल अघ अगुन साधू गुन गाहा। उभय अपार उदधि अवगाहा।।\nतेहि तें कछु गुन दोष बखाने। संग्रह त्याग न बिनु पहिचाने।।\nभलेउ पोच सब बिधि उपजाए। गनि गुन दोष बेद बिलगाए।।\nकहहिं बेद इतिहास पुराना। बिधि प्रपंचु गुन अवगुन साना।।\nदुख सुख पाप पुन्य दिन राती। साधु असाधु सुजाति कुजाती।।\nदानव देव ऊँच अरु नीचू। अमिअ सुजीवनु माहुरु मीचू।।\nमाया ब्रह्म जीव जगदीसा। लच्छि अलच्छि रंक अवनीसा।।\nकासी मग सुरसरि क्रमनासा। मरु मारव महिदेव गवासा।।\nसरग नरक अनुराग बिरागा। निगमागम गुन दोष बिभागा।।\nदोहा/सोरठा\nजड़ चेतन गुन दोषमय बिस्व कीन्ह करतार।\nसंत हंस गुन गहहिं पय परिहरि बारि बिकार।।6।।", iast: "caupāī\nkhala agha aguna sādhū guna gāhā| ubhaya apāra udadhi avagāhā||\ntehi teṃ kachu guna doṣa bakhāne| saṃgraha tyāga na binu pahicāne||\nbhaleu poca saba bidhi upajāe| gani guna doṣa beda bilagāe||\nkahahiṃ beda itihāsa purānā| bidhi prapaṃcu guna avaguna sānā||\ndukha sukha pāpa punya dina rātī| sādhu asādhu sujāti kujātī||\ndānava deva ū~ca aru nīcū| amia sujīvanu māhuru mīcū||\nmāyā brahma jīva jagadīsā| lacchi alacchi raṃka avanīsā||\nkāsī maga surasari kramanāsā| maru mārava mahideva gavāsā||\nsaraga naraka anurāga birāgā| nigamāgama guna doṣa bibhāgā||\ndohā/soraṭhā\njaṛa cetana guna doṣamaya bisva kīnha karatāra|\nsaṃta haṃsa guna gahahiṃ paya parihari bāri bikāra||6||" },
    { devanagari: "चौपाई\nअस बिबेक जब देइ बिधाता। तब तजि दोष गुनहिं मनु राता।।\nकाल सुभाउ करम बरिआई। भलेउ प्रकृति बस चुकइ भलाई।।\nसो सुधारि हरिजन जिमि लेहीं। दलि दुख दोष बिमल जसु देहीं।।\nखलउ करहिं भल पाइ सुसंगू। मिटइ न मलिन सुभाउ अभंगू।।\nलखि सुबेष जग बंचक जेऊ। बेष प्रताप पूजिअहिं तेऊ।।\nउधरहिं अंत न होइ निबाहू। कालनेमि जिमि रावन राहू।।\nकिएहुँ कुबेष साधु सनमानू। जिमि जग जामवंत हनुमानू।।\nहानि कुसंग सुसंगति लाहू। लोकहुँ बेद बिदित सब काहू।।\nगगन चढ़इ रज पवन प्रसंगा। कीचहिं मिलइ नीच जल संगा।।\nसाधु असाधु सदन सुक सारीं। सुमिरहिं राम देहिं गनि गारी।।\nधूम कुसंगति कारिख होई। लिखिअ पुरान मंजु मसि सोई।।\nसोइ जल अनल अनिल संघाता। होइ जलद जग जीवन दाता।।\nदोहा/सोरठा\nग्रह भेषज जल पवन पट पाइ कुजोग सुजोग।\nहोहि कुबस्तु सुबस्तु जग लखहिं सुलच्छन लोग।।7(क)।।\nसम प्रकास तम पाख दुहुँ नाम भेद बिधि कीन्ह।\nससि सोषक पोषक समुझि जग जस अपजस दीन्ह।।7(ख)।।\nजड़ चेतन जग जीव जत सकल राममय जानि।\nबंदउँ सब के पद कमल सदा जोरि जुग पानि।।7(ग)।।\nदेव दनुज नर नाग खग प्रेत पितर गंधर्ब।\nबंदउँ किंनर रजनिचर कृपा करहु अब सर्ब।।7(घ)।।", iast: "caupāī\nasa bibeka jaba dei bidhātā| taba taji doṣa gunahiṃ manu rātā||\nkāla subhāu karama bariāī| bhaleu prakṛti basa cukai bhalāī||\nso sudhāri harijana jimi lehīṃ| dali dukha doṣa bimala jasu dehīṃ||\nkhalau karahiṃ bhala pāi susaṃgū| miṭai na malina subhāu abhaṃgū||\nlakhi subeṣa jaga baṃcaka jeū| beṣa pratāpa pūjiahiṃ teū||\nudharahiṃ aṃta na hoi nibāhū| kālanemi jimi rāvana rāhū||\nkiehu~ kubeṣa sādhu sanamānū| jimi jaga jāmavaṃta hanumānū||\nhāni kusaṃga susaṃgati lāhū| lokahu~ beda bidita saba kāhū||\ngagana caṛhi raja pavana prasaṃgā| kīcahiṃ milai nīca jala saṃgā||\nsādhu asādhu sadana suka sārīṃ| sumirahiṃ rāma dehiṃ gani gārī||\ndhūma kusaṃgati kārikha hoī| likhia purāna maṃju masi soī||\nsoi jala anala anila saṃghātā| hoi jalada jaga jīvana dātā||\ndohā/soraṭhā\ngraha bheṣaja jala pavana paṭa pāi kujoga sujoga|\nhohi kubastu subastu jaga lakhahiṃ sulacchana loga||7(ka)||\nsama prakāsa tama pākha duhu~ nāma bheda bidhi kīnha|\nsasi soṣaka poṣaka samujhi jaga jasa apajasa dīnha||7(kha)||\njaṛa cetana jaga jīva jata sakala rāmamaya jāni|\nbaṃdau~ saba ke pada kamala sadā jori juga pāni||7(ga)||\ndeva danuja nara nāga khaga preta pitara gaṃdharba|\nbaṃdau~ kiṃnara rajanicara kṛpā karahu aba sarba||7(gha)||" },
    { devanagari: "चौपाई\nआकर चारि लाख चौरासी। जाति जीव जल थल नभ बासी।।\nसीय राममय सब जग जानी। करउँ प्रनाम जोरि जुग पानी।।\nजानि कृपाकर किंकर मोहू। सब मिलि करहु छाड़ि छल छोहू।।\nनिज बुधि बल भरोस मोहि नाहीं। तातें बिनय करउँ सब पाही।।\nकरन चहउँ रघुपति गुन गाहा। लघु मति मोरि चरित अवगाहा।।\nसूझ न एकउ अंग उपाऊ। मन मति रंक मनोरथ राऊ।।\nमति अति नीच ऊँचि रुचि आछी। चहिअ अमिअ जग जुरइ न छाछी।।\nछमिहहिं सज्जन मोरि ढिठाई। सुनिहहिं बालबचन मन लाई।।\nजौ बालक कह तोतरि बाता। सुनहिं मुदित मन पितु अरु माता।।\nहँसिहहि कूर कुटिल कुबिचारी। जे पर दूषन भूषनधारी।।\nनिज कवित केहि लाग न नीका। सरस होउ अथवा अति फीका।।\nजे पर भनिति सुनत हरषाही। ते बर पुरुष बहुत जग नाहीं।।\nजग बहु नर सर सरि सम भाई। जे निज बाढ़ि बढ़हिं जल पाई।।\nसज्जन सकृत सिंधु सम कोई। देखि पूर बिधु बाढ़इ जोई।।\nदोहा/सोरठा\nभाग छोट अभिलाषु बड़ करउँ एक बिस्वास।\nपैहहिं सुख सुनि सुजन सब खल करहहिं उपहास।।8।।", iast: "caupāī\nākara cāri lākha caurāsī| jāti jīva jala thala nabha bāsī||\nsīya rāmamaya saba jaga jānī| karau~ pranāma jori juga pānī||\njāni kṛpākara kiṃkara mohū| saba mili karahu chāṛi chala chohū||\nnija budhi bala bharosa mohi nāhīṃ| tāteṃ binaya karau~ saba pāhī||\nkarana cahau~ raghupati guna gāhā| laghu mati mori carita avagāhā||\nsūjha na ekau aṃga upāū| mana mati raṃka manoratha rāū||\nmati ati nīca ū~ci ruci āchī| cahia amia jaga jurai na chāchī||\nchamihahiṃ sajjana mori ḍhiṭhāī| sunihahiṃ bālabacana mana lāī||\njau bālaka kaha totari bātā| sunahiṃ mudita mana pitu aru mātā||\nha~sihahi kūra kuṭila kubicārī| je para dūṣana bhūṣanadhārī||\nnija kavita kehi lāga na nīkā| sarasa hou athavā ati phīkā||\nje para bhaniti sunata haraṣāhī| te bara puruṣa bahuta jaga nāhīṃ||\njaga bahu nara sara sari sama bhāī| je nija bāṛhi baṛhahiṃ jala pāī||\nsajjana sakṛta siṃdhu sama koī| dekhi pūra bidhu bāṛhi joī||\ndohā/soraṭhā\nbhāga choṭa abhilāṣu baṛa karau~ eka bisvāsa|\npaihahiṃ sukha suni sujana saba khala karahahiṃ upahāsa||8||" },
    { devanagari: "चौपाई\nखल परिहास होइ हित मोरा। काक कहहिं कलकंठ कठोरा।।\nहंसहि बक दादुर चातकही। हँसहिं मलिन खल बिमल बतकही।।\nकबित रसिक न राम पद नेहू। तिन्ह कहँ सुखद हास रस एहू।।\nभाषा भनिति भोरि मति मोरी। हँसिबे जोग हँसें नहिं खोरी।।\nप्रभु पद प्रीति न सामुझि नीकी। तिन्हहि कथा सुनि लागहि फीकी।।\nहरि हर पद रति मति न कुतरकी। तिन्ह कहुँ मधुर कथा रघुवर की।।\nराम भगति भूषित जियँ जानी। सुनिहहिं सुजन सराहि सुबानी।।\nकबि न होउँ नहिं बचन प्रबीनू। सकल कला सब बिद्या हीनू।।\nआखर अरथ अलंकृति नाना। छंद प्रबंध अनेक बिधाना।।\nभाव भेद रस भेद अपारा। कबित दोष गुन बिबिध प्रकारा।।\nकबित बिबेक एक नहिं मोरें। सत्य कहउँ लिखि कागद कोरे।।\nदोहा/सोरठा\nभनिति मोरि सब गुन रहित बिस्व बिदित गुन एक।\nसो बिचारि सुनिहहिं सुमति जिन्ह कें बिमल बिवेक।।9।।", iast: "caupāī\nkhala parihāsa hoi hita morā| kāka kahahiṃ kalakaṃṭha kaṭhorā||\nhaṃsahi baka dādura cātakahī| ha~sahiṃ malina khala bimala batakahī||\nkabita rasika na rāma pada nehū| tinha kaha~ sukhada hāsa rasa ehū||\nbhāṣā bhaniti bhori mati morī| ha~sibe joga ha~seṃ nahiṃ khorī||\nprabhu pada prīti na sāmujhi nīkī| tinhahi kathā suni lāgahi phīkī||\nhari hara pada rati mati na kutarakī| tinha kahu~ madhura kathā raghuvara kī||\nrāma bhagati bhūṣita jiya~ jānī| sunihahiṃ sujana sarāhi subānī||\nkabi na hou~ nahiṃ bacana prabīnū| sakala kalā saba bidyā hīnū||\nākhara aratha alaṃkṛti nānā| chaṃda prabaṃdha aneka bidhānā||\nbhāva bheda rasa bheda apārā| kabita doṣa guna bibidha prakārā||\nkabita bibeka eka nahiṃ moreṃ| satya kahau~ likhi kāgada kore||\ndohā/soraṭhā\nbhaniti mori saba guna rahita bisva bidita guna eka|\nso bicāri sunihahiṃ sumati jinha keṃ bimala biveka||9||" },
    { devanagari: "चौपाई\nएहि महँ रघुपति नाम उदारा। अति पावन पुरान श्रुति सारा।।\nमंगल भवन अमंगल हारी। उमा सहित जेहि जपत पुरारी।।\nभनिति बिचित्र सुकबि कृत जोऊ। राम नाम बिनु सोह न सोऊ।।\nबिधुबदनी सब भाँति सँवारी। सोन न बसन बिना बर नारी।।\nसब गुन रहित कुकबि कृत बानी। राम नाम जस अंकित जानी।।\nसादर कहहिं सुनहिं बुध ताही। मधुकर सरिस संत गुनग्राही।।\nजदपि कबित रस एकउ नाही। राम प्रताप प्रकट एहि माहीं।।\nसोइ भरोस मोरें मन आवा। केहिं न सुसंग बडप्पनु पावा।।\nधूमउ तजइ सहज करुआई। अगरु प्रसंग सुगंध बसाई।।\nभनिति भदेस बस्तु भलि बरनी। राम कथा जग मंगल करनी।।", iast: "caupāī\nehi maha~ raghupati nāma udārā| ati pāvana purāna śruti sārā||\nmaṃgala bhavana amaṃgala hārī| umā sahita jehi japata purārī||\nbhaniti bicitra sukabi kṛta joū| rāma nāma binu soha na soū||\nbidhubadanī saba bhā~ti sa~vārī| sona na basana binā bara nārī||\nsaba guna rahita kukabi kṛta bānī| rāma nāma jasa aṃkita jānī||\nsādara kahahiṃ sunahiṃ budha tāhī| madhukara sarisa saṃta gunagrāhī||\njadapi kabita rasa ekau nāhī| rāma pratāpa prakaṭa ehi māhīṃ||\nsoi bharosa moreṃ mana āvā| kehiṃ na susaṃga baḍappanu pāvā||\ndhūmau tajai sahaja karuāī| agaru prasaṃga sugaṃdha basāī||\nbhaniti bhadesa bastu bhali baranī| rāma kathā jaga maṃgala karanī||" },
    { devanagari: "चौपाई\nमनि मानिक मुकुता छबि जैसी। अहि गिरि गज सिर सोह न तैसी।।\nनृप किरीट तरुनी तनु पाई। लहहिं सकल सोभा अधिकाई।।\nतैसेहिं सुकबि कबित बुध कहहीं। उपजहिं अनत अनत छबि लहहीं।।\nभगति हेतु बिधि भवन बिहाई। सुमिरत सारद आवति धाई।।\nराम चरित सर बिनु अन्हवाएँ। सो श्रम जाइ न कोटि उपाएँ।।\nकबि कोबिद अस हृदयँ बिचारी। गावहिं हरि जस कलि मल हारी।।\nकीन्हें प्राकृत जन गुन गाना। सिर धुनि गिरा लगत पछिताना।।\nहृदय सिंधु मति सीप समाना। स्वाति सारदा कहहिं सुजाना।।\nजौं बरषइ बर बारि बिचारू। होहिं कबित मुकुतामनि चारू।।\nदोहा/सोरठा\nजुगुति बेधि पुनि पोहिअहिं रामचरित बर ताग।\nपहिरहिं सज्जन बिमल उर सोभा अति अनुराग।।11।।", iast: "caupāī\nmani mānika mukutā chabi jaisī| ahi giri gaja sira soha na taisī||\nnṛpa kirīṭa tarunī tanu pāī| lahahiṃ sakala sobhā adhikāī||\ntaisehiṃ sukabi kabita budha kahahīṃ| upajahiṃ anata anata chabi lahahīṃ||\nbhagati hetu bidhi bhavana bihāī| sumirata sārada āvati dhāī||\nrāma carita sara binu anhavāe~| so śrama jāi na koṭi upāe~||\nkabi kobida asa hṛdaya~ bicārī| gāvahiṃ hari jasa kali mala hārī||\nkīnheṃ prākṛta jana guna gānā| sira dhuni girā lagata pachitānā||\nhṛdaya siṃdhu mati sīpa samānā| svāti sāradā kahahiṃ sujānā||\njauṃ baraṣai bara bāri bicārū| hohiṃ kabita mukutāmani cārū||\ndohā/soraṭhā\njuguti bedhi puni pohiahiṃ rāmacarita bara tāga|\npahirahiṃ sajjana bimala ura sobhā ati anurāga||11||" },
    { devanagari: "चौपाई\nजे जनमे कलिकाल कराला। करतब बायस बेष मराला।।\nचलत कुपंथ बेद मग छाँड़े। कपट कलेवर कलि मल भाँड़ें।।\nबंचक भगत कहाइ राम के। किंकर कंचन कोह काम के।।\nतिन्ह महँ प्रथम रेख जग मोरी। धींग धरमध्वज धंधक धोरी।।\nजौं अपने अवगुन सब कहऊँ। बाढ़इ कथा पार नहिं लहऊँ।।\nताते मैं अति अलप बखाने। थोरे महुँ जानिहहिं सयाने।।\nसमुझि बिबिधि बिधि बिनती मोरी। कोउ न कथा सुनि देइहि खोरी।।\nएतेहु पर करिहहिं जे असंका। मोहि ते अधिक ते जड़ मति रंका।।\nकबि न होउँ नहिं चतुर कहावउँ। मति अनुरूप राम गुन गावउँ।।\nकहँ रघुपति के चरित अपारा। कहँ मति मोरि निरत संसारा।।\nजेहिं मारुत गिरि मेरु उड़ाहीं। कहहु तूल केहि लेखे माहीं।।\nसमुझत अमित राम प्रभुताई। करत कथा मन अति कदराई।।\nदोहा/सोरठा\nसारद सेस महेस बिधि आगम निगम पुरान।\nनेति नेति कहि जासु गुन करहिं निरंतर गान।।12।।", iast: "caupāī\nje janame kalikāla karālā| karataba bāyasa beṣa marālā||\ncalata kupaṃtha beda maga chā~ṛe| kapaṭa kalevara kali mala bhā~ṛeṃ||\nbaṃcaka bhagata kahāi rāma ke| kiṃkara kaṃcana koha kāma ke||\ntinha maha~ prathama rekha jaga morī| dhīṃga dharamadhvaja dhaṃdhaka dhorī||\njauṃ apane avaguna saba kahaū~| bāṛhi kathā pāra nahiṃ lahaū~||\ntāte maiṃ ati alapa bakhāne| thore mahu~ jānihahiṃ sayāne||\nsamujhi bibidhi bidhi binatī morī| kou na kathā suni deihi khorī||\netehu para karihahiṃ je asaṃkā| mohi te adhika te jaṛa mati raṃkā||\nkabi na hou~ nahiṃ catura kahāvau~| mati anurūpa rāma guna gāvau~||\nkaha~ raghupati ke carita apārā| kaha~ mati mori nirata saṃsārā||\njehiṃ māruta giri meru uṛāhīṃ| kahahu tūla kehi lekhe māhīṃ||\nsamujhata amita rāma prabhutāī| karata kathā mana ati kadarāī||\ndohā/soraṭhā\nsārada sesa mahesa bidhi āgama nigama purāna|\nneti neti kahi jāsu guna karahiṃ niraṃtara gāna||12||" },
    { devanagari: "चौपाई\nसब जानत प्रभु प्रभुता सोई। तदपि कहें बिनु रहा न कोई।।\nतहाँ बेद अस कारन राखा। भजन प्रभाउ भाँति बहु भाषा।।\nएक अनीह अरूप अनामा। अज सच्चिदानंद पर धामा।।\nब्यापक बिस्वरूप भगवाना। तेहिं धरि देह चरित कृत नाना।।\nसो केवल भगतन हित लागी। परम कृपाल प्रनत अनुरागी।।\nजेहि जन पर ममता अति छोहू। जेहिं करुना करि कीन्ह न कोहू।।\nगई बहोर गरीब नेवाजू। सरल सबल साहिब रघुराजू।।\nबुध बरनहिं हरि जस अस जानी। करहि पुनीत सुफल निज बानी।।\nतेहिं बल मैं रघुपति गुन गाथा। कहिहउँ नाइ राम पद माथा।।\nमुनिन्ह प्रथम हरि कीरति गाई। तेहिं मग चलत सुगम मोहि भाई।।\nदोहा/सोरठा\nअति अपार जे सरित बर जौं नृप सेतु कराहिं।\nचढि पिपीलिकउ परम लघु बिनु श्रम पारहि जाहिं।।13।।", iast: "caupāī\nsaba jānata prabhu prabhutā soī| tadapi kaheṃ binu rahā na koī||\ntahā~ beda asa kārana rākhā| bhajana prabhāu bhā~ti bahu bhāṣā||\neka anīha arūpa anāmā| aja saccidānaṃda para dhāmā||\nbyāpaka bisvarūpa bhagavānā| tehiṃ dhari deha carita kṛta nānā||\nso kevala bhagatana hita lāgī| parama kṛpāla pranata anurāgī||\njehi jana para mamatā ati chohū| jehiṃ karunā kari kīnha na kohū||\ngaī bahora garība nevājū| sarala sabala sāhiba raghurājū||\nbudha baranahiṃ hari jasa asa jānī| karahi punīta suphala nija bānī||\ntehiṃ bala maiṃ raghupati guna gāthā| kahihau~ nāi rāma pada māthā||\nmuninha prathama hari kīrati gāī| tehiṃ maga calata sugama mohi bhāī||\ndohā/soraṭhā\nati apāra je sarita bara jauṃ nṛpa setu karāhiṃ|\ncaḍhi pipīlikau parama laghu binu śrama pārahi jāhiṃ||13||" },
    { devanagari: "चौपाई\nएहि प्रकार बल मनहि देखाई। करिहउँ रघुपति कथा सुहाई।।\nब्यास आदि कबि पुंगव नाना। जिन्ह सादर हरि सुजस बखाना।।\nचरन कमल बंदउँ तिन्ह केरे। पुरवहुँ सकल मनोरथ मेरे।।\nकलि के कबिन्ह करउँ परनामा। जिन्ह बरने रघुपति गुन ग्रामा।।\nजे प्राकृत कबि परम सयाने। भाषाँ जिन्ह हरि चरित बखाने।।\nभए जे अहहिं जे होइहहिं आगें। प्रनवउँ सबहिं कपट सब त्यागें।।\nहोहु प्रसन्न देहु बरदानू। साधु समाज भनिति सनमानू।।\nजो प्रबंध बुध नहिं आदरहीं। सो श्रम बादि बाल कबि करहीं।।\nकीरति भनिति भूति भलि सोई। सुरसरि सम सब कहँ हित होई।।\nराम सुकीरति भनिति भदेसा। असमंजस अस मोहि अँदेसा।।\nतुम्हरी कृपा सुलभ सोउ मोरे। सिअनि सुहावनि टाट पटोरे।।\nदोहा/सोरठा\nसरल कबित कीरति बिमल सोइ आदरहिं सुजान।\nसहज बयर बिसराइ रिपु जो सुनि करहिं बखान।।14(क)।।\nसो न होइ बिनु बिमल मति मोहि मति बल अति थोर।\nकरहु कृपा हरि जस कहउँ पुनि पुनि करउँ निहोर।।14(ख)।।\nकबि कोबिद रघुबर चरित मानस मंजु मराल।\nबाल बिनय सुनि सुरुचि लखि मोपर होहु कृपाल।।14(ग)।।\nबंदउँ मुनि पद कंजु रामायन जेहिं निरमयउ।\nसखर सुकोमल मंजु दोष रहित दूषन सहित।।14(घ)।।\nबंदउँ चारिउ बेद भव बारिधि बोहित सरिस।\nजिन्हहि न सपनेहुँ खेद बरनत रघुबर बिसद जसु।।14(ङ)।।\nबंदउँ बिधि पद रेनु भव सागर जेहि कीन्ह जहँ।\nसंत सुधा ससि धेनु प्रगटे खल बिष बारुनी।।14(च)।।\nबिबुध बिप्र बुध ग्रह चरन बंदि कहउँ कर जोरि।\nहोइ प्रसन्न पुरवहु सकल मंजु मनोरथ मोरि।।14(छ)।।", iast: "caupāī\nehi prakāra bala manahi dekhāī| karihau~ raghupati kathā suhāī||\nbyāsa ādi kabi puṃgava nānā| jinha sādara hari sujasa bakhānā||\ncarana kamala baṃdau~ tinha kere| puravahu~ sakala manoratha mere||\nkali ke kabinha karau~ paranāmā| jinha barane raghupati guna grāmā||\nje prākṛta kabi parama sayāne| bhāṣā~ jinha hari carita bakhāne||\nbhae je ahahiṃ je hoihahiṃ āgeṃ| pranavau~ sabahiṃ kapaṭa saba tyāgeṃ||\nhohu prasanna dehu baradānū| sādhu samāja bhaniti sanamānū||\njo prabaṃdha budha nahiṃ ādarahīṃ| so śrama bādi bāla kabi karahīṃ||\nkīrati bhaniti bhūti bhali soī| surasari sama saba kaha~ hita hoī||\nrāma sukīrati bhaniti bhadesā| asamaṃjasa asa mohi a~desā||\ntumharī kṛpā sulabha sou more| siani suhāvani ṭāṭa paṭore||\ndohā/soraṭhā\nsarala kabita kīrati bimala soi ādarahiṃ sujāna|\nsahaja bayara bisarāi ripu jo suni karahiṃ bakhāna||14(ka)||\nso na hoi binu bimala mati mohi mati bala ati thora|\nkarahu kṛpā hari jasa kahau~ puni puni karau~ nihora||14(kha)||\nkabi kobida raghubara carita mānasa maṃju marāla|\nbāla binaya suni suruci lakhi mopara hohu kṛpāla||14(ga)||\nbaṃdau~ muni pada kaṃju rāmāyana jehiṃ niramayau|\nsakhara sukomala maṃju doṣa rahita dūṣana sahita||14(gha)||\nbaṃdau~ cāriu beda bhava bāridhi bohita sarisa|\njinhahi na sapanehu~ kheda baranata raghubara bisada jasu||14(ṅa)||\nbaṃdau~ bidhi pada renu bhava sāgara jehi kīnha jaha~|\nsaṃta sudhā sasi dhenu pragaṭe khala biṣa bārunī||14(ca)||\nbibudha bipra budha graha carana baṃdi kahau~ kara jori|\nhoi prasanna puravahu sakala maṃju manoratha mori||14(cha)||" },
    { devanagari: "चौपाई\nपुनि बंदउँ सारद सुरसरिता। जुगल पुनीत मनोहर चरिता।।\nमज्जन पान पाप हर एका। कहत सुनत एक हर अबिबेका।।\nगुर पितु मातु महेस भवानी। प्रनवउँ दीनबंधु दिन दानी।।\nसेवक स्वामि सखा सिय पी के। हित निरुपधि सब बिधि तुलसीके।।\nकलि बिलोकि जग हित हर गिरिजा। साबर मंत्र जाल जिन्ह सिरिजा।।\nअनमिल आखर अरथ न जापू। प्रगट प्रभाउ महेस प्रतापू।।\nसो उमेस मोहि पर अनुकूला। करिहिं कथा मुद मंगल मूला।।\nसुमिरि सिवा सिव पाइ पसाऊ। बरनउँ रामचरित चित चाऊ।।\nभनिति मोरि सिव कृपाँ बिभाती। ससि समाज मिलि मनहुँ सुराती।।\nजे एहि कथहि सनेह समेता। कहिहहिं सुनिहहिं समुझि सचेता।।\nहोइहहिं राम चरन अनुरागी। कलि मल रहित सुमंगल भागी।।\nदोहा/सोरठा\nसपनेहुँ साचेहुँ मोहि पर जौं हर गौरि पसाउ।\nतौ फुर होउ जो कहेउँ सब भाषा भनिति प्रभाउ।।15।।", iast: "caupāī\npuni baṃdau~ sārada surasaritā| jugala punīta manohara caritā||\nmajjana pāna pāpa hara ekā| kahata sunata eka hara abibekā||\ngura pitu mātu mahesa bhavānī| pranavau~ dīnabaṃdhu dina dānī||\nsevaka svāmi sakhā siya pī ke| hita nirupadhi saba bidhi tulasīke||\nkali biloki jaga hita hara girijā| sābara maṃtra jāla jinha sirijā||\nanamila ākhara aratha na jāpū| pragaṭa prabhāu mahesa pratāpū||\nso umesa mohi para anukūlā| karihiṃ kathā muda maṃgala mūlā||\nsumiri sivā siva pāi pasāū| baranau~ rāmacarita cita cāū||\nbhaniti mori siva kṛpā~ bibhātī| sasi samāja mili manahu~ surātī||\nje ehi kathahi saneha sametā| kahihahiṃ sunihahiṃ samujhi sacetā||\nhoihahiṃ rāma carana anurāgī| kali mala rahita sumaṃgala bhāgī||\ndohā/soraṭhā\nsapanehu~ sācehu~ mohi para jauṃ hara gauri pasāu|\ntau phura hou jo kaheu~ saba bhāṣā bhaniti prabhāu||15||" },
    { devanagari: "चौपाई\nबंदउँ अवध पुरी अति पावनि। सरजू सरि कलि कलुष नसावनि।।\nप्रनवउँ पुर नर नारि बहोरी। ममता जिन्ह पर प्रभुहि न थोरी।।\nसिय निंदक अघ ओघ नसाए। लोक बिसोक बनाइ बसाए।।\nबंदउँ कौसल्या दिसि प्राची। कीरति जासु सकल जग माची।।\nप्रगटेउ जहँ रघुपति ससि चारू। बिस्व सुखद खल कमल तुसारू।।\nदसरथ राउ सहित सब रानी। सुकृत सुमंगल मूरति मानी।।\nकरउँ प्रनाम करम मन बानी। करहु कृपा सुत सेवक जानी।।\nजिन्हहि बिरचि बड़ भयउ बिधाता। महिमा अवधि राम पितु माता।।\nदोहा/सोरठा\nबंदउँ अवध भुआल सत्य प्रेम जेहि राम पद।\nबिछुरत दीनदयाल प्रिय तनु तृन इव परिहरेउ।।16।।", iast: "caupāī\nbaṃdau~ avadha purī ati pāvani| sarajū sari kali kaluṣa nasāvani||\npranavau~ pura nara nāri bahorī| mamatā jinha para prabhuhi na thorī||\nsiya niṃdaka agha ogha nasāe| loka bisoka banāi basāe||\nbaṃdau~ kausalyā disi prācī| kīrati jāsu sakala jaga mācī||\npragaṭeu jaha~ raghupati sasi cārū| bisva sukhada khala kamala tusārū||\ndasaratha rāu sahita saba rānī| sukṛta sumaṃgala mūrati mānī||\nkarau~ pranāma karama mana bānī| karahu kṛpā suta sevaka jānī||\njinhahi biraci baṛa bhayau bidhātā| mahimā avadhi rāma pitu mātā||\ndohā/soraṭhā\nbaṃdau~ avadha bhuāla satya prema jehi rāma pada|\nbichurata dīnadayāla priya tanu tṛna iva parihareu||16||" },
    { devanagari: "चौपाई\nप्रनवउँ परिजन सहित बिदेहू। जाहि राम पद गूढ़ सनेहू।।\nजोग भोग महँ राखेउ गोई। राम बिलोकत प्रगटेउ सोई।।\nप्रनवउँ प्रथम भरत के चरना। जासु नेम ब्रत जाइ न बरना।।\nराम चरन पंकज मन जासू। लुबुध मधुप इव तजइ न पासू।।\nबंदउँ लछिमन पद जलजाता। सीतल सुभग भगत सुख दाता।।\nरघुपति कीरति बिमल पताका। दंड समान भयउ जस जाका।।\nसेष सहस्त्रसीस जग कारन। जो अवतरेउ भूमि भय टारन।।\nसदा सो सानुकूल रह मो पर। कृपासिंधु सौमित्रि गुनाकर।।\nरिपुसूदन पद कमल नमामी। सूर सुसील भरत अनुगामी।।\nमहावीर बिनवउँ हनुमाना। राम जासु जस आप बखाना।।\nदोहा/सोरठा\nप्रनवउँ पवनकुमार खल बन पावक ग्यानधन।\nजासु हृदय आगार बसहिं राम सर चाप धर।।17।।", iast: "caupāī\npranavau~ parijana sahita bidehū| jāhi rāma pada gūṛha sanehū||\njoga bhoga maha~ rākheu goī| rāma bilokata pragaṭeu soī||\npranavau~ prathama bharata ke caranā| jāsu nema brata jāi na baranā||\nrāma carana paṃkaja mana jāsū| lubudha madhupa iva tajai na pāsū||\nbaṃdau~ lachimana pada jalajātā| sītala subhaga bhagata sukha dātā||\nraghupati kīrati bimala patākā| daṃḍa samāna bhayau jasa jākā||\nseṣa sahastrasīsa jaga kārana| jo avatareu bhūmi bhaya ṭārana||\nsadā so sānukūla raha mo para| kṛpāsiṃdhu saumitri gunākara||\nripusūdana pada kamala namāmī| sūra susīla bharata anugāmī||\nmahāvīra binavau~ hanumānā| rāma jāsu jasa āpa bakhānā||\ndohā/soraṭhā\npranavau~ pavanakumāra khala bana pāvaka gyānadhana|\njāsu hṛdaya āgāra basahiṃ rāma sara cāpa dhara||17||" },
    { devanagari: "चौपाई\nकपिपति रीछ निसाचर राजा। अंगदादि जे कीस समाजा।।\nबंदउँ सब के चरन सुहाए। अधम सरीर राम जिन्ह पाए।।\nरघुपति चरन उपासक जेते। खग मृग सुर नर असुर समेते।।\nबंदउँ पद सरोज सब केरे। जे बिनु काम राम के चेरे।।\nसुक सनकादि भगत मुनि नारद। जे मुनिबर बिग्यान बिसारद।।\nप्रनवउँ सबहिं धरनि धरि सीसा। करहु कृपा जन जानि मुनीसा।।\nजनकसुता जग जननि जानकी। अतिसय प्रिय करुना निधान की।।\nताके जुग पद कमल मनावउँ। जासु कृपाँ निरमल मति पावउँ।।\nपुनि मन बचन कर्म रघुनायक। चरन कमल बंदउँ सब लायक।।\nराजिवनयन धरें धनु सायक। भगत बिपति भंजन सुख दायक।।\nदोहा/सोरठा\nगिरा अरथ जल बीचि सम कहिअत भिन्न न भिन्न।\nबदउँ सीता राम पद जिन्हहि परम प्रिय खिन्न।।18।।", iast: "caupāī\nkapipati rīcha nisācara rājā| aṃgadādi je kīsa samājā||\nbaṃdau~ saba ke carana suhāe| adhama sarīra rāma jinha pāe||\nraghupati carana upāsaka jete| khaga mṛga sura nara asura samete||\nbaṃdau~ pada saroja saba kere| je binu kāma rāma ke cere||\nsuka sanakādi bhagata muni nārada| je munibara bigyāna bisārada||\npranavau~ sabahiṃ dharani dhari sīsā| karahu kṛpā jana jāni munīsā||\njanakasutā jaga janani jānakī| atisaya priya karunā nidhāna kī||\ntāke juga pada kamala manāvau~| jāsu kṛpā~ niramala mati pāvau~||\npuni mana bacana karma raghunāyaka| carana kamala baṃdau~ saba lāyaka||\nrājivanayana dhareṃ dhanu sāyaka| bhagata bipati bhaṃjana sukha dāyaka||\ndohā/soraṭhā\ngirā aratha jala bīci sama kahiata bhinna na bhinna|\nbadau~ sītā rāma pada jinhahi parama priya khinna||18||" },
    { devanagari: "चौपाई\nबंदउँ नाम राम रघुवर को। हेतु कृसानु भानु हिमकर को।।\nबिधि हरि हरमय बेद प्रान सो। अगुन अनूपम गुन निधान सो।।\nमहामंत्र जोइ जपत महेसू। कासीं मुकुति हेतु उपदेसू।।\nमहिमा जासु जान गनराउ। प्रथम पूजिअत नाम प्रभाऊ।।\nजान आदिकबि नाम प्रतापू। भयउ सुद्ध करि उलटा जापू।।\nसहस नाम सम सुनि सिव बानी। जपि जेई पिय संग भवानी।।\nहरषे हेतु हेरि हर ही को। किय भूषन तिय भूषन ती को।।\nनाम प्रभाउ जान सिव नीको। कालकूट फलु दीन्ह अमी को।।\nदोहा/सोरठा\nबरषा रितु रघुपति भगति तुलसी सालि सुदास।।\nराम नाम बर बरन जुग सावन भादव मास।।19।।", iast: "caupāī\nbaṃdau~ nāma rāma raghuvara ko| hetu kṛsānu bhānu himakara ko||\nbidhi hari haramaya beda prāna so| aguna anūpama guna nidhāna so||\nmahāmaṃtra joi japata mahesū| kāsīṃ mukuti hetu upadesū||\nmahimā jāsu jāna ganarāu| prathama pūjiata nāma prabhāū||\njāna ādikabi nāma pratāpū| bhayau suddha kari ulaṭā jāpū||\nsahasa nāma sama suni siva bānī| japi jeī piya saṃga bhavānī||\nharaṣe hetu heri hara hī ko| kiya bhūṣana tiya bhūṣana tī ko||\nnāma prabhāu jāna siva nīko| kālakūṭa phalu dīnha amī ko||\ndohā/soraṭhā\nbaraṣā ritu raghupati bhagati tulasī sāli sudāsa||\nrāma nāma bara barana juga sāvana bhādava māsa||19||" },
    { devanagari: "चौपाई\nआखर मधुर मनोहर दोऊ। बरन बिलोचन जन जिय जोऊ।।\nसुमिरत सुलभ सुखद सब काहू। लोक लाहु परलोक निबाहू।।\nकहत सुनत सुमिरत सुठि नीके। राम लखन सम प्रिय तुलसी के।।\nबरनत बरन प्रीति बिलगाती। ब्रह्म जीव सम सहज सँघाती।।\nनर नारायन सरिस सुभ्राता। जग पालक बिसेषि जन त्राता।।\nभगति सुतिय कल करन बिभूषन। जग हित हेतु बिमल बिधु पूषन ।\nस्वाद तोष सम सुगति सुधा के। कमठ सेष सम धर बसुधा के।।\nजन मन मंजु कंज मधुकर से। जीह जसोमति हरि हलधर से।।\nदोहा/सोरठा\nएकु छत्रु एकु मुकुटमनि सब बरननि पर जोउ।\nतुलसी रघुबर नाम के बरन बिराजत दोउ।।20।।", iast: "caupāī\nākhara madhura manohara doū| barana bilocana jana jiya joū||\nsumirata sulabha sukhada saba kāhū| loka lāhu paraloka nibāhū||\nkahata sunata sumirata suṭhi nīke| rāma lakhana sama priya tulasī ke||\nbaranata barana prīti bilagātī| brahma jīva sama sahaja sa~ghātī||\nnara nārāyana sarisa subhrātā| jaga pālaka biseṣi jana trātā||\nbhagati sutiya kala karana bibhūṣana| jaga hita hetu bimala bidhu pūṣana |\nsvāda toṣa sama sugati sudhā ke| kamaṭha seṣa sama dhara basudhā ke||\njana mana maṃju kaṃja madhukara se| jīha jasomati hari haladhara se||\ndohā/soraṭhā\neku chatru eku mukuṭamani saba baranani para jou|\ntulasī raghubara nāma ke barana birājata dou||20||" },
    { devanagari: "चौपाई\nसमुझत सरिस नाम अरु नामी। प्रीति परसपर प्रभु अनुगामी।।\nनाम रूप दुइ ईस उपाधी। अकथ अनादि सुसामुझि साधी।।\nको बड़ छोट कहत अपराधू। सुनि गुन भेद समुझिहहिं साधू।।\nदेखिअहिं रूप नाम आधीना। रूप ग्यान नहिं नाम बिहीना।।\nरूप बिसेष नाम बिनु जानें। करतल गत न परहिं पहिचानें।।\nसुमिरिअ नाम रूप बिनु देखें। आवत हृदयँ सनेह बिसेषें।।\nनाम रूप गति अकथ कहानी। समुझत सुखद न परति बखानी।।\nअगुन सगुन बिच नाम सुसाखी। उभय प्रबोधक चतुर दुभाषी।।\nदोहा/सोरठा\nराम नाम मनिदीप धरु जीह देहरी द्वार।\nतुलसी भीतर बाहेरहुँ जौं चाहसि उजिआर।।21।।", iast: "caupāī\nsamujhata sarisa nāma aru nāmī| prīti parasapara prabhu anugāmī||\nnāma rūpa dui īsa upādhī| akatha anādi susāmujhi sādhī||\nko baṛa choṭa kahata aparādhū| suni guna bheda samujhihahiṃ sādhū||\ndekhiahiṃ rūpa nāma ādhīnā| rūpa gyāna nahiṃ nāma bihīnā||\nrūpa biseṣa nāma binu jāneṃ| karatala gata na parahiṃ pahicāneṃ||\nsumiria nāma rūpa binu dekheṃ| āvata hṛdaya~ saneha biseṣeṃ||\nnāma rūpa gati akatha kahānī| samujhata sukhada na parati bakhānī||\naguna saguna bica nāma susākhī| ubhaya prabodhaka catura dubhāṣī||\ndohā/soraṭhā\nrāma nāma manidīpa dharu jīha deharī dvāra|\ntulasī bhītara bāherahu~ jauṃ cāhasi ujiāra||21||" },
    { devanagari: "चौपाई\nनाम जीहँ जपि जागहिं जोगी। बिरति बिरंचि प्रपंच बियोगी।।\nब्रह्मसुखहि अनुभवहिं अनूपा। अकथ अनामय नाम न रूपा।।\nजाना चहहिं गूढ़ गति जेऊ। नाम जीहँ जपि जानहिं तेऊ।।\nसाधक नाम जपहिं लय लाएँ। होहिं सिद्ध अनिमादिक पाएँ।।\nजपहिं नामु जन आरत भारी। मिटहिं कुसंकट होहिं सुखारी।।\nराम भगत जग चारि प्रकारा। सुकृती चारिउ अनघ उदारा।।\nचहू चतुर कहुँ नाम अधारा। ग्यानी प्रभुहि बिसेषि पिआरा।।\nचहुँ जुग चहुँ श्रुति ना प्रभाऊ। कलि बिसेषि नहिं आन उपाऊ।।\nदोहा/सोरठा\nसकल कामना हीन जे राम भगति रस लीन।\nनाम सुप्रेम पियूष हद तिन्हहुँ किए मन मीन।।22।।", iast: "caupāī\nnāma jīha~ japi jāgahiṃ jogī| birati biraṃci prapaṃca biyogī||\nbrahmasukhahi anubhavahiṃ anūpā| akatha anāmaya nāma na rūpā||\njānā cahahiṃ gūṛha gati jeū| nāma jīha~ japi jānahiṃ teū||\nsādhaka nāma japahiṃ laya lāe~| hohiṃ siddha animādika pāe~||\njapahiṃ nāmu jana ārata bhārī| miṭahiṃ kusaṃkaṭa hohiṃ sukhārī||\nrāma bhagata jaga cāri prakārā| sukṛtī cāriu anagha udārā||\ncahū catura kahu~ nāma adhārā| gyānī prabhuhi biseṣi piārā||\ncahu~ juga cahu~ śruti nā prabhāū| kali biseṣi nahiṃ āna upāū||\ndohā/soraṭhā\nsakala kāmanā hīna je rāma bhagati rasa līna|\nnāma suprema piyūṣa hada tinhahu~ kie mana mīna||22||" },
    { devanagari: "चौपाई\nअगुन सगुन दुइ ब्रह्म सरूपा। अकथ अगाध अनादि अनूपा।।\nमोरें मत बड़ नामु दुहू तें। किए जेहिं जुग निज बस निज बूतें।।\nप्रोढ़ि सुजन जनि जानहिं जन की। कहउँ प्रतीति प्रीति रुचि मन की।।\nएकु दारुगत देखिअ एकू। पावक सम जुग ब्रह्म बिबेकू।।\nउभय अगम जुग सुगम नाम तें। कहेउँ नामु बड़ ब्रह्म राम तें।।\nब्यापकु एकु ब्रह्म अबिनासी। सत चेतन धन आनँद रासी।।\nअस प्रभु हृदयँ अछत अबिकारी। सकल जीव जग दीन दुखारी।।\nनाम निरूपन नाम जतन तें। सोउ प्रगटत जिमि मोल रतन तें।।\nदोहा/सोरठा\nनिरगुन तें एहि भाँति बड़ नाम प्रभाउ अपार।\nकहउँ नामु बड़ राम तें निज बिचार अनुसार।।23।।", iast: "caupāī\naguna saguna dui brahma sarūpā| akatha agādha anādi anūpā||\nmoreṃ mata baṛa nāmu duhū teṃ| kie jehiṃ juga nija basa nija būteṃ||\nproṛhi sujana jani jānahiṃ jana kī| kahau~ pratīti prīti ruci mana kī||\neku dārugata dekhia ekū| pāvaka sama juga brahma bibekū||\nubhaya agama juga sugama nāma teṃ| kaheu~ nāmu baṛa brahma rāma teṃ||\nbyāpaku eku brahma abināsī| sata cetana dhana āna~da rāsī||\nasa prabhu hṛdaya~ achata abikārī| sakala jīva jaga dīna dukhārī||\nnāma nirūpana nāma jatana teṃ| sou pragaṭata jimi mola ratana teṃ||\ndohā/soraṭhā\nniraguna teṃ ehi bhā~ti baṛa nāma prabhāu apāra|\nkahau~ nāmu baṛa rāma teṃ nija bicāra anusāra||23||" },
    { devanagari: "चौपाई\nराम भगत हित नर तनु धारी। सहि संकट किए साधु सुखारी।।\nनामु सप्रेम जपत अनयासा। भगत होहिं मुद मंगल बासा।।\nराम एक तापस तिय तारी। नाम कोटि खल कुमति सुधारी।।\nरिषि हित राम सुकेतुसुता की। सहित सेन सुत कीन्ह बिबाकी।।\nसहित दोष दुख दास दुरासा। दलइ नामु जिमि रबि निसि नासा।।\nभंजेउ राम आपु भव चापू। भव भय भंजन नाम प्रतापू।।\nदंडक बनु प्रभु कीन्ह सुहावन। जन मन अमित नाम किए पावन।।।\nनिसिचर निकर दले रघुनंदन। नामु सकल कलि कलुष निकंदन।।\nदोहा/सोरठा\nसबरी गीध सुसेवकनि सुगति दीन्हि रघुनाथ।\nनाम उधारे अमित खल बेद बिदित गुन गाथ।।24।।", iast: "caupāī\nrāma bhagata hita nara tanu dhārī| sahi saṃkaṭa kie sādhu sukhārī||\nnāmu saprema japata anayāsā| bhagata hohiṃ muda maṃgala bāsā||\nrāma eka tāpasa tiya tārī| nāma koṭi khala kumati sudhārī||\nriṣi hita rāma suketusutā kī| sahita sena suta kīnha bibākī||\nsahita doṣa dukha dāsa durāsā| dalai nāmu jimi rabi nisi nāsā||\nbhaṃjeu rāma āpu bhava cāpū| bhava bhaya bhaṃjana nāma pratāpū||\ndaṃḍaka banu prabhu kīnha suhāvana| jana mana amita nāma kie pāvana|||\nnisicara nikara dale raghunaṃdana| nāmu sakala kali kaluṣa nikaṃdana||\ndohā/soraṭhā\nsabarī gīdha susevakani sugati dīnhi raghunātha|\nnāma udhāre amita khala beda bidita guna gātha||24||" },
    { devanagari: "चौपाई\nराम सुकंठ बिभीषन दोऊ। राखे सरन जान सबु कोऊ।।\nनाम गरीब अनेक नेवाजे। लोक बेद बर बिरिद बिराजे।।\nराम भालु कपि कटकु बटोरा। सेतु हेतु श्रमु कीन्ह न थोरा।।\nनामु लेत भवसिंधु सुखाहीं। करहु बिचारु सुजन मन माहीं।।\nराम सकुल रन रावनु मारा। सीय सहित निज पुर पगु धारा।।\nराजा रामु अवध रजधानी। गावत गुन सुर मुनि बर बानी।।\nसेवक सुमिरत नामु सप्रीती। बिनु श्रम प्रबल मोह दलु जीती।।\nफिरत सनेहँ मगन सुख अपनें। नाम प्रसाद सोच नहिं सपनें।।\nदोहा/सोरठा\nब्रह्म राम तें नामु बड़ बर दायक बर दानि।\nरामचरित सत कोटि महँ लिय महेस जियँ जानि।।25।।", iast: "caupāī\nrāma sukaṃṭha bibhīṣana doū| rākhe sarana jāna sabu koū||\nnāma garība aneka nevāje| loka beda bara birida birāje||\nrāma bhālu kapi kaṭaku baṭorā| setu hetu śramu kīnha na thorā||\nnāmu leta bhavasiṃdhu sukhāhīṃ| karahu bicāru sujana mana māhīṃ||\nrāma sakula rana rāvanu mārā| sīya sahita nija pura pagu dhārā||\nrājā rāmu avadha rajadhānī| gāvata guna sura muni bara bānī||\nsevaka sumirata nāmu saprītī| binu śrama prabala moha dalu jītī||\nphirata saneha~ magana sukha apaneṃ| nāma prasāda soca nahiṃ sapaneṃ||\ndohā/soraṭhā\nbrahma rāma teṃ nāmu baṛa bara dāyaka bara dāni|\nrāmacarita sata koṭi maha~ liya mahesa jiya~ jāni||25||" },
    { devanagari: "चौपाई\nनाम प्रसाद संभु अबिनासी। साजु अमंगल मंगल रासी।।\nसुक सनकादि सिद्ध मुनि जोगी। नाम प्रसाद ब्रह्मसुख भोगी।।\nनारद जानेउ नाम प्रतापू। जग प्रिय हरि हरि हर प्रिय आपू।।\nनामु जपत प्रभु कीन्ह प्रसादू। भगत सिरोमनि भे प्रहलादू।।\nध्रुवँ सगलानि जपेउ हरि नाऊँ। पायउ अचल अनूपम ठाऊँ।।\nसुमिरि पवनसुत पावन नामू। अपने बस करि राखे रामू।।\nअपतु अजामिलु गजु गनिकाऊ। भए मुकुत हरि नाम प्रभाऊ।।\nकहौं कहाँ लगि नाम बड़ाई। रामु न सकहिं नाम गुन गाई।।\nदोहा/सोरठा\nनामु राम को कलपतरु कलि कल्यान निवासु।\nजो सुमिरत भयो भाँग तें तुलसी तुलसीदासु।।26।।", iast: "caupāī\nnāma prasāda saṃbhu abināsī| sāju amaṃgala maṃgala rāsī||\nsuka sanakādi siddha muni jogī| nāma prasāda brahmasukha bhogī||\nnārada jāneu nāma pratāpū| jaga priya hari hari hara priya āpū||\nnāmu japata prabhu kīnha prasādū| bhagata siromani bhe prahalādū||\ndhruva~ sagalāni japeu hari nāū~| pāyau acala anūpama ṭhāū~||\nsumiri pavanasuta pāvana nāmū| apane basa kari rākhe rāmū||\napatu ajāmilu gaju ganikāū| bhae mukuta hari nāma prabhāū||\nkahauṃ kahā~ lagi nāma baṛāī| rāmu na sakahiṃ nāma guna gāī||\ndohā/soraṭhā\nnāmu rāma ko kalapataru kali kalyāna nivāsu|\njo sumirata bhayo bhā~ga teṃ tulasī tulasīdāsu||26||" },
    { devanagari: "चौपाई\nचहुँ जुग तीनि काल तिहुँ लोका। भए नाम जपि जीव बिसोका।।\nबेद पुरान संत मत एहू। सकल सुकृत फल राम सनेहू।।\nध्यानु प्रथम जुग मखबिधि दूजें। द्वापर परितोषत प्रभु पूजें।।\nकलि केवल मल मूल मलीना। पाप पयोनिधि जन मन मीना।।\nनाम कामतरु काल कराला। सुमिरत समन सकल जग जाला।।\nराम नाम कलि अभिमत दाता। हित परलोक लोक पितु माता।।\nनहिं कलि करम न भगति बिबेकू। राम नाम अवलंबन एकू।।\nकालनेमि कलि कपट निधानू। नाम सुमति समरथ हनुमानू।।\nदोहा/सोरठा\nराम नाम नरकेसरी कनककसिपु कलिकाल।\nजापक जन प्रहलाद जिमि पालिहि दलि सुरसाल।।27।।", iast: "caupāī\ncahu~ juga tīni kāla tihu~ lokā| bhae nāma japi jīva bisokā||\nbeda purāna saṃta mata ehū| sakala sukṛta phala rāma sanehū||\ndhyānu prathama juga makhabidhi dūjeṃ| dvāpara paritoṣata prabhu pūjeṃ||\nkali kevala mala mūla malīnā| pāpa payonidhi jana mana mīnā||\nnāma kāmataru kāla karālā| sumirata samana sakala jaga jālā||\nrāma nāma kali abhimata dātā| hita paraloka loka pitu mātā||\nnahiṃ kali karama na bhagati bibekū| rāma nāma avalaṃbana ekū||\nkālanemi kali kapaṭa nidhānū| nāma sumati samaratha hanumānū||\ndohā/soraṭhā\nrāma nāma narakesarī kanakakasipu kalikāla|\njāpaka jana prahalāda jimi pālihi dali surasāla||27||" },
    { devanagari: "चौपाई\nभायँ कुभायँ अनख आलसहूँ। नाम जपत मंगल दिसि दसहूँ।।\nसुमिरि सो नाम राम गुन गाथा। करउँ नाइ रघुनाथहि माथा।।\nमोरि सुधारिहि सो सब भाँती। जासु कृपा नहिं कृपाँ अघाती।।\nराम सुस्वामि कुसेवकु मोसो। निज दिसि दैखि दयानिधि पोसो।।\nलोकहुँ बेद सुसाहिब रीतीं। बिनय सुनत पहिचानत प्रीती।।\nगनी गरीब ग्रामनर नागर। पंडित मूढ़ मलीन उजागर।।\nसुकबि कुकबि निज मति अनुहारी। नृपहि सराहत सब नर नारी।।\nसाधु सुजान सुसील नृपाला। ईस अंस भव परम कृपाला।।\nसुनि सनमानहिं सबहि सुबानी। भनिति भगति नति गति पहिचानी।।\nयह प्राकृत महिपाल सुभाऊ। जान सिरोमनि कोसलराऊ।।\nरीझत राम सनेह निसोतें। को जग मंद मलिनमति मोतें।।\nदोहा/सोरठा\nसठ सेवक की प्रीति रुचि रखिहहिं राम कृपालु।\nउपल किए जलजान जेहिं सचिव सुमति कपि भालु।।28(क)।।\nहौहु कहावत सबु कहत राम सहत उपहास।\nसाहिब सीतानाथ सो सेवक तुलसीदास।।28(ख)।।", iast: "caupāī\nbhāya~ kubhāya~ anakha ālasahū~| nāma japata maṃgala disi dasahū~||\nsumiri so nāma rāma guna gāthā| karau~ nāi raghunāthahi māthā||\nmori sudhārihi so saba bhā~tī| jāsu kṛpā nahiṃ kṛpā~ aghātī||\nrāma susvāmi kusevaku moso| nija disi daikhi dayānidhi poso||\nlokahu~ beda susāhiba rītīṃ| binaya sunata pahicānata prītī||\nganī garība grāmanara nāgara| paṃḍita mūṛha malīna ujāgara||\nsukabi kukabi nija mati anuhārī| nṛpahi sarāhata saba nara nārī||\nsādhu sujāna susīla nṛpālā| īsa aṃsa bhava parama kṛpālā||\nsuni sanamānahiṃ sabahi subānī| bhaniti bhagati nati gati pahicānī||\nyaha prākṛta mahipāla subhāū| jāna siromani kosalarāū||\nrījhata rāma saneha nisoteṃ| ko jaga maṃda malinamati moteṃ||\ndohā/soraṭhā\nsaṭha sevaka kī prīti ruci rakhihahiṃ rāma kṛpālu|\nupala kie jalajāna jehiṃ saciva sumati kapi bhālu||28(ka)||\nhauhu kahāvata sabu kahata rāma sahata upahāsa|\nsāhiba sītānātha so sevaka tulasīdāsa||28(kha)||" },
    { devanagari: "चौपाई\nअति बड़ि मोरि ढिठाई खोरी। सुनि अघ नरकहुँ नाक सकोरी।।\nसमुझि सहम मोहि अपडर अपनें। सो सुधि राम कीन्हि नहिं सपनें।।\nसुनि अवलोकि सुचित चख चाही। भगति मोरि मति स्वामि सराही।।\nकहत नसाइ होइ हियँ नीकी। रीझत राम जानि जन जी की।।\nरहति न प्रभु चित चूक किए की। करत सुरति सय बार हिए की।।\nजेहिं अघ बधेउ ब्याध जिमि बाली। फिरि सुकंठ सोइ कीन्ह कुचाली।।\nसोइ करतूति बिभीषन केरी। सपनेहुँ सो न राम हियँ हेरी।।\nते भरतहि भेंटत सनमाने। राजसभाँ रघुबीर बखाने।।\nदोहा/सोरठा\nप्रभु तरु तर कपि डार पर ते किए आपु समान।।\nतुलसी कहूँ न राम से साहिब सीलनिधान।।29(क)।।\nराम निकाईं रावरी है सबही को नीक।\nजों यह साँची है सदा तौ नीको तुलसीक।।29(ख)।।\nएहि बिधि निज गुन दोष कहि सबहि बहुरि सिरु नाइ।\nबरनउँ रघुबर बिसद जसु सुनि कलि कलुष नसाइ।।29(ग)।।", iast: "caupāī\nati baṛi mori ḍhiṭhāī khorī| suni agha narakahu~ nāka sakorī||\nsamujhi sahama mohi apaḍara apaneṃ| so sudhi rāma kīnhi nahiṃ sapaneṃ||\nsuni avaloki sucita cakha cāhī| bhagati mori mati svāmi sarāhī||\nkahata nasāi hoi hiya~ nīkī| rījhata rāma jāni jana jī kī||\nrahati na prabhu cita cūka kie kī| karata surati saya bāra hie kī||\njehiṃ agha badheu byādha jimi bālī| phiri sukaṃṭha soi kīnha kucālī||\nsoi karatūti bibhīṣana kerī| sapanehu~ so na rāma hiya~ herī||\nte bharatahi bheṃṭata sanamāne| rājasabhā~ raghubīra bakhāne||\ndohā/soraṭhā\nprabhu taru tara kapi ḍāra para te kie āpu samāna||\ntulasī kahū~ na rāma se sāhiba sīlanidhāna||29(ka)||\nrāma nikāīṃ rāvarī hai sabahī ko nīka|\njoṃ yaha sā~cī hai sadā tau nīko tulasīka||29(kha)||\nehi bidhi nija guna doṣa kahi sabahi bahuri siru nāi|\nbaranau~ raghubara bisada jasu suni kali kaluṣa nasāi||29(ga)||" },
    { devanagari: "चौपाई\nजागबलिक जो कथा सुहाई। भरद्वाज मुनिबरहि सुनाई।।\nकहिहउँ सोइ संबाद बखानी। सुनहुँ सकल सज्जन सुखु मानी।।\nसंभु कीन्ह यह चरित सुहावा। बहुरि कृपा करि उमहि सुनावा।।\nसोइ सिव कागभुसुंडिहि दीन्हा। राम भगत अधिकारी चीन्हा।।\nतेहि सन जागबलिक पुनि पावा। तिन्ह पुनि भरद्वाज प्रति गावा।।\nते श्रोता बकता समसीला। सवँदरसी जानहिं हरिलीला।।\nजानहिं तीनि काल निज ग्याना। करतल गत आमलक समाना।।\nऔरउ जे हरिभगत सुजाना। कहहिं सुनहिं समुझहिं बिधि नाना।।\nदोहा/सोरठा\nमै पुनि निज गुर सन सुनी कथा सो सूकरखेत।\nसमुझी नहि तसि बालपन तब अति रहेउँ अचेत।।30(क)।।\nश्रोता बकता ग्याननिधि कथा राम कै गूढ़।\nकिमि समुझौं मै जीव जड़ कलि मल ग्रसित बिमूढ़।।30(ख)।।", iast: "caupāī\njāgabalika jo kathā suhāī| bharadvāja munibarahi sunāī||\nkahihau~ soi saṃbāda bakhānī| sunahu~ sakala sajjana sukhu mānī||\nsaṃbhu kīnha yaha carita suhāvā| bahuri kṛpā kari umahi sunāvā||\nsoi siva kāgabhusuṃḍihi dīnhā| rāma bhagata adhikārī cīnhā||\ntehi sana jāgabalika puni pāvā| tinha puni bharadvāja prati gāvā||\nte śrotā bakatā samasīlā| sava~darasī jānahiṃ harilīlā||\njānahiṃ tīni kāla nija gyānā| karatala gata āmalaka samānā||\naurau je haribhagata sujānā| kahahiṃ sunahiṃ samujhahiṃ bidhi nānā||\ndohā/soraṭhā\nmai puni nija gura sana sunī kathā so sūkarakheta|\nsamujhī nahi tasi bālapana taba ati raheu~ aceta||30(ka)||\nśrotā bakatā gyānanidhi kathā rāma kai gūṛha|\nkimi samujhauṃ mai jīva jaṛa kali mala grasita bimūṛha||30(kha)||" },
    { devanagari: "चौपाई\nतदपि कही गुर बारहिं बारा। समुझि परी कछु मति अनुसारा।।\nभाषाबद्ध करबि मैं सोई। मोरें मन प्रबोध जेहिं होई।।\nजस कछु बुधि बिबेक बल मेरें। तस कहिहउँ हियँ हरि के प्रेरें।।\nनिज संदेह मोह भ्रम हरनी। करउँ कथा भव सरिता तरनी।।\nबुध बिश्राम सकल जन रंजनि। रामकथा कलि कलुष बिभंजनि।।\nरामकथा कलि पंनग भरनी। पुनि बिबेक पावक कहुँ अरनी।।\nरामकथा कलि कामद गाई। सुजन सजीवनि मूरि सुहाई।।\nसोइ बसुधातल सुधा तरंगिनि। भय भंजनि भ्रम भेक भुअंगिनि।।\nअसुर सेन सम नरक निकंदिनि। साधु बिबुध कुल हित गिरिनंदिनि।।\nसंत समाज पयोधि रमा सी। बिस्व भार भर अचल छमा सी।।\nजम गन मुहँ मसि जग जमुना सी। जीवन मुकुति हेतु जनु कासी।।\nरामहि प्रिय पावनि तुलसी सी। तुलसिदास हित हियँ हुलसी सी।।\nसिवप्रय मेकल सैल सुता सी। सकल सिद्धि सुख संपति रासी।।\nसदगुन सुरगन अंब अदिति सी। रघुबर भगति प्रेम परमिति सी।।\nदोहा/सोरठा\nराम कथा मंदाकिनी चित्रकूट चित चारु।\nतुलसी सुभग सनेह बन सिय रघुबीर बिहारु।।31।।", iast: "caupāī\ntadapi kahī gura bārahiṃ bārā| samujhi parī kachu mati anusārā||\nbhāṣābaddha karabi maiṃ soī| moreṃ mana prabodha jehiṃ hoī||\njasa kachu budhi bibeka bala mereṃ| tasa kahihau~ hiya~ hari ke prereṃ||\nnija saṃdeha moha bhrama haranī| karau~ kathā bhava saritā taranī||\nbudha biśrāma sakala jana raṃjani| rāmakathā kali kaluṣa bibhaṃjani||\nrāmakathā kali paṃnaga bharanī| puni bibeka pāvaka kahu~ aranī||\nrāmakathā kali kāmada gāī| sujana sajīvani mūri suhāī||\nsoi basudhātala sudhā taraṃgini| bhaya bhaṃjani bhrama bheka bhuaṃgini||\nasura sena sama naraka nikaṃdini| sādhu bibudha kula hita girinaṃdini||\nsaṃta samāja payodhi ramā sī| bisva bhāra bhara acala chamā sī||\njama gana muha~ masi jaga jamunā sī| jīvana mukuti hetu janu kāsī||\nrāmahi priya pāvani tulasī sī| tulasidāsa hita hiya~ hulasī sī||\nsivapraya mekala saila sutā sī| sakala siddhi sukha saṃpati rāsī||\nsadaguna suragana aṃba aditi sī| raghubara bhagati prema paramiti sī||\ndohā/soraṭhā\nrāma kathā maṃdākinī citrakūṭa cita cāru|\ntulasī subhaga saneha bana siya raghubīra bihāru||31||" },
    { devanagari: "चौपाई\nराम चरित चिंतामनि चारू। संत सुमति तिय सुभग सिंगारू।।\nजग मंगल गुन ग्राम राम के। दानि मुकुति धन धरम धाम के।।\nसदगुर ग्यान बिराग जोग के। बिबुध बैद भव भीम रोग के।।\nजननि जनक सिय राम प्रेम के। बीज सकल ब्रत धरम नेम के।।\nसमन पाप संताप सोक के। प्रिय पालक परलोक लोक के।।\nसचिव सुभट भूपति बिचार के। कुंभज लोभ उदधि अपार के।।\nकाम कोह कलिमल करिगन के। केहरि सावक जन मन बन के।।\nअतिथि पूज्य प्रियतम पुरारि के। कामद घन दारिद दवारि के।।\nमंत्र महामनि बिषय ब्याल के। मेटत कठिन कुअंक भाल के।।\nहरन मोह तम दिनकर कर से। सेवक सालि पाल जलधर से।।\nअभिमत दानि देवतरु बर से। सेवत सुलभ सुखद हरि हर से।।\nसुकबि सरद नभ मन उडगन से। रामभगत जन जीवन धन से।।\nसकल सुकृत फल भूरि भोग से। जग हित निरुपधि साधु लोग से।।\nसेवक मन मानस मराल से। पावक गंग तंरग माल से।।\nदोहा/सोरठा\nकुपथ कुतरक कुचालि कलि कपट दंभ पाषंड।\nदहन राम गुन ग्राम जिमि इंधन अनल प्रचंड।।32(क)।।\nरामचरित राकेस कर सरिस सुखद सब काहु।\nसज्जन कुमुद चकोर चित हित बिसेषि बड़ लाहु।।32(ख)।।", iast: "caupāī\nrāma carita ciṃtāmani cārū| saṃta sumati tiya subhaga siṃgārū||\njaga maṃgala guna grāma rāma ke| dāni mukuti dhana dharama dhāma ke||\nsadagura gyāna birāga joga ke| bibudha baida bhava bhīma roga ke||\njanani janaka siya rāma prema ke| bīja sakala brata dharama nema ke||\nsamana pāpa saṃtāpa soka ke| priya pālaka paraloka loka ke||\nsaciva subhaṭa bhūpati bicāra ke| kuṃbhaja lobha udadhi apāra ke||\nkāma koha kalimala karigana ke| kehari sāvaka jana mana bana ke||\natithi pūjya priyatama purāri ke| kāmada ghana dārida davāri ke||\nmaṃtra mahāmani biṣaya byāla ke| meṭata kaṭhina kuaṃka bhāla ke||\nharana moha tama dinakara kara se| sevaka sāli pāla jaladhara se||\nabhimata dāni devataru bara se| sevata sulabha sukhada hari hara se||\nsukabi sarada nabha mana uḍagana se| rāmabhagata jana jīvana dhana se||\nsakala sukṛta phala bhūri bhoga se| jaga hita nirupadhi sādhu loga se||\nsevaka mana mānasa marāla se| pāvaka gaṃga taṃraga māla se||\ndohā/soraṭhā\nkupatha kutaraka kucāli kali kapaṭa daṃbha pāṣaṃḍa|\ndahana rāma guna grāma jimi iṃdhana anala pracaṃḍa||32(ka)||\nrāmacarita rākesa kara sarisa sukhada saba kāhu|\nsajjana kumuda cakora cita hita biseṣi baṛa lāhu||32(kha)||" },
    { devanagari: "चौपाई\nकीन्हि प्रस्न जेहि भाँति भवानी। जेहि बिधि संकर कहा बखानी।।\nसो सब हेतु कहब मैं गाई। कथाप्रबंध बिचित्र बनाई।।\nजेहि यह कथा सुनी नहिं होई। जनि आचरजु करैं सुनि सोई।।\nकथा अलौकिक सुनहिं जे ग्यानी। नहिं आचरजु करहिं अस जानी।।\nरामकथा कै मिति जग नाहीं। असि प्रतीति तिन्ह के मन माहीं।।\nनाना भाँति राम अवतारा। रामायन सत कोटि अपारा।।\nकलपभेद हरिचरित सुहाए। भाँति अनेक मुनीसन्ह गाए।।\nकरिअ न संसय अस उर आनी। सुनिअ कथा सारद रति मानी।।\nदोहा/सोरठा\nराम अनंत अनंत गुन अमित कथा बिस्तार।\nसुनि आचरजु न मानिहहिं जिन्ह कें बिमल बिचार।।33।।", iast: "caupāī\nkīnhi prasna jehi bhā~ti bhavānī| jehi bidhi saṃkara kahā bakhānī||\nso saba hetu kahaba maiṃ gāī| kathāprabaṃdha bicitra banāī||\njehi yaha kathā sunī nahiṃ hoī| jani ācaraju karaiṃ suni soī||\nkathā alaukika sunahiṃ je gyānī| nahiṃ ācaraju karahiṃ asa jānī||\nrāmakathā kai miti jaga nāhīṃ| asi pratīti tinha ke mana māhīṃ||\nnānā bhā~ti rāma avatārā| rāmāyana sata koṭi apārā||\nkalapabheda haricarita suhāe| bhā~ti aneka munīsanha gāe||\nkaria na saṃsaya asa ura ānī| sunia kathā sārada rati mānī||\ndohā/soraṭhā\nrāma anaṃta anaṃta guna amita kathā bistāra|\nsuni ācaraju na mānihahiṃ jinha keṃ bimala bicāra||33||" },
    { devanagari: "चौपाई\nएहि बिधि सब संसय करि दूरी। सिर धरि गुर पद पंकज धूरी।।\nपुनि सबही बिनवउँ कर जोरी। करत कथा जेहिं लाग न खोरी।।\nसादर सिवहि नाइ अब माथा। बरनउँ बिसद राम गुन गाथा।।\nसंबत सोरह सै एकतीसा। करउँ कथा हरि पद धरि सीसा।।\nनौमी भौम बार मधु मासा। अवधपुरीं यह चरित प्रकासा।।\nजेहि दिन राम जनम श्रुति गावहिं। तीरथ सकल तहाँ चलि आवहिं।।\nअसुर नाग खग नर मुनि देवा। आइ करहिं रघुनायक सेवा।।\nजन्म महोत्सव रचहिं सुजाना। करहिं राम कल कीरति गाना।।\nदोहा/सोरठा\nमज्जहि सज्जन बृंद बहु पावन सरजू नीर।\nजपहिं राम धरि ध्यान उर सुंदर स्याम सरीर।।34।।", iast: "caupāī\nehi bidhi saba saṃsaya kari dūrī| sira dhari gura pada paṃkaja dhūrī||\npuni sabahī binavau~ kara jorī| karata kathā jehiṃ lāga na khorī||\nsādara sivahi nāi aba māthā| baranau~ bisada rāma guna gāthā||\nsaṃbata soraha sai ekatīsā| karau~ kathā hari pada dhari sīsā||\nnaumī bhauma bāra madhu māsā| avadhapurīṃ yaha carita prakāsā||\njehi dina rāma janama śruti gāvahiṃ| tīratha sakala tahā~ cali āvahiṃ||\nasura nāga khaga nara muni devā| āi karahiṃ raghunāyaka sevā||\njanma mahotsava racahiṃ sujānā| karahiṃ rāma kala kīrati gānā||\ndohā/soraṭhā\nmajjahi sajjana bṛṃda bahu pāvana sarajū nīra|\njapahiṃ rāma dhari dhyāna ura suṃdara syāma sarīra||34||" },
    { devanagari: "चौपाई\nदरस परस मज्जन अरु पाना। हरइ पाप कह बेद पुराना।।\nनदी पुनीत अमित महिमा अति। कहि न सकइ सारद बिमलमति।।\nराम धामदा पुरी सुहावनि। लोक समस्त बिदित अति पावनि।।\nचारि खानि जग जीव अपारा। अवध तजे तनु नहि संसारा।।\nसब बिधि पुरी मनोहर जानी। सकल सिद्धिप्रद मंगल खानी।।\nबिमल कथा कर कीन्ह अरंभा। सुनत नसाहिं काम मद दंभा।।\nरामचरितमानस एहि नामा। सुनत श्रवन पाइअ बिश्रामा।।\nमन करि विषय अनल बन जरई। होइ सुखी जौ एहिं सर परई।।\nरामचरितमानस मुनि भावन। बिरचेउ संभु सुहावन पावन।।\nत्रिबिध दोष दुख दारिद दावन। कलि कुचालि कुलि कलुष नसावन।।\nरचि महेस निज मानस राखा। पाइ सुसमउ सिवा सन भाषा।।\nतातें रामचरितमानस बर। धरेउ नाम हियँ हेरि हरषि हर।।\nकहउँ कथा सोइ सुखद सुहाई। सादर सुनहु सुजन मन लाई।।\nदोहा/सोरठा\nजस मानस जेहि बिधि भयउ जग प्रचार जेहि हेतु।\nअब सोइ कहउँ प्रसंग सब सुमिरि उमा बृषकेतु।।35।।", iast: "caupāī\ndarasa parasa majjana aru pānā| harai pāpa kaha beda purānā||\nnadī punīta amita mahimā ati| kahi na sakai sārada bimalamati||\nrāma dhāmadā purī suhāvani| loka samasta bidita ati pāvani||\ncāri khāni jaga jīva apārā| avadha taje tanu nahi saṃsārā||\nsaba bidhi purī manohara jānī| sakala siddhiprada maṃgala khānī||\nbimala kathā kara kīnha araṃbhā| sunata nasāhiṃ kāma mada daṃbhā||\nrāmacaritamānasa ehi nāmā| sunata śravana pāia biśrāmā||\nmana kari viṣaya anala bana jaraī| hoi sukhī jau ehiṃ sara paraī||\nrāmacaritamānasa muni bhāvana| biraceu saṃbhu suhāvana pāvana||\ntribidha doṣa dukha dārida dāvana| kali kucāli kuli kaluṣa nasāvana||\nraci mahesa nija mānasa rākhā| pāi susamau sivā sana bhāṣā||\ntāteṃ rāmacaritamānasa bara| dhareu nāma hiya~ heri haraṣi hara||\nkahau~ kathā soi sukhada suhāī| sādara sunahu sujana mana lāī||\ndohā/soraṭhā\njasa mānasa jehi bidhi bhayau jaga pracāra jehi hetu|\naba soi kahau~ prasaṃga saba sumiri umā bṛṣaketu||35||" },
    { devanagari: "चौपाई\nसंभु प्रसाद सुमति हियँ हुलसी। रामचरितमानस कबि तुलसी।।\nकरइ मनोहर मति अनुहारी। सुजन सुचित सुनि लेहु सुधारी।।\nसुमति भूमि थल हृदय अगाधू। बेद पुरान उदधि घन साधू।।\nबरषहिं राम सुजस बर बारी। मधुर मनोहर मंगलकारी।।\nलीला सगुन जो कहहिं बखानी। सोइ स्वच्छता करइ मल हानी।।\nप्रेम भगति जो बरनि न जाई। सोइ मधुरता सुसीतलताई।।\nसो जल सुकृत सालि हित होई। राम भगत जन जीवन सोई।।\nमेधा महि गत सो जल पावन। सकिलि श्रवन मग चलेउ सुहावन।।\nभरेउ सुमानस सुथल थिराना। सुखद सीत रुचि चारु चिराना।।\nदोहा/सोरठा\nसुठि सुंदर संबाद बर बिरचे बुद्धि बिचारि।\nतेइ एहि पावन सुभग सर घाट मनोहर चारि।।36।।", iast: "caupāī\nsaṃbhu prasāda sumati hiya~ hulasī| rāmacaritamānasa kabi tulasī||\nkarai manohara mati anuhārī| sujana sucita suni lehu sudhārī||\nsumati bhūmi thala hṛdaya agādhū| beda purāna udadhi ghana sādhū||\nbaraṣahiṃ rāma sujasa bara bārī| madhura manohara maṃgalakārī||\nlīlā saguna jo kahahiṃ bakhānī| soi svacchatā karai mala hānī||\nprema bhagati jo barani na jāī| soi madhuratā susītalatāī||\nso jala sukṛta sāli hita hoī| rāma bhagata jana jīvana soī||\nmedhā mahi gata so jala pāvana| sakili śravana maga caleu suhāvana||\nbhareu sumānasa suthala thirānā| sukhada sīta ruci cāru cirānā||\ndohā/soraṭhā\nsuṭhi suṃdara saṃbāda bara birace buddhi bicāri|\ntei ehi pāvana subhaga sara ghāṭa manohara cāri||36||" },
    { devanagari: "चौपाई\nसप्त प्रबन्ध सुभग सोपाना। ग्यान नयन निरखत मन माना।।\nरघुपति महिमा अगुन अबाधा। बरनब सोइ बर बारि अगाधा।।\nराम सीय जस सलिल सुधासम। उपमा बीचि बिलास मनोरम।।\nपुरइनि सघन चारु चौपाई। जुगुति मंजु मनि सीप सुहाई।।\nछंद सोरठा सुंदर दोहा। सोइ बहुरंग कमल कुल सोहा।।\nअरथ अनूप सुमाव सुभासा। सोइ पराग मकरंद सुबासा।।\nसुकृत पुंज मंजुल अलि माला। ग्यान बिराग बिचार मराला।।\nधुनि अवरेब कबित गुन जाती। मीन मनोहर ते बहुभाँती।।\nअरथ धरम कामादिक चारी। कहब ग्यान बिग्यान बिचारी।।\nनव रस जप तप जोग बिरागा। ते सब जलचर चारु तड़ागा।।\nसुकृती साधु नाम गुन गाना। ते बिचित्र जल बिहग समाना।।\nसंतसभा चहुँ दिसि अवँराई। श्रद्धा रितु बसंत सम गाई।।\nभगति निरुपन बिबिध बिधाना। छमा दया दम लता बिताना।।\nसम जम नियम फूल फल ग्याना। हरि पत रति रस बेद बखाना।।\nऔरउ कथा अनेक प्रसंगा। तेइ सुक पिक बहुबरन बिहंगा।।\nदोहा/सोरठा\nपुलक बाटिका बाग बन सुख सुबिहंग बिहारु।\nमाली सुमन सनेह जल सींचत लोचन चारु।।37।।", iast: "caupāī\nsapta prabandha subhaga sopānā| gyāna nayana nirakhata mana mānā||\nraghupati mahimā aguna abādhā| baranaba soi bara bāri agādhā||\nrāma sīya jasa salila sudhāsama| upamā bīci bilāsa manorama||\npuraini saghana cāru caupāī| juguti maṃju mani sīpa suhāī||\nchaṃda soraṭhā suṃdara dohā| soi bahuraṃga kamala kula sohā||\naratha anūpa sumāva subhāsā| soi parāga makaraṃda subāsā||\nsukṛta puṃja maṃjula ali mālā| gyāna birāga bicāra marālā||\ndhuni avareba kabita guna jātī| mīna manohara te bahubhā~tī||\naratha dharama kāmādika cārī| kahaba gyāna bigyāna bicārī||\nnava rasa japa tapa joga birāgā| te saba jalacara cāru taṛāgā||\nsukṛtī sādhu nāma guna gānā| te bicitra jala bihaga samānā||\nsaṃtasabhā cahu~ disi ava~rāī| śraddhā ritu basaṃta sama gāī||\nbhagati nirupana bibidha bidhānā| chamā dayā dama latā bitānā||\nsama jama niyama phūla phala gyānā| hari pata rati rasa beda bakhānā||\naurau kathā aneka prasaṃgā| tei suka pika bahubarana bihaṃgā||\ndohā/soraṭhā\npulaka bāṭikā bāga bana sukha subihaṃga bihāru|\nmālī sumana saneha jala sīṃcata locana cāru||37||" },
    { devanagari: "चौपाई\nजे गावहिं यह चरित सँभारे। तेइ एहि ताल चतुर रखवारे।।\nसदा सुनहिं सादर नर नारी। तेइ सुरबर मानस अधिकारी।।\nअति खल जे बिषई बग कागा। एहिं सर निकट न जाहिं अभागा।।\nसंबुक भेक सेवार समाना। इहाँ न बिषय कथा रस नाना।।\nतेहि कारन आवत हियँ हारे। कामी काक बलाक बिचारे।।\nआवत एहिं सर अति कठिनाई। राम कृपा बिनु आइ न जाई।।\nकठिन कुसंग कुपंथ कराला। तिन्ह के बचन बाघ हरि ब्याला।।\nगृह कारज नाना जंजाला। ते अति दुर्गम सैल बिसाला।।\nबन बहु बिषम मोह मद माना। नदीं कुतर्क भयंकर नाना।।\nदोहा/सोरठा\nजे श्रद्धा संबल रहित नहि संतन्ह कर साथ।\nतिन्ह कहुँ मानस अगम अति जिन्हहि न प्रिय रघुनाथ।।38।।", iast: "caupāī\nje gāvahiṃ yaha carita sa~bhāre| tei ehi tāla catura rakhavāre||\nsadā sunahiṃ sādara nara nārī| tei surabara mānasa adhikārī||\nati khala je biṣaī baga kāgā| ehiṃ sara nikaṭa na jāhiṃ abhāgā||\nsaṃbuka bheka sevāra samānā| ihā~ na biṣaya kathā rasa nānā||\ntehi kārana āvata hiya~ hāre| kāmī kāka balāka bicāre||\nāvata ehiṃ sara ati kaṭhināī| rāma kṛpā binu āi na jāī||\nkaṭhina kusaṃga kupaṃtha karālā| tinha ke bacana bāgha hari byālā||\ngṛha kāraja nānā jaṃjālā| te ati durgama saila bisālā||\nbana bahu biṣama moha mada mānā| nadīṃ kutarka bhayaṃkara nānā||\ndohā/soraṭhā\nje śraddhā saṃbala rahita nahi saṃtanha kara sātha|\ntinha kahu~ mānasa agama ati jinhahi na priya raghunātha||38||" },
    { devanagari: "चौपाई\nजौं करि कष्ट जाइ पुनि कोई। जातहिं नींद जुड़ाई होई।।\nजड़ता जाड़ बिषम उर लागा। गएहुँ न मज्जन पाव अभागा।।\nकरि न जाइ सर मज्जन पाना। फिरि आवइ समेत अभिमाना।।\nजौं बहोरि कोउ पूछन आवा। सर निंदा करि ताहि बुझावा।।\nसकल बिघ्न ब्यापहि नहिं तेही। राम सुकृपाँ बिलोकहिं जेही।।\nसोइ सादर सर मज्जनु करई। महा घोर त्रयताप न जरई।।\nते नर यह सर तजहिं न काऊ। जिन्ह के राम चरन भल भाऊ।।\nजो नहाइ चह एहिं सर भाई। सो सतसंग करउ मन लाई।।\nअस मानस मानस चख चाही। भइ कबि बुद्धि बिमल अवगाही।।\nभयउ हृदयँ आनंद उछाहू। उमगेउ प्रेम प्रमोद प्रबाहू।।\nचली सुभग कबिता सरिता सो। राम बिमल जस जल भरिता सो।।\nसरजू नाम सुमंगल मूला। लोक बेद मत मंजुल कूला।।\nनदी पुनीत सुमानस नंदिनि। कलिमल तृन तरु मूल निकंदिनि।।\nदोहा/सोरठा\nश्रोता त्रिबिध समाज पुर ग्राम नगर दुहुँ कूल।\nसंतसभा अनुपम अवध सकल सुमंगल मूल।।39।।", iast: "caupāī\njauṃ kari kaṣṭa jāi puni koī| jātahiṃ nīṃda juṛāī hoī||\njaṛatā jāṛa biṣama ura lāgā| gaehu~ na majjana pāva abhāgā||\nkari na jāi sara majjana pānā| phiri āvai sameta abhimānā||\njauṃ bahori kou pūchana āvā| sara niṃdā kari tāhi bujhāvā||\nsakala bighna byāpahi nahiṃ tehī| rāma sukṛpā~ bilokahiṃ jehī||\nsoi sādara sara majjanu karaī| mahā ghora trayatāpa na jaraī||\nte nara yaha sara tajahiṃ na kāū| jinha ke rāma carana bhala bhāū||\njo nahāi caha ehiṃ sara bhāī| so satasaṃga karau mana lāī||\nasa mānasa mānasa cakha cāhī| bhai kabi buddhi bimala avagāhī||\nbhayau hṛdaya~ ānaṃda uchāhū| umageu prema pramoda prabāhū||\ncalī subhaga kabitā saritā so| rāma bimala jasa jala bharitā so||\nsarajū nāma sumaṃgala mūlā| loka beda mata maṃjula kūlā||\nnadī punīta sumānasa naṃdini| kalimala tṛna taru mūla nikaṃdini||\ndohā/soraṭhā\nśrotā tribidha samāja pura grāma nagara duhu~ kūla|\nsaṃtasabhā anupama avadha sakala sumaṃgala mūla||39||" },
    { devanagari: "चौपाई\nरामभगति सुरसरितहि जाई। मिली सुकीरति सरजु सुहाई।।\nसानुज राम समर जसु पावन। मिलेउ महानदु सोन सुहावन।।\nजुग बिच भगति देवधुनि धारा। सोहति सहित सुबिरति बिचारा।।\nत्रिबिध ताप त्रासक तिमुहानी। राम सरुप सिंधु समुहानी।।\nमानस मूल मिली सुरसरिही। सुनत सुजन मन पावन करिही।।\nबिच बिच कथा बिचित्र बिभागा। जनु सरि तीर तीर बन बागा।।\nउमा महेस बिबाह बराती। ते जलचर अगनित बहुभाँती।।\nरघुबर जनम अनंद बधाई। भवँर तरंग मनोहरताई।।\nदोहा/सोरठा\nबालचरित चहु बंधु के बनज बिपुल बहुरंग।\nनृप रानी परिजन सुकृत मधुकर बारिबिहंग।।40।।", iast: "caupāī\nrāmabhagati surasaritahi jāī| milī sukīrati saraju suhāī||\nsānuja rāma samara jasu pāvana| mileu mahānadu sona suhāvana||\njuga bica bhagati devadhuni dhārā| sohati sahita subirati bicārā||\ntribidha tāpa trāsaka timuhānī| rāma sarupa siṃdhu samuhānī||\nmānasa mūla milī surasarihī| sunata sujana mana pāvana karihī||\nbica bica kathā bicitra bibhāgā| janu sari tīra tīra bana bāgā||\numā mahesa bibāha barātī| te jalacara aganita bahubhā~tī||\nraghubara janama anaṃda badhāī| bhava~ra taraṃga manoharatāī||\ndohā/soraṭhā\nbālacarita cahu baṃdhu ke banaja bipula bahuraṃga|\nnṛpa rānī parijana sukṛta madhukara bāribihaṃga||40||" },
    { devanagari: "चौपाई\nसीय स्वयंबर कथा सुहाई। सरित सुहावनि सो छबि छाई।।\nनदी नाव पटु प्रस्न अनेका। केवट कुसल उतर सबिबेका।।\nसुनि अनुकथन परस्पर होई। पथिक समाज सोह सरि सोई।।\nघोर धार भृगुनाथ रिसानी। घाट सुबद्ध राम बर बानी।।\nसानुज राम बिबाह उछाहू। सो सुभ उमग सुखद सब काहू।।\nकहत सुनत हरषहिं पुलकाहीं। ते सुकृती मन मुदित नहाहीं।।\nराम तिलक हित मंगल साजा। परब जोग जनु जुरे समाजा।।\nकाई कुमति केकई केरी। परी जासु फल बिपति घनेरी।।\nदोहा/सोरठा\nसमन अमित उतपात सब भरतचरित जपजाग।\nकलि अघ खल अवगुन कथन ते जलमल बग काग।।41।।", iast: "caupāī\nsīya svayaṃbara kathā suhāī| sarita suhāvani so chabi chāī||\nnadī nāva paṭu prasna anekā| kevaṭa kusala utara sabibekā||\nsuni anukathana paraspara hoī| pathika samāja soha sari soī||\nghora dhāra bhṛgunātha risānī| ghāṭa subaddha rāma bara bānī||\nsānuja rāma bibāha uchāhū| so subha umaga sukhada saba kāhū||\nkahata sunata haraṣahiṃ pulakāhīṃ| te sukṛtī mana mudita nahāhīṃ||\nrāma tilaka hita maṃgala sājā| paraba joga janu jure samājā||\nkāī kumati kekaī kerī| parī jāsu phala bipati ghanerī||\ndohā/soraṭhā\nsamana amita utapāta saba bharatacarita japajāga|\nkali agha khala avaguna kathana te jalamala baga kāga||41||" },
    { devanagari: "चौपाई\nकीरति सरित छहूँ रितु रूरी। समय सुहावनि पावनि भूरी।।\nहिम हिमसैलसुता सिव ब्याहू। सिसिर सुखद प्रभु जनम उछाहू।।\nबरनब राम बिबाह समाजू। सो मुद मंगलमय रितुराजू।।\nग्रीषम दुसह राम बनगवनू। पंथकथा खर आतप पवनू।।\nबरषा घोर निसाचर रारी। सुरकुल सालि सुमंगलकारी।।\nराम राज सुख बिनय बड़ाई। बिसद सुखद सोइ सरद सुहाई।।\nसती सिरोमनि सिय गुनगाथा। सोइ गुन अमल अनूपम पाथा।।\nभरत सुभाउ सुसीतलताई। सदा एकरस बरनि न जाई।।\nदोहा/सोरठा\nअवलोकनि बोलनि मिलनि प्रीति परसपर हास।\nभायप भलि चहु बंधु की जल माधुरी सुबास।।42।।", iast: "caupāī\nkīrati sarita chahū~ ritu rūrī| samaya suhāvani pāvani bhūrī||\nhima himasailasutā siva byāhū| sisira sukhada prabhu janama uchāhū||\nbaranaba rāma bibāha samājū| so muda maṃgalamaya riturājū||\ngrīṣama dusaha rāma banagavanū| paṃthakathā khara ātapa pavanū||\nbaraṣā ghora nisācara rārī| surakula sāli sumaṃgalakārī||\nrāma rāja sukha binaya baṛāī| bisada sukhada soi sarada suhāī||\nsatī siromani siya gunagāthā| soi guna amala anūpama pāthā||\nbharata subhāu susītalatāī| sadā ekarasa barani na jāī||\ndohā/soraṭhā\navalokani bolani milani prīti parasapara hāsa|\nbhāyapa bhali cahu baṃdhu kī jala mādhurī subāsa||42||" },
    { devanagari: "चौपाई\nआरति बिनय दीनता मोरी। लघुता ललित सुबारि न थोरी।।\nअदभुत सलिल सुनत गुनकारी। आस पिआस मनोमल हारी।।\nराम सुप्रेमहि पोषत पानी। हरत सकल कलि कलुष गलानी।।\nभव श्रम सोषक तोषक तोषा। समन दुरित दुख दारिद दोषा।।\nकाम कोह मद मोह नसावन। बिमल बिबेक बिराग बढ़ावन।।\nसादर मज्जन पान किए तें। मिटहिं पाप परिताप हिए तें।।\nजिन्ह एहि बारि न मानस धोए। ते कायर कलिकाल बिगोए।।\nतृषित निरखि रबि कर भव बारी। फिरिहहि मृग जिमि जीव दुखारी।।\nदोहा/सोरठा\nमति अनुहारि सुबारि गुन गनि मन अन्हवाइ।\nसुमिरि भवानी संकरहि कह कबि कथा सुहाइ।।43(क)।।\nअब रघुपति पद पंकरुह हियँ धरि पाइ प्रसाद ।\nकहउँ जुगल मुनिबर्ज कर मिलन सुभग संबाद।।43(ख)।।", iast: "caupāī\nārati binaya dīnatā morī| laghutā lalita subāri na thorī||\nadabhuta salila sunata gunakārī| āsa piāsa manomala hārī||\nrāma supremahi poṣata pānī| harata sakala kali kaluṣa galānī||\nbhava śrama soṣaka toṣaka toṣā| samana durita dukha dārida doṣā||\nkāma koha mada moha nasāvana| bimala bibeka birāga baṛhāvana||\nsādara majjana pāna kie teṃ| miṭahiṃ pāpa paritāpa hie teṃ||\njinha ehi bāri na mānasa dhoe| te kāyara kalikāla bigoe||\ntṛṣita nirakhi rabi kara bhava bārī| phirihahi mṛga jimi jīva dukhārī||\ndohā/soraṭhā\nmati anuhāri subāri guna gani mana anhavāi|\nsumiri bhavānī saṃkarahi kaha kabi kathā suhāi||43(ka)||\naba raghupati pada paṃkaruha hiya~ dhari pāi prasāda |\nkahau~ jugala munibarja kara milana subhaga saṃbāda||43(kha)||" },
    { devanagari: "चौपाई\nभरद्वाज मुनि बसहिं प्रयागा। तिन्हहि राम पद अति अनुरागा।।\nतापस सम दम दया निधाना। परमारथ पथ परम सुजाना।।\nमाघ मकरगत रबि जब होई। तीरथपतिहिं आव सब कोई।।\nदेव दनुज किंनर नर श्रेनी। सादर मज्जहिं सकल त्रिबेनीं।।\nपूजहि माधव पद जलजाता। परसि अखय बटु हरषहिं गाता।।\nभरद्वाज आश्रम अति पावन। परम रम्य मुनिबर मन भावन।।\nतहाँ होइ मुनि रिषय समाजा। जाहिं जे मज्जन तीरथराजा।।\nमज्जहिं प्रात समेत उछाहा। कहहिं परसपर हरि गुन गाहा।।\nदोहा/सोरठा\nब्रह्म निरूपम धरम बिधि बरनहिं तत्त्व बिभाग।\nकहहिं भगति भगवंत कै संजुत ग्यान बिराग।।44।।", iast: "caupāī\nbharadvāja muni basahiṃ prayāgā| tinhahi rāma pada ati anurāgā||\ntāpasa sama dama dayā nidhānā| paramāratha patha parama sujānā||\nmāgha makaragata rabi jaba hoī| tīrathapatihiṃ āva saba koī||\ndeva danuja kiṃnara nara śrenī| sādara majjahiṃ sakala tribenīṃ||\npūjahi mādhava pada jalajātā| parasi akhaya baṭu haraṣahiṃ gātā||\nbharadvāja āśrama ati pāvana| parama ramya munibara mana bhāvana||\ntahā~ hoi muni riṣaya samājā| jāhiṃ je majjana tīratharājā||\nmajjahiṃ prāta sameta uchāhā| kahahiṃ parasapara hari guna gāhā||\ndohā/soraṭhā\nbrahma nirūpama dharama bidhi baranahiṃ tattva bibhāga|\nkahahiṃ bhagati bhagavaṃta kai saṃjuta gyāna birāga||44||" },
    { devanagari: "चौपाई\nएहि प्रकार भरि माघ नहाहीं। पुनि सब निज निज आश्रम जाहीं।।\nप्रति संबत अति होइ अनंदा। मकर मज्जि गवनहिं मुनिबृंदा।।\nएक बार भरि मकर नहाए। सब मुनीस आश्रमन्ह सिधाए।।\nजगबालिक मुनि परम बिबेकी। भरव्दाज राखे पद टेकी।।\nसादर चरन सरोज पखारे। अति पुनीत आसन बैठारे।।\nकरि पूजा मुनि सुजस बखानी। बोले अति पुनीत मृदु बानी।।\nनाथ एक संसउ बड़ मोरें। करगत बेदतत्व सबु तोरें।।\nकहत सो मोहि लागत भय लाजा। जौ न कहउँ बड़ होइ अकाजा।।\nदोहा/सोरठा\nसंत कहहि असि नीति प्रभु श्रुति पुरान मुनि गाव।\nहोइ न बिमल बिबेक उर गुर सन किएँ दुराव।।45।।", iast: "caupāī\nehi prakāra bhari māgha nahāhīṃ| puni saba nija nija āśrama jāhīṃ||\nprati saṃbata ati hoi anaṃdā| makara majji gavanahiṃ munibṛṃdā||\neka bāra bhari makara nahāe| saba munīsa āśramanha sidhāe||\njagabālika muni parama bibekī| bharavdāja rākhe pada ṭekī||\nsādara carana saroja pakhāre| ati punīta āsana baiṭhāre||\nkari pūjā muni sujasa bakhānī| bole ati punīta mṛdu bānī||\nnātha eka saṃsau baṛa moreṃ| karagata bedatatva sabu toreṃ||\nkahata so mohi lāgata bhaya lājā| jau na kahau~ baṛa hoi akājā||\ndohā/soraṭhā\nsaṃta kahahi asi nīti prabhu śruti purāna muni gāva|\nhoi na bimala bibeka ura gura sana kie~ durāva||45||" },
    { devanagari: "चौपाई\nअस बिचारि प्रगटउँ निज मोहू। हरहु नाथ करि जन पर छोहू।।\nराम नाम कर अमित प्रभावा। संत पुरान उपनिषद गावा।।\nसंतत जपत संभु अबिनासी। सिव भगवान ग्यान गुन रासी।।\nआकर चारि जीव जग अहहीं। कासीं मरत परम पद लहहीं।।\nसोपि राम महिमा मुनिराया। सिव उपदेसु करत करि दाया।।\nरामु कवन प्रभु पूछउँ तोही। कहिअ बुझाइ कृपानिधि मोही।।\nएक राम अवधेस कुमारा। तिन्ह कर चरित बिदित संसारा।।\nनारि बिरहँ दुखु लहेउ अपारा। भयहु रोषु रन रावनु मारा।।\nदोहा/सोरठा\nप्रभु सोइ राम कि अपर कोउ जाहि जपत त्रिपुरारि।\nसत्यधाम सर्बग्य तुम्ह कहहु बिबेकु बिचारि।।46।।", iast: "caupāī\nasa bicāri pragaṭau~ nija mohū| harahu nātha kari jana para chohū||\nrāma nāma kara amita prabhāvā| saṃta purāna upaniṣada gāvā||\nsaṃtata japata saṃbhu abināsī| siva bhagavāna gyāna guna rāsī||\nākara cāri jīva jaga ahahīṃ| kāsīṃ marata parama pada lahahīṃ||\nsopi rāma mahimā munirāyā| siva upadesu karata kari dāyā||\nrāmu kavana prabhu pūchau~ tohī| kahia bujhāi kṛpānidhi mohī||\neka rāma avadhesa kumārā| tinha kara carita bidita saṃsārā||\nnāri biraha~ dukhu laheu apārā| bhayahu roṣu rana rāvanu mārā||\ndohā/soraṭhā\nprabhu soi rāma ki apara kou jāhi japata tripurāri|\nsatyadhāma sarbagya tumha kahahu bibeku bicāri||46||" },
    { devanagari: "चौपाई\nजैसे मिटै मोर भ्रम भारी। कहहु सो कथा नाथ बिस्तारी।।\nजागबलिक बोले मुसुकाई। तुम्हहि बिदित रघुपति प्रभुताई।।\nराममगत तुम्ह मन क्रम बानी। चतुराई तुम्हारी मैं जानी।।\nचाहहु सुनै राम गुन गूढ़ा। कीन्हिहु प्रस्न मनहुँ अति मूढ़ा।।\nतात सुनहु सादर मनु लाई। कहउँ राम कै कथा सुहाई।।\nमहामोहु महिषेसु बिसाला। रामकथा कालिका कराला।।\nरामकथा ससि किरन समाना। संत चकोर करहिं जेहि पाना।।\nऐसेइ संसय कीन्ह भवानी। महादेव तब कहा बखानी।।\nदोहा/सोरठा\nकहउँ सो मति अनुहारि अब उमा संभु संबाद।\nभयउ समय जेहि हेतु जेहि सुनु मुनि मिटिहि बिषाद।।47।।", iast: "caupāī\njaise miṭai mora bhrama bhārī| kahahu so kathā nātha bistārī||\njāgabalika bole musukāī| tumhahi bidita raghupati prabhutāī||\nrāmamagata tumha mana krama bānī| caturāī tumhārī maiṃ jānī||\ncāhahu sunai rāma guna gūṛhā| kīnhihu prasna manahu~ ati mūṛhā||\ntāta sunahu sādara manu lāī| kahau~ rāma kai kathā suhāī||\nmahāmohu mahiṣesu bisālā| rāmakathā kālikā karālā||\nrāmakathā sasi kirana samānā| saṃta cakora karahiṃ jehi pānā||\naisei saṃsaya kīnha bhavānī| mahādeva taba kahā bakhānī||\ndohā/soraṭhā\nkahau~ so mati anuhāri aba umā saṃbhu saṃbāda|\nbhayau samaya jehi hetu jehi sunu muni miṭihi biṣāda||47||" },
    { devanagari: "चौपाई\nएक बार त्रेता जुग माहीं। संभु गए कुंभज रिषि पाहीं।।\nसंग सती जगजननि भवानी। पूजे रिषि अखिलेस्वर जानी।।\nरामकथा मुनीबर्ज बखानी। सुनी महेस परम सुखु मानी।।\nरिषि पूछी हरिभगति सुहाई। कही संभु अधिकारी पाई।।\nकहत सुनत रघुपति गुन गाथा। कछु दिन तहाँ रहे गिरिनाथा।।\nमुनि सन बिदा मागि त्रिपुरारी। चले भवन सँग दच्छकुमारी।।\nतेहि अवसर भंजन महिभारा। हरि रघुबंस लीन्ह अवतारा।।\nपिता बचन तजि राजु उदासी। दंडक बन बिचरत अबिनासी।।\nदोहा/सोरठा\nह्दयँ बिचारत जात हर केहि बिधि दरसनु होइ।\nगुप्त रुप अवतरेउ प्रभु गएँ जान सबु कोइ।।48(क)।।\nसंकर उर अति छोभु सती न जानहिं मरमु सोइ।।\nतुलसी दरसन लोभु मन डरु लोचन लालची।।48(ख)।।", iast: "caupāī\neka bāra tretā juga māhīṃ| saṃbhu gae kuṃbhaja riṣi pāhīṃ||\nsaṃga satī jagajanani bhavānī| pūje riṣi akhilesvara jānī||\nrāmakathā munībarja bakhānī| sunī mahesa parama sukhu mānī||\nriṣi pūchī haribhagati suhāī| kahī saṃbhu adhikārī pāī||\nkahata sunata raghupati guna gāthā| kachu dina tahā~ rahe girināthā||\nmuni sana bidā māgi tripurārī| cale bhavana sa~ga dacchakumārī||\ntehi avasara bhaṃjana mahibhārā| hari raghubaṃsa līnha avatārā||\npitā bacana taji rāju udāsī| daṃḍaka bana bicarata abināsī||\ndohā/soraṭhā\nhdaya~ bicārata jāta hara kehi bidhi darasanu hoi|\ngupta rupa avatareu prabhu gae~ jāna sabu koi||48(ka)||\nsaṃkara ura ati chobhu satī na jānahiṃ maramu soi||\ntulasī darasana lobhu mana ḍaru locana lālacī||48(kha)||" },
    { devanagari: "चौपाई\nरावन मरन मनुज कर जाचा। प्रभु बिधि बचनु कीन्ह चह साचा।।\nजौं नहिं जाउँ रहइ पछितावा। करत बिचारु न बनत बनावा।।\nएहि बिधि भए सोचबस ईसा। तेहि समय जाइ दससीसा।।\nलीन्ह नीच मारीचहि संगा। भयउ तुरत सोइ कपट कुरंगा।।\nकरि छलु मूढ़ हरी बैदेही। प्रभु प्रभाउ तस बिदित न तेही।।\nमृग बधि बन्धु सहित हरि आए। आश्रमु देखि नयन जल छाए।।\nबिरह बिकल नर इव रघुराई। खोजत बिपिन फिरत दोउ भाई।।\nकबहूँ जोग बियोग न जाकें। देखा प्रगट बिरह दुख ताकें।।\nदोहा/सोरठा\nअति विचित्र रघुपति चरित जानहिं परम सुजान।\nजे मतिमंद बिमोह बस हृदयँ धरहिं कछु आन।।49।।", iast: "caupāī\nrāvana marana manuja kara jācā| prabhu bidhi bacanu kīnha caha sācā||\njauṃ nahiṃ jāu~ rahai pachitāvā| karata bicāru na banata banāvā||\nehi bidhi bhae socabasa īsā| tehi samaya jāi dasasīsā||\nlīnha nīca mārīcahi saṃgā| bhayau turata soi kapaṭa kuraṃgā||\nkari chalu mūṛha harī baidehī| prabhu prabhāu tasa bidita na tehī||\nmṛga badhi bandhu sahita hari āe| āśramu dekhi nayana jala chāe||\nbiraha bikala nara iva raghurāī| khojata bipina phirata dou bhāī||\nkabahū~ joga biyoga na jākeṃ| dekhā pragaṭa biraha dukha tākeṃ||\ndohā/soraṭhā\nati vicitra raghupati carita jānahiṃ parama sujāna|\nje matimaṃda bimoha basa hṛdaya~ dharahiṃ kachu āna||49||" },
    { devanagari: "चौपाई\nसंभु समय तेहि रामहि देखा। उपजा हियँ अति हरपु बिसेषा।।\nभरि लोचन छबिसिंधु निहारी। कुसमय जानिन कीन्हि चिन्हारी।।\nजय सच्चिदानंद जग पावन। अस कहि चलेउ मनोज नसावन।।\nचले जात सिव सती समेता। पुनि पुनि पुलकत कृपानिकेता।।\nसतीं सो दसा संभु कै देखी। उर उपजा संदेहु बिसेषी।।\nसंकरु जगतबंद्य जगदीसा। सुर नर मुनि सब नावत सीसा।।\nतिन्ह नृपसुतहि नह परनामा। कहि सच्चिदानंद परधमा।।\nभए मगन छबि तासु बिलोकी। अजहुँ प्रीति उर रहति न रोकी।।\nदोहा/सोरठा\nब्रह्म जो व्यापक बिरज अज अकल अनीह अभेद।\nसो कि देह धरि होइ नर जाहि न जानत वेद।। 50।।", iast: "caupāī\nsaṃbhu samaya tehi rāmahi dekhā| upajā hiya~ ati harapu biseṣā||\nbhari locana chabisiṃdhu nihārī| kusamaya jānina kīnhi cinhārī||\njaya saccidānaṃda jaga pāvana| asa kahi caleu manoja nasāvana||\ncale jāta siva satī sametā| puni puni pulakata kṛpāniketā||\nsatīṃ so dasā saṃbhu kai dekhī| ura upajā saṃdehu biseṣī||\nsaṃkaru jagatabaṃdya jagadīsā| sura nara muni saba nāvata sīsā||\ntinha nṛpasutahi naha paranāmā| kahi saccidānaṃda paradhamā||\nbhae magana chabi tāsu bilokī| ajahu~ prīti ura rahati na rokī||\ndohā/soraṭhā\nbrahma jo vyāpaka biraja aja akala anīha abheda|\nso ki deha dhari hoi nara jāhi na jānata veda|| 50||" },
    { devanagari: "चौपाई\nबिष्नु जो सुर हित नरतनु धारी। सोउ सर्बग्य जथा त्रिपुरारी।।\nखोजइ सो कि अग्य इव नारी। ग्यानधाम श्रीपति असुरारी।।\nसंभुगिरा पुनि मृषा न होई। सिव सर्बग्य जान सबु कोई।।\nअस संसय मन भयउ अपारा। होई न हृदयँ प्रबोध प्रचारा।।\nजद्यपि प्रगट न कहेउ भवानी। हर अंतरजामी सब जानी।।\nसुनहि सती तव नारि सुभाऊ। संसय अस न धरिअ उर काऊ।।\nजासु कथा कुभंज रिषि गाई। भगति जासु मैं मुनिहि सुनाई।।\nसोउ मम इष्टदेव रघुबीरा। सेवत जाहि सदा मुनि धीरा।।", iast: "caupāī\nbiṣnu jo sura hita naratanu dhārī| sou sarbagya jathā tripurārī||\nkhojai so ki agya iva nārī| gyānadhāma śrīpati asurārī||\nsaṃbhugirā puni mṛṣā na hoī| siva sarbagya jāna sabu koī||\nasa saṃsaya mana bhayau apārā| hoī na hṛdaya~ prabodha pracārā||\njadyapi pragaṭa na kaheu bhavānī| hara aṃtarajāmī saba jānī||\nsunahi satī tava nāri subhāū| saṃsaya asa na dharia ura kāū||\njāsu kathā kubhaṃja riṣi gāī| bhagati jāsu maiṃ munihi sunāī||\nsou mama iṣṭadeva raghubīrā| sevata jāhi sadā muni dhīrā||" },
    { devanagari: "चौपाई\nजौं तुम्हरें मन अति संदेहू। तौ किन जाइ परीछा लेहू।।\nतब लगि बैठ अहउँ बटछाहिं। जब लगि तुम्ह ऐहहु मोहि पाही।।\nजैसें जाइ मोह भ्रम भारी। करेहु सो जतनु बिबेक बिचारी।।\nचलीं सती सिव आयसु पाई। करहिं बिचारु करौं का भाई।।\nइहाँ संभु अस मन अनुमाना। दच्छसुता कहुँ नहिं कल्याना।।\nमोरेहु कहें न संसय जाहीं। बिधी बिपरीत भलाई नाहीं।।\nहोइहि सोइ जो राम रचि राखा। को करि तर्क बढ़ावै साखा।।\nअस कहि लगे जपन हरिनामा। गई सती जहँ प्रभु सुखधामा।।\nदोहा/सोरठा\nपुनि पुनि हृदयँ विचारु करि धरि सीता कर रुप।\nआगें होइ चलि पंथ तेहि जेहिं आवत नरभूप।।52।।", iast: "caupāī\njauṃ tumhareṃ mana ati saṃdehū| tau kina jāi parīchā lehū||\ntaba lagi baiṭha ahau~ baṭachāhiṃ| jaba lagi tumha aihahu mohi pāhī||\njaiseṃ jāi moha bhrama bhārī| karehu so jatanu bibeka bicārī||\ncalīṃ satī siva āyasu pāī| karahiṃ bicāru karauṃ kā bhāī||\nihā~ saṃbhu asa mana anumānā| dacchasutā kahu~ nahiṃ kalyānā||\nmorehu kaheṃ na saṃsaya jāhīṃ| bidhī biparīta bhalāī nāhīṃ||\nhoihi soi jo rāma raci rākhā| ko kari tarka baṛhāvai sākhā||\nasa kahi lage japana harināmā| gaī satī jaha~ prabhu sukhadhāmā||\ndohā/soraṭhā\npuni puni hṛdaya~ vicāru kari dhari sītā kara rupa|\nāgeṃ hoi cali paṃtha tehi jehiṃ āvata narabhūpa||52||" },
    { devanagari: "चौपाई\nलछिमन दीख उमाकृत बेषा चकित भए भ्रम हृदयँ बिसेषा।।\nकहि न सकत कछु अति गंभीरा। प्रभु प्रभाउ जानत मतिधीरा।।\nसती कपटु जानेउ सुरस्वामी। सबदरसी सब अंतरजामी।।\nसुमिरत जाहि मिटइ अग्याना। सोइ सरबग्य रामु भगवाना।।\nसती कीन्ह चह तहँहुँ दुराऊ। देखहु नारि सुभाव प्रभाऊ।।\nनिज माया बलु हृदयँ बखानी। बोले बिहसि रामु मृदु बानी।।\nजोरि पानि प्रभु कीन्ह प्रनामू। पिता समेत लीन्ह निज नामू।।\nकहेउ बहोरि कहाँ बृषकेतू। बिपिन अकेलि फिरहु केहि हेतू।।\nदोहा/सोरठा\nराम बचन मृदु गूढ़ सुनि उपजा अति संकोचु।\nसती सभीत महेस पहिं चलीं हृदयँ बड़ सोचु।।53।।", iast: "caupāī\nlachimana dīkha umākṛta beṣā cakita bhae bhrama hṛdaya~ biseṣā||\nkahi na sakata kachu ati gaṃbhīrā| prabhu prabhāu jānata matidhīrā||\nsatī kapaṭu jāneu surasvāmī| sabadarasī saba aṃtarajāmī||\nsumirata jāhi miṭai agyānā| soi sarabagya rāmu bhagavānā||\nsatī kīnha caha taha~hu~ durāū| dekhahu nāri subhāva prabhāū||\nnija māyā balu hṛdaya~ bakhānī| bole bihasi rāmu mṛdu bānī||\njori pāni prabhu kīnha pranāmū| pitā sameta līnha nija nāmū||\nkaheu bahori kahā~ bṛṣaketū| bipina akeli phirahu kehi hetū||\ndohā/soraṭhā\nrāma bacana mṛdu gūṛha suni upajā ati saṃkocu|\nsatī sabhīta mahesa pahiṃ calīṃ hṛdaya~ baṛa socu||53||" },
    { devanagari: "चौपाई\nमैं संकर कर कहा न माना। निज अग्यानु राम पर आना।।\nजाइ उतरु अब देहउँ काहा। उर उपजा अति दारुन दाहा।।\nजाना राम सतीं दुखु पावा। निज प्रभाउ कछु प्रगटि जनावा।।\nसतीं दीख कौतुकु मग जाता। आगें रामु सहित श्री भ्राता।।\nफिरि चितवा पाछें प्रभु देखा। सहित बंधु सिय सुंदर वेषा।।\nजहँ चितवहिं तहँ प्रभु आसीना। सेवहिं सिद्ध मुनीस प्रबीना।।\nदेखे सिव बिधि बिष्नु अनेका। अमित प्रभाउ एक तें एका।।\nबंदत चरन करत प्रभु सेवा। बिबिध बेष देखे सब देवा।।\nदोहा/सोरठा\nसती बिधात्री इंदिरा देखीं अमित अनूप।\nजेहिं जेहिं बेष अजादि सुर तेहि तेहि तन अनुरूप।।54।।", iast: "caupāī\nmaiṃ saṃkara kara kahā na mānā| nija agyānu rāma para ānā||\njāi utaru aba dehau~ kāhā| ura upajā ati dāruna dāhā||\njānā rāma satīṃ dukhu pāvā| nija prabhāu kachu pragaṭi janāvā||\nsatīṃ dīkha kautuku maga jātā| āgeṃ rāmu sahita śrī bhrātā||\nphiri citavā pācheṃ prabhu dekhā| sahita baṃdhu siya suṃdara veṣā||\njaha~ citavahiṃ taha~ prabhu āsīnā| sevahiṃ siddha munīsa prabīnā||\ndekhe siva bidhi biṣnu anekā| amita prabhāu eka teṃ ekā||\nbaṃdata carana karata prabhu sevā| bibidha beṣa dekhe saba devā||\ndohā/soraṭhā\nsatī bidhātrī iṃdirā dekhīṃ amita anūpa|\njehiṃ jehiṃ beṣa ajādi sura tehi tehi tana anurūpa||54||" },
    { devanagari: "चौपाई\nदेखे जहँ तहँ रघुपति जेते। सक्तिन्ह सहित सकल सुर तेते।।\nजीव चराचर जो संसारा। देखे सकल अनेक प्रकारा।।\nपूजहिं प्रभुहि देव बहु बेषा। राम रूप दूसर नहिं देखा।।\nअवलोके रघुपति बहुतेरे। सीता सहित न बेष घनेरे।।\nसोइ रघुबर सोइ लछिमनु सीता। देखि सती अति भई सभीता।।\nहृदय कंप तन सुधि कछु नाहीं। नयन मूदि बैठीं मग माहीं।।\nबहुरि बिलोकेउ नयन उघारी। कछु न दीख तहँ दच्छकुमारी।।\nपुनि पुनि नाइ राम पद सीसा। चलीं तहाँ जहँ रहे गिरीसा।।\nदोहा/सोरठा\nगई समीप महेस तब हँसि पूछी कुसलात।\nलीन्ही परीछा कवन बिधि कहहु सत्य सब बात।।55।।", iast: "caupāī\ndekhe jaha~ taha~ raghupati jete| saktinha sahita sakala sura tete||\njīva carācara jo saṃsārā| dekhe sakala aneka prakārā||\npūjahiṃ prabhuhi deva bahu beṣā| rāma rūpa dūsara nahiṃ dekhā||\navaloke raghupati bahutere| sītā sahita na beṣa ghanere||\nsoi raghubara soi lachimanu sītā| dekhi satī ati bhaī sabhītā||\nhṛdaya kaṃpa tana sudhi kachu nāhīṃ| nayana mūdi baiṭhīṃ maga māhīṃ||\nbahuri bilokeu nayana ughārī| kachu na dīkha taha~ dacchakumārī||\npuni puni nāi rāma pada sīsā| calīṃ tahā~ jaha~ rahe girīsā||\ndohā/soraṭhā\ngaī samīpa mahesa taba ha~si pūchī kusalāta|\nlīnhī parīchā kavana bidhi kahahu satya saba bāta||55||" },
    { devanagari: "चौपाई\nसतीं समुझि रघुबीर प्रभाऊ। भय बस सिव सन कीन्ह दुराऊ।।\nकछु न परीछा लीन्हि गोसाई। कीन्ह प्रनामु तुम्हारिहि नाई।।\nजो तुम्ह कहा सो मृषा न होई। मोरें मन प्रतीति अति सोई।।\nतब संकर देखेउ धरि ध्याना। सतीं जो कीन्ह चरित सब जाना।।\nबहुरि राममायहि सिरु नावा। प्रेरि सतिहि जेहिं झूँठ कहावा।।\nहरि इच्छा भावी बलवाना। हृदयँ बिचारत संभु सुजाना।।\nसतीं कीन्ह सीता कर बेषा। सिव उर भयउ बिषाद बिसेषा।।\nजौं अब करउँ सती सन प्रीती। मिटइ भगति पथु होइ अनीती।।\nदोहा/सोरठा\nपरम पुनीत न जाइ तजि किएँ प्रेम बड़ पापु।\nप्रगटि न कहत महेसु कछु हृदयँ अधिक संतापु।।56।।", iast: "caupāī\nsatīṃ samujhi raghubīra prabhāū| bhaya basa siva sana kīnha durāū||\nkachu na parīchā līnhi gosāī| kīnha pranāmu tumhārihi nāī||\njo tumha kahā so mṛṣā na hoī| moreṃ mana pratīti ati soī||\ntaba saṃkara dekheu dhari dhyānā| satīṃ jo kīnha carita saba jānā||\nbahuri rāmamāyahi siru nāvā| preri satihi jehiṃ jhū~ṭha kahāvā||\nhari icchā bhāvī balavānā| hṛdaya~ bicārata saṃbhu sujānā||\nsatīṃ kīnha sītā kara beṣā| siva ura bhayau biṣāda biseṣā||\njauṃ aba karau~ satī sana prītī| miṭai bhagati pathu hoi anītī||\ndohā/soraṭhā\nparama punīta na jāi taji kie~ prema baṛa pāpu|\npragaṭi na kahata mahesu kachu hṛdaya~ adhika saṃtāpu||56||" },
    { devanagari: "चौपाई\nतब संकर प्रभु पद सिरु नावा। सुमिरत रामु हृदयँ अस आवा।।\nएहिं तन सतिहि भेट मोहि नाहीं। सिव संकल्पु कीन्ह मन माहीं।।\nअस बिचारि संकरु मतिधीरा। चले भवन सुमिरत रघुबीरा।।\nचलत गगन भै गिरा सुहाई। जय महेस भलि भगति दृढ़ाई।।\nअस पन तुम्ह बिनु करइ को आना। रामभगत समरथ भगवाना।।\nसुनि नभगिरा सती उर सोचा। पूछा सिवहि समेत सकोचा।।\nकीन्ह कवन पन कहहु कृपाला। सत्यधाम प्रभु दीनदयाला।।\nजदपि सतीं पूछा बहु भाँती। तदपि न कहेउ त्रिपुर आराती।।\nदोहा/सोरठा\nसतीं हृदय अनुमान किय सबु जानेउ सर्बग्य।\nकीन्ह कपटु मैं संभु सन नारि सहज जड़ अग्य।।57क।।\nजलु पय सरिस बिकाइ देखहु प्रीति कि रीति भलि।\nबिलग होइ रसु जाइ कपट खटाई परत पुनि।।57ख।।", iast: "caupāī\ntaba saṃkara prabhu pada siru nāvā| sumirata rāmu hṛdaya~ asa āvā||\nehiṃ tana satihi bheṭa mohi nāhīṃ| siva saṃkalpu kīnha mana māhīṃ||\nasa bicāri saṃkaru matidhīrā| cale bhavana sumirata raghubīrā||\ncalata gagana bhai girā suhāī| jaya mahesa bhali bhagati dṛṛhāī||\nasa pana tumha binu karai ko ānā| rāmabhagata samaratha bhagavānā||\nsuni nabhagirā satī ura socā| pūchā sivahi sameta sakocā||\nkīnha kavana pana kahahu kṛpālā| satyadhāma prabhu dīnadayālā||\njadapi satīṃ pūchā bahu bhā~tī| tadapi na kaheu tripura ārātī||\ndohā/soraṭhā\nsatīṃ hṛdaya anumāna kiya sabu jāneu sarbagya|\nkīnha kapaṭu maiṃ saṃbhu sana nāri sahaja jaṛa agya||57ka||\njalu paya sarisa bikāi dekhahu prīti ki rīti bhali|\nbilaga hoi rasu jāi kapaṭa khaṭāī parata puni||57kha||" },
    { devanagari: "चौपाई\nहृदयँ सोचु समुझत निज करनी। चिंता अमित जाइ नहि बरनी।।\nकृपासिंधु सिव परम अगाधा। प्रगट न कहेउ मोर अपराधा।।\nसंकर रुख अवलोकि भवानी। प्रभु मोहि तजेउ हृदयँ अकुलानी।।\nनिज अघ समुझि न कछु कहि जाई। तपइ अवाँ इव उर अधिकाई।।\nसतिहि ससोच जानि बृषकेतू। कहीं कथा सुंदर सुख हेतू।।\nबरनत पंथ बिबिध इतिहासा। बिस्वनाथ पहुँचे कैलासा।।\nतहँ पुनि संभु समुझि पन आपन। बैठे बट तर करि कमलासन।।\nसंकर सहज सरुप सम्हारा। लागि समाधि अखंड अपारा।।\nदोहा/सोरठा\nसती बसहि कैलास तब अधिक सोचु मन माहिं।\nमरमु न कोऊ जान कछु जुग सम दिवस सिराहिं।।58।।", iast: "caupāī\nhṛdaya~ socu samujhata nija karanī| ciṃtā amita jāi nahi baranī||\nkṛpāsiṃdhu siva parama agādhā| pragaṭa na kaheu mora aparādhā||\nsaṃkara rukha avaloki bhavānī| prabhu mohi tajeu hṛdaya~ akulānī||\nnija agha samujhi na kachu kahi jāī| tapai avā~ iva ura adhikāī||\nsatihi sasoca jāni bṛṣaketū| kahīṃ kathā suṃdara sukha hetū||\nbaranata paṃtha bibidha itihāsā| bisvanātha pahu~ce kailāsā||\ntaha~ puni saṃbhu samujhi pana āpana| baiṭhe baṭa tara kari kamalāsana||\nsaṃkara sahaja sarupa samhārā| lāgi samādhi akhaṃḍa apārā||\ndohā/soraṭhā\nsatī basahi kailāsa taba adhika socu mana māhiṃ|\nmaramu na koū jāna kachu juga sama divasa sirāhiṃ||58||" },
    { devanagari: "चौपाई\nनित नव सोचु सतीं उर भारा। कब जैहउँ दुख सागर पारा।।\nमैं जो कीन्ह रघुपति अपमाना। पुनिपति बचनु मृषा करि जाना।।\nसो फलु मोहि बिधाताँ दीन्हा। जो कछु उचित रहा सोइ कीन्हा।।\nअब बिधि अस बूझिअ नहि तोही। संकर बिमुख जिआवसि मोही।।\nकहि न जाई कछु हृदय गलानी। मन महुँ रामाहि सुमिर सयानी।।\nजौ प्रभु दीनदयालु कहावा। आरती हरन बेद जसु गावा।।\nतौ मैं बिनय करउँ कर जोरी। छूटउ बेगि देह यह मोरी।।\nजौं मोरे सिव चरन सनेहू। मन क्रम बचन सत्य ब्रतु एहू।।\nदोहा/सोरठा\nतौ सबदरसी सुनिअ प्रभु करउ सो बेगि उपाइ।\nहोइ मरनु जेही बिनहिं श्रम दुसह बिपत्ति बिहाइ।।59।।", iast: "caupāī\nnita nava socu satīṃ ura bhārā| kaba jaihau~ dukha sāgara pārā||\nmaiṃ jo kīnha raghupati apamānā| punipati bacanu mṛṣā kari jānā||\nso phalu mohi bidhātā~ dīnhā| jo kachu ucita rahā soi kīnhā||\naba bidhi asa būjhia nahi tohī| saṃkara bimukha jiāvasi mohī||\nkahi na jāī kachu hṛdaya galānī| mana mahu~ rāmāhi sumira sayānī||\njau prabhu dīnadayālu kahāvā| āratī harana beda jasu gāvā||\ntau maiṃ binaya karau~ kara jorī| chūṭau begi deha yaha morī||\njauṃ more siva carana sanehū| mana krama bacana satya bratu ehū||\ndohā/soraṭhā\ntau sabadarasī sunia prabhu karau so begi upāi|\nhoi maranu jehī binahiṃ śrama dusaha bipatti bihāi||59||" },
    { devanagari: "चौपाई\nएहि बिधि दुखित प्रजेसकुमारी। अकथनीय दारुन दुखु भारी।।\nबीतें संबत सहस सतासी। तजी समाधि संभु अबिनासी।।\nराम नाम सिव सुमिरन लागे। जानेउ सतीं जगतपति जागे।।\nजाइ संभु पद बंदनु कीन्ही। सनमुख संकर आसनु दीन्हा।।\nलगे कहन हरिकथा रसाला। दच्छ प्रजेस भए तेहि काला।।\nदेखा बिधि बिचारि सब लायक। दच्छहि कीन्ह प्रजापति नायक।।\nबड़ अधिकार दच्छ जब पावा। अति अभिमानु हृदयँ तब आवा।।\nनहिं कोउ अस जनमा जग माहीं। प्रभुता पाइ जाहि मद नाहीं।।\nदोहा/सोरठा\nदच्छ लिए मुनि बोलि सब करन लगे बड़ जाग।\nनेवते सादर सकल सुर जे पावत मख भाग।।60।।", iast: "caupāī\nehi bidhi dukhita prajesakumārī| akathanīya dāruna dukhu bhārī||\nbīteṃ saṃbata sahasa satāsī| tajī samādhi saṃbhu abināsī||\nrāma nāma siva sumirana lāge| jāneu satīṃ jagatapati jāge||\njāi saṃbhu pada baṃdanu kīnhī| sanamukha saṃkara āsanu dīnhā||\nlage kahana harikathā rasālā| daccha prajesa bhae tehi kālā||\ndekhā bidhi bicāri saba lāyaka| dacchahi kīnha prajāpati nāyaka||\nbaṛa adhikāra daccha jaba pāvā| ati abhimānu hṛdaya~ taba āvā||\nnahiṃ kou asa janamā jaga māhīṃ| prabhutā pāi jāhi mada nāhīṃ||\ndohā/soraṭhā\ndaccha lie muni boli saba karana lage baṛa jāga|\nnevate sādara sakala sura je pāvata makha bhāga||60||" },
    { devanagari: "चौपाई\nकिंनर नाग सिद्ध गंधर्बा। बधुन्ह समेत चले सुर सर्बा।।\nबिष्नु बिरंचि महेसु बिहाई। चले सकल सुर जान बनाई।।\nसतीं बिलोके ब्योम बिमाना। जात चले सुंदर बिधि नाना।।\nसुर सुंदरी करहिं कल गाना। सुनत श्रवन छूटहिं मुनि ध्याना।।\nपूछेउ तब सिवँ कहेउ बखानी। पिता जग्य सुनि कछु हरषानी।।\nजौं महेसु मोहि आयसु देहीं। कुछ दिन जाइ रहौं मिस एहीं।।\nपति परित्याग हृदय दुखु भारी। कहइ न निज अपराध बिचारी।।\nबोली सती मनोहर बानी। भय संकोच प्रेम रस सानी।।\nदोहा/सोरठा\nपिता भवन उत्सव परम जौं प्रभु आयसु होइ।\nतौ मै जाउँ कृपायतन सादर देखन सोइ।।61।।", iast: "caupāī\nkiṃnara nāga siddha gaṃdharbā| badhunha sameta cale sura sarbā||\nbiṣnu biraṃci mahesu bihāī| cale sakala sura jāna banāī||\nsatīṃ biloke byoma bimānā| jāta cale suṃdara bidhi nānā||\nsura suṃdarī karahiṃ kala gānā| sunata śravana chūṭahiṃ muni dhyānā||\npūcheu taba siva~ kaheu bakhānī| pitā jagya suni kachu haraṣānī||\njauṃ mahesu mohi āyasu dehīṃ| kucha dina jāi rahauṃ misa ehīṃ||\npati parityāga hṛdaya dukhu bhārī| kahai na nija aparādha bicārī||\nbolī satī manohara bānī| bhaya saṃkoca prema rasa sānī||\ndohā/soraṭhā\npitā bhavana utsava parama jauṃ prabhu āyasu hoi|\ntau mai jāu~ kṛpāyatana sādara dekhana soi||61||" },
    { devanagari: "चौपाई\nकहेहु नीक मोरेहुँ मन भावा। यह अनुचित नहिं नेवत पठावा।।\nदच्छ सकल निज सुता बोलाई। हमरें बयर तुम्हउ बिसराई।।\nब्रह्मसभाँ हम सन दुखु माना। तेहि तें अजहुँ करहिं अपमाना।।\nजौं बिनु बोलें जाहु भवानी। रहइ न सीलु सनेहु न कानी।।\nजदपि मित्र प्रभु पितु गुर गेहा। जाइअ बिनु बोलेहुँ न सँदेहा।।\nतदपि बिरोध मान जहँ कोई। तहाँ गएँ कल्यानु न होई।।\nभाँति अनेक संभु समुझावा। भावी बस न ग्यानु उर आवा।।\nकह प्रभु जाहु जो बिनहिं बोलाएँ। नहिं भलि बात हमारे भाएँ।।\nदोहा/सोरठा\nकहि देखा हर जतन बहु रहइ न दच्छकुमारि।\nदिए मुख्य गन संग तब बिदा कीन्ह त्रिपुरारि।।62।।", iast: "caupāī\nkahehu nīka morehu~ mana bhāvā| yaha anucita nahiṃ nevata paṭhāvā||\ndaccha sakala nija sutā bolāī| hamareṃ bayara tumhau bisarāī||\nbrahmasabhā~ hama sana dukhu mānā| tehi teṃ ajahu~ karahiṃ apamānā||\njauṃ binu boleṃ jāhu bhavānī| rahai na sīlu sanehu na kānī||\njadapi mitra prabhu pitu gura gehā| jāia binu bolehu~ na sa~dehā||\ntadapi birodha māna jaha~ koī| tahā~ gae~ kalyānu na hoī||\nbhā~ti aneka saṃbhu samujhāvā| bhāvī basa na gyānu ura āvā||\nkaha prabhu jāhu jo binahiṃ bolāe~| nahiṃ bhali bāta hamāre bhāe~||\ndohā/soraṭhā\nkahi dekhā hara jatana bahu rahai na dacchakumāri|\ndie mukhya gana saṃga taba bidā kīnha tripurāri||62||" },
    { devanagari: "चौपाई\nपिता भवन जब गई भवानी। दच्छ त्रास काहुँ न सनमानी।।\nसादर भलेहिं मिली एक माता। भगिनीं मिलीं बहुत मुसुकाता।।\nदच्छ न कछु पूछी कुसलाता। सतिहि बिलोकि जरे सब गाता।।\nसतीं जाइ देखेउ तब जागा। कतहुँ न दीख संभु कर भागा।।\nतब चित चढ़ेउ जो संकर कहेऊ। प्रभु अपमानु समुझि उर दहेऊ।।\nपाछिल दुखु न हृदयँ अस ब्यापा। जस यह भयउ महा परितापा।।\nजद्यपि जग दारुन दुख नाना। सब तें कठिन जाति अवमाना।।\nसमुझि सो सतिहि भयउ अति क्रोधा। बहु बिधि जननीं कीन्ह प्रबोधा।।\nदोहा/सोरठा\nसिव अपमानु न जाइ सहि हृदयँ न होइ प्रबोध।\nसकल सभहि हठि हटकि तब बोलीं बचन सक्रोध।।63।।", iast: "caupāī\npitā bhavana jaba gaī bhavānī| daccha trāsa kāhu~ na sanamānī||\nsādara bhalehiṃ milī eka mātā| bhaginīṃ milīṃ bahuta musukātā||\ndaccha na kachu pūchī kusalātā| satihi biloki jare saba gātā||\nsatīṃ jāi dekheu taba jāgā| katahu~ na dīkha saṃbhu kara bhāgā||\ntaba cita caṛheu jo saṃkara kaheū| prabhu apamānu samujhi ura daheū||\npāchila dukhu na hṛdaya~ asa byāpā| jasa yaha bhayau mahā paritāpā||\njadyapi jaga dāruna dukha nānā| saba teṃ kaṭhina jāti avamānā||\nsamujhi so satihi bhayau ati krodhā| bahu bidhi jananīṃ kīnha prabodhā||\ndohā/soraṭhā\nsiva apamānu na jāi sahi hṛdaya~ na hoi prabodha|\nsakala sabhahi haṭhi haṭaki taba bolīṃ bacana sakrodha||63||" },
    { devanagari: "चौपाई\nसुनहु सभासद सकल मुनिंदा। कही सुनी जिन्ह संकर निंदा।।\nसो फलु तुरत लहब सब काहूँ। भली भाँति पछिताब पिताहूँ।।\nसंत संभु श्रीपति अपबादा। सुनिअ जहाँ तहँ असि मरजादा।।\nकाटिअ तासु जीभ जो बसाई। श्रवन मूदि न त चलिअ पराई।।\nजगदातमा महेसु पुरारी। जगत जनक सब के हितकारी।।\nपिता मंदमति निंदत तेही। दच्छ सुक्र संभव यह देही।।\nतजिहउँ तुरत देह तेहि हेतू। उर धरि चंद्रमौलि बृषकेतू।।\nअस कहि जोग अगिनि तनु जारा। भयउ सकल मख हाहाकारा।।\nदोहा/सोरठा\nसती मरनु सुनि संभु गन लगे करन मख खीस।\nजग्य बिधंस बिलोकि भृगु रच्छा कीन्हि मुनीस।।64।।", iast: "caupāī\nsunahu sabhāsada sakala muniṃdā| kahī sunī jinha saṃkara niṃdā||\nso phalu turata lahaba saba kāhū~| bhalī bhā~ti pachitāba pitāhū~||\nsaṃta saṃbhu śrīpati apabādā| sunia jahā~ taha~ asi marajādā||\nkāṭia tāsu jībha jo basāī| śravana mūdi na ta calia parāī||\njagadātamā mahesu purārī| jagata janaka saba ke hitakārī||\npitā maṃdamati niṃdata tehī| daccha sukra saṃbhava yaha dehī||\ntajihau~ turata deha tehi hetū| ura dhari caṃdramauli bṛṣaketū||\nasa kahi joga agini tanu jārā| bhayau sakala makha hāhākārā||\ndohā/soraṭhā\nsatī maranu suni saṃbhu gana lage karana makha khīsa|\njagya bidhaṃsa biloki bhṛgu racchā kīnhi munīsa||64||" },
    { devanagari: "चौपाई\nसमाचार सब संकर पाए। बीरभद्रु करि कोप पठाए।।\nजग्य बिधंस जाइ तिन्ह कीन्हा। सकल सुरन्ह बिधिवत फलु दीन्हा।।\nभे जगबिदित दच्छ गति सोई। जसि कछु संभु बिमुख कै होई।।\nयह इतिहास सकल जग जानी। ताते मैं संछेप बखानी।।\nसतीं मरत हरि सन बरु मागा। जनम जनम सिव पद अनुरागा।।\nतेहि कारन हिमगिरि गृह जाई। जनमीं पारबती तनु पाई।।\nजब तें उमा सैल गृह जाईं। सकल सिद्धि संपति तहँ छाई।।\nजहँ तहँ मुनिन्ह सुआश्रम कीन्हे। उचित बास हिम भूधर दीन्हे।।\nदोहा/सोरठा\nसदा सुमन फल सहित सब द्रुम नव नाना जाति।\nप्रगटीं सुंदर सैल पर मनि आकर बहु भाँति।।65।।", iast: "caupāī\nsamācāra saba saṃkara pāe| bīrabhadru kari kopa paṭhāe||\njagya bidhaṃsa jāi tinha kīnhā| sakala suranha bidhivata phalu dīnhā||\nbhe jagabidita daccha gati soī| jasi kachu saṃbhu bimukha kai hoī||\nyaha itihāsa sakala jaga jānī| tāte maiṃ saṃchepa bakhānī||\nsatīṃ marata hari sana baru māgā| janama janama siva pada anurāgā||\ntehi kārana himagiri gṛha jāī| janamīṃ pārabatī tanu pāī||\njaba teṃ umā saila gṛha jāīṃ| sakala siddhi saṃpati taha~ chāī||\njaha~ taha~ muninha suāśrama kīnhe| ucita bāsa hima bhūdhara dīnhe||\ndohā/soraṭhā\nsadā sumana phala sahita saba druma nava nānā jāti|\npragaṭīṃ suṃdara saila para mani ākara bahu bhā~ti||65||" },
    { devanagari: "चौपाई\nसरिता सब पुनित जलु बहहीं। खग मृग मधुप सुखी सब रहहीं।।\nसहज बयरु सब जीवन्ह त्यागा। गिरि पर सकल करहिं अनुरागा।।\nसोह सैल गिरिजा गृह आएँ। जिमि जनु रामभगति के पाएँ।।\nनित नूतन मंगल गृह तासू। ब्रह्मादिक गावहिं जसु जासू।।\nनारद समाचार सब पाए। कौतुकहीं गिरि गेह सिधाए।।\nसैलराज बड़ आदर कीन्हा। पद पखारि बर आसनु दीन्हा।।\nनारि सहित मुनि पद सिरु नावा। चरन सलिल सबु भवनु सिंचावा।।\nनिज सौभाग्य बहुत गिरि बरना। सुता बोलि मेली मुनि चरना।।\nदोहा/सोरठा\nत्रिकालग्य सर्बग्य तुम्ह गति सर्बत्र तुम्हारि।।\nकहहु सुता के दोष गुन मुनिबर हृदयँ बिचारि।।66।।", iast: "caupāī\nsaritā saba punita jalu bahahīṃ| khaga mṛga madhupa sukhī saba rahahīṃ||\nsahaja bayaru saba jīvanha tyāgā| giri para sakala karahiṃ anurāgā||\nsoha saila girijā gṛha āe~| jimi janu rāmabhagati ke pāe~||\nnita nūtana maṃgala gṛha tāsū| brahmādika gāvahiṃ jasu jāsū||\nnārada samācāra saba pāe| kautukahīṃ giri geha sidhāe||\nsailarāja baṛa ādara kīnhā| pada pakhāri bara āsanu dīnhā||\nnāri sahita muni pada siru nāvā| carana salila sabu bhavanu siṃcāvā||\nnija saubhāgya bahuta giri baranā| sutā boli melī muni caranā||\ndohā/soraṭhā\ntrikālagya sarbagya tumha gati sarbatra tumhāri||\nkahahu sutā ke doṣa guna munibara hṛdaya~ bicāri||66||" },
    { devanagari: "चौपाई\nकह मुनि बिहसि गूढ़ मृदु बानी। सुता तुम्हारि सकल गुन खानी।।\nसुंदर सहज सुसील सयानी। नाम उमा अंबिका भवानी।।\nसब लच्छन संपन्न कुमारी। होइहि संतत पियहि पिआरी।।\nसदा अचल एहि कर अहिवाता। एहि तें जसु पैहहिं पितु माता।।\nहोइहि पूज्य सकल जग माहीं। एहि सेवत कछु दुर्लभ नाहीं।।\nएहि कर नामु सुमिरि संसारा। त्रिय चढ़हहिं पतिब्रत असिधारा।।\nसैल सुलच्छन सुता तुम्हारी। सुनहु जे अब अवगुन दुइ चारी।।\nअगुन अमान मातु पितु हीना। उदासीन सब संसय छीना।।\nदोहा/सोरठा\nजोगी जटिल अकाम मन नगन अमंगल बेष।।\nअस स्वामी एहि कहँ मिलिहि परी हस्त असि रेख।।67।।", iast: "caupāī\nkaha muni bihasi gūṛha mṛdu bānī| sutā tumhāri sakala guna khānī||\nsuṃdara sahaja susīla sayānī| nāma umā aṃbikā bhavānī||\nsaba lacchana saṃpanna kumārī| hoihi saṃtata piyahi piārī||\nsadā acala ehi kara ahivātā| ehi teṃ jasu paihahiṃ pitu mātā||\nhoihi pūjya sakala jaga māhīṃ| ehi sevata kachu durlabha nāhīṃ||\nehi kara nāmu sumiri saṃsārā| triya caṛhahahiṃ patibrata asidhārā||\nsaila sulacchana sutā tumhārī| sunahu je aba avaguna dui cārī||\naguna amāna mātu pitu hīnā| udāsīna saba saṃsaya chīnā||\ndohā/soraṭhā\njogī jaṭila akāma mana nagana amaṃgala beṣa||\nasa svāmī ehi kaha~ milihi parī hasta asi rekha||67||" },
    { devanagari: "चौपाई\nसुनि मुनि गिरा सत्य जियँ जानी। दुख दंपतिहि उमा हरषानी।।\nनारदहुँ यह भेदु न जाना। दसा एक समुझब बिलगाना।।\nसकल सखीं गिरिजा गिरि मैना। पुलक सरीर भरे जल नैना।।\nहोइ न मृषा देवरिषि भाषा। उमा सो बचनु हृदयँ धरि राखा।।\nउपजेउ सिव पद कमल सनेहू। मिलन कठिन मन भा संदेहू।।\nजानि कुअवसरु प्रीति दुराई। सखी उछँग बैठी पुनि जाई।।\nझूठि न होइ देवरिषि बानी। सोचहि दंपति सखीं सयानी।।\nउर धरि धीर कहइ गिरिराऊ। कहहु नाथ का करिअ उपाऊ।।\nदोहा/सोरठा\nकह मुनीस हिमवंत सुनु जो बिधि लिखा लिलार।\nदेव दनुज नर नाग मुनि कोउ न मेटनिहार।।68।।", iast: "caupāī\nsuni muni girā satya jiya~ jānī| dukha daṃpatihi umā haraṣānī||\nnāradahu~ yaha bhedu na jānā| dasā eka samujhaba bilagānā||\nsakala sakhīṃ girijā giri mainā| pulaka sarīra bhare jala nainā||\nhoi na mṛṣā devariṣi bhāṣā| umā so bacanu hṛdaya~ dhari rākhā||\nupajeu siva pada kamala sanehū| milana kaṭhina mana bhā saṃdehū||\njāni kuavasaru prīti durāī| sakhī ucha~ga baiṭhī puni jāī||\njhūṭhi na hoi devariṣi bānī| socahi daṃpati sakhīṃ sayānī||\nura dhari dhīra kahai girirāū| kahahu nātha kā karia upāū||\ndohā/soraṭhā\nkaha munīsa himavaṃta sunu jo bidhi likhā lilāra|\ndeva danuja nara nāga muni kou na meṭanihāra||68||" },
    { devanagari: "चौपाई\nतदपि एक मैं कहउँ उपाई। होइ करै जौं दैउ सहाई।।\nजस बरु मैं बरनेउँ तुम्ह पाहीं। मिलहि उमहि तस संसय नाहीं।।\nजे जे बर के दोष बखाने। ते सब सिव पहि मैं अनुमाने।।\nजौं बिबाहु संकर सन होई। दोषउ गुन सम कह सबु कोई।।\nजौं अहि सेज सयन हरि करहीं। बुध कछु तिन्ह कर दोषु न धरहीं।।\nभानु कृसानु सर्ब रस खाहीं। तिन्ह कहँ मंद कहत कोउ नाहीं।।\nसुभ अरु असुभ सलिल सब बहई। सुरसरि कोउ अपुनीत न कहई।।\nसमरथ कहुँ नहिं दोषु गोसाई। रबि पावक सुरसरि की नाई।।\nदोहा/सोरठा\nजौं अस हिसिषा करहिं नर जड़ि बिबेक अभिमान।\nपरहिं कलप भरि नरक महुँ जीव कि ईस समान।।69।।", iast: "caupāī\ntadapi eka maiṃ kahau~ upāī| hoi karai jauṃ daiu sahāī||\njasa baru maiṃ baraneu~ tumha pāhīṃ| milahi umahi tasa saṃsaya nāhīṃ||\nje je bara ke doṣa bakhāne| te saba siva pahi maiṃ anumāne||\njauṃ bibāhu saṃkara sana hoī| doṣau guna sama kaha sabu koī||\njauṃ ahi seja sayana hari karahīṃ| budha kachu tinha kara doṣu na dharahīṃ||\nbhānu kṛsānu sarba rasa khāhīṃ| tinha kaha~ maṃda kahata kou nāhīṃ||\nsubha aru asubha salila saba bahaī| surasari kou apunīta na kahaī||\nsamaratha kahu~ nahiṃ doṣu gosāī| rabi pāvaka surasari kī nāī||\ndohā/soraṭhā\njauṃ asa hisiṣā karahiṃ nara jaṛi bibeka abhimāna|\nparahiṃ kalapa bhari naraka mahu~ jīva ki īsa samāna||69||" },
    { devanagari: "चौपाई\nसुरसरि जल कृत बारुनि जाना। कबहुँ न संत करहिं तेहि पाना।।\nसुरसरि मिलें सो पावन जैसें। ईस अनीसहि अंतरु तैसें।।\nसंभु सहज समरथ भगवाना। एहि बिबाहँ सब बिधि कल्याना।।\nदुराराध्य पै अहहिं महेसू। आसुतोष पुनि किएँ कलेसू।।\nजौं तपु करै कुमारि तुम्हारी। भाविउ मेटि सकहिं त्रिपुरारी।।\nजद्यपि बर अनेक जग माहीं। एहि कहँ सिव तजि दूसर नाहीं।।\nबर दायक प्रनतारति भंजन। कृपासिंधु सेवक मन रंजन।।\nइच्छित फल बिनु सिव अवराधे। लहिअ न कोटि जोग जप साधें।।\nदोहा/सोरठा\nअस कहि नारद सुमिरि हरि गिरिजहि दीन्हि असीस।\nहोइहि यह कल्यान अब संसय तजहु गिरीस।।70।।", iast: "caupāī\nsurasari jala kṛta bāruni jānā| kabahu~ na saṃta karahiṃ tehi pānā||\nsurasari mileṃ so pāvana jaiseṃ| īsa anīsahi aṃtaru taiseṃ||\nsaṃbhu sahaja samaratha bhagavānā| ehi bibāha~ saba bidhi kalyānā||\ndurārādhya pai ahahiṃ mahesū| āsutoṣa puni kie~ kalesū||\njauṃ tapu karai kumāri tumhārī| bhāviu meṭi sakahiṃ tripurārī||\njadyapi bara aneka jaga māhīṃ| ehi kaha~ siva taji dūsara nāhīṃ||\nbara dāyaka pranatārati bhaṃjana| kṛpāsiṃdhu sevaka mana raṃjana||\nicchita phala binu siva avarādhe| lahia na koṭi joga japa sādheṃ||\ndohā/soraṭhā\nasa kahi nārada sumiri hari girijahi dīnhi asīsa|\nhoihi yaha kalyāna aba saṃsaya tajahu girīsa||70||" },
    { devanagari: "चौपाई\nकहि अस ब्रह्मभवन मुनि गयऊ। आगिल चरित सुनहु जस भयऊ।।\nपतिहि एकांत पाइ कह मैना। नाथ न मैं समुझे मुनि बैना।।\nजौं घरु बरु कुलु होइ अनूपा। करिअ बिबाहु सुता अनुरुपा।।\nन त कन्या बरु रहउ कुआरी। कंत उमा मम प्रानपिआरी।।\nजौं न मिलहि बरु गिरिजहि जोगू। गिरि जड़ सहज कहिहि सबु लोगू।।\nसोइ बिचारि पति करेहु बिबाहू। जेहिं न बहोरि होइ उर दाहू।।\nअस कहि परि चरन धरि सीसा। बोले सहित सनेह गिरीसा।।\nबरु पावक प्रगटै ससि माहीं। नारद बचनु अन्यथा नाहीं।।\nदोहा/सोरठा\nप्रिया सोचु परिहरहु सबु सुमिरहु श्रीभगवान।\nपारबतिहि निरमयउ जेहिं सोइ करिहि कल्यान।।71।।", iast: "caupāī\nkahi asa brahmabhavana muni gayaū| āgila carita sunahu jasa bhayaū||\npatihi ekāṃta pāi kaha mainā| nātha na maiṃ samujhe muni bainā||\njauṃ gharu baru kulu hoi anūpā| karia bibāhu sutā anurupā||\nna ta kanyā baru rahau kuārī| kaṃta umā mama prānapiārī||\njauṃ na milahi baru girijahi jogū| giri jaṛa sahaja kahihi sabu logū||\nsoi bicāri pati karehu bibāhū| jehiṃ na bahori hoi ura dāhū||\nasa kahi pari carana dhari sīsā| bole sahita saneha girīsā||\nbaru pāvaka pragaṭai sasi māhīṃ| nārada bacanu anyathā nāhīṃ||\ndohā/soraṭhā\npriyā socu pariharahu sabu sumirahu śrībhagavāna|\npārabatihi niramayau jehiṃ soi karihi kalyāna||71||" },
    { devanagari: "चौपाई\nअब जौ तुम्हहि सुता पर नेहू। तौ अस जाइ सिखावन देहू।।\nकरै सो तपु जेहिं मिलहिं महेसू। आन उपायँ न मिटहि कलेसू।।\nनारद बचन सगर्भ सहेतू। सुंदर सब गुन निधि बृषकेतू।।\nअस बिचारि तुम्ह तजहु असंका। सबहि भाँति संकरु अकलंका।।\nसुनि पति बचन हरषि मन माहीं। गई तुरत उठि गिरिजा पाहीं।।\nउमहि बिलोकि नयन भरे बारी। सहित सनेह गोद बैठारी।।\nबारहिं बार लेति उर लाई। गदगद कंठ न कछु कहि जाई।।\nजगत मातु सर्बग्य भवानी। मातु सुखद बोलीं मृदु बानी।।\nदोहा/सोरठा\nसुनहि मातु मैं दीख अस सपन सुनावउँ तोहि।\nसुंदर गौर सुबिप्रबर अस उपदेसेउ मोहि।।72।।", iast: "caupāī\naba jau tumhahi sutā para nehū| tau asa jāi sikhāvana dehū||\nkarai so tapu jehiṃ milahiṃ mahesū| āna upāya~ na miṭahi kalesū||\nnārada bacana sagarbha sahetū| suṃdara saba guna nidhi bṛṣaketū||\nasa bicāri tumha tajahu asaṃkā| sabahi bhā~ti saṃkaru akalaṃkā||\nsuni pati bacana haraṣi mana māhīṃ| gaī turata uṭhi girijā pāhīṃ||\numahi biloki nayana bhare bārī| sahita saneha goda baiṭhārī||\nbārahiṃ bāra leti ura lāī| gadagada kaṃṭha na kachu kahi jāī||\njagata mātu sarbagya bhavānī| mātu sukhada bolīṃ mṛdu bānī||\ndohā/soraṭhā\nsunahi mātu maiṃ dīkha asa sapana sunāvau~ tohi|\nsuṃdara gaura subiprabara asa upadeseu mohi||72||" },
    { devanagari: "चौपाई\nकरहि जाइ तपु सैलकुमारी। नारद कहा सो सत्य बिचारी।।\nमातु पितहि पुनि यह मत भावा। तपु सुखप्रद दुख दोष नसावा।।\nतपबल रचइ प्रपंच बिधाता। तपबल बिष्नु सकल जग त्राता।।\nतपबल संभु करहिं संघारा। तपबल सेषु धरइ महिभारा।।\nतप अधार सब सृष्टि भवानी। करहि जाइ तपु अस जियँ जानी।।\nसुनत बचन बिसमित महतारी। सपन सुनायउ गिरिहि हँकारी।।\nमातु पितुहि बहुबिधि समुझाई। चलीं उमा तप हित हरषाई।।\nप्रिय परिवार पिता अरु माता। भए बिकल मुख आव न बाता।।\nदोहा/सोरठा\nबेदसिरा मुनि आइ तब सबहि कहा समुझाइ।।\nपारबती महिमा सुनत रहे प्रबोधहि पाइ।।73।।", iast: "caupāī\nkarahi jāi tapu sailakumārī| nārada kahā so satya bicārī||\nmātu pitahi puni yaha mata bhāvā| tapu sukhaprada dukha doṣa nasāvā||\ntapabala racai prapaṃca bidhātā| tapabala biṣnu sakala jaga trātā||\ntapabala saṃbhu karahiṃ saṃghārā| tapabala seṣu dharai mahibhārā||\ntapa adhāra saba sṛṣṭi bhavānī| karahi jāi tapu asa jiya~ jānī||\nsunata bacana bisamita mahatārī| sapana sunāyau girihi ha~kārī||\nmātu pituhi bahubidhi samujhāī| calīṃ umā tapa hita haraṣāī||\npriya parivāra pitā aru mātā| bhae bikala mukha āva na bātā||\ndohā/soraṭhā\nbedasirā muni āi taba sabahi kahā samujhāi||\npārabatī mahimā sunata rahe prabodhahi pāi||73||" },
    { devanagari: "चौपाई\nउर धरि उमा प्रानपति चरना। जाइ बिपिन लागीं तपु करना।।\nअति सुकुमार न तनु तप जोगू। पति पद सुमिरि तजेउ सबु भोगू।।\nनित नव चरन उपज अनुरागा। बिसरी देह तपहिं मनु लागा।।\nसंबत सहस मूल फल खाए। सागु खाइ सत बरष गवाँए।।\nकछु दिन भोजनु बारि बतासा। किए कठिन कछु दिन उपबासा।।\nबेल पाती महि परइ सुखाई। तीनि सहस संबत सोई खाई।।\nपुनि परिहरे सुखानेउ परना। उमहि नाम तब भयउ अपरना।।\nदेखि उमहि तप खीन सरीरा। ब्रह्मगिरा भै गगन गभीरा।।\nदोहा/सोरठा\nभयउ मनोरथ सुफल तव सुनु गिरिजाकुमारि।\nपरिहरु दुसह कलेस सब अब मिलिहहिं त्रिपुरारि।।74।।", iast: "caupāī\nura dhari umā prānapati caranā| jāi bipina lāgīṃ tapu karanā||\nati sukumāra na tanu tapa jogū| pati pada sumiri tajeu sabu bhogū||\nnita nava carana upaja anurāgā| bisarī deha tapahiṃ manu lāgā||\nsaṃbata sahasa mūla phala khāe| sāgu khāi sata baraṣa gavā~e||\nkachu dina bhojanu bāri batāsā| kie kaṭhina kachu dina upabāsā||\nbela pātī mahi parai sukhāī| tīni sahasa saṃbata soī khāī||\npuni parihare sukhāneu paranā| umahi nāma taba bhayau aparanā||\ndekhi umahi tapa khīna sarīrā| brahmagirā bhai gagana gabhīrā||\ndohā/soraṭhā\nbhayau manoratha suphala tava sunu girijākumāri|\npariharu dusaha kalesa saba aba milihahiṃ tripurāri||74||" },
    { devanagari: "चौपाई\nअस तपु काहुँ न कीन्ह भवानी। भउ अनेक धीर मुनि ग्यानी।।\nअब उर धरहु ब्रह्म बर बानी। सत्य सदा संतत सुचि जानी।।\nआवै पिता बोलावन जबहीं। हठ परिहरि घर जाएहु तबहीं।।\nमिलहिं तुम्हहि जब सप्त रिषीसा। जानेहु तब प्रमान बागीसा।।\nसुनत गिरा बिधि गगन बखानी। पुलक गात गिरिजा हरषानी।।\nउमा चरित सुंदर मैं गावा। सुनहु संभु कर चरित सुहावा।।\nजब तें सती जाइ तनु त्यागा। तब सें सिव मन भयउ बिरागा।।\nजपहिं सदा रघुनायक नामा। जहँ तहँ सुनहिं राम गुन ग्रामा।।\nदोहा/सोरठा\nचिदानन्द सुखधाम सिव बिगत मोह मद काम।\nबिचरहिं महि धरि हृदयँ हरि सकल लोक अभिराम।।75।।", iast: "caupāī\nasa tapu kāhu~ na kīnha bhavānī| bhau aneka dhīra muni gyānī||\naba ura dharahu brahma bara bānī| satya sadā saṃtata suci jānī||\nāvai pitā bolāvana jabahīṃ| haṭha parihari ghara jāehu tabahīṃ||\nmilahiṃ tumhahi jaba sapta riṣīsā| jānehu taba pramāna bāgīsā||\nsunata girā bidhi gagana bakhānī| pulaka gāta girijā haraṣānī||\numā carita suṃdara maiṃ gāvā| sunahu saṃbhu kara carita suhāvā||\njaba teṃ satī jāi tanu tyāgā| taba seṃ siva mana bhayau birāgā||\njapahiṃ sadā raghunāyaka nāmā| jaha~ taha~ sunahiṃ rāma guna grāmā||\ndohā/soraṭhā\ncidānanda sukhadhāma siva bigata moha mada kāma|\nbicarahiṃ mahi dhari hṛdaya~ hari sakala loka abhirāma||75||" },
    { devanagari: "चौपाई\nकतहुँ मुनिन्ह उपदेसहिं ग्याना। कतहुँ राम गुन करहिं बखाना।।\nजदपि अकाम तदपि भगवाना। भगत बिरह दुख दुखित सुजाना।।\nएहि बिधि गयउ कालु बहु बीती। नित नै होइ राम पद प्रीती।।\nनैमु प्रेमु संकर कर देखा। अबिचल हृदयँ भगति कै रेखा।।\nप्रगटै रामु कृतग्य कृपाला। रूप सील निधि तेज बिसाला।।\nबहु प्रकार संकरहि सराहा। तुम्ह बिनु अस ब्रतु को निरबाहा।।\nबहुबिधि राम सिवहि समुझावा। पारबती कर जन्मु सुनावा।।\nअति पुनीत गिरिजा कै करनी। बिस्तर सहित कृपानिधि बरनी।।\nदोहा/सोरठा\nअब बिनती मम सुनेहु सिव जौं मो पर निज नेहु।\nजाइ बिबाहहु सैलजहि यह मोहि मागें देहु।।76।।", iast: "caupāī\nkatahu~ muninha upadesahiṃ gyānā| katahu~ rāma guna karahiṃ bakhānā||\njadapi akāma tadapi bhagavānā| bhagata biraha dukha dukhita sujānā||\nehi bidhi gayau kālu bahu bītī| nita nai hoi rāma pada prītī||\nnaimu premu saṃkara kara dekhā| abicala hṛdaya~ bhagati kai rekhā||\npragaṭai rāmu kṛtagya kṛpālā| rūpa sīla nidhi teja bisālā||\nbahu prakāra saṃkarahi sarāhā| tumha binu asa bratu ko nirabāhā||\nbahubidhi rāma sivahi samujhāvā| pārabatī kara janmu sunāvā||\nati punīta girijā kai karanī| bistara sahita kṛpānidhi baranī||\ndohā/soraṭhā\naba binatī mama sunehu siva jauṃ mo para nija nehu|\njāi bibāhahu sailajahi yaha mohi māgeṃ dehu||76||" },
    { devanagari: "चौपाई\nकह सिव जदपि उचित अस नाहीं। नाथ बचन पुनि मेटि न जाहीं।।\nसिर धरि आयसु करिअ तुम्हारा। परम धरमु यह नाथ हमारा।।\nमातु पिता गुर प्रभु कै बानी। बिनहिं बिचार करिअ सुभ जानी।।\nतुम्ह सब भाँति परम हितकारी। अग्या सिर पर नाथ तुम्हारी।।\nप्रभु तोषेउ सुनि संकर बचना। भक्ति बिबेक धर्म जुत रचना।।\nकह प्रभु हर तुम्हार पन रहेऊ। अब उर राखेहु जो हम कहेऊ।।\nअंतरधान भए अस भाषी। संकर सोइ मूरति उर राखी।।\nतबहिं सप्तरिषि सिव पहिं आए। बोले प्रभु अति बचन सुहाए।।\nदोहा/सोरठा\nपारबती पहिं जाइ तुम्ह प्रेम परिच्छा लेहु।\nगिरिहि प्रेरि पठएहु भवन दूरि करेहु संदेहु।।77।।", iast: "caupāī\nkaha siva jadapi ucita asa nāhīṃ| nātha bacana puni meṭi na jāhīṃ||\nsira dhari āyasu karia tumhārā| parama dharamu yaha nātha hamārā||\nmātu pitā gura prabhu kai bānī| binahiṃ bicāra karia subha jānī||\ntumha saba bhā~ti parama hitakārī| agyā sira para nātha tumhārī||\nprabhu toṣeu suni saṃkara bacanā| bhakti bibeka dharma juta racanā||\nkaha prabhu hara tumhāra pana raheū| aba ura rākhehu jo hama kaheū||\naṃtaradhāna bhae asa bhāṣī| saṃkara soi mūrati ura rākhī||\ntabahiṃ saptariṣi siva pahiṃ āe| bole prabhu ati bacana suhāe||\ndohā/soraṭhā\npārabatī pahiṃ jāi tumha prema paricchā lehu|\ngirihi preri paṭhaehu bhavana dūri karehu saṃdehu||77||" },
    { devanagari: "चौपाई\nरिषिन्ह गौरि देखी तहँ कैसी। मूरतिमंत तपस्या जैसी।।\nबोले मुनि सुनु सैलकुमारी। करहु कवन कारन तपु भारी।।\nकेहि अवराधहु का तुम्ह चहहू। हम सन सत्य मरमु किन कहहू।।\nकहत बचत मनु अति सकुचाई। हँसिहहु सुनि हमारि जड़ताई।।\nमनु हठ परा न सुनइ सिखावा। चहत बारि पर भीति उठावा।।\nनारद कहा सत्य सोइ जाना। बिनु पंखन्ह हम चहहिं उड़ाना।।\nदेखहु मुनि अबिबेकु हमारा। चाहिअ सदा सिवहि भरतारा।।", iast: "caupāī\nriṣinha gauri dekhī taha~ kaisī| mūratimaṃta tapasyā jaisī||\nbole muni sunu sailakumārī| karahu kavana kārana tapu bhārī||\nkehi avarādhahu kā tumha cahahū| hama sana satya maramu kina kahahū||\nkahata bacata manu ati sakucāī| ha~sihahu suni hamāri jaṛatāī||\nmanu haṭha parā na sunai sikhāvā| cahata bāri para bhīti uṭhāvā||\nnārada kahā satya soi jānā| binu paṃkhanha hama cahahiṃ uṛānā||\ndekhahu muni abibeku hamārā| cāhia sadā sivahi bharatārā||" },
    { devanagari: "चौपाई\nदच्छसुतन्ह उपदेसेन्हि जाई। तिन्ह फिरि भवनु न देखा आई।।\nचित्रकेतु कर घरु उन घाला। कनककसिपु कर पुनि अस हाला।।\nनारद सिख जे सुनहिं नर नारी। अवसि होहिं तजि भवनु भिखारी।।\nमन कपटी तन सज्जन चीन्हा। आपु सरिस सबही चह कीन्हा।।\nतेहि कें बचन मानि बिस्वासा। तुम्ह चाहहु पति सहज उदासा।।\nनिर्गुन निलज कुबेष कपाली। अकुल अगेह दिगंबर ब्याली।।\nकहहु कवन सुखु अस बरु पाएँ। भल भूलिहु ठग के बौराएँ।।\nपंच कहें सिवँ सती बिबाही। पुनि अवडेरि मराएन्हि ताही।।\nदोहा/सोरठा\nअब सुख सोवत सोचु नहि भीख मागि भव खाहिं।\nसहज एकाकिन्ह के भवन कबहुँ कि नारि खटाहिं।।79।।", iast: "caupāī\ndacchasutanha upadesenhi jāī| tinha phiri bhavanu na dekhā āī||\ncitraketu kara gharu una ghālā| kanakakasipu kara puni asa hālā||\nnārada sikha je sunahiṃ nara nārī| avasi hohiṃ taji bhavanu bhikhārī||\nmana kapaṭī tana sajjana cīnhā| āpu sarisa sabahī caha kīnhā||\ntehi keṃ bacana māni bisvāsā| tumha cāhahu pati sahaja udāsā||\nnirguna nilaja kubeṣa kapālī| akula ageha digaṃbara byālī||\nkahahu kavana sukhu asa baru pāe~| bhala bhūlihu ṭhaga ke baurāe~||\npaṃca kaheṃ siva~ satī bibāhī| puni avaḍeri marāenhi tāhī||\ndohā/soraṭhā\naba sukha sovata socu nahi bhīkha māgi bhava khāhiṃ|\nsahaja ekākinha ke bhavana kabahu~ ki nāri khaṭāhiṃ||79||" },
    { devanagari: "चौपाई\nअजहूँ मानहु कहा हमारा। हम तुम्ह कहुँ बरु नीक बिचारा।।\nअति सुंदर सुचि सुखद सुसीला। गावहिं बेद जासु जस लीला।।\nदूषन रहित सकल गुन रासी। श्रीपति पुर बैकुंठ निवासी।।\nअस बरु तुम्हहि मिलाउब आनी। सुनत बिहसि कह बचन भवानी।।\nसत्य कहेहु गिरिभव तनु एहा। हठ न छूट छूटै बरु देहा।।\nकनकउ पुनि पषान तें होई। जारेहुँ सहजु न परिहर सोई।।\nनारद बचन न मैं परिहरऊँ। बसउ भवनु उजरउ नहिं डरऊँ।।\nगुर कें बचन प्रतीति न जेही। सपनेहुँ सुगम न सुख सिधि तेही।।\nदोहा/सोरठा\nमहादेव अवगुन भवन बिष्नु सकल गुन धाम।\nजेहि कर मनु रम जाहि सन तेहि तेही सन काम।।80।।", iast: "caupāī\najahū~ mānahu kahā hamārā| hama tumha kahu~ baru nīka bicārā||\nati suṃdara suci sukhada susīlā| gāvahiṃ beda jāsu jasa līlā||\ndūṣana rahita sakala guna rāsī| śrīpati pura baikuṃṭha nivāsī||\nasa baru tumhahi milāuba ānī| sunata bihasi kaha bacana bhavānī||\nsatya kahehu giribhava tanu ehā| haṭha na chūṭa chūṭai baru dehā||\nkanakau puni paṣāna teṃ hoī| jārehu~ sahaju na parihara soī||\nnārada bacana na maiṃ pariharaū~| basau bhavanu ujarau nahiṃ ḍaraū~||\ngura keṃ bacana pratīti na jehī| sapanehu~ sugama na sukha sidhi tehī||\ndohā/soraṭhā\nmahādeva avaguna bhavana biṣnu sakala guna dhāma|\njehi kara manu rama jāhi sana tehi tehī sana kāma||80||" },
    { devanagari: "चौपाई\nजौं तुम्ह मिलतेहु प्रथम मुनीसा। सुनतिउँ सिख तुम्हारि धरि सीसा।।\nअब मैं जन्मु संभु हित हारा। को गुन दूषन करै बिचारा।।\nजौं तुम्हरे हठ हृदयँ बिसेषी। रहि न जाइ बिनु किएँ बरेषी।।\nतौ कौतुकिअन्ह आलसु नाहीं। बर कन्या अनेक जग माहीं।।\nजन्म कोटि लगि रगर हमारी। बरउँ संभु न त रहउँ कुआरी।।\nतजउँ न नारद कर उपदेसू। आपु कहहि सत बार महेसू।।\nमैं पा परउँ कहइ जगदंबा। तुम्ह गृह गवनहु भयउ बिलंबा।।\nदेखि प्रेमु बोले मुनि ग्यानी। जय जय जगदंबिके भवानी।।\nदोहा/सोरठा\nतुम्ह माया भगवान सिव सकल जगत पितु मातु।\nनाइ चरन सिर मुनि चले पुनि पुनि हरषत गातु।।81।।", iast: "caupāī\njauṃ tumha milatehu prathama munīsā| sunatiu~ sikha tumhāri dhari sīsā||\naba maiṃ janmu saṃbhu hita hārā| ko guna dūṣana karai bicārā||\njauṃ tumhare haṭha hṛdaya~ biseṣī| rahi na jāi binu kie~ bareṣī||\ntau kautukianha ālasu nāhīṃ| bara kanyā aneka jaga māhīṃ||\njanma koṭi lagi ragara hamārī| barau~ saṃbhu na ta rahau~ kuārī||\ntajau~ na nārada kara upadesū| āpu kahahi sata bāra mahesū||\nmaiṃ pā parau~ kahai jagadaṃbā| tumha gṛha gavanahu bhayau bilaṃbā||\ndekhi premu bole muni gyānī| jaya jaya jagadaṃbike bhavānī||\ndohā/soraṭhā\ntumha māyā bhagavāna siva sakala jagata pitu mātu|\nnāi carana sira muni cale puni puni haraṣata gātu||81||" },
    { devanagari: "चौपाई\nजाइ मुनिन्ह हिमवंतु पठाए। करि बिनती गिरजहिं गृह ल्याए।।\nबहुरि सप्तरिषि सिव पहिं जाई। कथा उमा कै सकल सुनाई।।\nभए मगन सिव सुनत सनेहा। हरषि सप्तरिषि गवने गेहा।।\nमनु थिर करि तब संभु सुजाना। लगे करन रघुनायक ध्याना।।\nतारकु असुर भयउ तेहि काला। भुज प्रताप बल तेज बिसाला।।\nतेंहि सब लोक लोकपति जीते। भए देव सुख संपति रीते।।\nअजर अमर सो जीति न जाई। हारे सुर करि बिबिध लराई।।\nतब बिरंचि सन जाइ पुकारे। देखे बिधि सब देव दुखारे।।\nदोहा/सोरठा\nसब सन कहा बुझाइ बिधि दनुज निधन तब होइ।\nसंभु सुक्र संभूत सुत एहि जीतइ रन सोइ।।82।।", iast: "caupāī\njāi muninha himavaṃtu paṭhāe| kari binatī girajahiṃ gṛha lyāe||\nbahuri saptariṣi siva pahiṃ jāī| kathā umā kai sakala sunāī||\nbhae magana siva sunata sanehā| haraṣi saptariṣi gavane gehā||\nmanu thira kari taba saṃbhu sujānā| lage karana raghunāyaka dhyānā||\ntāraku asura bhayau tehi kālā| bhuja pratāpa bala teja bisālā||\nteṃhi saba loka lokapati jīte| bhae deva sukha saṃpati rīte||\najara amara so jīti na jāī| hāre sura kari bibidha larāī||\ntaba biraṃci sana jāi pukāre| dekhe bidhi saba deva dukhāre||\ndohā/soraṭhā\nsaba sana kahā bujhāi bidhi danuja nidhana taba hoi|\nsaṃbhu sukra saṃbhūta suta ehi jītai rana soi||82||" },
    { devanagari: "चौपाई\nमोर कहा सुनि करहु उपाई। होइहि ईस्वर करिहि सहाई।।\nसतीं जो तजी दच्छ मख देहा। जनमी जाइ हिमाचल गेहा।।\nतेहिं तपु कीन्ह संभु पति लागी। सिव समाधि बैठे सबु त्यागी।।\nजदपि अहइ असमंजस भारी। तदपि बात एक सुनहु हमारी।।\nपठवहु कामु जाइ सिव पाहीं। करै छोभु संकर मन माहीं।।\nतब हम जाइ सिवहि सिर नाई। करवाउब बिबाहु बरिआई।।\nएहि बिधि भलेहि देवहित होई। मर अति नीक कहइ सबु कोई।।\nअस्तुति सुरन्ह कीन्हि अति हेतू। प्रगटेउ बिषमबान झषकेतू।।\nदोहा/सोरठा\nसुरन्ह कहीं निज बिपति सब सुनि मन कीन्ह बिचार।\nसंभु बिरोध न कुसल मोहि बिहसि कहेउ अस मार।।83।।", iast: "caupāī\nmora kahā suni karahu upāī| hoihi īsvara karihi sahāī||\nsatīṃ jo tajī daccha makha dehā| janamī jāi himācala gehā||\ntehiṃ tapu kīnha saṃbhu pati lāgī| siva samādhi baiṭhe sabu tyāgī||\njadapi ahai asamaṃjasa bhārī| tadapi bāta eka sunahu hamārī||\npaṭhavahu kāmu jāi siva pāhīṃ| karai chobhu saṃkara mana māhīṃ||\ntaba hama jāi sivahi sira nāī| karavāuba bibāhu bariāī||\nehi bidhi bhalehi devahita hoī| mara ati nīka kahai sabu koī||\nastuti suranha kīnhi ati hetū| pragaṭeu biṣamabāna jhaṣaketū||\ndohā/soraṭhā\nsuranha kahīṃ nija bipati saba suni mana kīnha bicāra|\nsaṃbhu birodha na kusala mohi bihasi kaheu asa māra||83||" },
    { devanagari: "चौपाई\nतदपि करब मैं काजु तुम्हारा। श्रुति कह परम धरम उपकारा।।\nपर हित लागि तजइ जो देही। संतत संत प्रसंसहिं तेही।।\nअस कहि चलेउ सबहि सिरु नाई। सुमन धनुष कर सहित सहाई।।\nचलत मार अस हृदयँ बिचारा। सिव बिरोध ध्रुव मरनु हमारा।।\nतब आपन  प्रभाउ बिस्तारा। निज बस कीन्ह सकल संसारा।।\nकोपेउ जबहि बारिचरकेतू। छन महुँ मिटे सकल श्रुति सेतू।।\nब्रह्मचर्ज ब्रत संजम नाना। धीरज धरम ग्यान बिग्याना।।\nसदाचार जप जोग बिरागा। सभय बिबेक कटकु सब भागा।।", iast: "caupāī\ntadapi karaba maiṃ kāju tumhārā| śruti kaha parama dharama upakārā||\npara hita lāgi tajai jo dehī| saṃtata saṃta prasaṃsahiṃ tehī||\nasa kahi caleu sabahi siru nāī| sumana dhanuṣa kara sahita sahāī||\ncalata māra asa hṛdaya~ bicārā| siva birodha dhruva maranu hamārā||\ntaba āpana  prabhāu bistārā| nija basa kīnha sakala saṃsārā||\nkopeu jabahi bāricaraketū| chana mahu~ miṭe sakala śruti setū||\nbrahmacarja brata saṃjama nānā| dhīraja dharama gyāna bigyānā||\nsadācāra japa joga birāgā| sabhaya bibeka kaṭaku saba bhāgā||" },
    { devanagari: "चौपाई\nसब के हृदयँ मदन अभिलाषा। लता निहारि नवहिं तरु साखा।।\nनदीं उमगि अंबुधि कहुँ धाई। संगम करहिं तलाव तलाई।।\nजहँ असि दसा जड़न्ह कै बरनी। को कहि सकइ सचेतन करनी।।\nपसु पच्छी नभ जल थलचारी। भए कामबस समय बिसारी।।\nमदन अंध ब्याकुल सब लोका। निसि दिनु नहिं अवलोकहिं कोका।।\nदेव दनुज नर किंनर ब्याला। प्रेत पिसाच भूत बेताला।।\nइन्ह कै दसा न कहेउँ बखानी। सदा काम के चेरे जानी।।\nसिद्ध बिरक्त महामुनि जोगी। तेपि कामबस भए बियोगी।।", iast: "caupāī\nsaba ke hṛdaya~ madana abhilāṣā| latā nihāri navahiṃ taru sākhā||\nnadīṃ umagi aṃbudhi kahu~ dhāī| saṃgama karahiṃ talāva talāī||\njaha~ asi dasā jaṛanha kai baranī| ko kahi sakai sacetana karanī||\npasu pacchī nabha jala thalacārī| bhae kāmabasa samaya bisārī||\nmadana aṃdha byākula saba lokā| nisi dinu nahiṃ avalokahiṃ kokā||\ndeva danuja nara kiṃnara byālā| preta pisāca bhūta betālā||\ninha kai dasā na kaheu~ bakhānī| sadā kāma ke cere jānī||\nsiddha birakta mahāmuni jogī| tepi kāmabasa bhae biyogī||" },
    { devanagari: "चौपाई\nउभय घरी अस कौतुक भयऊ। जौ लगि कामु संभु पहिं गयऊ।।\nसिवहि बिलोकि ससंकेउ मारू। भयउ जथाथिति सबु संसारू।।\nभए तुरत सब जीव सुखारे। जिमि मद उतरि गएँ मतवारे।।\nरुद्रहि देखि मदन भय माना। दुराधरष दुर्गम भगवाना।।\nफिरत लाज कछु करि नहिं जाई। मरनु ठानि मन रचेसि उपाई।।\nप्रगटेसि तुरत रुचिर रितुराजा। कुसुमित नव तरु राजि बिराजा।।\nबन उपबन बापिका तड़ागा। परम सुभग सब दिसा बिभागा।।\nजहँ तहँ जनु उमगत अनुरागा। देखि मुएहुँ मन मनसिज जागा।।", iast: "caupāī\nubhaya gharī asa kautuka bhayaū| jau lagi kāmu saṃbhu pahiṃ gayaū||\nsivahi biloki sasaṃkeu mārū| bhayau jathāthiti sabu saṃsārū||\nbhae turata saba jīva sukhāre| jimi mada utari gae~ matavāre||\nrudrahi dekhi madana bhaya mānā| durādharaṣa durgama bhagavānā||\nphirata lāja kachu kari nahiṃ jāī| maranu ṭhāni mana racesi upāī||\npragaṭesi turata rucira riturājā| kusumita nava taru rāji birājā||\nbana upabana bāpikā taṛāgā| parama subhaga saba disā bibhāgā||\njaha~ taha~ janu umagata anurāgā| dekhi muehu~ mana manasija jāgā||" },
    { devanagari: "चौपाई\nदेखि रसाल बिटप बर साखा। तेहि पर चढ़ेउ मदनु मन माखा।।\nसुमन चाप निज सर संधाने। अति रिस ताकि श्रवन लगि ताने।।\nछाड़े बिषम बिसिख उर लागे। छुटि समाधि संभु तब जागे।।\nभयउ ईस मन छोभु बिसेषी। नयन उघारि सकल दिसि देखी।।\nसौरभ पल्लव मदनु बिलोका। भयउ कोपु कंपेउ त्रैलोका।।\nतब सिवँ तीसर नयन उघारा। चितवत कामु भयउ जरि छारा।।\nहाहाकार भयउ जग भारी। डरपे सुर भए असुर सुखारी।।\nसमुझि कामसुखु सोचहिं भोगी। भए अकंटक साधक जोगी।।", iast: "caupāī\ndekhi rasāla biṭapa bara sākhā| tehi para caṛheu madanu mana mākhā||\nsumana cāpa nija sara saṃdhāne| ati risa tāki śravana lagi tāne||\nchāṛe biṣama bisikha ura lāge| chuṭi samādhi saṃbhu taba jāge||\nbhayau īsa mana chobhu biseṣī| nayana ughāri sakala disi dekhī||\nsaurabha pallava madanu bilokā| bhayau kopu kaṃpeu trailokā||\ntaba siva~ tīsara nayana ughārā| citavata kāmu bhayau jari chārā||\nhāhākāra bhayau jaga bhārī| ḍarape sura bhae asura sukhārī||\nsamujhi kāmasukhu socahiṃ bhogī| bhae akaṃṭaka sādhaka jogī||" },
    { devanagari: "चौपाई\nजब जदुबंस कृष्न अवतारा। होइहि हरन महा महिभारा।।\nकृष्न तनय होइहि पति तोरा। बचनु अन्यथा होइ न मोरा।।\nरति गवनी सुनि संकर बानी। कथा अपर अब कहउँ बखानी।।\nदेवन्ह समाचार सब पाए। ब्रह्मादिक बैकुंठ सिधाए।।\nसब सुर बिष्नु बिरंचि समेता। गए जहाँ सिव कृपानिकेता।।\nपृथक पृथक तिन्ह कीन्हि प्रसंसा। भए प्रसन्न चंद्र अवतंसा।।\nबोले कृपासिंधु बृषकेतू। कहहु अमर आए केहि हेतू।।\nकह बिधि तुम्ह प्रभु अंतरजामी। तदपि भगति बस बिनवउँ स्वामी।।\nदोहा/सोरठा\nसकल सुरन्ह के हृदयँ अस संकर परम उछाहु।\nनिज नयनन्हि देखा चहहिं नाथ तुम्हार बिबाहु।।88।।", iast: "caupāī\njaba jadubaṃsa kṛṣna avatārā| hoihi harana mahā mahibhārā||\nkṛṣna tanaya hoihi pati torā| bacanu anyathā hoi na morā||\nrati gavanī suni saṃkara bānī| kathā apara aba kahau~ bakhānī||\ndevanha samācāra saba pāe| brahmādika baikuṃṭha sidhāe||\nsaba sura biṣnu biraṃci sametā| gae jahā~ siva kṛpāniketā||\npṛthaka pṛthaka tinha kīnhi prasaṃsā| bhae prasanna caṃdra avataṃsā||\nbole kṛpāsiṃdhu bṛṣaketū| kahahu amara āe kehi hetū||\nkaha bidhi tumha prabhu aṃtarajāmī| tadapi bhagati basa binavau~ svāmī||\ndohā/soraṭhā\nsakala suranha ke hṛdaya~ asa saṃkara parama uchāhu|\nnija nayananhi dekhā cahahiṃ nātha tumhāra bibāhu||88||" },
    { devanagari: "चौपाई\nयह उत्सव देखिअ भरि लोचन। सोइ कछु करहु मदन मद मोचन।\nकामु जारि रति कहुँ बरु दीन्हा। कृपासिंधु यह अति भल कीन्हा।।\nसासति करि पुनि करहिं पसाऊ। नाथ प्रभुन्ह कर सहज सुभाऊ।।\nपारबतीं तपु कीन्ह अपारा। करहु तासु अब अंगीकारा।।\nसुनि बिधि बिनय समुझि प्रभु बानी। ऐसेइ होउ कहा सुखु मानी।।\nतब देवन्ह दुंदुभीं बजाईं। बरषि सुमन जय जय सुर साई।।\nअवसरु जानि सप्तरिषि आए। तुरतहिं बिधि गिरिभवन पठाए।।\nप्रथम गए जहँ रही भवानी। बोले मधुर बचन छल सानी।।\nदोहा/सोरठा\nकहा हमार न सुनेहु तब नारद कें उपदेस।\nअब भा झूठ तुम्हार पन जारेउ कामु महेस।।89।।", iast: "caupāī\nyaha utsava dekhia bhari locana| soi kachu karahu madana mada mocana|\nkāmu jāri rati kahu~ baru dīnhā| kṛpāsiṃdhu yaha ati bhala kīnhā||\nsāsati kari puni karahiṃ pasāū| nātha prabhunha kara sahaja subhāū||\npārabatīṃ tapu kīnha apārā| karahu tāsu aba aṃgīkārā||\nsuni bidhi binaya samujhi prabhu bānī| aisei hou kahā sukhu mānī||\ntaba devanha duṃdubhīṃ bajāīṃ| baraṣi sumana jaya jaya sura sāī||\navasaru jāni saptariṣi āe| turatahiṃ bidhi giribhavana paṭhāe||\nprathama gae jaha~ rahī bhavānī| bole madhura bacana chala sānī||\ndohā/soraṭhā\nkahā hamāra na sunehu taba nārada keṃ upadesa|\naba bhā jhūṭha tumhāra pana jāreu kāmu mahesa||89||" },
    { devanagari: "चौपाई\nसुनि बोलीं मुसकाइ भवानी। उचित कहेहु मुनिबर बिग्यानी।।\nतुम्हरें जान कामु अब जारा। अब लगि संभु रहे सबिकारा।।\nहमरें जान सदा सिव जोगी। अज अनवद्य अकाम अभोगी।।\nजौं मैं सिव सेये अस जानी। प्रीति समेत कर्म मन बानी।।\nतौ हमार पन सुनहु मुनीसा। करिहहिं सत्य कृपानिधि ईसा।।\nतुम्ह जो कहा हर जारेउ मारा। सोइ अति बड़ अबिबेकु तुम्हारा।।\nतात अनल कर सहज सुभाऊ। हिम तेहि निकट जाइ नहिं काऊ।।\nगएँ समीप सो अवसि नसाई। असि मन्मथ महेस की नाई।।\nदोहा/सोरठा\nहियँ हरषे मुनि बचन सुनि देखि प्रीति बिस्वास।।\nचले भवानिहि नाइ सिर गए हिमाचल पास।।90।।", iast: "caupāī\nsuni bolīṃ musakāi bhavānī| ucita kahehu munibara bigyānī||\ntumhareṃ jāna kāmu aba jārā| aba lagi saṃbhu rahe sabikārā||\nhamareṃ jāna sadā siva jogī| aja anavadya akāma abhogī||\njauṃ maiṃ siva seye asa jānī| prīti sameta karma mana bānī||\ntau hamāra pana sunahu munīsā| karihahiṃ satya kṛpānidhi īsā||\ntumha jo kahā hara jāreu mārā| soi ati baṛa abibeku tumhārā||\ntāta anala kara sahaja subhāū| hima tehi nikaṭa jāi nahiṃ kāū||\ngae~ samīpa so avasi nasāī| asi manmatha mahesa kī nāī||\ndohā/soraṭhā\nhiya~ haraṣe muni bacana suni dekhi prīti bisvāsa||\ncale bhavānihi nāi sira gae himācala pāsa||90||" },
    { devanagari: "चौपाई\nसबु प्रसंगु गिरिपतिहि सुनावा। मदन दहन सुनि अति दुखु पावा।।\nबहुरि कहेउ रति कर बरदाना। सुनि हिमवंत बहुत सुखु माना।।\nहृदयँ बिचारि संभु प्रभुताई। सादर मुनिबर लिए बोलाई।।\nसुदिनु सुनखतु सुघरी सोचाई। बेगि बेदबिधि लगन धराई।।\nपत्री सप्तरिषिन्ह सोइ दीन्ही। गहि पद बिनय हिमाचल कीन्ही।।\nजाइ बिधिहि दीन्हि सो पाती। बाचत प्रीति न हृदयँ समाती।।\nलगन बाचि अज सबहि सुनाई। हरषे मुनि सब सुर समुदाई।।\nसुमन बृष्टि नभ बाजन बाजे। मंगल कलस दसहुँ दिसि साजे।।\nदोहा/सोरठा\nलगे सँवारन सकल सुर बाहन बिबिध बिमान।\nहोहि सगुन मंगल सुभद करहिं अपछरा गान।।91।।", iast: "caupāī\nsabu prasaṃgu giripatihi sunāvā| madana dahana suni ati dukhu pāvā||\nbahuri kaheu rati kara baradānā| suni himavaṃta bahuta sukhu mānā||\nhṛdaya~ bicāri saṃbhu prabhutāī| sādara munibara lie bolāī||\nsudinu sunakhatu sugharī socāī| begi bedabidhi lagana dharāī||\npatrī saptariṣinha soi dīnhī| gahi pada binaya himācala kīnhī||\njāi bidhihi dīnhi so pātī| bācata prīti na hṛdaya~ samātī||\nlagana bāci aja sabahi sunāī| haraṣe muni saba sura samudāī||\nsumana bṛṣṭi nabha bājana bāje| maṃgala kalasa dasahu~ disi sāje||\ndohā/soraṭhā\nlage sa~vārana sakala sura bāhana bibidha bimāna|\nhohi saguna maṃgala subhada karahiṃ apacharā gāna||91||" },
    { devanagari: "चौपाई\nसिवहि संभु गन करहिं सिंगारा। जटा मुकुट अहि मौरु सँवारा।।\nकुंडल कंकन पहिरे ब्याला। तन बिभूति पट केहरि छाला।।\nससि ललाट सुंदर सिर गंगा। नयन तीनि उपबीत भुजंगा।।\nगरल कंठ उर नर सिर माला। असिव बेष सिवधाम कृपाला।।\nकर त्रिसूल अरु डमरु बिराजा। चले बसहँ चढ़ि बाजहिं बाजा।।\nदेखि सिवहि सुरत्रिय मुसुकाहीं। बर लायक दुलहिनि जग नाहीं।।\nबिष्नु बिरंचि आदि सुरब्राता। चढ़ि चढ़ि बाहन चले बराता।।\nसुर समाज सब भाँति अनूपा। नहिं बरात दूलह अनुरूपा।।\nदोहा/सोरठा\nबिष्नु कहा अस बिहसि तब बोलि सकल दिसिराज।\nबिलग बिलग होइ चलहु सब निज निज सहित समाज।।92।।", iast: "caupāī\nsivahi saṃbhu gana karahiṃ siṃgārā| jaṭā mukuṭa ahi mauru sa~vārā||\nkuṃḍala kaṃkana pahire byālā| tana bibhūti paṭa kehari chālā||\nsasi lalāṭa suṃdara sira gaṃgā| nayana tīni upabīta bhujaṃgā||\ngarala kaṃṭha ura nara sira mālā| asiva beṣa sivadhāma kṛpālā||\nkara trisūla aru ḍamaru birājā| cale basaha~ caṛhi bājahiṃ bājā||\ndekhi sivahi suratriya musukāhīṃ| bara lāyaka dulahini jaga nāhīṃ||\nbiṣnu biraṃci ādi surabrātā| caṛhi caṛhi bāhana cale barātā||\nsura samāja saba bhā~ti anūpā| nahiṃ barāta dūlaha anurūpā||\ndohā/soraṭhā\nbiṣnu kahā asa bihasi taba boli sakala disirāja|\nbilaga bilaga hoi calahu saba nija nija sahita samāja||92||" },
    { devanagari: "चौपाई\nबर अनुहारि बरात न भाई। हँसी करैहहु पर पुर जाई।।\nबिष्नु बचन सुनि सुर मुसकाने। निज निज सेन सहित बिलगाने।।\nमनहीं मन महेसु मुसुकाहीं। हरि के बिंग्य बचन नहिं जाहीं।।\nअति प्रिय बचन सुनत प्रिय केरे। भृंगिहि प्रेरि सकल गन टेरे।।\nसिव अनुसासन सुनि सब आए। प्रभु पद जलज सीस तिन्ह नाए।।\nनाना बाहन नाना बेषा। बिहसे सिव समाज निज देखा।।\nकोउ मुखहीन बिपुल मुख काहू। बिनु पद कर कोउ बहु पद बाहू।।\nबिपुल नयन कोउ नयन बिहीना। रिष्टपुष्ट कोउ अति तनखीना।।", iast: "caupāī\nbara anuhāri barāta na bhāī| ha~sī karaihahu para pura jāī||\nbiṣnu bacana suni sura musakāne| nija nija sena sahita bilagāne||\nmanahīṃ mana mahesu musukāhīṃ| hari ke biṃgya bacana nahiṃ jāhīṃ||\nati priya bacana sunata priya kere| bhṛṃgihi preri sakala gana ṭere||\nsiva anusāsana suni saba āe| prabhu pada jalaja sīsa tinha nāe||\nnānā bāhana nānā beṣā| bihase siva samāja nija dekhā||\nkou mukhahīna bipula mukha kāhū| binu pada kara kou bahu pada bāhū||\nbipula nayana kou nayana bihīnā| riṣṭapuṣṭa kou ati tanakhīnā||" },
    { devanagari: "चौपाई\nजस दूलहु तसि बनी बराता। कौतुक बिबिध होहिं मग जाता।।\nइहाँ हिमाचल रचेउ बिताना। अति बिचित्र नहिं जाइ बखाना।।\nसैल सकल जहँ लगि जग माहीं। लघु बिसाल नहिं बरनि सिराहीं।।\nबन सागर सब नदीं तलावा। हिमगिरि सब कहुँ नेवत पठावा।।\nकामरूप सुंदर तन धारी। सहित समाज सहित बर नारी।।\nगए सकल तुहिनाचल गेहा। गावहिं मंगल सहित सनेहा।।\nप्रथमहिं गिरि बहु गृह सँवराए। जथाजोगु तहँ तहँ सब छाए।।\nपुर सोभा अवलोकि सुहाई। लागइ लघु बिरंचि निपुनाई।।", iast: "caupāī\njasa dūlahu tasi banī barātā| kautuka bibidha hohiṃ maga jātā||\nihā~ himācala raceu bitānā| ati bicitra nahiṃ jāi bakhānā||\nsaila sakala jaha~ lagi jaga māhīṃ| laghu bisāla nahiṃ barani sirāhīṃ||\nbana sāgara saba nadīṃ talāvā| himagiri saba kahu~ nevata paṭhāvā||\nkāmarūpa suṃdara tana dhārī| sahita samāja sahita bara nārī||\ngae sakala tuhinācala gehā| gāvahiṃ maṃgala sahita sanehā||\nprathamahiṃ giri bahu gṛha sa~varāe| jathājogu taha~ taha~ saba chāe||\npura sobhā avaloki suhāī| lāgai laghu biraṃci nipunāī||" },
    { devanagari: "चौपाई\nनगर निकट बरात सुनि आई। पुर खरभरु सोभा अधिकाई।।\nकरि बनाव सजि बाहन नाना। चले लेन सादर अगवाना।।\nहियँ हरषे सुर सेन निहारी। हरिहि देखि अति भए सुखारी।।\nसिव समाज जब देखन लागे। बिडरि चले बाहन सब भागे।।\nधरि धीरजु तहँ रहे सयाने। बालक सब लै जीव पराने।।\nगएँ भवन पूछहिं पितु माता। कहहिं बचन भय कंपित गाता।।\nकहिअ काह कहि जाइ न बाता। जम कर धार किधौं बरिआता।।\nबरु बौराह बसहँ असवारा। ब्याल कपाल बिभूषन छारा।।", iast: "caupāī\nnagara nikaṭa barāta suni āī| pura kharabharu sobhā adhikāī||\nkari banāva saji bāhana nānā| cale lena sādara agavānā||\nhiya~ haraṣe sura sena nihārī| harihi dekhi ati bhae sukhārī||\nsiva samāja jaba dekhana lāge| biḍari cale bāhana saba bhāge||\ndhari dhīraju taha~ rahe sayāne| bālaka saba lai jīva parāne||\ngae~ bhavana pūchahiṃ pitu mātā| kahahiṃ bacana bhaya kaṃpita gātā||\nkahia kāha kahi jāi na bātā| jama kara dhāra kidhauṃ bariātā||\nbaru baurāha basaha~ asavārā| byāla kapāla bibhūṣana chārā||" },
    { devanagari: "चौपाई\nलै अगवान बरातहि आए। दिए सबहि जनवास सुहाए।।\nमैनाँ सुभ आरती सँवारी। संग सुमंगल गावहिं नारी।।\nकंचन थार सोह बर पानी। परिछन चली हरहि हरषानी।।\nबिकट बेष रुद्रहि जब देखा। अबलन्ह उर भय भयउ बिसेषा।।\nभागि भवन पैठीं अति त्रासा। गए महेसु जहाँ जनवासा।।\nमैना हृदयँ भयउ दुखु भारी। लीन्ही बोलि गिरीसकुमारी।।\nअधिक सनेहँ गोद बैठारी। स्याम सरोज नयन भरे बारी।।\nजेहिं बिधि तुम्हहि रूपु अस दीन्हा। तेहिं जड़ बरु बाउर कस कीन्हा।।\nछंद\nकस कीन्ह बरु बौराह बिधि जेहिं तुम्हहि सुंदरता दई।\nजो फलु चहिअ सुरतरुहिं सो बरबस बबूरहिं लागई।।\nतुम्ह सहित गिरि तें गिरौं पावक जरौं जलनिधि महुँ परौं।।\nघरु जाउ अपजसु होउ जग जीवत बिबाहु न हौं करौं।।\nदोहा/सोरठा\nभई बिकल अबला सकल दुखित देखि गिरिनारि।\nकरि बिलापु रोदति बदति सुता सनेहु सँभारि।।96।।", iast: "caupāī\nlai agavāna barātahi āe| die sabahi janavāsa suhāe||\nmainā~ subha āratī sa~vārī| saṃga sumaṃgala gāvahiṃ nārī||\nkaṃcana thāra soha bara pānī| parichana calī harahi haraṣānī||\nbikaṭa beṣa rudrahi jaba dekhā| abalanha ura bhaya bhayau biseṣā||\nbhāgi bhavana paiṭhīṃ ati trāsā| gae mahesu jahā~ janavāsā||\nmainā hṛdaya~ bhayau dukhu bhārī| līnhī boli girīsakumārī||\nadhika saneha~ goda baiṭhārī| syāma saroja nayana bhare bārī||\njehiṃ bidhi tumhahi rūpu asa dīnhā| tehiṃ jaṛa baru bāura kasa kīnhā||\nchaṃda\nkasa kīnha baru baurāha bidhi jehiṃ tumhahi suṃdaratā daī|\njo phalu cahia surataruhiṃ so barabasa babūrahiṃ lāgaī||\ntumha sahita giri teṃ girauṃ pāvaka jarauṃ jalanidhi mahu~ parauṃ||\ngharu jāu apajasu hou jaga jīvata bibāhu na hauṃ karauṃ||\ndohā/soraṭhā\nbhaī bikala abalā sakala dukhita dekhi girināri|\nkari bilāpu rodati badati sutā sanehu sa~bhāri||96||" },
    { devanagari: "चौपाई\nनारद कर मैं काह बिगारा। भवनु मोर जिन्ह बसत उजारा।।\nअस उपदेसु उमहि जिन्ह दीन्हा। बौरे बरहि लगि तपु कीन्हा।।\nसाचेहुँ उन्ह के मोह न माया। उदासीन धनु धामु न जाया।।\nपर घर घालक लाज न भीरा। बाझँ कि जान प्रसव कैं पीरा।।\nजननिहि बिकल बिलोकि भवानी। बोली जुत बिबेक मृदु बानी।।\nअस बिचारि सोचहि मति माता। सो न टरइ जो रचइ बिधाता।।\nकरम लिखा जौ बाउर नाहू। तौ कत दोसु लगाइअ काहू।।\nतुम्ह सन मिटहिं कि बिधि के अंका। मातु ब्यर्थ जनि लेहु कलंका।।", iast: "caupāī\nnārada kara maiṃ kāha bigārā| bhavanu mora jinha basata ujārā||\nasa upadesu umahi jinha dīnhā| baure barahi lagi tapu kīnhā||\nsācehu~ unha ke moha na māyā| udāsīna dhanu dhāmu na jāyā||\npara ghara ghālaka lāja na bhīrā| bājha~ ki jāna prasava kaiṃ pīrā||\njananihi bikala biloki bhavānī| bolī juta bibeka mṛdu bānī||\nasa bicāri socahi mati mātā| so na ṭarai jo racai bidhātā||\nkarama likhā jau bāura nāhū| tau kata dosu lagāia kāhū||\ntumha sana miṭahiṃ ki bidhi ke aṃkā| mātu byartha jani lehu kalaṃkā||" },
    { devanagari: "चौपाई\nतब नारद सबहि समुझावा। पूरुब कथाप्रसंगु सुनावा।।\nमयना सत्य सुनहु मम बानी। जगदंबा तव सुता भवानी।।\nअजा अनादि सक्ति अबिनासिनि। सदा संभु अरधंग निवासिनि।।\nजग संभव पालन लय कारिनि। निज इच्छा लीला बपु धारिनि।।\nजनमीं प्रथम दच्छ गृह जाई। नामु सती सुंदर तनु पाई।।\nतहँहुँ सती संकरहि बिबाहीं। कथा प्रसिद्ध सकल जग माहीं।।\nएक बार आवत सिव संगा। देखेउ रघुकुल कमल पतंगा।।\nभयउ मोहु सिव कहा न कीन्हा। भ्रम बस बेषु सीय कर लीन्हा।।", iast: "caupāī\ntaba nārada sabahi samujhāvā| pūruba kathāprasaṃgu sunāvā||\nmayanā satya sunahu mama bānī| jagadaṃbā tava sutā bhavānī||\najā anādi sakti abināsini| sadā saṃbhu aradhaṃga nivāsini||\njaga saṃbhava pālana laya kārini| nija icchā līlā bapu dhārini||\njanamīṃ prathama daccha gṛha jāī| nāmu satī suṃdara tanu pāī||\ntaha~hu~ satī saṃkarahi bibāhīṃ| kathā prasiddha sakala jaga māhīṃ||\neka bāra āvata siva saṃgā| dekheu raghukula kamala pataṃgā||\nbhayau mohu siva kahā na kīnhā| bhrama basa beṣu sīya kara līnhā||" },
    { devanagari: "चौपाई\nतब मयना हिमवंतु अनंदे। पुनि पुनि पारबती पद बंदे।।\nनारि पुरुष सिसु जुबा सयाने। नगर लोग सब अति हरषाने।।\nलगे होन पुर मंगलगाना। सजे सबहि हाटक घट नाना।।\nभाँति अनेक भई जेवराना। सूपसास्त्र जस कछु ब्यवहारा।।\nसो जेवनार कि जाइ बखानी। बसहिं भवन जेहिं मातु भवानी।।\nसादर बोले सकल बराती। बिष्नु बिरंचि देव सब जाती।।\nबिबिधि पाँति बैठी जेवनारा। लागे परुसन निपुन सुआरा।।\nनारिबृंद सुर जेवँत जानी। लगीं देन गारीं मृदु बानी।।", iast: "caupāī\ntaba mayanā himavaṃtu anaṃde| puni puni pārabatī pada baṃde||\nnāri puruṣa sisu jubā sayāne| nagara loga saba ati haraṣāne||\nlage hona pura maṃgalagānā| saje sabahi hāṭaka ghaṭa nānā||\nbhā~ti aneka bhaī jevarānā| sūpasāstra jasa kachu byavahārā||\nso jevanāra ki jāi bakhānī| basahiṃ bhavana jehiṃ mātu bhavānī||\nsādara bole sakala barātī| biṣnu biraṃci deva saba jātī||\nbibidhi pā~ti baiṭhī jevanārā| lāge parusana nipuna suārā||\nnāribṛṃda sura jeva~ta jānī| lagīṃ dena gārīṃ mṛdu bānī||" },
    { devanagari: "चौपाई\nबोलि सकल सुर सादर लीन्हे। सबहि जथोचित आसन दीन्हे।।\nबेदी बेद बिधान सँवारी। सुभग सुमंगल गावहिं नारी।।\nसिंघासनु अति दिब्य सुहावा। जाइ न बरनि बिरंचि बनावा।।\nबैठे सिव बिप्रन्ह सिरु नाई। हृदयँ सुमिरि निज प्रभु रघुराई।।\nबहुरि मुनीसन्ह उमा बोलाई। करि सिंगारु सखीं लै आई।।\nदेखत रूपु सकल सुर मोहे। बरनै छबि अस जग कबि को है।।\nजगदंबिका जानि भव भामा। सुरन्ह मनहिं मन कीन्ह प्रनामा।।\nसुंदरता मरजाद भवानी। जाइ न कोटिहुँ बदन बखानी।।", iast: "caupāī\nboli sakala sura sādara līnhe| sabahi jathocita āsana dīnhe||\nbedī beda bidhāna sa~vārī| subhaga sumaṃgala gāvahiṃ nārī||\nsiṃghāsanu ati dibya suhāvā| jāi na barani biraṃci banāvā||\nbaiṭhe siva bipranha siru nāī| hṛdaya~ sumiri nija prabhu raghurāī||\nbahuri munīsanha umā bolāī| kari siṃgāru sakhīṃ lai āī||\ndekhata rūpu sakala sura mohe| baranai chabi asa jaga kabi ko hai||\njagadaṃbikā jāni bhava bhāmā| suranha manahiṃ mana kīnha pranāmā||\nsuṃdaratā marajāda bhavānī| jāi na koṭihu~ badana bakhānī||" },
    { devanagari: "चौपाई\nजसि बिबाह कै बिधि श्रुति गाई। महामुनिन्ह सो सब करवाई।।\nगहि गिरीस कुस कन्या पानी। भवहि समरपीं जानि भवानी।।\nपानिग्रहन जब कीन्ह महेसा। हिंयँ हरषे तब सकल सुरेसा।।\nबेद मंत्र मुनिबर उच्चरहीं। जय जय जय संकर सुर करहीं।।\nबाजहिं बाजन बिबिध बिधाना। सुमनबृष्टि नभ भै बिधि नाना।।\nहर गिरिजा कर भयउ बिबाहू। सकल भुवन भरि रहा उछाहू।।\nदासीं दास तुरग रथ नागा। धेनु बसन मनि बस्तु बिभागा।।\nअन्न कनकभाजन भरि जाना। दाइज दीन्ह न जाइ बखाना।।", iast: "caupāī\njasi bibāha kai bidhi śruti gāī| mahāmuninha so saba karavāī||\ngahi girīsa kusa kanyā pānī| bhavahi samarapīṃ jāni bhavānī||\npānigrahana jaba kīnha mahesā| hiṃya~ haraṣe taba sakala suresā||\nbeda maṃtra munibara uccarahīṃ| jaya jaya jaya saṃkara sura karahīṃ||\nbājahiṃ bājana bibidha bidhānā| sumanabṛṣṭi nabha bhai bidhi nānā||\nhara girijā kara bhayau bibāhū| sakala bhuvana bhari rahā uchāhū||\ndāsīṃ dāsa turaga ratha nāgā| dhenu basana mani bastu bibhāgā||\nanna kanakabhājana bhari jānā| dāija dīnha na jāi bakhānā||" },
    { devanagari: "चौपाई\nबहु बिधि संभु सास समुझाई। गवनी भवन चरन सिरु नाई।।\nजननीं उमा बोलि तब लीन्ही। लै उछंग सुंदर सिख दीन्ही।।\nकरेहु सदा संकर पद पूजा। नारिधरमु पति देउ न दूजा।।\nबचन कहत भरे लोचन बारी। बहुरि लाइ उर लीन्हि कुमारी।।\nकत बिधि सृजीं नारि जग माहीं। पराधीन सपनेहुँ सुखु नाहीं।।\nभै अति प्रेम बिकल महतारी। धीरजु कीन्ह कुसमय बिचारी।।\nपुनि पुनि मिलति परति गहि चरना। परम प्रेम कछु जाइ न बरना।।\nसब नारिन्ह मिलि भेटि भवानी। जाइ जननि उर पुनि लपटानी।।", iast: "caupāī\nbahu bidhi saṃbhu sāsa samujhāī| gavanī bhavana carana siru nāī||\njananīṃ umā boli taba līnhī| lai uchaṃga suṃdara sikha dīnhī||\nkarehu sadā saṃkara pada pūjā| nāridharamu pati deu na dūjā||\nbacana kahata bhare locana bārī| bahuri lāi ura līnhi kumārī||\nkata bidhi sṛjīṃ nāri jaga māhīṃ| parādhīna sapanehu~ sukhu nāhīṃ||\nbhai ati prema bikala mahatārī| dhīraju kīnha kusamaya bicārī||\npuni puni milati parati gahi caranā| parama prema kachu jāi na baranā||\nsaba nārinha mili bheṭi bhavānī| jāi janani ura puni lapaṭānī||" },
    { devanagari: "चौपाई\nतुरत भवन आए गिरिराई। सकल सैल सर लिए बोलाई।।\nआदर दान बिनय बहुमाना। सब कर बिदा कीन्ह हिमवाना।।\nजबहिं संभु कैलासहिं आए। सुर सब निज निज लोक सिधाए।।\nजगत मातु पितु संभु भवानी। तेही सिंगारु न कहउँ बखानी।।\nकरहिं बिबिध बिधि भोग बिलासा। गनन्ह समेत बसहिं कैलासा।।\nहर गिरिजा बिहार नित नयऊ। एहि बिधि बिपुल काल चलि गयऊ।।\nतब जनमेउ षटबदन कुमारा। तारकु असुर समर जेहिं मारा।।\nआगम निगम प्रसिद्ध पुराना। षन्मुख जन्मु सकल जग जाना।।", iast: "caupāī\nturata bhavana āe girirāī| sakala saila sara lie bolāī||\nādara dāna binaya bahumānā| saba kara bidā kīnha himavānā||\njabahiṃ saṃbhu kailāsahiṃ āe| sura saba nija nija loka sidhāe||\njagata mātu pitu saṃbhu bhavānī| tehī siṃgāru na kahau~ bakhānī||\nkarahiṃ bibidha bidhi bhoga bilāsā| gananha sameta basahiṃ kailāsā||\nhara girijā bihāra nita nayaū| ehi bidhi bipula kāla cali gayaū||\ntaba janameu ṣaṭabadana kumārā| tāraku asura samara jehiṃ mārā||\nāgama nigama prasiddha purānā| ṣanmukha janmu sakala jaga jānā||" },
    { devanagari: "चौपाई\nसंभु चरित सुनि सरस सुहावा। भरद्वाज मुनि अति सुख पावा।।\nबहु लालसा कथा पर बाढ़ी। नयनन्हि नीरु रोमावलि ठाढ़ी।।\nप्रेम बिबस मुख आव न बानी। दसा देखि हरषे मुनि ग्यानी।।\nअहो धन्य तव जन्मु मुनीसा। तुम्हहि प्रान सम प्रिय गौरीसा।।\nसिव पद कमल जिन्हहि रति नाहीं। रामहि ते सपनेहुँ न सोहाहीं।।\nबिनु छल बिस्वनाथ पद नेहू। राम भगत कर लच्छन एहू।।\nसिव सम को रघुपति ब्रतधारी। बिनु अघ तजी सती असि नारी।।\nपनु करि रघुपति भगति देखाई। को सिव सम रामहि प्रिय भाई।।\nदोहा/सोरठा\nप्रथमहिं मै कहि सिव चरित बूझा मरमु तुम्हार।\nसुचि सेवक तुम्ह राम के रहित समस्त बिकार।।104।।", iast: "caupāī\nsaṃbhu carita suni sarasa suhāvā| bharadvāja muni ati sukha pāvā||\nbahu lālasā kathā para bāṛhī| nayananhi nīru romāvali ṭhāṛhī||\nprema bibasa mukha āva na bānī| dasā dekhi haraṣe muni gyānī||\naho dhanya tava janmu munīsā| tumhahi prāna sama priya gaurīsā||\nsiva pada kamala jinhahi rati nāhīṃ| rāmahi te sapanehu~ na sohāhīṃ||\nbinu chala bisvanātha pada nehū| rāma bhagata kara lacchana ehū||\nsiva sama ko raghupati bratadhārī| binu agha tajī satī asi nārī||\npanu kari raghupati bhagati dekhāī| ko siva sama rāmahi priya bhāī||\ndohā/soraṭhā\nprathamahiṃ mai kahi siva carita būjhā maramu tumhāra|\nsuci sevaka tumha rāma ke rahita samasta bikāra||104||" },
    { devanagari: "चौपाई\nमैं जाना तुम्हार गुन सीला। कहउँ सुनहु अब रघुपति लीला।।\nसुनु मुनि आजु समागम तोरें। कहि न जाइ जस सुखु मन मोरें।।\nराम चरित अति अमित मुनिसा। कहि न सकहिं सत कोटि अहीसा।।\nतदपि जथाश्रुत कहउँ बखानी। सुमिरि गिरापति प्रभु धनुपानी।।\nसारद दारुनारि सम स्वामी। रामु सूत्रधर अंतरजामी।।\nजेहि पर कृपा करहिं जनु जानी। कबि उर अजिर नचावहिं बानी।।\nप्रनवउँ सोइ कृपाल रघुनाथा। बरनउँ बिसद तासु गुन गाथा।।\nपरम रम्य गिरिबरु कैलासू। सदा जहाँ सिव उमा निवासू।।\nदोहा/सोरठा\nसिद्ध तपोधन जोगिजन सूर किंनर मुनिबृंद।\nबसहिं तहाँ सुकृती सकल सेवहिं सिब सुखकंद।।105।।", iast: "caupāī\nmaiṃ jānā tumhāra guna sīlā| kahau~ sunahu aba raghupati līlā||\nsunu muni āju samāgama toreṃ| kahi na jāi jasa sukhu mana moreṃ||\nrāma carita ati amita munisā| kahi na sakahiṃ sata koṭi ahīsā||\ntadapi jathāśruta kahau~ bakhānī| sumiri girāpati prabhu dhanupānī||\nsārada dārunāri sama svāmī| rāmu sūtradhara aṃtarajāmī||\njehi para kṛpā karahiṃ janu jānī| kabi ura ajira nacāvahiṃ bānī||\npranavau~ soi kṛpāla raghunāthā| baranau~ bisada tāsu guna gāthā||\nparama ramya giribaru kailāsū| sadā jahā~ siva umā nivāsū||\ndohā/soraṭhā\nsiddha tapodhana jogijana sūra kiṃnara munibṛṃda|\nbasahiṃ tahā~ sukṛtī sakala sevahiṃ siba sukhakaṃda||105||" },
    { devanagari: "चौपाई\nहरि हर बिमुख धर्म रति नाहीं। ते नर तहँ सपनेहुँ नहिं जाहीं।।\nतेहि गिरि पर बट बिटप बिसाला। नित नूतन सुंदर सब काला।।\nत्रिबिध समीर सुसीतलि छाया। सिव बिश्राम बिटप श्रुति गाया।।\nएक बार तेहि तर प्रभु गयऊ। तरु बिलोकि उर अति सुखु भयऊ।।\nनिज कर डासि नागरिपु छाला। बैठै सहजहिं संभु कृपाला।।\nकुंद इंदु दर गौर सरीरा। भुज प्रलंब परिधन मुनिचीरा।।\nतरुन अरुन अंबुज सम चरना। नख दुति भगत हृदय तम हरना।।\nभुजग भूति भूषन त्रिपुरारी। आननु सरद चंद छबि हारी।।\nदोहा/सोरठा\nजटा मुकुट सुरसरित सिर लोचन नलिन बिसाल।\nनीलकंठ लावन्यनिधि सोह बालबिधु भाल।।106।।", iast: "caupāī\nhari hara bimukha dharma rati nāhīṃ| te nara taha~ sapanehu~ nahiṃ jāhīṃ||\ntehi giri para baṭa biṭapa bisālā| nita nūtana suṃdara saba kālā||\ntribidha samīra susītali chāyā| siva biśrāma biṭapa śruti gāyā||\neka bāra tehi tara prabhu gayaū| taru biloki ura ati sukhu bhayaū||\nnija kara ḍāsi nāgaripu chālā| baiṭhai sahajahiṃ saṃbhu kṛpālā||\nkuṃda iṃdu dara gaura sarīrā| bhuja pralaṃba paridhana municīrā||\ntaruna aruna aṃbuja sama caranā| nakha duti bhagata hṛdaya tama haranā||\nbhujaga bhūti bhūṣana tripurārī| ānanu sarada caṃda chabi hārī||\ndohā/soraṭhā\njaṭā mukuṭa surasarita sira locana nalina bisāla|\nnīlakaṃṭha lāvanyanidhi soha bālabidhu bhāla||106||" },
    { devanagari: "चौपाई\nबैठे सोह कामरिपु कैसें। धरें सरीरु सांतरसु जैसें।।\nपारबती भल अवसरु जानी। गई संभु पहिं मातु भवानी।।\nजानि प्रिया आदरु अति कीन्हा। बाम भाग आसनु हर दीन्हा।।\nबैठीं सिव समीप हरषाई। पूरुब जन्म कथा चित आई।।\nपति हियँ हेतु अधिक अनुमानी। बिहसि उमा बोलीं प्रिय बानी।।\nकथा जो सकल लोक हितकारी। सोइ पूछन चह सैलकुमारी।।\nबिस्वनाथ मम नाथ पुरारी। त्रिभुवन महिमा बिदित तुम्हारी।।\nचर अरु अचर नाग नर देवा। सकल करहिं पद पंकज सेवा।।\nदोहा/सोरठा\nप्रभु समरथ सर्बग्य सिव सकल कला गुन धाम।।\nजोग ग्यान बैराग्य निधि प्रनत कलपतरु नाम।।107।।", iast: "caupāī\nbaiṭhe soha kāmaripu kaiseṃ| dhareṃ sarīru sāṃtarasu jaiseṃ||\npārabatī bhala avasaru jānī| gaī saṃbhu pahiṃ mātu bhavānī||\njāni priyā ādaru ati kīnhā| bāma bhāga āsanu hara dīnhā||\nbaiṭhīṃ siva samīpa haraṣāī| pūruba janma kathā cita āī||\npati hiya~ hetu adhika anumānī| bihasi umā bolīṃ priya bānī||\nkathā jo sakala loka hitakārī| soi pūchana caha sailakumārī||\nbisvanātha mama nātha purārī| tribhuvana mahimā bidita tumhārī||\ncara aru acara nāga nara devā| sakala karahiṃ pada paṃkaja sevā||\ndohā/soraṭhā\nprabhu samaratha sarbagya siva sakala kalā guna dhāma||\njoga gyāna bairāgya nidhi pranata kalapataru nāma||107||" },
    { devanagari: "चौपाई\nजौं मो पर प्रसन्न सुखरासी। जानिअ सत्य मोहि निज दासी।।\nतौं प्रभु हरहु मोर अग्याना। कहि रघुनाथ कथा बिधि नाना।।\nजासु भवनु सुरतरु तर होई। सहि कि दरिद्र जनित दुखु सोई।।\nससिभूषन अस हृदयँ बिचारी। हरहु नाथ मम मति भ्रम भारी।।\nप्रभु जे मुनि परमारथबादी। कहहिं राम कहुँ ब्रह्म अनादी।।\nसेस सारदा बेद पुराना। सकल करहिं रघुपति गुन गाना।।\nतुम्ह पुनि राम राम दिन राती। सादर जपहु अनँग आराती।।\nरामु सो अवध नृपति सुत सोई। की अज अगुन अलखगति कोई।।\nदोहा/सोरठा\nजौं नृप तनय त ब्रह्म किमि नारि बिरहँ मति भोरि।\nदेख चरित महिमा सुनत भ्रमति बुद्धि अति मोरि।।108।।", iast: "caupāī\njauṃ mo para prasanna sukharāsī| jānia satya mohi nija dāsī||\ntauṃ prabhu harahu mora agyānā| kahi raghunātha kathā bidhi nānā||\njāsu bhavanu surataru tara hoī| sahi ki daridra janita dukhu soī||\nsasibhūṣana asa hṛdaya~ bicārī| harahu nātha mama mati bhrama bhārī||\nprabhu je muni paramārathabādī| kahahiṃ rāma kahu~ brahma anādī||\nsesa sāradā beda purānā| sakala karahiṃ raghupati guna gānā||\ntumha puni rāma rāma dina rātī| sādara japahu ana~ga ārātī||\nrāmu so avadha nṛpati suta soī| kī aja aguna alakhagati koī||\ndohā/soraṭhā\njauṃ nṛpa tanaya ta brahma kimi nāri biraha~ mati bhori|\ndekha carita mahimā sunata bhramati buddhi ati mori||108||" },
    { devanagari: "चौपाई\nजौं अनीह ब्यापक बिभु कोऊ। कबहु बुझाइ नाथ मोहि सोऊ।।\nअग्य जानि रिस उर जनि धरहू। जेहि बिधि मोह मिटै सोइ करहू।।\nमै बन दीखि राम प्रभुताई। अति भय बिकल न तुम्हहि सुनाई।।\nतदपि मलिन मन बोधु न आवा। सो फलु भली भाँति हम पावा।।\nअजहूँ कछु संसउ मन मोरे। करहु कृपा बिनवउँ कर जोरें।।\nप्रभु तब मोहि बहु भाँति प्रबोधा। नाथ सो समुझि करहु जनि क्रोधा।।\nतब कर अस बिमोह अब नाहीं। रामकथा पर रुचि मन माहीं।।\nकहहु पुनीत राम गुन गाथा। भुजगराज भूषन सुरनाथा।।\nदोहा/सोरठा\nबंदउ पद धरि धरनि सिरु बिनय करउँ कर जोरि।\nबरनहु रघुबर बिसद जसु श्रुति सिद्धांत निचोरि।।109।।", iast: "caupāī\njauṃ anīha byāpaka bibhu koū| kabahu bujhāi nātha mohi soū||\nagya jāni risa ura jani dharahū| jehi bidhi moha miṭai soi karahū||\nmai bana dīkhi rāma prabhutāī| ati bhaya bikala na tumhahi sunāī||\ntadapi malina mana bodhu na āvā| so phalu bhalī bhā~ti hama pāvā||\najahū~ kachu saṃsau mana more| karahu kṛpā binavau~ kara joreṃ||\nprabhu taba mohi bahu bhā~ti prabodhā| nātha so samujhi karahu jani krodhā||\ntaba kara asa bimoha aba nāhīṃ| rāmakathā para ruci mana māhīṃ||\nkahahu punīta rāma guna gāthā| bhujagarāja bhūṣana suranāthā||\ndohā/soraṭhā\nbaṃdau pada dhari dharani siru binaya karau~ kara jori|\nbaranahu raghubara bisada jasu śruti siddhāṃta nicori||109||" },
    { devanagari: "चौपाई\nजदपि जोषिता नहिं अधिकारी। दासी मन क्रम बचन तुम्हारी।।\nगूढ़उ तत्व न साधु दुरावहिं। आरत अधिकारी जहँ पावहिं।।\nअति आरति पूछउँ सुरराया। रघुपति कथा कहहु करि दाया।।\nप्रथम सो कारन कहहु बिचारी। निर्गुन ब्रह्म सगुन बपु धारी।।\nपुनि प्रभु कहहु राम अवतारा। बालचरित पुनि कहहु उदारा।।\nकहहु जथा जानकी बिबाहीं। राज तजा सो दूषन काहीं।।\nबन बसि कीन्हे चरित अपारा। कहहु नाथ जिमि रावन मारा।।\nराज बैठि कीन्हीं बहु लीला। सकल कहहु संकर सुखलीला।।\nदोहा/सोरठा\nबहुरि कहहु करुनायतन कीन्ह जो अचरज राम।\nप्रजा सहित रघुबंसमनि किमि गवने निज धाम।।110।।", iast: "caupāī\njadapi joṣitā nahiṃ adhikārī| dāsī mana krama bacana tumhārī||\ngūṛhu tatva na sādhu durāvahiṃ| ārata adhikārī jaha~ pāvahiṃ||\nati ārati pūchau~ surarāyā| raghupati kathā kahahu kari dāyā||\nprathama so kārana kahahu bicārī| nirguna brahma saguna bapu dhārī||\npuni prabhu kahahu rāma avatārā| bālacarita puni kahahu udārā||\nkahahu jathā jānakī bibāhīṃ| rāja tajā so dūṣana kāhīṃ||\nbana basi kīnhe carita apārā| kahahu nātha jimi rāvana mārā||\nrāja baiṭhi kīnhīṃ bahu līlā| sakala kahahu saṃkara sukhalīlā||\ndohā/soraṭhā\nbahuri kahahu karunāyatana kīnha jo acaraja rāma|\nprajā sahita raghubaṃsamani kimi gavane nija dhāma||110||" },
    { devanagari: "चौपाई\nपुनि प्रभु कहहु सो तत्व बखानी। जेहिं बिग्यान मगन मुनि ग्यानी।।\nभगति ग्यान बिग्यान बिरागा। पुनि सब बरनहु सहित बिभागा।।\nऔरउ राम रहस्य अनेका। कहहु नाथ अति बिमल बिबेका।।\nजो प्रभु मैं पूछा नहि होई। सोउ दयाल राखहु जनि गोई।।\nतुम्ह त्रिभुवन गुर बेद बखाना। आन जीव पाँवर का जाना।।\nप्रस्न उमा कै सहज सुहाई। छल बिहीन सुनि सिव मन भाई।।\nहर हियँ रामचरित सब आए। प्रेम पुलक लोचन जल छाए।।\nश्रीरघुनाथ रूप उर आवा। परमानंद अमित सुख पावा।।\nदोहा/सोरठा\nमगन ध्यानरस दंड जुग पुनि मन बाहेर कीन्ह।\nरघुपति चरित महेस तब हरषित बरनै लीन्ह।।111।।", iast: "caupāī\npuni prabhu kahahu so tatva bakhānī| jehiṃ bigyāna magana muni gyānī||\nbhagati gyāna bigyāna birāgā| puni saba baranahu sahita bibhāgā||\naurau rāma rahasya anekā| kahahu nātha ati bimala bibekā||\njo prabhu maiṃ pūchā nahi hoī| sou dayāla rākhahu jani goī||\ntumha tribhuvana gura beda bakhānā| āna jīva pā~vara kā jānā||\nprasna umā kai sahaja suhāī| chala bihīna suni siva mana bhāī||\nhara hiya~ rāmacarita saba āe| prema pulaka locana jala chāe||\nśrīraghunātha rūpa ura āvā| paramānaṃda amita sukha pāvā||\ndohā/soraṭhā\nmagana dhyānarasa daṃḍa juga puni mana bāhera kīnha|\nraghupati carita mahesa taba haraṣita baranai līnha||111||" },
    { devanagari: "चौपाई\nझूठेउ सत्य जाहि बिनु जानें। जिमि भुजंग बिनु रजु पहिचानें।।\nजेहि जानें जग जाइ हेराई। जागें जथा सपन भ्रम जाई।।\nबंदउँ बालरूप सोई रामू। सब सिधि सुलभ जपत जिसु नामू।।\nमंगल भवन अमंगल हारी। द्रवउ सो दसरथ अजिर बिहारी।।\nकरि प्रनाम रामहि त्रिपुरारी। हरषि सुधा सम गिरा उचारी।।\nधन्य धन्य गिरिराजकुमारी। तुम्ह समान नहिं कोउ उपकारी।।\nपूँछेहु रघुपति कथा प्रसंगा। सकल लोक जग पावनि गंगा।।\nतुम्ह रघुबीर चरन अनुरागी। कीन्हहु प्रस्न जगत हित लागी।।\nदोहा/सोरठा\nरामकृपा तें पारबति सपनेहुँ तव मन माहिं।\nसोक मोह संदेह भ्रम मम बिचार कछु नाहिं।।112।।", iast: "caupāī\njhūṭheu satya jāhi binu jāneṃ| jimi bhujaṃga binu raju pahicāneṃ||\njehi jāneṃ jaga jāi herāī| jāgeṃ jathā sapana bhrama jāī||\nbaṃdau~ bālarūpa soī rāmū| saba sidhi sulabha japata jisu nāmū||\nmaṃgala bhavana amaṃgala hārī| dravau so dasaratha ajira bihārī||\nkari pranāma rāmahi tripurārī| haraṣi sudhā sama girā ucārī||\ndhanya dhanya girirājakumārī| tumha samāna nahiṃ kou upakārī||\npū~chehu raghupati kathā prasaṃgā| sakala loka jaga pāvani gaṃgā||\ntumha raghubīra carana anurāgī| kīnhahu prasna jagata hita lāgī||\ndohā/soraṭhā\nrāmakṛpā teṃ pārabati sapanehu~ tava mana māhiṃ|\nsoka moha saṃdeha bhrama mama bicāra kachu nāhiṃ||112||" },
    { devanagari: "चौपाई\nतदपि असंका कीन्हिहु सोई। कहत सुनत सब कर हित होई।।\nजिन्ह हरि कथा सुनी नहिं काना। श्रवन रंध्र अहिभवन समाना।।\nनयनन्हि संत दरस नहिं देखा। लोचन मोरपंख कर लेखा।।\nते सिर कटु तुंबरि समतूला। जे न नमत हरि गुर पद मूला।।\nजिन्ह हरिभगति हृदयँ नहिं आनी। जीवत सव समान तेइ प्रानी।।\nजो नहिं करइ राम गुन गाना। जीह सो दादुर जीह समाना।।\nकुलिस कठोर निठुर सोइ छाती। सुनि हरिचरित न जो हरषाती।।\nगिरिजा सुनहु राम कै लीला। सुर हित दनुज बिमोहनसीला।।\nदोहा/सोरठा\nरामकथा सुरधेनु सम सेवत सब सुख दानि।\nसतसमाज सुरलोक सब को न सुनै अस जानि।।113।।", iast: "caupāī\ntadapi asaṃkā kīnhihu soī| kahata sunata saba kara hita hoī||\njinha hari kathā sunī nahiṃ kānā| śravana raṃdhra ahibhavana samānā||\nnayananhi saṃta darasa nahiṃ dekhā| locana morapaṃkha kara lekhā||\nte sira kaṭu tuṃbari samatūlā| je na namata hari gura pada mūlā||\njinha haribhagati hṛdaya~ nahiṃ ānī| jīvata sava samāna tei prānī||\njo nahiṃ karai rāma guna gānā| jīha so dādura jīha samānā||\nkulisa kaṭhora niṭhura soi chātī| suni haricarita na jo haraṣātī||\ngirijā sunahu rāma kai līlā| sura hita danuja bimohanasīlā||\ndohā/soraṭhā\nrāmakathā suradhenu sama sevata saba sukha dāni|\nsatasamāja suraloka saba ko na sunai asa jāni||113||" },
    { devanagari: "चौपाई\nरामकथा सुंदर कर तारी। संसय बिहग उडावनिहारी।।\nरामकथा कलि बिटप कुठारी। सादर सुनु गिरिराजकुमारी।।\nराम नाम गुन चरित सुहाए। जनम करम अगनित श्रुति गाए।।\nजथा अनंत राम भगवाना। तथा कथा कीरति गुन नाना।।\nतदपि जथा श्रुत जसि मति मोरी। कहिहउँ देखि प्रीति अति तोरी।।\nउमा प्रस्न तव सहज सुहाई। सुखद संतसंमत मोहि भाई।।\nएक बात नहि मोहि सोहानी। जदपि मोह बस कहेहु भवानी।।\nतुम जो कहा राम कोउ आना। जेहि श्रुति गाव धरहिं मुनि ध्याना।।\nदोहा/सोरठा\nकहहि सुनहि अस अधम नर ग्रसे जे मोह पिसाच।\nपाषंडी हरि पद बिमुख जानहिं झूठ न साच।।114।।", iast: "caupāī\nrāmakathā suṃdara kara tārī| saṃsaya bihaga uḍāvanihārī||\nrāmakathā kali biṭapa kuṭhārī| sādara sunu girirājakumārī||\nrāma nāma guna carita suhāe| janama karama aganita śruti gāe||\njathā anaṃta rāma bhagavānā| tathā kathā kīrati guna nānā||\ntadapi jathā śruta jasi mati morī| kahihau~ dekhi prīti ati torī||\numā prasna tava sahaja suhāī| sukhada saṃtasaṃmata mohi bhāī||\neka bāta nahi mohi sohānī| jadapi moha basa kahehu bhavānī||\ntuma jo kahā rāma kou ānā| jehi śruti gāva dharahiṃ muni dhyānā||\ndohā/soraṭhā\nkahahi sunahi asa adhama nara grase je moha pisāca|\npāṣaṃḍī hari pada bimukha jānahiṃ jhūṭha na sāca||114||" },
    { devanagari: "चौपाई\nअग्य अकोबिद अंध अभागी। काई बिषय मुकर मन लागी।।\nलंपट कपटी कुटिल बिसेषी। सपनेहुँ संतसभा नहिं देखी।।\nकहहिं ते बेद असंमत बानी। जिन्ह कें सूझ लाभु नहिं हानी।।\nमुकर मलिन अरु नयन बिहीना। राम रूप देखहिं किमि दीना।।\nजिन्ह कें अगुन न सगुन बिबेका। जल्पहिं कल्पित बचन अनेका।।\nहरिमाया बस जगत भ्रमाहीं। तिन्हहि कहत कछु अघटित नाहीं।।\nबातुल भूत बिबस मतवारे। ते नहिं बोलहिं बचन बिचारे।।\nजिन्ह कृत महामोह मद पाना। तिन् कर कहा करिअ नहिं काना।।\nदोहा/सोरठा\nअस निज हृदयँ बिचारि तजु संसय भजु राम पद।\nसुनु गिरिराज कुमारि भ्रम तम रबि कर बचन मम।।115।।", iast: "caupāī\nagya akobida aṃdha abhāgī| kāī biṣaya mukara mana lāgī||\nlaṃpaṭa kapaṭī kuṭila biseṣī| sapanehu~ saṃtasabhā nahiṃ dekhī||\nkahahiṃ te beda asaṃmata bānī| jinha keṃ sūjha lābhu nahiṃ hānī||\nmukara malina aru nayana bihīnā| rāma rūpa dekhahiṃ kimi dīnā||\njinha keṃ aguna na saguna bibekā| jalpahiṃ kalpita bacana anekā||\nharimāyā basa jagata bhramāhīṃ| tinhahi kahata kachu aghaṭita nāhīṃ||\nbātula bhūta bibasa matavāre| te nahiṃ bolahiṃ bacana bicāre||\njinha kṛta mahāmoha mada pānā| tin kara kahā karia nahiṃ kānā||\ndohā/soraṭhā\nasa nija hṛdaya~ bicāri taju saṃsaya bhaju rāma pada|\nsunu girirāja kumāri bhrama tama rabi kara bacana mama||115||" },
    { devanagari: "चौपाई\nसगुनहि अगुनहि नहिं कछु भेदा। गावहिं मुनि पुरान बुध बेदा।।\nअगुन अरुप अलख अज जोई। भगत प्रेम बस सगुन सो होई।।\nजो गुन रहित सगुन सोइ कैसें। जलु हिम उपल बिलग नहिं जैसें।।\nजासु नाम भ्रम तिमिर पतंगा। तेहि किमि कहिअ बिमोह प्रसंगा।।\nराम सच्चिदानंद दिनेसा। नहिं तहँ मोह निसा लवलेसा।।\nसहज प्रकासरुप भगवाना। नहिं तहँ पुनि बिग्यान बिहाना।।\nहरष बिषाद ग्यान अग्याना। जीव धर्म अहमिति अभिमाना।।\nराम ब्रह्म ब्यापक जग जाना। परमानन्द परेस पुराना।।\nदोहा/सोरठा\nपुरुष प्रसिद्ध प्रकास निधि प्रगट परावर नाथ।।\nरघुकुलमनि मम स्वामि सोइ कहि सिवँ नायउ माथ।।116।।", iast: "caupāī\nsagunahi agunahi nahiṃ kachu bhedā| gāvahiṃ muni purāna budha bedā||\naguna arupa alakha aja joī| bhagata prema basa saguna so hoī||\njo guna rahita saguna soi kaiseṃ| jalu hima upala bilaga nahiṃ jaiseṃ||\njāsu nāma bhrama timira pataṃgā| tehi kimi kahia bimoha prasaṃgā||\nrāma saccidānaṃda dinesā| nahiṃ taha~ moha nisā lavalesā||\nsahaja prakāsarupa bhagavānā| nahiṃ taha~ puni bigyāna bihānā||\nharaṣa biṣāda gyāna agyānā| jīva dharma ahamiti abhimānā||\nrāma brahma byāpaka jaga jānā| paramānanda paresa purānā||\ndohā/soraṭhā\npuruṣa prasiddha prakāsa nidhi pragaṭa parāvara nātha||\nraghukulamani mama svāmi soi kahi siva~ nāyau mātha||116||" },
    { devanagari: "चौपाई\nनिज भ्रम नहिं समुझहिं अग्यानी। प्रभु पर मोह धरहिं जड़ प्रानी।।\nजथा गगन घन पटल निहारी। झाँपेउ मानु कहहिं कुबिचारी।।\nचितव जो लोचन अंगुलि लाएँ। प्रगट जुगल ससि तेहि के भाएँ।।\nउमा राम बिषइक अस मोहा। नभ तम धूम धूरि जिमि सोहा।।\nबिषय करन सुर जीव समेता। सकल एक तें एक सचेता।।\nसब कर परम प्रकासक जोई। राम अनादि अवधपति सोई।।\nजगत प्रकास्य प्रकासक रामू। मायाधीस ग्यान गुन धामू।।\nजासु सत्यता तें जड माया। भास सत्य इव मोह सहाया।।\nदोहा/सोरठा\nरजत सीप महुँ मास जिमि जथा भानु कर बारि।\nजदपि मृषा तिहुँ काल सोइ भ्रम न सकइ कोउ टारि।।117।।", iast: "caupāī\nnija bhrama nahiṃ samujhahiṃ agyānī| prabhu para moha dharahiṃ jaṛa prānī||\njathā gagana ghana paṭala nihārī| jhā~peu mānu kahahiṃ kubicārī||\ncitava jo locana aṃguli lāe~| pragaṭa jugala sasi tehi ke bhāe~||\numā rāma biṣaika asa mohā| nabha tama dhūma dhūri jimi sohā||\nbiṣaya karana sura jīva sametā| sakala eka teṃ eka sacetā||\nsaba kara parama prakāsaka joī| rāma anādi avadhapati soī||\njagata prakāsya prakāsaka rāmū| māyādhīsa gyāna guna dhāmū||\njāsu satyatā teṃ jaḍa māyā| bhāsa satya iva moha sahāyā||\ndohā/soraṭhā\nrajata sīpa mahu~ māsa jimi jathā bhānu kara bāri|\njadapi mṛṣā tihu~ kāla soi bhrama na sakai kou ṭāri||117||" },
    { devanagari: "चौपाई\nएहि बिधि जग हरि आश्रित रहई। जदपि असत्य देत दुख अहई।।\nजौं सपनें सिर काटै कोई। बिनु जागें न दूरि दुख होई।।\nजासु कृपाँ अस भ्रम मिटि जाई। गिरिजा सोइ कृपाल रघुराई।।\nआदि अंत कोउ जासु न पावा। मति अनुमानि निगम अस गावा।।\nबिनु पद चलइ सुनइ बिनु काना। कर बिनु करम करइ बिधि नाना।।\nआनन रहित सकल रस भोगी। बिनु बानी बकता बड़ जोगी।।\nतनु बिनु परस नयन बिनु देखा। ग्रहइ घ्रान बिनु बास असेषा।।\nअसि सब भाँति अलौकिक करनी। महिमा जासु जाइ नहिं बरनी।।\nदोहा/सोरठा\nजेहि इमि गावहि बेद बुध जाहि धरहिं मुनि ध्यान।।\nसोइ दसरथ सुत भगत हित कोसलपति भगवान।।118।।", iast: "caupāī\nehi bidhi jaga hari āśrita rahaī| jadapi asatya deta dukha ahaī||\njauṃ sapaneṃ sira kāṭai koī| binu jāgeṃ na dūri dukha hoī||\njāsu kṛpā~ asa bhrama miṭi jāī| girijā soi kṛpāla raghurāī||\nādi aṃta kou jāsu na pāvā| mati anumāni nigama asa gāvā||\nbinu pada calai sunai binu kānā| kara binu karama karai bidhi nānā||\nānana rahita sakala rasa bhogī| binu bānī bakatā baṛa jogī||\ntanu binu parasa nayana binu dekhā| grahai ghrāna binu bāsa aseṣā||\nasi saba bhā~ti alaukika karanī| mahimā jāsu jāi nahiṃ baranī||\ndohā/soraṭhā\njehi imi gāvahi beda budha jāhi dharahiṃ muni dhyāna||\nsoi dasaratha suta bhagata hita kosalapati bhagavāna||118||" },
    { devanagari: "चौपाई\nकासीं मरत जंतु अवलोकी। जासु नाम बल करउँ बिसोकी।।\nसोइ प्रभु मोर चराचर स्वामी। रघुबर सब उर अंतरजामी।।\nबिबसहुँ जासु नाम नर कहहीं। जनम अनेक रचित अघ दहहीं।।\nसादर सुमिरन जे नर करहीं। भव बारिधि गोपद इव तरहीं।।\nराम सो परमातमा भवानी। तहँ भ्रम अति अबिहित तव बानी।।\nअस संसय आनत उर माहीं। ग्यान बिराग सकल गुन जाहीं।।\nसुनि सिव के भ्रम भंजन बचना। मिटि गै सब कुतरक कै रचना।।\nभइ रघुपति पद प्रीति प्रतीती। दारुन असंभावना बीती।।\nदोहा/सोरठा\nपुनि पुनि प्रभु पद कमल गहि जोरि पंकरुह पानि।\nबोली गिरिजा बचन बर मनहुँ प्रेम रस सानि।।119।।", iast: "caupāī\nkāsīṃ marata jaṃtu avalokī| jāsu nāma bala karau~ bisokī||\nsoi prabhu mora carācara svāmī| raghubara saba ura aṃtarajāmī||\nbibasahu~ jāsu nāma nara kahahīṃ| janama aneka racita agha dahahīṃ||\nsādara sumirana je nara karahīṃ| bhava bāridhi gopada iva tarahīṃ||\nrāma so paramātamā bhavānī| taha~ bhrama ati abihita tava bānī||\nasa saṃsaya ānata ura māhīṃ| gyāna birāga sakala guna jāhīṃ||\nsuni siva ke bhrama bhaṃjana bacanā| miṭi gai saba kutaraka kai racanā||\nbhai raghupati pada prīti pratītī| dāruna asaṃbhāvanā bītī||\ndohā/soraṭhā\npuni puni prabhu pada kamala gahi jori paṃkaruha pāni|\nbolī girijā bacana bara manahu~ prema rasa sāni||119||" },
    { devanagari: "चौपाई\nससि कर सम सुनि गिरा तुम्हारी। मिटा मोह सरदातप भारी।।\nतुम्ह कृपाल सबु संसउ हरेऊ। राम स्वरुप जानि मोहि परेऊ।।\nनाथ कृपाँ अब गयउ बिषादा। सुखी भयउँ प्रभु चरन प्रसादा।।\nअब मोहि आपनि किंकरि जानी। जदपि सहज जड नारि अयानी।।\nप्रथम जो मैं पूछा सोइ कहहू। जौं मो पर प्रसन्न प्रभु अहहू।।\nराम ब्रह्म चिनमय अबिनासी। सर्ब रहित सब उर पुर बासी।।\nनाथ धरेउ नरतनु केहि हेतू। मोहि समुझाइ कहहु बृषकेतू।।\nउमा बचन सुनि परम बिनीता। रामकथा पर प्रीति पुनीता।।\nदोहा/सोरठा\nहिंयँ हरषे कामारि तब संकर सहज सुजान\nबहु बिधि उमहि प्रसंसि पुनि बोले कृपानिधान।।120(क)।।\nसुनु सुभ कथा भवानि रामचरितमानस बिमल।\nकहा भुसुंडि बखानि सुना बिहग नायक गरुड।।120(ख)।।\nसो संबाद उदार जेहि बिधि भा आगें कहब।\nसुनहु राम अवतार चरित परम सुंदर अनघ।।120(ग)।।\nहरि गुन नाम अपार कथा रूप अगनित अमित।\nमैं निज मति अनुसार कहउँ उमा सादर सुनहु।।120(घ।।", iast: "caupāī\nsasi kara sama suni girā tumhārī| miṭā moha saradātapa bhārī||\ntumha kṛpāla sabu saṃsau hareū| rāma svarupa jāni mohi pareū||\nnātha kṛpā~ aba gayau biṣādā| sukhī bhayau~ prabhu carana prasādā||\naba mohi āpani kiṃkari jānī| jadapi sahaja jaḍa nāri ayānī||\nprathama jo maiṃ pūchā soi kahahū| jauṃ mo para prasanna prabhu ahahū||\nrāma brahma cinamaya abināsī| sarba rahita saba ura pura bāsī||\nnātha dhareu naratanu kehi hetū| mohi samujhāi kahahu bṛṣaketū||\numā bacana suni parama binītā| rāmakathā para prīti punītā||\ndohā/soraṭhā\nhiṃya~ haraṣe kāmāri taba saṃkara sahaja sujāna\nbahu bidhi umahi prasaṃsi puni bole kṛpānidhāna||120(ka)||\nsunu subha kathā bhavāni rāmacaritamānasa bimala|\nkahā bhusuṃḍi bakhāni sunā bihaga nāyaka garuḍa||120(kha)||\nso saṃbāda udāra jehi bidhi bhā āgeṃ kahaba|\nsunahu rāma avatāra carita parama suṃdara anagha||120(ga)||\nhari guna nāma apāra kathā rūpa aganita amita|\nmaiṃ nija mati anusāra kahau~ umā sādara sunahu||120(gha||" },
    { devanagari: "चौपाई\nसुनु गिरिजा हरिचरित सुहाए। बिपुल बिसद निगमागम गाए।।\nहरि अवतार हेतु जेहि होई। इदमित्थं कहि जाइ न सोई।।\nराम अर्तक्य बुद्धि मन बानी। मत हमार अस सुनहि सयानी।।\nतदपि संत मुनि बेद पुराना। जस कछु कहहिं स्वमति अनुमाना।।\nतस मैं सुमुखि सुनावउँ तोही। समुझि परइ जस कारन मोही।।\nजब जब होइ धरम कै हानी। बाढहिं असुर अधम अभिमानी।।\nकरहिं अनीति जाइ नहिं बरनी। सीदहिं बिप्र धेनु सुर धरनी।।\nतब तब प्रभु धरि बिबिध सरीरा। हरहि कृपानिधि सज्जन पीरा।।\nदोहा/सोरठा\nअसुर मारि थापहिं सुरन्ह राखहिं निज श्रुति सेतु।\nजग बिस्तारहिं बिसद जस राम जन्म कर हेतु।।121।।", iast: "caupāī\nsunu girijā haricarita suhāe| bipula bisada nigamāgama gāe||\nhari avatāra hetu jehi hoī| idamitthaṃ kahi jāi na soī||\nrāma artakya buddhi mana bānī| mata hamāra asa sunahi sayānī||\ntadapi saṃta muni beda purānā| jasa kachu kahahiṃ svamati anumānā||\ntasa maiṃ sumukhi sunāvau~ tohī| samujhi parai jasa kārana mohī||\njaba jaba hoi dharama kai hānī| bāḍhahiṃ asura adhama abhimānī||\nkarahiṃ anīti jāi nahiṃ baranī| sīdahiṃ bipra dhenu sura dharanī||\ntaba taba prabhu dhari bibidha sarīrā| harahi kṛpānidhi sajjana pīrā||\ndohā/soraṭhā\nasura māri thāpahiṃ suranha rākhahiṃ nija śruti setu|\njaga bistārahiṃ bisada jasa rāma janma kara hetu||121||" },
    { devanagari: "चौपाई\nसोइ जस गाइ भगत भव तरहीं। कृपासिंधु जन हित तनु धरहीं।।\nराम जनम के हेतु अनेका। परम बिचित्र एक तें एका।।\nजनम एक दुइ कहउँ बखानी। सावधान सुनु सुमति भवानी।।\nद्वारपाल हरि के प्रिय दोऊ। जय अरु बिजय जान सब कोऊ।।\nबिप्र श्राप तें दूनउ भाई। तामस असुर देह तिन्ह पाई।।\nकनककसिपु अरु हाटक लोचन। जगत बिदित सुरपति मद मोचन।।\nबिजई समर बीर बिख्याता। धरि बराह बपु एक निपाता।।\nहोइ नरहरि दूसर पुनि मारा। जन प्रहलाद सुजस बिस्तारा।।\nदोहा/सोरठा\nभए निसाचर जाइ तेइ महाबीर बलवान।\nकुंभकरन रावण सुभट सुर बिजई जग जान।।122 ।", iast: "caupāī\nsoi jasa gāi bhagata bhava tarahīṃ| kṛpāsiṃdhu jana hita tanu dharahīṃ||\nrāma janama ke hetu anekā| parama bicitra eka teṃ ekā||\njanama eka dui kahau~ bakhānī| sāvadhāna sunu sumati bhavānī||\ndvārapāla hari ke priya doū| jaya aru bijaya jāna saba koū||\nbipra śrāpa teṃ dūnau bhāī| tāmasa asura deha tinha pāī||\nkanakakasipu aru hāṭaka locana| jagata bidita surapati mada mocana||\nbijaī samara bīra bikhyātā| dhari barāha bapu eka nipātā||\nhoi narahari dūsara puni mārā| jana prahalāda sujasa bistārā||\ndohā/soraṭhā\nbhae nisācara jāi tei mahābīra balavāna|\nkuṃbhakarana rāvaṇa subhaṭa sura bijaī jaga jāna||122 |" },
    { devanagari: "चौपाई\nमुकुत न भए हते भगवाना। तीनि जनम द्विज बचन प्रवाना।।\nएक बार तिन्ह के हित लागी। धरेउ सरीर भगत अनुरागी।।\nकस्यप अदिति तहाँ पितु माता। दसरथ कौसल्या बिख्याता।।\nएक कलप एहि बिधि अवतारा। चरित्र पवित्र किए संसारा।।\nएक कलप सुर देखि दुखारे। समर जलंधर सन सब हारे।।\nसंभु कीन्ह संग्राम अपारा। दनुज महाबल मरइ न मारा।।\nपरम सती असुराधिप नारी। तेहि बल ताहि न जितहिं पुरारी।।\nदोहा/सोरठा\nछल करि टारेउ तासु ब्रत प्रभु सुर कारज कीन्ह।।\nजब तेहि जानेउ मरम तब श्राप कोप करि दीन्ह।।123।।", iast: "caupāī\nmukuta na bhae hate bhagavānā| tīni janama dvija bacana pravānā||\neka bāra tinha ke hita lāgī| dhareu sarīra bhagata anurāgī||\nkasyapa aditi tahā~ pitu mātā| dasaratha kausalyā bikhyātā||\neka kalapa ehi bidhi avatārā| caritra pavitra kie saṃsārā||\neka kalapa sura dekhi dukhāre| samara jalaṃdhara sana saba hāre||\nsaṃbhu kīnha saṃgrāma apārā| danuja mahābala marai na mārā||\nparama satī asurādhipa nārī| tehi bala tāhi na jitahiṃ purārī||\ndohā/soraṭhā\nchala kari ṭāreu tāsu brata prabhu sura kāraja kīnha||\njaba tehi jāneu marama taba śrāpa kopa kari dīnha||123||" },
    { devanagari: "चौपाई\nतासु श्राप हरि दीन्ह प्रमाना। कौतुकनिधि कृपाल भगवाना।।\nतहाँ जलंधर रावन भयऊ। रन हति राम परम पद दयऊ।।\nएक जनम कर कारन एहा। जेहि लागि राम धरी नरदेहा।।\nप्रति अवतार कथा प्रभु केरी। सुनु मुनि बरनी कबिन्ह घनेरी।।\nनारद श्राप दीन्ह एक बारा। कलप एक तेहि लगि अवतारा।।\nगिरिजा चकित भई सुनि बानी। नारद बिष्नुभगत पुनि ग्यानि।।\nकारन कवन श्राप मुनि दीन्हा। का अपराध रमापति कीन्हा।।\nयह प्रसंग मोहि कहहु पुरारी। मुनि मन मोह आचरज भारी।।\nदोहा/सोरठा\nबोले बिहसि महेस तब ग्यानी मूढ़ न कोइ।\nजेहि जस रघुपति करहिं जब सो तस तेहि छन होइ।।124(क)।।\nकहउँ राम गुन गाथ भरद्वाज सादर सुनहु।\nभव भंजन रघुनाथ भजु तुलसी तजि मान मद।।124(ख)।।", iast: "caupāī\ntāsu śrāpa hari dīnha pramānā| kautukanidhi kṛpāla bhagavānā||\ntahā~ jalaṃdhara rāvana bhayaū| rana hati rāma parama pada dayaū||\neka janama kara kārana ehā| jehi lāgi rāma dharī naradehā||\nprati avatāra kathā prabhu kerī| sunu muni baranī kabinha ghanerī||\nnārada śrāpa dīnha eka bārā| kalapa eka tehi lagi avatārā||\ngirijā cakita bhaī suni bānī| nārada biṣnubhagata puni gyāni||\nkārana kavana śrāpa muni dīnhā| kā aparādha ramāpati kīnhā||\nyaha prasaṃga mohi kahahu purārī| muni mana moha ācaraja bhārī||\ndohā/soraṭhā\nbole bihasi mahesa taba gyānī mūṛha na koi|\njehi jasa raghupati karahiṃ jaba so tasa tehi chana hoi||124(ka)||\nkahau~ rāma guna gātha bharadvāja sādara sunahu|\nbhava bhaṃjana raghunātha bhaju tulasī taji māna mada||124(kha)||" },
    { devanagari: "चौपाई\nहिमगिरि गुहा एक अति पावनि। बह समीप सुरसरी सुहावनि।।\nआश्रम परम पुनीत सुहावा। देखि देवरिषि मन अति भावा।।\nनिरखि सैल सरि बिपिन बिभागा। भयउ रमापति पद अनुरागा।।\nसुमिरत हरिहि श्राप गति बाधी। सहज बिमल मन लागि समाधी।।\nमुनि गति देखि सुरेस डेराना। कामहि बोलि कीन्ह सनमाना।।\nसहित सहाय जाहु मम हेतू। चकेउ हरषि हियँ जलचरकेतू।।\nसुनासीर मन महुँ असि त्रासा। चहत देवरिषि मम पुर बासा।।\nजे कामी लोलुप जग माहीं। कुटिल काक इव सबहि डेराहीं।।\nदोहा/सोरठा\nसुख हाड़ लै भाग सठ स्वान निरखि मृगराज।\nछीनि लेइ जनि जान जड़ तिमि सुरपतिहि न लाज।।125।।", iast: "caupāī\nhimagiri guhā eka ati pāvani| baha samīpa surasarī suhāvani||\nāśrama parama punīta suhāvā| dekhi devariṣi mana ati bhāvā||\nnirakhi saila sari bipina bibhāgā| bhayau ramāpati pada anurāgā||\nsumirata harihi śrāpa gati bādhī| sahaja bimala mana lāgi samādhī||\nmuni gati dekhi suresa ḍerānā| kāmahi boli kīnha sanamānā||\nsahita sahāya jāhu mama hetū| cakeu haraṣi hiya~ jalacaraketū||\nsunāsīra mana mahu~ asi trāsā| cahata devariṣi mama pura bāsā||\nje kāmī lolupa jaga māhīṃ| kuṭila kāka iva sabahi ḍerāhīṃ||\ndohā/soraṭhā\nsukha hāṛa lai bhāga saṭha svāna nirakhi mṛgarāja|\nchīni lei jani jāna jaṛa timi surapatihi na lāja||125||" },
    { devanagari: "चौपाई\nतेहि आश्रमहिं मदन जब गयऊ। निज मायाँ बसंत निरमयऊ।।\nकुसुमित बिबिध बिटप बहुरंगा। कूजहिं कोकिल गुंजहि भृंगा।।\nचली सुहावनि त्रिबिध बयारी। काम कृसानु बढ़ावनिहारी।।\nरंभादिक सुरनारि नबीना । सकल असमसर कला प्रबीना।।\nकरहिं गान बहु तान तरंगा। बहुबिधि क्रीड़हि पानि पतंगा।।\nदेखि सहाय मदन हरषाना। कीन्हेसि पुनि प्रपंच बिधि नाना।।\nकाम कला कछु मुनिहि न ब्यापी। निज भयँ डरेउ मनोभव पापी।।\nसीम कि चाँपि सकइ कोउ तासु। बड़ रखवार रमापति जासू।।\nदोहा/सोरठा\nसहित सहाय सभीत अति मानि हारि मन मैन।\nगहेसि जाइ मुनि चरन तब कहि सुठि आरत बैन।।126।।", iast: "caupāī\ntehi āśramahiṃ madana jaba gayaū| nija māyā~ basaṃta niramayaū||\nkusumita bibidha biṭapa bahuraṃgā| kūjahiṃ kokila guṃjahi bhṛṃgā||\ncalī suhāvani tribidha bayārī| kāma kṛsānu baṛhāvanihārī||\nraṃbhādika suranāri nabīnā | sakala asamasara kalā prabīnā||\nkarahiṃ gāna bahu tāna taraṃgā| bahubidhi krīṛahi pāni pataṃgā||\ndekhi sahāya madana haraṣānā| kīnhesi puni prapaṃca bidhi nānā||\nkāma kalā kachu munihi na byāpī| nija bhaya~ ḍareu manobhava pāpī||\nsīma ki cā~pi sakai kou tāsu| baṛa rakhavāra ramāpati jāsū||\ndohā/soraṭhā\nsahita sahāya sabhīta ati māni hāri mana maina|\ngahesi jāi muni carana taba kahi suṭhi ārata baina||126||" },
    { devanagari: "चौपाई\nभयउ न नारद मन कछु रोषा। कहि प्रिय बचन काम परितोषा।।\nनाइ चरन सिरु आयसु पाई। गयउ मदन तब सहित सहाई।।\nमुनि सुसीलता आपनि करनी। सुरपति सभाँ जाइ सब बरनी।।\nसुनि सब कें मन अचरजु आवा। मुनिहि प्रसंसि हरिहि सिरु नावा।।\nतब नारद गवने सिव पाहीं। जिता काम अहमिति मन माहीं।।\nमार चरित संकरहिं सुनाए। अतिप्रिय जानि महेस सिखाए।।\nबार बार बिनवउँ मुनि तोहीं। जिमि यह कथा सुनायहु मोहीं।।\nतिमि जनि हरिहि सुनावहु कबहूँ। चलेहुँ प्रसंग दुराएडु तबहूँ।।\nदोहा/सोरठा\nसंभु दीन्ह उपदेस हित नहिं नारदहि सोहान।\nभारद्वाज कौतुक सुनहु हरि इच्छा बलवान।।127।।", iast: "caupāī\nbhayau na nārada mana kachu roṣā| kahi priya bacana kāma paritoṣā||\nnāi carana siru āyasu pāī| gayau madana taba sahita sahāī||\nmuni susīlatā āpani karanī| surapati sabhā~ jāi saba baranī||\nsuni saba keṃ mana acaraju āvā| munihi prasaṃsi harihi siru nāvā||\ntaba nārada gavane siva pāhīṃ| jitā kāma ahamiti mana māhīṃ||\nmāra carita saṃkarahiṃ sunāe| atipriya jāni mahesa sikhāe||\nbāra bāra binavau~ muni tohīṃ| jimi yaha kathā sunāyahu mohīṃ||\ntimi jani harihi sunāvahu kabahū~| calehu~ prasaṃga durāeḍu tabahū~||\ndohā/soraṭhā\nsaṃbhu dīnha upadesa hita nahiṃ nāradahi sohāna|\nbhāradvāja kautuka sunahu hari icchā balavāna||127||" },
    { devanagari: "चौपाई\nराम कीन्ह चाहहिं सोइ होई। करै अन्यथा अस नहिं कोई।।\nसंभु बचन मुनि मन नहिं भाए। तब बिरंचि के लोक सिधाए।।\nएक बार करतल बर बीना। गावत हरि गुन गान प्रबीना।।\nछीरसिंधु गवने मुनिनाथा। जहँ बस श्रीनिवास श्रुतिमाथा।।\nहरषि मिले उठि रमानिकेता। बैठे आसन रिषिहि समेता।।\nबोले बिहसि चराचर राया। बहुते दिनन कीन्हि मुनि दाया।।\nकाम चरित नारद सब भाषे। जद्यपि प्रथम बरजि सिवँ राखे।।\nअति प्रचंड रघुपति कै माया। जेहि न मोह अस को जग जाया।।\nदोहा/सोरठा\nरूख बदन करि बचन मृदु बोले श्रीभगवान ।\nतुम्हरे सुमिरन तें मिटहिं मोह मार मद मान।।128।।", iast: "caupāī\nrāma kīnha cāhahiṃ soi hoī| karai anyathā asa nahiṃ koī||\nsaṃbhu bacana muni mana nahiṃ bhāe| taba biraṃci ke loka sidhāe||\neka bāra karatala bara bīnā| gāvata hari guna gāna prabīnā||\nchīrasiṃdhu gavane munināthā| jaha~ basa śrīnivāsa śrutimāthā||\nharaṣi mile uṭhi ramāniketā| baiṭhe āsana riṣihi sametā||\nbole bihasi carācara rāyā| bahute dinana kīnhi muni dāyā||\nkāma carita nārada saba bhāṣe| jadyapi prathama baraji siva~ rākhe||\nati pracaṃḍa raghupati kai māyā| jehi na moha asa ko jaga jāyā||\ndohā/soraṭhā\nrūkha badana kari bacana mṛdu bole śrībhagavāna |\ntumhare sumirana teṃ miṭahiṃ moha māra mada māna||128||" },
    { devanagari: "चौपाई\nसुनु मुनि मोह होइ मन ताकें। ग्यान बिराग हृदय नहिं जाके।।\nब्रह्मचरज ब्रत रत मतिधीरा। तुम्हहि कि करइ मनोभव पीरा।।\nनारद कहेउ सहित अभिमाना। कृपा तुम्हारि सकल भगवाना।।\nकरुनानिधि मन दीख बिचारी। उर अंकुरेउ गरब तरु भारी।।\nबेगि सो मै डारिहउँ उखारी। पन हमार सेवक हितकारी।।\nमुनि कर हित मम कौतुक होई। अवसि उपाय करबि मै सोई।।\nतब नारद हरि पद सिर नाई। चले हृदयँ अहमिति अधिकाई।।\nश्रीपति निज माया तब प्रेरी। सुनहु कठिन करनी तेहि केरी।।\nदोहा/सोरठा\nबिरचेउ मग महुँ नगर तेहिं सत जोजन बिस्तार।\nश्रीनिवासपुर तें अधिक रचना बिबिध प्रकार।।129।।", iast: "caupāī\nsunu muni moha hoi mana tākeṃ| gyāna birāga hṛdaya nahiṃ jāke||\nbrahmacaraja brata rata matidhīrā| tumhahi ki karai manobhava pīrā||\nnārada kaheu sahita abhimānā| kṛpā tumhāri sakala bhagavānā||\nkarunānidhi mana dīkha bicārī| ura aṃkureu garaba taru bhārī||\nbegi so mai ḍārihau~ ukhārī| pana hamāra sevaka hitakārī||\nmuni kara hita mama kautuka hoī| avasi upāya karabi mai soī||\ntaba nārada hari pada sira nāī| cale hṛdaya~ ahamiti adhikāī||\nśrīpati nija māyā taba prerī| sunahu kaṭhina karanī tehi kerī||\ndohā/soraṭhā\nbiraceu maga mahu~ nagara tehiṃ sata jojana bistāra|\nśrīnivāsapura teṃ adhika racanā bibidha prakāra||129||" },
    { devanagari: "चौपाई\nबसहिं नगर सुंदर नर नारी। जनु बहु मनसिज रति तनुधारी।।\nतेहिं पुर बसइ सीलनिधि राजा। अगनित हय गय सेन समाजा।।\nसत सुरेस सम बिभव बिलासा। रूप तेज बल नीति निवासा।।\nबिस्वमोहनी तासु कुमारी। श्री बिमोह जिसु रूपु निहारी।।\nसोइ हरिमाया सब गुन खानी। सोभा तासु कि जाइ बखानी।।\nकरइ स्वयंबर सो नृपबाला। आए तहँ अगनित महिपाला।।\nमुनि कौतुकी नगर तेहिं गयऊ। पुरबासिन्ह सब पूछत भयऊ।।\nसुनि सब चरित भूपगृहँ आए। करि पूजा नृप मुनि बैठाए।।\nदोहा/सोरठा\nआनि देखाई नारदहि भूपति राजकुमारि।\nकहहु नाथ गुन दोष सब एहि के हृदयँ बिचारि।।130।।", iast: "caupāī\nbasahiṃ nagara suṃdara nara nārī| janu bahu manasija rati tanudhārī||\ntehiṃ pura basai sīlanidhi rājā| aganita haya gaya sena samājā||\nsata suresa sama bibhava bilāsā| rūpa teja bala nīti nivāsā||\nbisvamohanī tāsu kumārī| śrī bimoha jisu rūpu nihārī||\nsoi harimāyā saba guna khānī| sobhā tāsu ki jāi bakhānī||\nkarai svayaṃbara so nṛpabālā| āe taha~ aganita mahipālā||\nmuni kautukī nagara tehiṃ gayaū| purabāsinha saba pūchata bhayaū||\nsuni saba carita bhūpagṛha~ āe| kari pūjā nṛpa muni baiṭhāe||\ndohā/soraṭhā\nāni dekhāī nāradahi bhūpati rājakumāri|\nkahahu nātha guna doṣa saba ehi ke hṛdaya~ bicāri||130||" },
    { devanagari: "चौपाई\nदेखि रूप मुनि बिरति बिसारी। बड़ी बार लगि रहे निहारी।।\nलच्छन तासु बिलोकि भुलाने। हृदयँ हरष नहिं प्रगट बखाने।।\nजो एहि बरइ अमर सोइ होई। समरभूमि तेहि जीत न कोई।।\nसेवहिं सकल चराचर ताही। बरइ सीलनिधि कन्या जाही।।\nलच्छन सब बिचारि उर राखे। कछुक बनाइ भूप सन भाषे।।\nसुता सुलच्छन कहि नृप पाहीं। नारद चले सोच मन माहीं।।\nकरौं जाइ सोइ जतन बिचारी। जेहि प्रकार मोहि बरै कुमारी।।\nजप तप कछु न होइ तेहि काला। हे बिधि मिलइ कवन बिधि बाला।।\nदोहा/सोरठा\nएहि अवसर चाहिअ परम सोभा रूप बिसाल।\nजो बिलोकि रीझै कुअँरि तब मेलै जयमाल।।131।।", iast: "caupāī\ndekhi rūpa muni birati bisārī| baṛī bāra lagi rahe nihārī||\nlacchana tāsu biloki bhulāne| hṛdaya~ haraṣa nahiṃ pragaṭa bakhāne||\njo ehi barai amara soi hoī| samarabhūmi tehi jīta na koī||\nsevahiṃ sakala carācara tāhī| barai sīlanidhi kanyā jāhī||\nlacchana saba bicāri ura rākhe| kachuka banāi bhūpa sana bhāṣe||\nsutā sulacchana kahi nṛpa pāhīṃ| nārada cale soca mana māhīṃ||\nkarauṃ jāi soi jatana bicārī| jehi prakāra mohi barai kumārī||\njapa tapa kachu na hoi tehi kālā| he bidhi milai kavana bidhi bālā||\ndohā/soraṭhā\nehi avasara cāhia parama sobhā rūpa bisāla|\njo biloki rījhai kua~ri taba melai jayamāla||131||" },
    { devanagari: "चौपाई\nहरि सन मागौं सुंदरताई। होइहि जात गहरु अति भाई।।\nमोरें हित हरि सम नहिं कोऊ। एहि अवसर सहाय सोइ होऊ।।\nबहुबिधि बिनय कीन्हि तेहि काला। प्रगटेउ प्रभु कौतुकी कृपाला।।\nप्रभु बिलोकि मुनि नयन जुड़ाने। होइहि काजु हिएँ हरषाने।।\nअति आरति कहि कथा सुनाई। करहु कृपा करि होहु सहाई।।\nआपन रूप देहु प्रभु मोही। आन भाँति नहिं पावौं ओही।।\nजेहि बिधि नाथ होइ हित मोरा। करहु सो बेगि दास मैं तोरा।।\nनिज माया बल देखि बिसाला। हियँ हँसि बोले दीनदयाला।।\nदोहा/सोरठा\nजेहि बिधि होइहि परम हित नारद सुनहु तुम्हार।\nसोइ हम करब न आन कछु बचन न मृषा हमार।।132।।", iast: "caupāī\nhari sana māgauṃ suṃdaratāī| hoihi jāta gaharu ati bhāī||\nmoreṃ hita hari sama nahiṃ koū| ehi avasara sahāya soi hoū||\nbahubidhi binaya kīnhi tehi kālā| pragaṭeu prabhu kautukī kṛpālā||\nprabhu biloki muni nayana juṛāne| hoihi kāju hie~ haraṣāne||\nati ārati kahi kathā sunāī| karahu kṛpā kari hohu sahāī||\nāpana rūpa dehu prabhu mohī| āna bhā~ti nahiṃ pāvauṃ ohī||\njehi bidhi nātha hoi hita morā| karahu so begi dāsa maiṃ torā||\nnija māyā bala dekhi bisālā| hiya~ ha~si bole dīnadayālā||\ndohā/soraṭhā\njehi bidhi hoihi parama hita nārada sunahu tumhāra|\nsoi hama karaba na āna kachu bacana na mṛṣā hamāra||132||" },
    { devanagari: "चौपाई\nकुपथ माग रुज ब्याकुल रोगी। बैद न देइ सुनहु मुनि जोगी।।\nएहि बिधि हित तुम्हार मैं ठयऊ। कहि अस अंतरहित प्रभु भयऊ।।\nमाया बिबस भए मुनि मूढ़ा। समुझी नहिं हरि गिरा निगूढ़ा।।\nगवने तुरत तहाँ रिषिराई। जहाँ स्वयंबर भूमि बनाई।।\nनिज निज आसन बैठे राजा। बहु बनाव करि सहित समाजा।।\nमुनि मन हरष रूप अति मोरें। मोहि तजि आनहि बारिहि न भोरें।।\nमुनि हित कारन कृपानिधाना। दीन्ह कुरूप न जाइ बखाना।।\nसो चरित्र लखि काहुँ न पावा। नारद जानि सबहिं सिर नावा।।\nदोहा/सोरठा\nरहे तहाँ दुइ रुद्र गन ते जानहिं सब भेउ।\nबिप्रबेष देखत फिरहिं परम कौतुकी तेउ।।133।।", iast: "caupāī\nkupatha māga ruja byākula rogī| baida na dei sunahu muni jogī||\nehi bidhi hita tumhāra maiṃ ṭhayaū| kahi asa aṃtarahita prabhu bhayaū||\nmāyā bibasa bhae muni mūṛhā| samujhī nahiṃ hari girā nigūṛhā||\ngavane turata tahā~ riṣirāī| jahā~ svayaṃbara bhūmi banāī||\nnija nija āsana baiṭhe rājā| bahu banāva kari sahita samājā||\nmuni mana haraṣa rūpa ati moreṃ| mohi taji ānahi bārihi na bhoreṃ||\nmuni hita kārana kṛpānidhānā| dīnha kurūpa na jāi bakhānā||\nso caritra lakhi kāhu~ na pāvā| nārada jāni sabahiṃ sira nāvā||\ndohā/soraṭhā\nrahe tahā~ dui rudra gana te jānahiṃ saba bheu|\nbiprabeṣa dekhata phirahiṃ parama kautukī teu||133||" },
    { devanagari: "चौपाई\nजेंहि समाज बैंठे मुनि जाई। हृदयँ रूप अहमिति अधिकाई।।\nतहँ बैठ महेस गन दोऊ। बिप्रबेष गति लखइ न कोऊ।।\nकरहिं कूटि नारदहि सुनाई। नीकि दीन्हि हरि सुंदरताई।।\nरीझहि राजकुअँरि छबि देखी। इन्हहि बरिहि हरि जानि बिसेषी।।\nमुनिहि मोह मन हाथ पराएँ। हँसहिं संभु गन अति सचु पाएँ।।\nजदपि सुनहिं मुनि अटपटि बानी। समुझि न परइ बुद्धि भ्रम सानी।।\nकाहुँ न लखा सो चरित बिसेषा। सो सरूप नृपकन्याँ देखा।।\nमर्कट बदन भयंकर देही। देखत हृदयँ क्रोध भा तेही।।\nदोहा/सोरठा\nसखीं संग लै कुअँरि तब चलि जनु राजमराल।\nदेखत फिरइ महीप सब कर सरोज जयमाल।।134।।", iast: "caupāī\njeṃhi samāja baiṃṭhe muni jāī| hṛdaya~ rūpa ahamiti adhikāī||\ntaha~ baiṭha mahesa gana doū| biprabeṣa gati lakhai na koū||\nkarahiṃ kūṭi nāradahi sunāī| nīki dīnhi hari suṃdaratāī||\nrījhahi rājakua~ri chabi dekhī| inhahi barihi hari jāni biseṣī||\nmunihi moha mana hātha parāe~| ha~sahiṃ saṃbhu gana ati sacu pāe~||\njadapi sunahiṃ muni aṭapaṭi bānī| samujhi na parai buddhi bhrama sānī||\nkāhu~ na lakhā so carita biseṣā| so sarūpa nṛpakanyā~ dekhā||\nmarkaṭa badana bhayaṃkara dehī| dekhata hṛdaya~ krodha bhā tehī||\ndohā/soraṭhā\nsakhīṃ saṃga lai kua~ri taba cali janu rājamarāla|\ndekhata phirai mahīpa saba kara saroja jayamāla||134||" },
    { devanagari: "चौपाई\nजेहि दिसि बैठे नारद फूली। सो दिसि देहि न बिलोकी भूली।।\nपुनि पुनि मुनि उकसहिं अकुलाहीं। देखि दसा हर गन मुसकाहीं।।\nधरि नृपतनु तहँ गयउ कृपाला। कुअँरि हरषि मेलेउ जयमाला।।\nदुलहिनि लै गे लच्छिनिवासा। नृपसमाज सब भयउ निरासा।।\nमुनि अति बिकल मोंहँ मति नाठी। मनि गिरि गई छूटि जनु गाँठी।।\nतब हर गन बोले मुसुकाई। निज मुख मुकुर बिलोकहु जाई।।\nअस कहि दोउ भागे भयँ भारी। बदन दीख मुनि बारि निहारी।।\nबेषु बिलोकि क्रोध अति बाढ़ा। तिन्हहि सराप दीन्ह अति गाढ़ा।।\nदोहा/सोरठा\nहोहु निसाचर जाइ तुम्ह कपटी पापी दोउ।\nहँसेहु हमहि सो लेहु फल बहुरि हँसेहु मुनि कोउ।।135।।", iast: "caupāī\njehi disi baiṭhe nārada phūlī| so disi dehi na bilokī bhūlī||\npuni puni muni ukasahiṃ akulāhīṃ| dekhi dasā hara gana musakāhīṃ||\ndhari nṛpatanu taha~ gayau kṛpālā| kua~ri haraṣi meleu jayamālā||\ndulahini lai ge lacchinivāsā| nṛpasamāja saba bhayau nirāsā||\nmuni ati bikala moṃha~ mati nāṭhī| mani giri gaī chūṭi janu gā~ṭhī||\ntaba hara gana bole musukāī| nija mukha mukura bilokahu jāī||\nasa kahi dou bhāge bhaya~ bhārī| badana dīkha muni bāri nihārī||\nbeṣu biloki krodha ati bāṛhā| tinhahi sarāpa dīnha ati gāṛhā||\ndohā/soraṭhā\nhohu nisācara jāi tumha kapaṭī pāpī dou|\nha~sehu hamahi so lehu phala bahuri ha~sehu muni kou||135||" },
    { devanagari: "चौपाई\nपुनि जल दीख रूप निज पावा। तदपि हृदयँ संतोष न आवा।।\nफरकत अधर कोप मन माहीं। सपदी चले कमलापति पाहीं।।\nदेहउँ श्राप कि मरिहउँ जाई। जगत मोर उपहास कराई।।\nबीचहिं पंथ मिले दनुजारी। संग रमा सोइ राजकुमारी।।\nबोले मधुर बचन सुरसाईं। मुनि कहँ चले बिकल की नाईं।।\nसुनत बचन उपजा अति क्रोधा। माया बस न रहा मन बोधा।।\nपर संपदा सकहु नहिं देखी। तुम्हरें इरिषा कपट बिसेषी।।\nमथत सिंधु रुद्रहि बौरायहु। सुरन्ह प्रेरी बिष पान करायहु।।\nदोहा/सोरठा\nअसुर सुरा बिष संकरहि आपु रमा मनि चारु।\nस्वारथ साधक कुटिल तुम्ह सदा कपट ब्यवहारु।।136।।", iast: "caupāī\npuni jala dīkha rūpa nija pāvā| tadapi hṛdaya~ saṃtoṣa na āvā||\npharakata adhara kopa mana māhīṃ| sapadī cale kamalāpati pāhīṃ||\ndehau~ śrāpa ki marihau~ jāī| jagata mora upahāsa karāī||\nbīcahiṃ paṃtha mile danujārī| saṃga ramā soi rājakumārī||\nbole madhura bacana surasāīṃ| muni kaha~ cale bikala kī nāīṃ||\nsunata bacana upajā ati krodhā| māyā basa na rahā mana bodhā||\npara saṃpadā sakahu nahiṃ dekhī| tumhareṃ iriṣā kapaṭa biseṣī||\nmathata siṃdhu rudrahi baurāyahu| suranha prerī biṣa pāna karāyahu||\ndohā/soraṭhā\nasura surā biṣa saṃkarahi āpu ramā mani cāru|\nsvāratha sādhaka kuṭila tumha sadā kapaṭa byavahāru||136||" },
    { devanagari: "चौपाई\nपरम स्वतंत्र न सिर पर कोई। भावइ मनहि करहु तुम्ह सोई।।\nभलेहि मंद मंदेहि भल करहू। बिसमय हरष न हियँ कछु धरहू।।\nडहकि डहकि परिचेहु सब काहू। अति असंक मन सदा उछाहू।।\nकरम सुभासुभ तुम्हहि न बाधा। अब लगि तुम्हहि न काहूँ साधा।।\nभले भवन अब बायन दीन्हा। पावहुगे फल आपन कीन्हा।।\nबंचेहु मोहि जवनि धरि देहा। सोइ तनु धरहु श्राप मम एहा।।\nकपि आकृति तुम्ह कीन्हि हमारी। करिहहिं कीस सहाय तुम्हारी।।\nमम अपकार कीन्ही तुम्ह भारी। नारी बिरहँ तुम्ह होब दुखारी।।\nदोहा/सोरठा\nश्राप सीस धरी हरषि हियँ प्रभु बहु बिनती कीन्हि।\nनिज माया कै प्रबलता करषि कृपानिधि लीन्हि।।137।।", iast: "caupāī\nparama svataṃtra na sira para koī| bhāvai manahi karahu tumha soī||\nbhalehi maṃda maṃdehi bhala karahū| bisamaya haraṣa na hiya~ kachu dharahū||\nḍahaki ḍahaki paricehu saba kāhū| ati asaṃka mana sadā uchāhū||\nkarama subhāsubha tumhahi na bādhā| aba lagi tumhahi na kāhū~ sādhā||\nbhale bhavana aba bāyana dīnhā| pāvahuge phala āpana kīnhā||\nbaṃcehu mohi javani dhari dehā| soi tanu dharahu śrāpa mama ehā||\nkapi ākṛti tumha kīnhi hamārī| karihahiṃ kīsa sahāya tumhārī||\nmama apakāra kīnhī tumha bhārī| nārī biraha~ tumha hoba dukhārī||\ndohā/soraṭhā\nśrāpa sīsa dharī haraṣi hiya~ prabhu bahu binatī kīnhi|\nnija māyā kai prabalatā karaṣi kṛpānidhi līnhi||137||" },
    { devanagari: "चौपाई\nजब हरि माया दूरि निवारी। नहिं तहँ रमा न राजकुमारी।।\nतब मुनि अति सभीत हरि चरना। गहे पाहि प्रनतारति हरना।।\nमृषा होउ मम श्राप कृपाला। मम इच्छा कह दीनदयाला।।\nमैं दुर्बचन कहे बहुतेरे। कह मुनि पाप मिटिहिं किमि मेरे।।\nजपहु जाइ संकर सत नामा। होइहि हृदयँ तुरंत बिश्रामा।।\nकोउ नहिं सिव समान प्रिय मोरें। असि परतीति तजहु जनि भोरें।।\nजेहि पर कृपा न करहिं पुरारी। सो न पाव मुनि भगति हमारी।।\nअस उर धरि महि बिचरहु जाई। अब न तुम्हहि माया निअराई।।\nदोहा/सोरठा\nबहुबिधि मुनिहि प्रबोधि प्रभु तब भए अंतरधान।।\nसत्यलोक नारद चले करत राम गुन गान।।138।।", iast: "caupāī\njaba hari māyā dūri nivārī| nahiṃ taha~ ramā na rājakumārī||\ntaba muni ati sabhīta hari caranā| gahe pāhi pranatārati haranā||\nmṛṣā hou mama śrāpa kṛpālā| mama icchā kaha dīnadayālā||\nmaiṃ durbacana kahe bahutere| kaha muni pāpa miṭihiṃ kimi mere||\njapahu jāi saṃkara sata nāmā| hoihi hṛdaya~ turaṃta biśrāmā||\nkou nahiṃ siva samāna priya moreṃ| asi paratīti tajahu jani bhoreṃ||\njehi para kṛpā na karahiṃ purārī| so na pāva muni bhagati hamārī||\nasa ura dhari mahi bicarahu jāī| aba na tumhahi māyā niarāī||\ndohā/soraṭhā\nbahubidhi munihi prabodhi prabhu taba bhae aṃtaradhāna||\nsatyaloka nārada cale karata rāma guna gāna||138||" },
    { devanagari: "चौपाई\nहर गन मुनिहि जात पथ देखी। बिगतमोह मन हरष बिसेषी।।\nअति सभीत नारद पहिं आए। गहि पद आरत बचन सुनाए।।\nहर गन हम न बिप्र मुनिराया। बड़ अपराध कीन्ह फल पाया।।\nश्राप अनुग्रह करहु कृपाला। बोले नारद दीनदयाला।।\nनिसिचर जाइ होहु तुम्ह दोऊ। बैभव बिपुल तेज बल होऊ।।\nभुजबल बिस्व जितब तुम्ह जहिआ। धरिहहिं बिष्नु मनुज तनु तहिआ।\nसमर मरन हरि हाथ तुम्हारा। होइहहु मुकुत न पुनि संसारा।।\nचले जुगल मुनि पद सिर नाई। भए निसाचर कालहि पाई।।\nदोहा/सोरठा\nएक कलप एहि हेतु प्रभु लीन्ह मनुज अवतार।\nसुर रंजन सज्जन सुखद हरि भंजन भुबि भार।।139।।", iast: "caupāī\nhara gana munihi jāta patha dekhī| bigatamoha mana haraṣa biseṣī||\nati sabhīta nārada pahiṃ āe| gahi pada ārata bacana sunāe||\nhara gana hama na bipra munirāyā| baṛa aparādha kīnha phala pāyā||\nśrāpa anugraha karahu kṛpālā| bole nārada dīnadayālā||\nnisicara jāi hohu tumha doū| baibhava bipula teja bala hoū||\nbhujabala bisva jitaba tumha jahiā| dharihahiṃ biṣnu manuja tanu tahiā|\nsamara marana hari hātha tumhārā| hoihahu mukuta na puni saṃsārā||\ncale jugala muni pada sira nāī| bhae nisācara kālahi pāī||\ndohā/soraṭhā\neka kalapa ehi hetu prabhu līnha manuja avatāra|\nsura raṃjana sajjana sukhada hari bhaṃjana bhubi bhāra||139||" },
    { devanagari: "चौपाई\nएहि बिधि जनम करम हरि केरे। सुंदर सुखद बिचित्र घनेरे।।\nकलप कलप प्रति प्रभु अवतरहीं। चारु चरित नानाबिधि करहीं।।\nतब तब कथा मुनीसन्ह गाई। परम पुनीत प्रबंध बनाई।।\nबिबिध प्रसंग अनूप बखाने। करहिं न सुनि आचरजु सयाने।।\nहरि अनंत हरिकथा अनंता। कहहिं सुनहिं बहुबिधि सब संता।।\nरामचंद्र के चरित सुहाए। कलप कोटि लगि जाहिं न गाए।।\nयह प्रसंग मैं कहा भवानी। हरिमायाँ मोहहिं मुनि ग्यानी।।\nप्रभु कौतुकी प्रनत हितकारी।।सेवत सुलभ सकल दुख हारी।।\nदोहा/सोरठा\nसुर नर मुनि कोउ नाहिं जेहि न मोह माया प्रबल।।\nअस बिचारि मन माहिं भजिअ महामाया पतिहि।।140।।", iast: "caupāī\nehi bidhi janama karama hari kere| suṃdara sukhada bicitra ghanere||\nkalapa kalapa prati prabhu avatarahīṃ| cāru carita nānābidhi karahīṃ||\ntaba taba kathā munīsanha gāī| parama punīta prabaṃdha banāī||\nbibidha prasaṃga anūpa bakhāne| karahiṃ na suni ācaraju sayāne||\nhari anaṃta harikathā anaṃtā| kahahiṃ sunahiṃ bahubidhi saba saṃtā||\nrāmacaṃdra ke carita suhāe| kalapa koṭi lagi jāhiṃ na gāe||\nyaha prasaṃga maiṃ kahā bhavānī| harimāyā~ mohahiṃ muni gyānī||\nprabhu kautukī pranata hitakārī||sevata sulabha sakala dukha hārī||\ndohā/soraṭhā\nsura nara muni kou nāhiṃ jehi na moha māyā prabala||\nasa bicāri mana māhiṃ bhajia mahāmāyā patihi||140||" },
    { devanagari: "चौपाई\nअपर हेतु सुनु सैलकुमारी। कहउँ बिचित्र कथा बिस्तारी।।\nजेहि कारन अज अगुन अरूपा। ब्रह्म भयउ कोसलपुर भूपा।।\nजो प्रभु बिपिन फिरत तुम्ह देखा। बंधु समेत धरें मुनिबेषा।।\nजासु चरित अवलोकि भवानी। सती सरीर रहिहु बौरानी।।\nअजहुँ न छाया मिटति तुम्हारी। तासु चरित सुनु भ्रम रुज हारी।।\nलीला कीन्हि जो तेहिं अवतारा। सो सब कहिहउँ मति अनुसारा।।\nभरद्वाज सुनि संकर बानी। सकुचि सप्रेम उमा मुसकानी।।\nलगे बहुरि बरने बृषकेतू। सो अवतार भयउ जेहि हेतू।।\nदोहा/सोरठा\nसो मैं तुम्ह सन कहउँ सबु सुनु मुनीस मन लाई।।\nराम कथा कलि मल हरनि मंगल करनि सुहाइ।।141।।", iast: "caupāī\napara hetu sunu sailakumārī| kahau~ bicitra kathā bistārī||\njehi kārana aja aguna arūpā| brahma bhayau kosalapura bhūpā||\njo prabhu bipina phirata tumha dekhā| baṃdhu sameta dhareṃ munibeṣā||\njāsu carita avaloki bhavānī| satī sarīra rahihu baurānī||\najahu~ na chāyā miṭati tumhārī| tāsu carita sunu bhrama ruja hārī||\nlīlā kīnhi jo tehiṃ avatārā| so saba kahihau~ mati anusārā||\nbharadvāja suni saṃkara bānī| sakuci saprema umā musakānī||\nlage bahuri barane bṛṣaketū| so avatāra bhayau jehi hetū||\ndohā/soraṭhā\nso maiṃ tumha sana kahau~ sabu sunu munīsa mana lāī||\nrāma kathā kali mala harani maṃgala karani suhāi||141||" },
    { devanagari: "चौपाई\nस्वायंभू मनु अरु सतरूपा। जिन्ह तें भै नरसृष्टि अनूपा।।\nदंपति धरम आचरन नीका। अजहुँ गाव श्रुति जिन्ह कै लीका।।\nनृप उत्तानपाद सुत तासू। ध्रुव हरि भगत भयउ सुत जासू।।\nलघु सुत नाम प्रिय्रब्रत ताही। बेद पुरान प्रसंसहि जाही।।\nदेवहूति पुनि तासु कुमारी। जो मुनि कर्दम कै प्रिय नारी।।\nआदिदेव प्रभु दीनदयाला। जठर धरेउ जेहिं कपिल कृपाला।।\nसांख्य सास्त्र जिन्ह प्रगट बखाना। तत्व बिचार निपुन भगवाना।।\nतेहिं मनु राज कीन्ह बहु काला। प्रभु आयसु सब बिधि प्रतिपाला।।\nदोहा/सोरठा\nहोइ न बिषय बिराग भवन बसत भा चौथपन।\nहृदयँ बहुत दुख लाग जनम गयउ हरिभगति बिनु।।142।।", iast: "caupāī\nsvāyaṃbhū manu aru satarūpā| jinha teṃ bhai narasṛṣṭi anūpā||\ndaṃpati dharama ācarana nīkā| ajahu~ gāva śruti jinha kai līkā||\nnṛpa uttānapāda suta tāsū| dhruva hari bhagata bhayau suta jāsū||\nlaghu suta nāma priyrabrata tāhī| beda purāna prasaṃsahi jāhī||\ndevahūti puni tāsu kumārī| jo muni kardama kai priya nārī||\nādideva prabhu dīnadayālā| jaṭhara dhareu jehiṃ kapila kṛpālā||\nsāṃkhya sāstra jinha pragaṭa bakhānā| tatva bicāra nipuna bhagavānā||\ntehiṃ manu rāja kīnha bahu kālā| prabhu āyasu saba bidhi pratipālā||\ndohā/soraṭhā\nhoi na biṣaya birāga bhavana basata bhā cauthapana|\nhṛdaya~ bahuta dukha lāga janama gayau haribhagati binu||142||" },
    { devanagari: "चौपाई\nबरबस राज सुतहि तब दीन्हा। नारि समेत गवन बन कीन्हा।।\nतीरथ बर नैमिष बिख्याता। अति पुनीत साधक सिधि दाता।।\nबसहिं तहाँ मुनि सिद्ध समाजा। तहँ हियँ हरषि चलेउ मनु राजा।।\nपंथ जात सोहहिं मतिधीरा। ग्यान भगति जनु धरें सरीरा।।\nपहुँचे जाइ धेनुमति तीरा। हरषि नहाने निरमल नीरा।।\nआए मिलन सिद्ध मुनि ग्यानी। धरम धुरंधर नृपरिषि जानी।।\nजहँ जँह तीरथ रहे सुहाए। मुनिन्ह सकल सादर करवाए।।\nकृस सरीर मुनिपट परिधाना। सत समाज नित सुनहिं पुराना ।\nदोहा/सोरठा\nद्वादस अच्छर मंत्र पुनि जपहिं सहित अनुराग।\nबासुदेव पद पंकरुह दंपति मन अति लाग।।143।।", iast: "caupāī\nbarabasa rāja sutahi taba dīnhā| nāri sameta gavana bana kīnhā||\ntīratha bara naimiṣa bikhyātā| ati punīta sādhaka sidhi dātā||\nbasahiṃ tahā~ muni siddha samājā| taha~ hiya~ haraṣi caleu manu rājā||\npaṃtha jāta sohahiṃ matidhīrā| gyāna bhagati janu dhareṃ sarīrā||\npahu~ce jāi dhenumati tīrā| haraṣi nahāne niramala nīrā||\nāe milana siddha muni gyānī| dharama dhuraṃdhara nṛpariṣi jānī||\njaha~ ja~ha tīratha rahe suhāe| muninha sakala sādara karavāe||\nkṛsa sarīra munipaṭa paridhānā| sata samāja nita sunahiṃ purānā |\ndohā/soraṭhā\ndvādasa acchara maṃtra puni japahiṃ sahita anurāga|\nbāsudeva pada paṃkaruha daṃpati mana ati lāga||143||" },
    { devanagari: "चौपाई\nकरहिं अहार साक फल कंदा। सुमिरहिं ब्रह्म सच्चिदानंदा।।\nपुनि हरि हेतु करन तप लागे। बारि अधार मूल फल त्यागे।।\nउर अभिलाष निंरंतर होई। देखअ नयन परम प्रभु सोई।।\nअगुन अखंड अनंत अनादी। जेहि चिंतहिं परमारथबादी।।\nनेति नेति जेहि बेद निरूपा। निजानंद निरुपाधि अनूपा।।\nसंभु बिरंचि बिष्नु भगवाना। उपजहिं जासु अंस तें नाना।।\nऐसेउ प्रभु सेवक बस अहई। भगत हेतु लीलातनु गहई।।\nजौं यह बचन सत्य श्रुति भाषा। तौ हमार पूजहि अभिलाषा।।\nदोहा/सोरठा\nएहि बिधि बीतें बरष षट सहस बारि आहार।\nसंबत सप्त सहस्त्र पुनि रहे समीर अधार।।144।।", iast: "caupāī\nkarahiṃ ahāra sāka phala kaṃdā| sumirahiṃ brahma saccidānaṃdā||\npuni hari hetu karana tapa lāge| bāri adhāra mūla phala tyāge||\nura abhilāṣa niṃraṃtara hoī| dekhaa nayana parama prabhu soī||\naguna akhaṃḍa anaṃta anādī| jehi ciṃtahiṃ paramārathabādī||\nneti neti jehi beda nirūpā| nijānaṃda nirupādhi anūpā||\nsaṃbhu biraṃci biṣnu bhagavānā| upajahiṃ jāsu aṃsa teṃ nānā||\naiseu prabhu sevaka basa ahaī| bhagata hetu līlātanu gahaī||\njauṃ yaha bacana satya śruti bhāṣā| tau hamāra pūjahi abhilāṣā||\ndohā/soraṭhā\nehi bidhi bīteṃ baraṣa ṣaṭa sahasa bāri āhāra|\nsaṃbata sapta sahastra puni rahe samīra adhāra||144||" },
    { devanagari: "चौपाई\nबरष सहस दस त्यागेउ सोऊ। ठाढ़े रहे एक पद दोऊ।।\nबिधि हरि तप देखि अपारा। मनु समीप आए बहु बारा।।\nमागहु बर बहु भाँति लोभाए। परम धीर नहिं चलहिं चलाए।।\nअस्थिमात्र होइ रहे सरीरा। तदपि मनाग मनहिं नहिं पीरा।।\nप्रभु सर्बग्य दास निज जानी। गति अनन्य तापस नृप रानी।।\nमागु मागु बरु भै नभ बानी। परम गभीर कृपामृत सानी।।\nमृतक जिआवनि गिरा सुहाई। श्रबन रंध्र होइ उर जब आई।।\nह्रष्टपुष्ट तन भए सुहाए। मानहुँ अबहिं भवन ते आए।।\nदोहा/सोरठा\nश्रवन सुधा सम बचन सुनि पुलक प्रफुल्लित गात।\nबोले मनु करि दंडवत प्रेम न हृदयँ समात।।145।।", iast: "caupāī\nbaraṣa sahasa dasa tyāgeu soū| ṭhāṛhe rahe eka pada doū||\nbidhi hari tapa dekhi apārā| manu samīpa āe bahu bārā||\nmāgahu bara bahu bhā~ti lobhāe| parama dhīra nahiṃ calahiṃ calāe||\nasthimātra hoi rahe sarīrā| tadapi manāga manahiṃ nahiṃ pīrā||\nprabhu sarbagya dāsa nija jānī| gati ananya tāpasa nṛpa rānī||\nmāgu māgu baru bhai nabha bānī| parama gabhīra kṛpāmṛta sānī||\nmṛtaka jiāvani girā suhāī| śrabana raṃdhra hoi ura jaba āī||\nhraṣṭapuṣṭa tana bhae suhāe| mānahu~ abahiṃ bhavana te āe||\ndohā/soraṭhā\nśravana sudhā sama bacana suni pulaka praphullita gāta|\nbole manu kari daṃḍavata prema na hṛdaya~ samāta||145||" },
    { devanagari: "चौपाई\nसुनु सेवक सुरतरु सुरधेनु। बिधि हरि हर बंदित पद रेनू।।\nसेवत सुलभ सकल सुख दायक। प्रनतपाल सचराचर नायक।।\nजौं अनाथ हित हम पर नेहू। तौ प्रसन्न होइ यह बर देहू।।\nजो सरूप बस सिव मन माहीं। जेहि कारन मुनि जतन कराहीं।।\nजो भुसुंडि मन मानस हंसा। सगुन अगुन जेहि निगम प्रसंसा।।\nदेखहिं हम सो रूप भरि लोचन। कृपा करहु प्रनतारति मोचन।।\nदंपति बचन परम प्रिय लागे। मुदुल बिनीत प्रेम रस पागे।।\nभगत बछल प्रभु कृपानिधाना। बिस्वबास प्रगटे भगवाना।।\nदोहा/सोरठा\nनील सरोरुह नील मनि नील नीरधर स्याम।\nलाजहिं तन सोभा निरखि कोटि कोटि सत काम।।146।।", iast: "caupāī\nsunu sevaka surataru suradhenu| bidhi hari hara baṃdita pada renū||\nsevata sulabha sakala sukha dāyaka| pranatapāla sacarācara nāyaka||\njauṃ anātha hita hama para nehū| tau prasanna hoi yaha bara dehū||\njo sarūpa basa siva mana māhīṃ| jehi kārana muni jatana karāhīṃ||\njo bhusuṃḍi mana mānasa haṃsā| saguna aguna jehi nigama prasaṃsā||\ndekhahiṃ hama so rūpa bhari locana| kṛpā karahu pranatārati mocana||\ndaṃpati bacana parama priya lāge| mudula binīta prema rasa pāge||\nbhagata bachala prabhu kṛpānidhānā| bisvabāsa pragaṭe bhagavānā||\ndohā/soraṭhā\nnīla saroruha nīla mani nīla nīradhara syāma|\nlājahiṃ tana sobhā nirakhi koṭi koṭi sata kāma||146||" },
    { devanagari: "चौपाई\nसरद मयंक बदन छबि सींवा। चारु कपोल चिबुक दर ग्रीवा।।\nअधर अरुन रद सुंदर नासा। बिधु कर निकर बिनिंदक हासा।।\nनव अबुंज अंबक छबि नीकी। चितवनि ललित भावँती जी की।।\nभुकुटि मनोज चाप छबि हारी। तिलक ललाट पटल दुतिकारी।।\nकुंडल मकर मुकुट सिर भ्राजा। कुटिल केस जनु मधुप समाजा।।\nउर श्रीबत्स रुचिर बनमाला। पदिक हार भूषन मनिजाला।।\nकेहरि कंधर चारु जनेउ। बाहु बिभूषन सुंदर तेऊ।।\nकरि कर सरि सुभग भुजदंडा। कटि निषंग कर सर कोदंडा।।\nदोहा/सोरठा\nतडित बिनिंदक पीत पट उदर रेख बर तीनि।।\nनाभि मनोहर लेति जनु जमुन भवँर छबि छीनि।।147।।", iast: "caupāī\nsarada mayaṃka badana chabi sīṃvā| cāru kapola cibuka dara grīvā||\nadhara aruna rada suṃdara nāsā| bidhu kara nikara biniṃdaka hāsā||\nnava abuṃja aṃbaka chabi nīkī| citavani lalita bhāva~tī jī kī||\nbhukuṭi manoja cāpa chabi hārī| tilaka lalāṭa paṭala dutikārī||\nkuṃḍala makara mukuṭa sira bhrājā| kuṭila kesa janu madhupa samājā||\nura śrībatsa rucira banamālā| padika hāra bhūṣana manijālā||\nkehari kaṃdhara cāru janeu| bāhu bibhūṣana suṃdara teū||\nkari kara sari subhaga bhujadaṃḍā| kaṭi niṣaṃga kara sara kodaṃḍā||\ndohā/soraṭhā\ntaḍita biniṃdaka pīta paṭa udara rekha bara tīni||\nnābhi manohara leti janu jamuna bhava~ra chabi chīni||147||" },
    { devanagari: "चौपाई\nपद राजीव बरनि नहि जाहीं। मुनि मन मधुप बसहिं जेन्ह माहीं।।\nबाम भाग सोभति अनुकूला। आदिसक्ति छबिनिधि जगमूला।।\nजासु अंस उपजहिं गुनखानी। अगनित लच्छि उमा ब्रह्मानी।।\nभृकुटि बिलास जासु जग होई। राम बाम दिसि सीता सोई।।\nछबिसमुद्र हरि रूप बिलोकी। एकटक रहे नयन पट रोकी।।\nचितवहिं सादर रूप अनूपा। तृप्ति न मानहिं मनु सतरूपा।।\nहरष बिबस तन दसा भुलानी। परे दंड इव गहि पद पानी।।\nसिर परसे प्रभु निज कर कंजा। तुरत उठाए करुनापुंजा।।\nदोहा/सोरठा\nबोले कृपानिधान पुनि अति प्रसन्न मोहि जानि।\nमागहु बर जोइ भाव मन महादानि अनुमानि।।148।।", iast: "caupāī\npada rājīva barani nahi jāhīṃ| muni mana madhupa basahiṃ jenha māhīṃ||\nbāma bhāga sobhati anukūlā| ādisakti chabinidhi jagamūlā||\njāsu aṃsa upajahiṃ gunakhānī| aganita lacchi umā brahmānī||\nbhṛkuṭi bilāsa jāsu jaga hoī| rāma bāma disi sītā soī||\nchabisamudra hari rūpa bilokī| ekaṭaka rahe nayana paṭa rokī||\ncitavahiṃ sādara rūpa anūpā| tṛpti na mānahiṃ manu satarūpā||\nharaṣa bibasa tana dasā bhulānī| pare daṃḍa iva gahi pada pānī||\nsira parase prabhu nija kara kaṃjā| turata uṭhāe karunāpuṃjā||\ndohā/soraṭhā\nbole kṛpānidhāna puni ati prasanna mohi jāni|\nmāgahu bara joi bhāva mana mahādāni anumāni||148||" },
    { devanagari: "चौपाई\nसुनि प्रभु बचन जोरि जुग पानी। धरि धीरजु बोली मृदु बानी।।\nनाथ देखि पद कमल तुम्हारे। अब पूरे सब काम हमारे।।\nएक लालसा बड़ि उर माही। सुगम अगम कहि जात सो नाहीं।।\nतुम्हहि देत अति सुगम गोसाईं। अगम लाग मोहि निज कृपनाईं।।\nजथा दरिद्र बिबुधतरु पाई। बहु संपति मागत सकुचाई।।\nतासु प्रभा जान नहिं सोई। तथा हृदयँ मम संसय होई।।\nसो तुम्ह जानहु अंतरजामी। पुरवहु मोर मनोरथ स्वामी।।\nसकुच बिहाइ मागु नृप मोहि। मोरें नहिं अदेय कछु तोही।।\nदोहा/सोरठा\nदानि सिरोमनि कृपानिधि नाथ कहउँ सतिभाउ।।\nचाहउँ तुम्हहि समान सुत प्रभु सन कवन दुराउ।।149।।", iast: "caupāī\nsuni prabhu bacana jori juga pānī| dhari dhīraju bolī mṛdu bānī||\nnātha dekhi pada kamala tumhāre| aba pūre saba kāma hamāre||\neka lālasā baṛi ura māhī| sugama agama kahi jāta so nāhīṃ||\ntumhahi deta ati sugama gosāīṃ| agama lāga mohi nija kṛpanāīṃ||\njathā daridra bibudhataru pāī| bahu saṃpati māgata sakucāī||\ntāsu prabhā jāna nahiṃ soī| tathā hṛdaya~ mama saṃsaya hoī||\nso tumha jānahu aṃtarajāmī| puravahu mora manoratha svāmī||\nsakuca bihāi māgu nṛpa mohi| moreṃ nahiṃ adeya kachu tohī||\ndohā/soraṭhā\ndāni siromani kṛpānidhi nātha kahau~ satibhāu||\ncāhau~ tumhahi samāna suta prabhu sana kavana durāu||149||" },
    { devanagari: "चौपाई\nदेखि प्रीति सुनि बचन अमोले। एवमस्तु करुनानिधि बोले।।\nआपु सरिस खोजौं कहँ जाई। नृप तव तनय होब मैं आई।।\nसतरूपहि बिलोकि कर जोरें। देबि मागु बरु जो रुचि तोरे।।\nजो बरु नाथ चतुर नृप मागा। सोइ कृपाल मोहि अति प्रिय लागा।।\nप्रभु परंतु सुठि होति ढिठाई। जदपि भगत हित तुम्हहि सोहाई।।\nतुम्ह ब्रह्मादि जनक जग स्वामी। ब्रह्म सकल उर अंतरजामी।।\nअस समुझत मन संसय होई। कहा जो प्रभु प्रवान पुनि सोई।।\nजे निज भगत नाथ तव अहहीं। जो सुख पावहिं जो गति लहहीं।।\nदोहा/सोरठा\nसोइ सुख सोइ गति सोइ भगति सोइ निज चरन सनेहु।।\nसोइ बिबेक सोइ रहनि प्रभु हमहि कृपा करि देहु।।150।।", iast: "caupāī\ndekhi prīti suni bacana amole| evamastu karunānidhi bole||\nāpu sarisa khojauṃ kaha~ jāī| nṛpa tava tanaya hoba maiṃ āī||\nsatarūpahi biloki kara joreṃ| debi māgu baru jo ruci tore||\njo baru nātha catura nṛpa māgā| soi kṛpāla mohi ati priya lāgā||\nprabhu paraṃtu suṭhi hoti ḍhiṭhāī| jadapi bhagata hita tumhahi sohāī||\ntumha brahmādi janaka jaga svāmī| brahma sakala ura aṃtarajāmī||\nasa samujhata mana saṃsaya hoī| kahā jo prabhu pravāna puni soī||\nje nija bhagata nātha tava ahahīṃ| jo sukha pāvahiṃ jo gati lahahīṃ||\ndohā/soraṭhā\nsoi sukha soi gati soi bhagati soi nija carana sanehu||\nsoi bibeka soi rahani prabhu hamahi kṛpā kari dehu||150||" },
    { devanagari: "चौपाई\nसुनु मृदु गूढ़ रुचिर बर रचना। कृपासिंधु बोले मृदु बचना।।\nजो कछु रुचि तुम्हेर मन माहीं। मैं सो दीन्ह सब संसय नाहीं।।\nमातु बिबेक अलोकिक तोरें। कबहुँ न मिटिहि अनुग्रह मोरें ।\nबंदि चरन मनु कहेउ बहोरी। अवर एक बिनति प्रभु मोरी।।\nसुत बिषइक तव पद रति होऊ। मोहि बड़ मूढ़ कहै किन कोऊ।।\nमनि बिनु फनि जिमि जल बिनु मीना। मम जीवन तिमि तुम्हहि अधीना।।\nअस बरु मागि चरन गहि रहेऊ। एवमस्तु करुनानिधि कहेऊ।।\nअब तुम्ह मम अनुसासन मानी। बसहु जाइ सुरपति रजधानी।।\nदोहा/सोरठा\nतहँ करि भोग बिसाल तात गउँ कछु काल पुनि।\nहोइहहु अवध भुआल तब मैं होब तुम्हार सुत।।151।।", iast: "caupāī\nsunu mṛdu gūṛha rucira bara racanā| kṛpāsiṃdhu bole mṛdu bacanā||\njo kachu ruci tumhera mana māhīṃ| maiṃ so dīnha saba saṃsaya nāhīṃ||\nmātu bibeka alokika toreṃ| kabahu~ na miṭihi anugraha moreṃ |\nbaṃdi carana manu kaheu bahorī| avara eka binati prabhu morī||\nsuta biṣaika tava pada rati hoū| mohi baṛa mūṛha kahai kina koū||\nmani binu phani jimi jala binu mīnā| mama jīvana timi tumhahi adhīnā||\nasa baru māgi carana gahi raheū| evamastu karunānidhi kaheū||\naba tumha mama anusāsana mānī| basahu jāi surapati rajadhānī||\ndohā/soraṭhā\ntaha~ kari bhoga bisāla tāta gau~ kachu kāla puni|\nhoihahu avadha bhuāla taba maiṃ hoba tumhāra suta||151||" },
    { devanagari: "चौपाई\nइच्छामय नरबेष सँवारें। होइहउँ प्रगट निकेत तुम्हारे।।\nअंसन्ह सहित देह धरि ताता। करिहउँ चरित भगत सुखदाता।।\nजे सुनि सादर नर बड़भागी। भव तरिहहिं ममता मद त्यागी।।\nआदिसक्ति जेहिं जग उपजाया। सोउ अवतरिहि मोरि यह माया।।\nपुरउब मैं अभिलाष तुम्हारा। सत्य सत्य पन सत्य हमारा।।\nपुनि पुनि अस कहि कृपानिधाना। अंतरधान भए भगवाना।।\nदंपति उर धरि भगत कृपाला। तेहिं आश्रम निवसे कछु काला।।\nसमय पाइ तनु तजि अनयासा। जाइ कीन्ह अमरावति बासा।।\nदोहा/सोरठा\nयह इतिहास पुनीत अति उमहि कही बृषकेतु।\nभरद्वाज सुनु अपर पुनि राम जनम कर हेतु।।152।।", iast: "caupāī\nicchāmaya narabeṣa sa~vāreṃ| hoihau~ pragaṭa niketa tumhāre||\naṃsanha sahita deha dhari tātā| karihau~ carita bhagata sukhadātā||\nje suni sādara nara baṛabhāgī| bhava tarihahiṃ mamatā mada tyāgī||\nādisakti jehiṃ jaga upajāyā| sou avatarihi mori yaha māyā||\npurauba maiṃ abhilāṣa tumhārā| satya satya pana satya hamārā||\npuni puni asa kahi kṛpānidhānā| aṃtaradhāna bhae bhagavānā||\ndaṃpati ura dhari bhagata kṛpālā| tehiṃ āśrama nivase kachu kālā||\nsamaya pāi tanu taji anayāsā| jāi kīnha amarāvati bāsā||\ndohā/soraṭhā\nyaha itihāsa punīta ati umahi kahī bṛṣaketu|\nbharadvāja sunu apara puni rāma janama kara hetu||152||" },
    { devanagari: "चौपाई\nसुनु मुनि कथा पुनीत पुरानी। जो गिरिजा प्रति संभु बखानी।।\nबिस्व बिदित एक कैकय देसू। सत्यकेतु तहँ बसइ नरेसू।।\nधरम धुरंधर नीति निधाना। तेज प्रताप सील बलवाना।।\nतेहि कें भए जुगल सुत बीरा। सब गुन धाम महा रनधीरा।।\nराज धनी जो जेठ सुत आही। नाम प्रतापभानु अस ताही।।\nअपर सुतहि अरिमर्दन नामा। भुजबल अतुल अचल संग्रामा।।\nभाइहि भाइहि परम समीती। सकल दोष छल बरजित प्रीती।।\nजेठे सुतहि राज नृप दीन्हा। हरि हित आपु गवन बन कीन्हा।।\nदोहा/सोरठा\nजब प्रतापरबि भयउ नृप फिरी दोहाई देस।\nप्रजा पाल अति बेदबिधि कतहुँ नहीं अघ लेस।।153।।", iast: "caupāī\nsunu muni kathā punīta purānī| jo girijā prati saṃbhu bakhānī||\nbisva bidita eka kaikaya desū| satyaketu taha~ basai naresū||\ndharama dhuraṃdhara nīti nidhānā| teja pratāpa sīla balavānā||\ntehi keṃ bhae jugala suta bīrā| saba guna dhāma mahā ranadhīrā||\nrāja dhanī jo jeṭha suta āhī| nāma pratāpabhānu asa tāhī||\napara sutahi arimardana nāmā| bhujabala atula acala saṃgrāmā||\nbhāihi bhāihi parama samītī| sakala doṣa chala barajita prītī||\njeṭhe sutahi rāja nṛpa dīnhā| hari hita āpu gavana bana kīnhā||\ndohā/soraṭhā\njaba pratāparabi bhayau nṛpa phirī dohāī desa|\nprajā pāla ati bedabidhi katahu~ nahīṃ agha lesa||153||" },
    { devanagari: "चौपाई\nनृप हितकारक सचिव सयाना। नाम धरमरुचि सुक्र समाना।।\nसचिव सयान बंधु बलबीरा। आपु प्रतापपुंज रनधीरा।।\nसेन संग चतुरंग अपारा। अमित सुभट सब समर जुझारा।।\nसेन बिलोकि राउ हरषाना। अरु बाजे गहगहे निसाना।।\nबिजय हेतु कटकई बनाई। सुदिन साधि नृप चलेउ बजाई।।\nजँह तहँ परीं अनेक लराईं। जीते सकल भूप बरिआई।।\nसप्त दीप भुजबल बस कीन्हे। लै लै दंड छाड़ि नृप दीन्हें।।\nसकल अवनि मंडल तेहि काला। एक प्रतापभानु महिपाला।।\nदोहा/सोरठा\nस्वबस बिस्व करि बाहुबल निज पुर कीन्ह प्रबेसु।\nअरथ धरम कामादि सुख सेवइ समयँ नरेसु।।154।।", iast: "caupāī\nnṛpa hitakāraka saciva sayānā| nāma dharamaruci sukra samānā||\nsaciva sayāna baṃdhu balabīrā| āpu pratāpapuṃja ranadhīrā||\nsena saṃga caturaṃga apārā| amita subhaṭa saba samara jujhārā||\nsena biloki rāu haraṣānā| aru bāje gahagahe nisānā||\nbijaya hetu kaṭakaī banāī| sudina sādhi nṛpa caleu bajāī||\nja~ha taha~ parīṃ aneka larāīṃ| jīte sakala bhūpa bariāī||\nsapta dīpa bhujabala basa kīnhe| lai lai daṃḍa chāṛi nṛpa dīnheṃ||\nsakala avani maṃḍala tehi kālā| eka pratāpabhānu mahipālā||\ndohā/soraṭhā\nsvabasa bisva kari bāhubala nija pura kīnha prabesu|\naratha dharama kāmādi sukha sevai samaya~ naresu||154||" },
    { devanagari: "चौपाई\nभूप प्रतापभानु बल पाई। कामधेनु भै भूमि सुहाई।।\nसब दुख बरजित प्रजा सुखारी। धरमसील सुंदर नर नारी।।\nसचिव धरमरुचि हरि पद प्रीती। नृप हित हेतु सिखव नित नीती।।\nगुर सुर संत पितर महिदेवा। करइ सदा नृप सब कै सेवा।।\nभूप धरम जे बेद बखाने। सकल करइ सादर सुख माने।।\nदिन प्रति देह बिबिध बिधि दाना। सुनहु सास्त्र बर बेद पुराना।।\nनाना बापीं कूप तड़ागा। सुमन बाटिका सुंदर बागा।।\nबिप्रभवन सुरभवन सुहाए। सब तीरथन्ह बिचित्र बनाए।।\nदोहा/सोरठा\nजँह लगि कहे पुरान श्रुति एक एक सब जाग।\nबार सहस्त्र सहस्त्र नृप किए सहित अनुराग।।155।।", iast: "caupāī\nbhūpa pratāpabhānu bala pāī| kāmadhenu bhai bhūmi suhāī||\nsaba dukha barajita prajā sukhārī| dharamasīla suṃdara nara nārī||\nsaciva dharamaruci hari pada prītī| nṛpa hita hetu sikhava nita nītī||\ngura sura saṃta pitara mahidevā| karai sadā nṛpa saba kai sevā||\nbhūpa dharama je beda bakhāne| sakala karai sādara sukha māne||\ndina prati deha bibidha bidhi dānā| sunahu sāstra bara beda purānā||\nnānā bāpīṃ kūpa taṛāgā| sumana bāṭikā suṃdara bāgā||\nbiprabhavana surabhavana suhāe| saba tīrathanha bicitra banāe||\ndohā/soraṭhā\nja~ha lagi kahe purāna śruti eka eka saba jāga|\nbāra sahastra sahastra nṛpa kie sahita anurāga||155||" },
    { devanagari: "चौपाई\nहृदयँ न कछु फल अनुसंधाना। भूप बिबेकी परम सुजाना।।\nकरइ जे धरम करम मन बानी। बासुदेव अर्पित नृप ग्यानी।।\nचढ़ि बर बाजि बार एक राजा। मृगया कर सब साजि समाजा।।\nबिंध्याचल गभीर बन गयऊ। मृग पुनीत बहु मारत भयऊ।।\nफिरत बिपिन नृप दीख बराहू। जनु बन दुरेउ ससिहि ग्रसि राहू।।\nबड़ बिधु नहि समात मुख माहीं। मनहुँ क्रोधबस उगिलत नाहीं।।\nकोल कराल दसन छबि गाई। तनु बिसाल पीवर अधिकाई।।\nघुरुघुरात हय आरौ पाएँ। चकित बिलोकत कान उठाएँ।।\nदोहा/सोरठा\nनील महीधर सिखर सम देखि बिसाल बराहु।\nचपरि चलेउ हय सुटुकि नृप हाँकि न होइ निबाहु।।156।।", iast: "caupāī\nhṛdaya~ na kachu phala anusaṃdhānā| bhūpa bibekī parama sujānā||\nkarai je dharama karama mana bānī| bāsudeva arpita nṛpa gyānī||\ncaṛhi bara bāji bāra eka rājā| mṛgayā kara saba sāji samājā||\nbiṃdhyācala gabhīra bana gayaū| mṛga punīta bahu mārata bhayaū||\nphirata bipina nṛpa dīkha barāhū| janu bana dureu sasihi grasi rāhū||\nbaṛa bidhu nahi samāta mukha māhīṃ| manahu~ krodhabasa ugilata nāhīṃ||\nkola karāla dasana chabi gāī| tanu bisāla pīvara adhikāī||\nghurughurāta haya ārau pāe~| cakita bilokata kāna uṭhāe~||\ndohā/soraṭhā\nnīla mahīdhara sikhara sama dekhi bisāla barāhu|\ncapari caleu haya suṭuki nṛpa hā~ki na hoi nibāhu||156||" },
    { devanagari: "चौपाई\nआवत देखि अधिक रव बाजी। चलेउ बराह मरुत गति भाजी।।\nतुरत कीन्ह नृप सर संधाना। महि मिलि गयउ बिलोकत बाना।।\nतकि तकि तीर महीस चलावा। करि छल सुअर सरीर बचावा।।\nप्रगटत दुरत जाइ मृग भागा। रिस बस भूप चलेउ संग लागा।।\nगयउ दूरि घन गहन बराहू। जहँ नाहिन गज बाजि निबाहू।।\nअति अकेल बन बिपुल कलेसू। तदपि न मृग मग तजइ नरेसू।।\nकोल बिलोकि भूप बड़ धीरा। भागि पैठ गिरिगुहाँ गभीरा।।\nअगम देखि नृप अति पछिताई। फिरेउ महाबन परेउ भुलाई।।\nदोहा/सोरठा\nखेद खिन्न छुद्धित तृषित राजा बाजि समेत।\nखोजत ब्याकुल सरित सर जल बिनु भयउ अचेत।।157।।", iast: "caupāī\nāvata dekhi adhika rava bājī| caleu barāha maruta gati bhājī||\nturata kīnha nṛpa sara saṃdhānā| mahi mili gayau bilokata bānā||\ntaki taki tīra mahīsa calāvā| kari chala suara sarīra bacāvā||\npragaṭata durata jāi mṛga bhāgā| risa basa bhūpa caleu saṃga lāgā||\ngayau dūri ghana gahana barāhū| jaha~ nāhina gaja bāji nibāhū||\nati akela bana bipula kalesū| tadapi na mṛga maga tajai naresū||\nkola biloki bhūpa baṛa dhīrā| bhāgi paiṭha giriguhā~ gabhīrā||\nagama dekhi nṛpa ati pachitāī| phireu mahābana pareu bhulāī||\ndohā/soraṭhā\nkheda khinna chuddhita tṛṣita rājā bāji sameta|\nkhojata byākula sarita sara jala binu bhayau aceta||157||" },
    { devanagari: "चौपाई\nफिरत बिपिन आश्रम एक देखा। तहँ बस नृपति कपट मुनिबेषा।।\nजासु देस नृप लीन्ह छड़ाई। समर सेन तजि गयउ पराई।।\nसमय प्रतापभानु कर जानी। आपन अति असमय अनुमानी।।\nगयउ न गृह मन बहुत गलानी। मिला न राजहि नृप अभिमानी।।\nरिस उर मारि रंक जिमि राजा। बिपिन बसइ तापस कें साजा।।\nतासु समीप गवन नृप कीन्हा। यह प्रतापरबि तेहि तब चीन्हा।।\nराउ तृषित नहि सो पहिचाना। देखि सुबेष महामुनि जाना।।\nउतरि तुरग तें कीन्ह प्रनामा। परम चतुर न कहेउ निज नामा।।\nदोहा/सोरठा\nभूपति तृषित बिलोकि तेहिं सरबरु दीन्ह देखाइ।\nमज्जन पान समेत हय कीन्ह नृपति हरषाइ।।158।।", iast: "caupāī\nphirata bipina āśrama eka dekhā| taha~ basa nṛpati kapaṭa munibeṣā||\njāsu desa nṛpa līnha chaṛāī| samara sena taji gayau parāī||\nsamaya pratāpabhānu kara jānī| āpana ati asamaya anumānī||\ngayau na gṛha mana bahuta galānī| milā na rājahi nṛpa abhimānī||\nrisa ura māri raṃka jimi rājā| bipina basai tāpasa keṃ sājā||\ntāsu samīpa gavana nṛpa kīnhā| yaha pratāparabi tehi taba cīnhā||\nrāu tṛṣita nahi so pahicānā| dekhi subeṣa mahāmuni jānā||\nutari turaga teṃ kīnha pranāmā| parama catura na kaheu nija nāmā||\ndohā/soraṭhā\nbhūpati tṛṣita biloki tehiṃ sarabaru dīnha dekhāi|\nmajjana pāna sameta haya kīnha nṛpati haraṣāi||158||" },
    { devanagari: "चौपाई\nगै श्रम सकल सुखी नृप भयऊ। निज आश्रम तापस लै गयऊ।।\nआसन दीन्ह अस्त रबि जानी। पुनि तापस बोलेउ मृदु बानी।।\nको तुम्ह कस बन फिरहु अकेलें। सुंदर जुबा जीव परहेलें।।\nचक्रबर्ति के लच्छन तोरें। देखत दया लागि अति मोरें।।\nनाम प्रतापभानु अवनीसा। तासु सचिव मैं सुनहु मुनीसा।।\nफिरत अहेरें परेउँ भुलाई। बडे भाग देखउँ पद आई।।\nहम कहँ दुर्लभ दरस तुम्हारा। जानत हौं कछु भल होनिहारा।।\nकह मुनि तात भयउ अँधियारा। जोजन सत्तरि नगरु तुम्हारा।।\nदोहा/सोरठा\nनिसा घोर गम्भीर बन पंथ न सुनहु सुजान।\nबसहु आजु अस जानि तुम्ह जाएहु होत बिहान।।159(क)।।\nतुलसी जसि भवतब्यता तैसी मिलइ सहाइ।\nआपुनु आवइ ताहि पहिं ताहि तहाँ लै जाइ।।159(ख)।।", iast: "caupāī\ngai śrama sakala sukhī nṛpa bhayaū| nija āśrama tāpasa lai gayaū||\nāsana dīnha asta rabi jānī| puni tāpasa boleu mṛdu bānī||\nko tumha kasa bana phirahu akeleṃ| suṃdara jubā jīva paraheleṃ||\ncakrabarti ke lacchana toreṃ| dekhata dayā lāgi ati moreṃ||\nnāma pratāpabhānu avanīsā| tāsu saciva maiṃ sunahu munīsā||\nphirata ahereṃ pareu~ bhulāī| baḍe bhāga dekhau~ pada āī||\nhama kaha~ durlabha darasa tumhārā| jānata hauṃ kachu bhala honihārā||\nkaha muni tāta bhayau a~dhiyārā| jojana sattari nagaru tumhārā||\ndohā/soraṭhā\nnisā ghora gambhīra bana paṃtha na sunahu sujāna|\nbasahu āju asa jāni tumha jāehu hota bihāna||159(ka)||\ntulasī jasi bhavatabyatā taisī milai sahāi|\nāpunu āvai tāhi pahiṃ tāhi tahā~ lai jāi||159(kha)||" },
    { devanagari: "चौपाई\nभलेहिं नाथ आयसु धरि सीसा। बाँधि तुरग तरु बैठ महीसा।।\nनृप बहु भाँती प्रसंसेउ ताही। चरन बंदी निज भाग्य सराही।।\nपुनि बोले मृदु गिरा सुहाई। जानि पिता प्रभु करउँ ढिठाई।।\nमोहि मुनीस सुत सेवक जानी। नाथ नाम निज कहहु बखानी।।\nतेहि न जान नृप नृपहि सो जाना। भूप सुह्रद सो कपट सयाना।।\nबैरी पुनि छत्री पुनि राजा। छल बल कीन्ह चहइ निज काजा।।\nसमुझि राजसुख दुखित अराती। अवाँ अनल इव सुलगइ छाती।।\nसरल बचन नृप के सुनि काना। बयर सँभारि हृदयँ हरषाना।।\nदोहा/सोरठा\nकपट बोरि बानी मृदुल बोलेउ जुगुति समेत।\nनाम हमार भिखारि अब निर्धन रहित निकेति।।160।।", iast: "caupāī\nbhalehiṃ nātha āyasu dhari sīsā| bā~dhi turaga taru baiṭha mahīsā||\nnṛpa bahu bhā~tī prasaṃseu tāhī| carana baṃdī nija bhāgya sarāhī||\npuni bole mṛdu girā suhāī| jāni pitā prabhu karau~ ḍhiṭhāī||\nmohi munīsa suta sevaka jānī| nātha nāma nija kahahu bakhānī||\ntehi na jāna nṛpa nṛpahi so jānā| bhūpa suhrada so kapaṭa sayānā||\nbairī puni chatrī puni rājā| chala bala kīnha cahai nija kājā||\nsamujhi rājasukha dukhita arātī| avā~ anala iva sulagai chātī||\nsarala bacana nṛpa ke suni kānā| bayara sa~bhāri hṛdaya~ haraṣānā||\ndohā/soraṭhā\nkapaṭa bori bānī mṛdula boleu juguti sameta|\nnāma hamāra bhikhāri aba nirdhana rahita niketi||160||" },
    { devanagari: "चौपाई\nकह नृप जे बिग्यान निधाना। तुम्ह सारिखे गलित अभिमाना।।\nसदा रहहि अपनपौ दुराएँ। सब बिधि कुसल कुबेष बनाएँ।।\nतेहि तें कहहि संत श्रुति टेरें। परम अकिंचन प्रिय हरि केरें।।\nतुम्ह सम अधन भिखारि अगेहा। होत बिरंचि सिवहि संदेहा।।\nजोसि सोसि तव चरन नमामी। मो पर कृपा करिअ अब स्वामी।।\nसहज प्रीति भूपति कै देखी। आपु बिषय बिस्वास बिसेषी।।\nसब प्रकार राजहि अपनाई। बोलेउ अधिक सनेह जनाई।।\nसुनु सतिभाउ कहउँ महिपाला। इहाँ बसत बीते बहु काला।।\nदोहा/सोरठा\nअब लगि मोहि न मिलेउ कोउ मैं न जनावउँ काहु।\nलोकमान्यता अनल सम कर तप कानन दाहु।।161(क)।।\nतुलसी देखि सुबेषु भूलहिं मूढ़ न चतुर नर।\nसुंदर केकिहि पेखु बचन सुधा सम असन अहि।।161(ख)।।", iast: "caupāī\nkaha nṛpa je bigyāna nidhānā| tumha sārikhe galita abhimānā||\nsadā rahahi apanapau durāe~| saba bidhi kusala kubeṣa banāe~||\ntehi teṃ kahahi saṃta śruti ṭereṃ| parama akiṃcana priya hari kereṃ||\ntumha sama adhana bhikhāri agehā| hota biraṃci sivahi saṃdehā||\njosi sosi tava carana namāmī| mo para kṛpā karia aba svāmī||\nsahaja prīti bhūpati kai dekhī| āpu biṣaya bisvāsa biseṣī||\nsaba prakāra rājahi apanāī| boleu adhika saneha janāī||\nsunu satibhāu kahau~ mahipālā| ihā~ basata bīte bahu kālā||\ndohā/soraṭhā\naba lagi mohi na mileu kou maiṃ na janāvau~ kāhu|\nlokamānyatā anala sama kara tapa kānana dāhu||161(ka)||\ntulasī dekhi subeṣu bhūlahiṃ mūṛha na catura nara|\nsuṃdara kekihi pekhu bacana sudhā sama asana ahi||161(kha)||" },
    { devanagari: "चौपाई\nतातें गुपुत रहउँ जग माहीं। हरि तजि किमपि प्रयोजन नाहीं।।\nप्रभु जानत सब बिनहिं जनाएँ। कहहु कवनि सिधि लोक रिझाएँ।।\nतुम्ह सुचि सुमति परम प्रिय मोरें। प्रीति प्रतीति मोहि पर तोरें।।\nअब जौं तात दुरावउँ तोही। दारुन दोष घटइ अति मोही।।\nजिमि जिमि तापसु कथइ उदासा। तिमि तिमि नृपहि उपज बिस्वासा।।\nदेखा स्वबस कर्म मन बानी। तब बोला तापस बगध्यानी।।\nनाम हमार एकतनु भाई। सुनि नृप बोले पुनि सिरु नाई।।\nकहहु नाम कर अरथ बखानी। मोहि सेवक अति आपन जानी।।\nदोहा/सोरठा\nआदिसृष्टि उपजी जबहिं तब उतपति भै मोरि।\nनाम एकतनु हेतु तेहि देह न धरी बहोरि।।162।।", iast: "caupāī\ntāteṃ guputa rahau~ jaga māhīṃ| hari taji kimapi prayojana nāhīṃ||\nprabhu jānata saba binahiṃ janāe~| kahahu kavani sidhi loka rijhāe~||\ntumha suci sumati parama priya moreṃ| prīti pratīti mohi para toreṃ||\naba jauṃ tāta durāvau~ tohī| dāruna doṣa ghaṭai ati mohī||\njimi jimi tāpasu kathai udāsā| timi timi nṛpahi upaja bisvāsā||\ndekhā svabasa karma mana bānī| taba bolā tāpasa bagadhyānī||\nnāma hamāra ekatanu bhāī| suni nṛpa bole puni siru nāī||\nkahahu nāma kara aratha bakhānī| mohi sevaka ati āpana jānī||\ndohā/soraṭhā\nādisṛṣṭi upajī jabahiṃ taba utapati bhai mori|\nnāma ekatanu hetu tehi deha na dharī bahori||162||" },
    { devanagari: "चौपाई\nजनि आचरुज करहु मन माहीं। सुत तप तें दुर्लभ कछु नाहीं।।\nतपबल तें जग सृजइ बिधाता। तपबल बिष्नु भए परित्राता।।\nतपबल संभु करहिं संघारा। तप तें अगम न कछु संसारा।।\nभयउ नृपहि सुनि अति अनुरागा। कथा पुरातन कहै सो लागा।।\nकरम धरम इतिहास अनेका। करइ निरूपन बिरति बिबेका।।\nउदभव पालन प्रलय कहानी। कहेसि अमित आचरज बखानी।।\nसुनि महिप तापस बस भयऊ। आपन नाम कहत तब लयऊ।।\nकह तापस नृप जानउँ तोही। कीन्हेहु कपट लाग भल मोही।।\nदोहा/सोरठा\nसुनु महीस असि नीति जहँ तहँ नाम न कहहिं नृप।\nमोहि तोहि पर अति प्रीति सोइ चतुरता बिचारि तव।।163।।", iast: "caupāī\njani ācaruja karahu mana māhīṃ| suta tapa teṃ durlabha kachu nāhīṃ||\ntapabala teṃ jaga sṛjai bidhātā| tapabala biṣnu bhae paritrātā||\ntapabala saṃbhu karahiṃ saṃghārā| tapa teṃ agama na kachu saṃsārā||\nbhayau nṛpahi suni ati anurāgā| kathā purātana kahai so lāgā||\nkarama dharama itihāsa anekā| karai nirūpana birati bibekā||\nudabhava pālana pralaya kahānī| kahesi amita ācaraja bakhānī||\nsuni mahipa tāpasa basa bhayaū| āpana nāma kahata taba layaū||\nkaha tāpasa nṛpa jānau~ tohī| kīnhehu kapaṭa lāga bhala mohī||\ndohā/soraṭhā\nsunu mahīsa asi nīti jaha~ taha~ nāma na kahahiṃ nṛpa|\nmohi tohi para ati prīti soi caturatā bicāri tava||163||" },
    { devanagari: "चौपाई\nनाम तुम्हार प्रताप दिनेसा। सत्यकेतु तव पिता नरेसा।।\nगुर प्रसाद सब जानिअ राजा। कहिअ न आपन जानि अकाजा।।\nदेखि तात तव सहज सुधाई। प्रीति प्रतीति नीति निपुनाई।।\nउपजि परि ममता मन मोरें। कहउँ कथा निज पूछे तोरें।।\nअब प्रसन्न मैं संसय नाहीं। मागु जो भूप भाव मन माहीं।।\nसुनि सुबचन भूपति हरषाना। गहि पद बिनय कीन्हि बिधि नाना।।\nकृपासिंधु मुनि दरसन तोरें। चारि पदारथ करतल मोरें।।\nप्रभुहि तथापि प्रसन्न बिलोकी। मागि अगम बर होउँ असोकी।।\nदोहा/सोरठा\nजरा मरन दुख रहित तनु समर जितै जनि कोउ।\nएकछत्र रिपुहीन महि राज कलप सत होउ।।164।।", iast: "caupāī\nnāma tumhāra pratāpa dinesā| satyaketu tava pitā naresā||\ngura prasāda saba jānia rājā| kahia na āpana jāni akājā||\ndekhi tāta tava sahaja sudhāī| prīti pratīti nīti nipunāī||\nupaji pari mamatā mana moreṃ| kahau~ kathā nija pūche toreṃ||\naba prasanna maiṃ saṃsaya nāhīṃ| māgu jo bhūpa bhāva mana māhīṃ||\nsuni subacana bhūpati haraṣānā| gahi pada binaya kīnhi bidhi nānā||\nkṛpāsiṃdhu muni darasana toreṃ| cāri padāratha karatala moreṃ||\nprabhuhi tathāpi prasanna bilokī| māgi agama bara hou~ asokī||\ndohā/soraṭhā\njarā marana dukha rahita tanu samara jitai jani kou|\nekachatra ripuhīna mahi rāja kalapa sata hou||164||" },
    { devanagari: "चौपाई\nकह तापस नृप ऐसेइ होऊ। कारन एक कठिन सुनु सोऊ।।\nकालउ तुअ पद नाइहि सीसा। एक बिप्रकुल छाड़ि महीसा।।\nतपबल बिप्र सदा बरिआरा। तिन्ह के कोप न कोउ रखवारा।।\nजौं बिप्रन्ह सब करहु नरेसा। तौ तुअ बस बिधि बिष्नु महेसा।।\nचल न ब्रह्मकुल सन बरिआई। सत्य कहउँ दोउ भुजा उठाई।।\nबिप्र श्राप बिनु सुनु महिपाला। तोर नास नहि कवनेहुँ काला।।\nहरषेउ राउ बचन सुनि तासू। नाथ न होइ मोर अब नासू।।\nतव प्रसाद प्रभु कृपानिधाना। मो कहुँ सर्ब काल कल्याना।।\nदोहा/सोरठा\nएवमस्तु कहि कपटमुनि बोला कुटिल बहोरि।\nमिलब हमार भुलाब निज कहहु त हमहि न खोरि।।165।।", iast: "caupāī\nkaha tāpasa nṛpa aisei hoū| kārana eka kaṭhina sunu soū||\nkālau tua pada nāihi sīsā| eka biprakula chāṛi mahīsā||\ntapabala bipra sadā bariārā| tinha ke kopa na kou rakhavārā||\njauṃ bipranha saba karahu naresā| tau tua basa bidhi biṣnu mahesā||\ncala na brahmakula sana bariāī| satya kahau~ dou bhujā uṭhāī||\nbipra śrāpa binu sunu mahipālā| tora nāsa nahi kavanehu~ kālā||\nharaṣeu rāu bacana suni tāsū| nātha na hoi mora aba nāsū||\ntava prasāda prabhu kṛpānidhānā| mo kahu~ sarba kāla kalyānā||\ndohā/soraṭhā\nevamastu kahi kapaṭamuni bolā kuṭila bahori|\nmilaba hamāra bhulāba nija kahahu ta hamahi na khori||165||" },
    { devanagari: "चौपाई\nतातें मै तोहि बरजउँ राजा। कहें कथा तव परम अकाजा।।\nछठें श्रवन यह परत कहानी। नास तुम्हार सत्य मम बानी।।\nयह प्रगटें अथवा द्विजश्रापा। नास तोर सुनु भानुप्रतापा।।\nआन उपायँ निधन तव नाहीं। जौं हरि हर कोपहिं मन माहीं।।\nसत्य नाथ पद गहि नृप भाषा। द्विज गुर कोप कहहु को राखा।।\nराखइ गुर जौं कोप बिधाता। गुर बिरोध नहिं कोउ जग त्राता।।\nजौं न चलब हम कहे तुम्हारें। होउ नास नहिं सोच हमारें।।\nएकहिं डर डरपत मन मोरा। प्रभु महिदेव श्राप अति घोरा।।\nदोहा/सोरठा\nहोहिं बिप्र बस कवन बिधि कहहु कृपा करि सोउ।\nतुम्ह तजि दीनदयाल निज हितू न देखउँ कोउँ।।166।।", iast: "caupāī\ntāteṃ mai tohi barajau~ rājā| kaheṃ kathā tava parama akājā||\nchaṭheṃ śravana yaha parata kahānī| nāsa tumhāra satya mama bānī||\nyaha pragaṭeṃ athavā dvijaśrāpā| nāsa tora sunu bhānupratāpā||\nāna upāya~ nidhana tava nāhīṃ| jauṃ hari hara kopahiṃ mana māhīṃ||\nsatya nātha pada gahi nṛpa bhāṣā| dvija gura kopa kahahu ko rākhā||\nrākhai gura jauṃ kopa bidhātā| gura birodha nahiṃ kou jaga trātā||\njauṃ na calaba hama kahe tumhāreṃ| hou nāsa nahiṃ soca hamāreṃ||\nekahiṃ ḍara ḍarapata mana morā| prabhu mahideva śrāpa ati ghorā||\ndohā/soraṭhā\nhohiṃ bipra basa kavana bidhi kahahu kṛpā kari sou|\ntumha taji dīnadayāla nija hitū na dekhau~ kou~||166||" },
    { devanagari: "चौपाई\nसुनु नृप बिबिध जतन जग माहीं। कष्टसाध्य पुनि होहिं कि नाहीं।।\nअहइ एक अति सुगम उपाई। तहाँ परंतु एक कठिनाई।।\nमम आधीन जुगुति नृप सोई। मोर जाब तव नगर न होई।।\nआजु लगें अरु जब तें भयऊँ। काहू के गृह ग्राम न गयऊँ।।\nजौं न जाउँ तव होइ अकाजू। बना आइ असमंजस आजू।।\nसुनि महीस बोलेउ मृदु बानी। नाथ निगम असि नीति बखानी।।\nबड़े सनेह लघुन्ह पर करहीं। गिरि निज सिरनि सदा तृन धरहीं।।\nजलधि अगाध मौलि बह फेनू। संतत धरनि धरत सिर रेनू।।\nदोहा/सोरठा\nअस कहि गहे नरेस पद स्वामी होहु कृपाल।\nमोहि लागि दुख सहिअ प्रभु सज्जन दीनदयाल।।167।।", iast: "caupāī\nsunu nṛpa bibidha jatana jaga māhīṃ| kaṣṭasādhya puni hohiṃ ki nāhīṃ||\nahai eka ati sugama upāī| tahā~ paraṃtu eka kaṭhināī||\nmama ādhīna juguti nṛpa soī| mora jāba tava nagara na hoī||\nāju lageṃ aru jaba teṃ bhayaū~| kāhū ke gṛha grāma na gayaū~||\njauṃ na jāu~ tava hoi akājū| banā āi asamaṃjasa ājū||\nsuni mahīsa boleu mṛdu bānī| nātha nigama asi nīti bakhānī||\nbaṛe saneha laghunha para karahīṃ| giri nija sirani sadā tṛna dharahīṃ||\njaladhi agādha mauli baha phenū| saṃtata dharani dharata sira renū||\ndohā/soraṭhā\nasa kahi gahe naresa pada svāmī hohu kṛpāla|\nmohi lāgi dukha sahia prabhu sajjana dīnadayāla||167||" },
    { devanagari: "चौपाई\nजानि नृपहि आपन आधीना। बोला तापस कपट प्रबीना।।\nसत्य कहउँ भूपति सुनु तोही। जग नाहिन दुर्लभ कछु मोही।।\nअवसि काज मैं करिहउँ तोरा। मन तन बचन भगत तैं मोरा।।\nजोग जुगुति तप मंत्र प्रभाऊ। फलइ तबहिं जब करिअ दुराऊ।।\nजौं नरेस मैं करौं रसोई। तुम्ह परुसहु मोहि जान न कोई।।\nअन्न सो जोइ जोइ भोजन करई। सोइ सोइ तव आयसु अनुसरई।।\nपुनि तिन्ह के गृह जेवँइ जोऊ। तव बस होइ भूप सुनु सोऊ।।\nजाइ उपाय रचहु नृप एहू। संबत भरि संकलप करेहू।।\nदोहा/सोरठा\nनित नूतन द्विज सहस सत बरेहु सहित परिवार।\nमैं तुम्हरे संकलप लगि दिनहिंकरिब जेवनार।।168।।", iast: "caupāī\njāni nṛpahi āpana ādhīnā| bolā tāpasa kapaṭa prabīnā||\nsatya kahau~ bhūpati sunu tohī| jaga nāhina durlabha kachu mohī||\navasi kāja maiṃ karihau~ torā| mana tana bacana bhagata taiṃ morā||\njoga juguti tapa maṃtra prabhāū| phalai tabahiṃ jaba karia durāū||\njauṃ naresa maiṃ karauṃ rasoī| tumha parusahu mohi jāna na koī||\nanna so joi joi bhojana karaī| soi soi tava āyasu anusaraī||\npuni tinha ke gṛha jeva~i joū| tava basa hoi bhūpa sunu soū||\njāi upāya racahu nṛpa ehū| saṃbata bhari saṃkalapa karehū||\ndohā/soraṭhā\nnita nūtana dvija sahasa sata barehu sahita parivāra|\nmaiṃ tumhare saṃkalapa lagi dinahiṃkariba jevanāra||168||" },
    { devanagari: "चौपाई\nएहि बिधि भूप कष्ट अति थोरें। होइहहिं सकल बिप्र बस तोरें।।\nकरिहहिं बिप्र होम मख सेवा। तेहिं प्रसंग सहजेहिं बस देवा।।\nऔर एक तोहि कहऊँ लखाऊ। मैं एहि बेष न आउब काऊ।।\nतुम्हरे उपरोहित कहुँ राया। हरि आनब मैं करि निज माया।।\nतपबल तेहि करि आपु समाना। रखिहउँ इहाँ बरष परवाना।।\nमैं धरि तासु बेषु सुनु राजा। सब बिधि तोर सँवारब काजा।।\nगै निसि बहुत सयन अब कीजे। मोहि तोहि भूप भेंट दिन तीजे।।\nमैं तपबल तोहि तुरग समेता। पहुँचेहउँ सोवतहि निकेता।।\nदोहा/सोरठा\nमैं आउब सोइ बेषु धरि पहिचानेहु तब मोहि।\nजब एकांत बोलाइ सब कथा सुनावौं तोहि।।169।।", iast: "caupāī\nehi bidhi bhūpa kaṣṭa ati thoreṃ| hoihahiṃ sakala bipra basa toreṃ||\nkarihahiṃ bipra homa makha sevā| tehiṃ prasaṃga sahajehiṃ basa devā||\naura eka tohi kahaū~ lakhāū| maiṃ ehi beṣa na āuba kāū||\ntumhare uparohita kahu~ rāyā| hari ānaba maiṃ kari nija māyā||\ntapabala tehi kari āpu samānā| rakhihau~ ihā~ baraṣa paravānā||\nmaiṃ dhari tāsu beṣu sunu rājā| saba bidhi tora sa~vāraba kājā||\ngai nisi bahuta sayana aba kīje| mohi tohi bhūpa bheṃṭa dina tīje||\nmaiṃ tapabala tohi turaga sametā| pahu~cehau~ sovatahi niketā||\ndohā/soraṭhā\nmaiṃ āuba soi beṣu dhari pahicānehu taba mohi|\njaba ekāṃta bolāi saba kathā sunāvauṃ tohi||169||" },
    { devanagari: "चौपाई\nसयन कीन्ह नृप आयसु मानी। आसन जाइ बैठ छलग्यानी।।\nश्रमित भूप निद्रा अति आई। सो किमि सोव सोच अधिकाई।।\nकालकेतु निसिचर तहँ आवा। जेहिं सूकर होइ नृपहि भुलावा।।\nपरम मित्र तापस नृप केरा। जानइ सो अति कपट घनेरा।।\nतेहि के सत सुत अरु दस भाई। खल अति अजय देव दुखदाई।।\nप्रथमहि भूप समर सब मारे। बिप्र संत सुर देखि दुखारे।।\nतेहिं खल पाछिल बयरु सँभरा। तापस नृप मिलि मंत्र बिचारा।।\nजेहि रिपु छय सोइ रचेन्हि उपाऊ। भावी बस न जान कछु राऊ।।\nदोहा/सोरठा\nरिपु तेजसी अकेल अपि लघु करि गनिअ न ताहु।\nअजहुँ देत दुख रबि ससिहि सिर अवसेषित राहु।।170।।", iast: "caupāī\nsayana kīnha nṛpa āyasu mānī| āsana jāi baiṭha chalagyānī||\nśramita bhūpa nidrā ati āī| so kimi sova soca adhikāī||\nkālaketu nisicara taha~ āvā| jehiṃ sūkara hoi nṛpahi bhulāvā||\nparama mitra tāpasa nṛpa kerā| jānai so ati kapaṭa ghanerā||\ntehi ke sata suta aru dasa bhāī| khala ati ajaya deva dukhadāī||\nprathamahi bhūpa samara saba māre| bipra saṃta sura dekhi dukhāre||\ntehiṃ khala pāchila bayaru sa~bharā| tāpasa nṛpa mili maṃtra bicārā||\njehi ripu chaya soi racenhi upāū| bhāvī basa na jāna kachu rāū||\ndohā/soraṭhā\nripu tejasī akela api laghu kari gania na tāhu|\najahu~ deta dukha rabi sasihi sira avaseṣita rāhu||170||" },
    { devanagari: "चौपाई\nतापस नृप निज सखहि निहारी। हरषि मिलेउ उठि भयउ सुखारी।।\nमित्रहि कहि सब कथा सुनाई। जातुधान बोला सुख पाई।।\nअब साधेउँ रिपु सुनहु नरेसा। जौं तुम्ह कीन्ह मोर उपदेसा।।\nपरिहरि सोच रहहु तुम्ह सोई। बिनु औषध बिआधि बिधि खोई।।\nकुल समेत रिपु मूल बहाई। चौथे दिवस मिलब मैं आई।।\nतापस नृपहि बहुत परितोषी। चला महाकपटी अतिरोषी।।\nभानुप्रतापहि बाजि समेता। पहुँचाएसि छन माझ निकेता।।\nनृपहि नारि पहिं सयन कराई। हयगृहँ बाँधेसि बाजि बनाई।।\nदोहा/सोरठा\nराजा के उपरोहितहि हरि लै गयउ बहोरि।\nलै राखेसि गिरि खोह महुँ मायाँ करि मति भोरि।।171।।", iast: "caupāī\ntāpasa nṛpa nija sakhahi nihārī| haraṣi mileu uṭhi bhayau sukhārī||\nmitrahi kahi saba kathā sunāī| jātudhāna bolā sukha pāī||\naba sādheu~ ripu sunahu naresā| jauṃ tumha kīnha mora upadesā||\nparihari soca rahahu tumha soī| binu auṣadha biādhi bidhi khoī||\nkula sameta ripu mūla bahāī| cauthe divasa milaba maiṃ āī||\ntāpasa nṛpahi bahuta paritoṣī| calā mahākapaṭī atiroṣī||\nbhānupratāpahi bāji sametā| pahu~cāesi chana mājha niketā||\nnṛpahi nāri pahiṃ sayana karāī| hayagṛha~ bā~dhesi bāji banāī||\ndohā/soraṭhā\nrājā ke uparohitahi hari lai gayau bahori|\nlai rākhesi giri khoha mahu~ māyā~ kari mati bhori||171||" },
    { devanagari: "चौपाई\nआपु बिरचि उपरोहित रूपा। परेउ जाइ तेहि सेज अनूपा।।\nजागेउ नृप अनभएँ बिहाना। देखि भवन अति अचरजु माना।।\nमुनि महिमा मन महुँ अनुमानी। उठेउ गवँहि जेहि जान न रानी।।\nकानन गयउ बाजि चढ़ि तेहीं। पुर नर नारि न जानेउ केहीं।।\nगएँ जाम जुग भूपति आवा। घर घर उत्सव बाज बधावा।।\nउपरोहितहि देख जब राजा। चकित बिलोकि सुमिरि सोइ काजा।।\nजुग सम नृपहि गए दिन तीनी। कपटी मुनि पद रह मति लीनी।।\nसमय जानि उपरोहित आवा। नृपहि मते सब कहि समुझावा।।\nदोहा/सोरठा\nनृप हरषेउ पहिचानि गुरु भ्रम बस रहा न चेत।\nबरे तुरत सत सहस बर बिप्र कुटुंब समेत।।172।।", iast: "caupāī\nāpu biraci uparohita rūpā| pareu jāi tehi seja anūpā||\njāgeu nṛpa anabhae~ bihānā| dekhi bhavana ati acaraju mānā||\nmuni mahimā mana mahu~ anumānī| uṭheu gava~hi jehi jāna na rānī||\nkānana gayau bāji caṛhi tehīṃ| pura nara nāri na jāneu kehīṃ||\ngae~ jāma juga bhūpati āvā| ghara ghara utsava bāja badhāvā||\nuparohitahi dekha jaba rājā| cakita biloki sumiri soi kājā||\njuga sama nṛpahi gae dina tīnī| kapaṭī muni pada raha mati līnī||\nsamaya jāni uparohita āvā| nṛpahi mate saba kahi samujhāvā||\ndohā/soraṭhā\nnṛpa haraṣeu pahicāni guru bhrama basa rahā na ceta|\nbare turata sata sahasa bara bipra kuṭuṃba sameta||172||" },
    { devanagari: "चौपाई\nउपरोहित जेवनार बनाई। छरस चारि बिधि जसि श्रुति गाई।।\nमायामय तेहिं कीन्ह रसोई। बिंजन बहु गनि सकइ न कोई।।\nबिबिध मृगन्ह कर आमिष राँधा। तेहि महुँ बिप्र माँसु खल साँधा।।\nभोजन कहुँ सब बिप्र बोलाए। पद पखारि सादर बैठाए।।\nपरुसन जबहिं लाग महिपाला। भै अकासबानी तेहि काला।।\nबिप्रबृंद उठि उठि गृह जाहू। है बड़ि हानि अन्न जनि खाहू।।\nभयउ रसोईं भूसुर माँसू। सब द्विज उठे मानि बिस्वासू।।\nभूप बिकल मति मोहँ भुलानी। भावी बस आव मुख बानी।।\nदोहा/सोरठा\nबोले बिप्र सकोप तब नहिं कछु कीन्ह बिचार।\nजाइ निसाचर होहु नृप मूढ़ सहित परिवार।।173।।", iast: "caupāī\nuparohita jevanāra banāī| charasa cāri bidhi jasi śruti gāī||\nmāyāmaya tehiṃ kīnha rasoī| biṃjana bahu gani sakai na koī||\nbibidha mṛganha kara āmiṣa rā~dhā| tehi mahu~ bipra mā~su khala sā~dhā||\nbhojana kahu~ saba bipra bolāe| pada pakhāri sādara baiṭhāe||\nparusana jabahiṃ lāga mahipālā| bhai akāsabānī tehi kālā||\nbiprabṛṃda uṭhi uṭhi gṛha jāhū| hai baṛi hāni anna jani khāhū||\nbhayau rasoīṃ bhūsura mā~sū| saba dvija uṭhe māni bisvāsū||\nbhūpa bikala mati moha~ bhulānī| bhāvī basa āva mukha bānī||\ndohā/soraṭhā\nbole bipra sakopa taba nahiṃ kachu kīnha bicāra|\njāi nisācara hohu nṛpa mūṛha sahita parivāra||173||" },
    { devanagari: "चौपाई\nछत्रबंधु तैं बिप्र बोलाई। घालै लिए सहित समुदाई।।\nईस्वर राखा धरम हमारा। जैहसि तैं समेत परिवारा।।\nसंबत मध्य नास तव होऊ। जलदाता न रहिहि कुल कोऊ।।\nनृप सुनि श्राप बिकल अति त्रासा। भै बहोरि बर गिरा अकासा।।\nबिप्रहु श्राप बिचारि न दीन्हा। नहिं अपराध भूप कछु कीन्हा।।\nचकित बिप्र सब सुनि नभबानी। भूप गयउ जहँ भोजन खानी।।\nतहँ न असन नहिं बिप्र सुआरा। फिरेउ राउ मन सोच अपारा।।\nसब प्रसंग महिसुरन्ह सुनाई। त्रसित परेउ अवनीं अकुलाई।।\nदोहा/सोरठा\nभूपति भावी मिटइ नहिं जदपि न दूषन तोर।\nकिएँ अन्यथा होइ नहिं बिप्रश्राप अति घोर।।174।।", iast: "caupāī\nchatrabaṃdhu taiṃ bipra bolāī| ghālai lie sahita samudāī||\nīsvara rākhā dharama hamārā| jaihasi taiṃ sameta parivārā||\nsaṃbata madhya nāsa tava hoū| jaladātā na rahihi kula koū||\nnṛpa suni śrāpa bikala ati trāsā| bhai bahori bara girā akāsā||\nbiprahu śrāpa bicāri na dīnhā| nahiṃ aparādha bhūpa kachu kīnhā||\ncakita bipra saba suni nabhabānī| bhūpa gayau jaha~ bhojana khānī||\ntaha~ na asana nahiṃ bipra suārā| phireu rāu mana soca apārā||\nsaba prasaṃga mahisuranha sunāī| trasita pareu avanīṃ akulāī||\ndohā/soraṭhā\nbhūpati bhāvī miṭai nahiṃ jadapi na dūṣana tora|\nkie~ anyathā hoi nahiṃ bipraśrāpa ati ghora||174||" },
    { devanagari: "चौपाई\nअस कहि सब महिदेव सिधाए। समाचार पुरलोगन्ह पाए।।\nसोचहिं दूषन दैवहि देहीं। बिचरत हंस काग किय जेहीं।।\nउपरोहितहि भवन पहुँचाई। असुर तापसहि खबरि जनाई।।\nतेहिं खल जहँ तहँ पत्र पठाए। सजि सजि सेन भूप सब धाए।।\nघेरेन्हि नगर निसान बजाई। बिबिध भाँति नित होई लराई।।\nजूझे सकल सुभट करि करनी। बंधु समेत परेउ नृप धरनी।।\nसत्यकेतु कुल कोउ नहिं बाँचा। बिप्रश्राप किमि होइ असाँचा।।\nरिपु जिति सब नृप नगर बसाई। निज पुर गवने जय जसु पाई।।\nदोहा/सोरठा\nभरद्वाज सुनु जाहि जब होइ बिधाता बाम।\nधूरि मेरुसम जनक जम ताहि ब्यालसम दाम।।।175।।", iast: "caupāī\nasa kahi saba mahideva sidhāe| samācāra puraloganha pāe||\nsocahiṃ dūṣana daivahi dehīṃ| bicarata haṃsa kāga kiya jehīṃ||\nuparohitahi bhavana pahu~cāī| asura tāpasahi khabari janāī||\ntehiṃ khala jaha~ taha~ patra paṭhāe| saji saji sena bhūpa saba dhāe||\ngherenhi nagara nisāna bajāī| bibidha bhā~ti nita hoī larāī||\njūjhe sakala subhaṭa kari karanī| baṃdhu sameta pareu nṛpa dharanī||\nsatyaketu kula kou nahiṃ bā~cā| bipraśrāpa kimi hoi asā~cā||\nripu jiti saba nṛpa nagara basāī| nija pura gavane jaya jasu pāī||\ndohā/soraṭhā\nbharadvāja sunu jāhi jaba hoi bidhātā bāma|\ndhūri merusama janaka jama tāhi byālasama dāma|||175||" },
    { devanagari: "चौपाई\nकाल पाइ मुनि सुनु सोइ राजा। भयउ निसाचर सहित समाजा।।\nदस सिर ताहि बीस भुजदंडा। रावन नाम बीर बरिबंडा।।\nभूप अनुज अरिमर्दन नामा। भयउ सो कुंभकरन बलधामा।।\nसचिव जो रहा धरमरुचि जासू। भयउ बिमात्र बंधु लघु तासू।।\nनाम बिभीषन जेहि जग जाना। बिष्नुभगत बिग्यान निधाना।।\nरहे जे सुत सेवक नृप केरे। भए निसाचर घोर घनेरे।।\nकामरूप खल जिनस अनेका। कुटिल भयंकर बिगत बिबेका।।\nकृपा रहित हिंसक सब पापी। बरनि न जाहिं बिस्व परितापी।।\nदोहा/सोरठा\nउपजे जदपि पुलस्त्यकुल पावन अमल अनूप।\nतदपि महीसुर श्राप बस भए सकल अघरूप।।176।।", iast: "caupāī\nkāla pāi muni sunu soi rājā| bhayau nisācara sahita samājā||\ndasa sira tāhi bīsa bhujadaṃḍā| rāvana nāma bīra baribaṃḍā||\nbhūpa anuja arimardana nāmā| bhayau so kuṃbhakarana baladhāmā||\nsaciva jo rahā dharamaruci jāsū| bhayau bimātra baṃdhu laghu tāsū||\nnāma bibhīṣana jehi jaga jānā| biṣnubhagata bigyāna nidhānā||\nrahe je suta sevaka nṛpa kere| bhae nisācara ghora ghanere||\nkāmarūpa khala jinasa anekā| kuṭila bhayaṃkara bigata bibekā||\nkṛpā rahita hiṃsaka saba pāpī| barani na jāhiṃ bisva paritāpī||\ndohā/soraṭhā\nupaje jadapi pulastyakula pāvana amala anūpa|\ntadapi mahīsura śrāpa basa bhae sakala agharūpa||176||" },
    { devanagari: "चौपाई\nकीन्ह बिबिध तप तीनिहुँ भाई। परम उग्र नहिं बरनि सो जाई।।\nगयउ निकट तप देखि बिधाता। मागहु बर प्रसन्न मैं ताता।।\nकरि बिनती पद गहि दससीसा। बोलेउ बचन सुनहु जगदीसा।।\nहम काहू के मरहिं न मारें। बानर मनुज जाति दुइ बारें।।\nएवमस्तु तुम्ह बड़ तप कीन्हा। मैं ब्रह्माँ मिलि तेहि बर दीन्हा।।\nपुनि प्रभु कुंभकरन पहिं गयऊ। तेहि बिलोकि मन बिसमय भयऊ।।\nजौं एहिं खल नित करब अहारू। होइहि सब उजारि संसारू।।\nसारद प्रेरि तासु मति फेरी। मागेसि नीद मास षट केरी।।\nदोहा/सोरठा\nगए बिभीषन पास पुनि कहेउ पुत्र बर मागु।\nतेहिं मागेउ भगवंत पद कमल अमल अनुरागु।।177।।", iast: "caupāī\nkīnha bibidha tapa tīnihu~ bhāī| parama ugra nahiṃ barani so jāī||\ngayau nikaṭa tapa dekhi bidhātā| māgahu bara prasanna maiṃ tātā||\nkari binatī pada gahi dasasīsā| boleu bacana sunahu jagadīsā||\nhama kāhū ke marahiṃ na māreṃ| bānara manuja jāti dui bāreṃ||\nevamastu tumha baṛa tapa kīnhā| maiṃ brahmā~ mili tehi bara dīnhā||\npuni prabhu kuṃbhakarana pahiṃ gayaū| tehi biloki mana bisamaya bhayaū||\njauṃ ehiṃ khala nita karaba ahārū| hoihi saba ujāri saṃsārū||\nsārada preri tāsu mati pherī| māgesi nīda māsa ṣaṭa kerī||\ndohā/soraṭhā\ngae bibhīṣana pāsa puni kaheu putra bara māgu|\ntehiṃ māgeu bhagavaṃta pada kamala amala anurāgu||177||" },
    { devanagari: "चौपाई\nतिन्हि देइ बर ब्रह्म सिधाए। हरषित ते अपने गृह आए।।\nमय तनुजा मंदोदरि नामा। परम सुंदरी नारि ललामा।।\nसोइ मयँ दीन्हि रावनहि आनी। होइहि जातुधानपति जानी।।\nहरषित भयउ नारि भलि पाई। पुनि दोउ बंधु बिआहेसि जाई।।\nगिरि त्रिकूट एक सिंधु मझारी। बिधि निर्मित दुर्गम अति भारी।।\nसोइ मय दानवँ बहुरि सँवारा। कनक रचित मनिभवन अपारा।।\nभोगावति जसि अहिकुल बासा। अमरावति जसि सक्रनिवासा।।\nतिन्ह तें अधिक रम्य अति बंका। जग बिख्यात नाम तेहि लंका।।\nदोहा/सोरठा\nखाईं सिंधु गभीर अति चारिहुँ दिसि फिरि आव।\nकनक कोट मनि खचित दृढ़ बरनि न जाइ बनाव।।178(क)।।\nहरिप्रेरित जेहिं कलप जोइ जातुधानपति होइ।\nसूर प्रतापी अतुलबल दल समेत बस सोइ।।178(ख)।।", iast: "caupāī\ntinhi dei bara brahma sidhāe| haraṣita te apane gṛha āe||\nmaya tanujā maṃdodari nāmā| parama suṃdarī nāri lalāmā||\nsoi maya~ dīnhi rāvanahi ānī| hoihi jātudhānapati jānī||\nharaṣita bhayau nāri bhali pāī| puni dou baṃdhu biāhesi jāī||\ngiri trikūṭa eka siṃdhu majhārī| bidhi nirmita durgama ati bhārī||\nsoi maya dānava~ bahuri sa~vārā| kanaka racita manibhavana apārā||\nbhogāvati jasi ahikula bāsā| amarāvati jasi sakranivāsā||\ntinha teṃ adhika ramya ati baṃkā| jaga bikhyāta nāma tehi laṃkā||\ndohā/soraṭhā\nkhāīṃ siṃdhu gabhīra ati cārihu~ disi phiri āva|\nkanaka koṭa mani khacita dṛṛha barani na jāi banāva||178(ka)||\nhariprerita jehiṃ kalapa joi jātudhānapati hoi|\nsūra pratāpī atulabala dala sameta basa soi||178(kha)||" },
    { devanagari: "चौपाई\nरहे तहाँ निसिचर भट भारे। ते सब सुरन्ह समर संघारे।।\nअब तहँ रहहिं सक्र के प्रेरे। रच्छक कोटि जच्छपति केरे।।\nदसमुख कतहुँ खबरि असि पाई। सेन साजि गढ़ घेरेसि जाई।।\nदेखि बिकट भट बड़ि कटकाई। जच्छ जीव लै गए पराई।।\nफिरि सब नगर दसानन देखा। गयउ सोच सुख भयउ बिसेषा।।\nसुंदर सहज अगम अनुमानी। कीन्हि तहाँ रावन रजधानी।।\nजेहि जस जोग बाँटि गृह दीन्हे। सुखी सकल रजनीचर कीन्हे।।\nएक बार कुबेर पर धावा। पुष्पक जान जीति लै आवा।।\nदोहा/सोरठा\nकौतुकहीं कैलास पुनि लीन्हेसि जाइ उठाइ।\nमनहुँ तौलि निज बाहुबल चला बहुत सुख पाइ।।179।।", iast: "caupāī\nrahe tahā~ nisicara bhaṭa bhāre| te saba suranha samara saṃghāre||\naba taha~ rahahiṃ sakra ke prere| racchaka koṭi jacchapati kere||\ndasamukha katahu~ khabari asi pāī| sena sāji gaṛha gheresi jāī||\ndekhi bikaṭa bhaṭa baṛi kaṭakāī| jaccha jīva lai gae parāī||\nphiri saba nagara dasānana dekhā| gayau soca sukha bhayau biseṣā||\nsuṃdara sahaja agama anumānī| kīnhi tahā~ rāvana rajadhānī||\njehi jasa joga bā~ṭi gṛha dīnhe| sukhī sakala rajanīcara kīnhe||\neka bāra kubera para dhāvā| puṣpaka jāna jīti lai āvā||\ndohā/soraṭhā\nkautukahīṃ kailāsa puni līnhesi jāi uṭhāi|\nmanahu~ tauli nija bāhubala calā bahuta sukha pāi||179||" },
    { devanagari: "चौपाई\nसुख संपति सुत सेन सहाई। जय प्रताप बल बुद्धि बड़ाई।।\nनित नूतन सब बाढ़त जाई। जिमि प्रतिलाभ लोभ अधिकाई।।\nअतिबल कुंभकरन अस भ्राता। जेहि कहुँ नहिं प्रतिभट जग जाता।।\nकरइ पान सोवइ षट मासा। जागत होइ तिहुँ पुर त्रासा।।\nजौं दिन प्रति अहार कर सोई। बिस्व बेगि सब चौपट होई।।\nसमर धीर नहिं जाइ बखाना। तेहि सम अमित बीर बलवाना।।\nबारिदनाद जेठ सुत तासू। भट महुँ प्रथम लीक जग जासू।।\nजेहि न होइ रन सनमुख कोई। सुरपुर नितहिं परावन होई।।\nदोहा/सोरठा\nकुमुख अकंपन कुलिसरद धूमकेतु अतिकाय।\nएक एक जग जीति सक ऐसे सुभट निकाय।।180।।", iast: "caupāī\nsukha saṃpati suta sena sahāī| jaya pratāpa bala buddhi baṛāī||\nnita nūtana saba bāṛhata jāī| jimi pratilābha lobha adhikāī||\natibala kuṃbhakarana asa bhrātā| jehi kahu~ nahiṃ pratibhaṭa jaga jātā||\nkarai pāna sovai ṣaṭa māsā| jāgata hoi tihu~ pura trāsā||\njauṃ dina prati ahāra kara soī| bisva begi saba caupaṭa hoī||\nsamara dhīra nahiṃ jāi bakhānā| tehi sama amita bīra balavānā||\nbāridanāda jeṭha suta tāsū| bhaṭa mahu~ prathama līka jaga jāsū||\njehi na hoi rana sanamukha koī| surapura nitahiṃ parāvana hoī||\ndohā/soraṭhā\nkumukha akaṃpana kulisarada dhūmaketu atikāya|\neka eka jaga jīti saka aise subhaṭa nikāya||180||" },
    { devanagari: "चौपाई\nकामरूप जानहिं सब माया। सपनेहुँ जिन्ह कें धरम न दाया।।\nदसमुख बैठ सभाँ एक बारा। देखि अमित आपन परिवारा।।\nसुत समूह जन परिजन नाती। गे को पार निसाचर जाती।।\nसेन बिलोकि सहज अभिमानी। बोला बचन क्रोध मद सानी।।\nसुनहु सकल रजनीचर जूथा। हमरे बैरी बिबुध बरूथा।।\nते सनमुख नहिं करही लराई। देखि सबल रिपु जाहिं पराई।।\nतेन्ह कर मरन एक बिधि होई। कहउँ बुझाइ सुनहु अब सोई।।\nद्विजभोजन मख होम सराधा।।सब कै जाइ करहु तुम्ह बाधा।।\nदोहा/सोरठा\nछुधा छीन बलहीन सुर सहजेहिं मिलिहहिं आइ।\nतब मारिहउँ कि छाड़िहउँ भली भाँति अपनाइ।।181।।", iast: "caupāī\nkāmarūpa jānahiṃ saba māyā| sapanehu~ jinha keṃ dharama na dāyā||\ndasamukha baiṭha sabhā~ eka bārā| dekhi amita āpana parivārā||\nsuta samūha jana parijana nātī| ge ko pāra nisācara jātī||\nsena biloki sahaja abhimānī| bolā bacana krodha mada sānī||\nsunahu sakala rajanīcara jūthā| hamare bairī bibudha barūthā||\nte sanamukha nahiṃ karahī larāī| dekhi sabala ripu jāhiṃ parāī||\ntenha kara marana eka bidhi hoī| kahau~ bujhāi sunahu aba soī||\ndvijabhojana makha homa sarādhā||saba kai jāi karahu tumha bādhā||\ndohā/soraṭhā\nchudhā chīna balahīna sura sahajehiṃ milihahiṃ āi|\ntaba mārihau~ ki chāṛihau~ bhalī bhā~ti apanāi||181||" },
    { devanagari: "चौपाई\nमेघनाद कहुँ पुनि हँकरावा। दीन्ही सिख बलु बयरु बढ़ावा।।\nजे सुर समर धीर बलवाना। जिन्ह कें लरिबे कर अभिमाना।।\nतिन्हहि जीति रन आनेसु बाँधी। उठि सुत पितु अनुसासन काँधी।।\nएहि बिधि सबही अग्या दीन्ही। आपुनु चलेउ गदा कर लीन्ही।।\nचलत दसानन डोलति अवनी। गर्जत गर्भ स्त्रवहिं सुर रवनी।।\nरावन आवत सुनेउ सकोहा। देवन्ह तके मेरु गिरि खोहा।।\nदिगपालन्ह के लोक सुहाए। सूने सकल दसानन पाए।।\nपुनि पुनि सिंघनाद करि भारी। देइ देवतन्ह गारि पचारी।।\nरन मद मत्त फिरइ जग धावा। प्रतिभट खौजत कतहुँ न पावा।।\nरबि ससि पवन बरुन धनधारी। अगिनि काल जम सब अधिकारी।।\nकिंनर सिद्ध मनुज सुर नागा। हठि सबही के पंथहिं लागा।।\nब्रह्मसृष्टि जहँ लगि तनुधारी। दसमुख बसबर्ती नर नारी।।\nआयसु करहिं सकल भयभीता। नवहिं आइ नित चरन बिनीता।।\nदोहा/सोरठा\nभुजबल बिस्व बस्य करि राखेसि कोउ न सुतंत्र।\nमंडलीक मनि रावन राज करइ निज मंत्र।।182(क)।।\nदेव जच्छ गंधर्व नर किंनर नाग कुमारि।\nजीति बरीं निज बाहुबल बहु सुंदर बर नारि।।182ख।।", iast: "caupāī\nmeghanāda kahu~ puni ha~karāvā| dīnhī sikha balu bayaru baṛhāvā||\nje sura samara dhīra balavānā| jinha keṃ laribe kara abhimānā||\ntinhahi jīti rana ānesu bā~dhī| uṭhi suta pitu anusāsana kā~dhī||\nehi bidhi sabahī agyā dīnhī| āpunu caleu gadā kara līnhī||\ncalata dasānana ḍolati avanī| garjata garbha stravahiṃ sura ravanī||\nrāvana āvata suneu sakohā| devanha take meru giri khohā||\ndigapālanha ke loka suhāe| sūne sakala dasānana pāe||\npuni puni siṃghanāda kari bhārī| dei devatanha gāri pacārī||\nrana mada matta phirai jaga dhāvā| pratibhaṭa khaujata katahu~ na pāvā||\nrabi sasi pavana baruna dhanadhārī| agini kāla jama saba adhikārī||\nkiṃnara siddha manuja sura nāgā| haṭhi sabahī ke paṃthahiṃ lāgā||\nbrahmasṛṣṭi jaha~ lagi tanudhārī| dasamukha basabartī nara nārī||\nāyasu karahiṃ sakala bhayabhītā| navahiṃ āi nita carana binītā||\ndohā/soraṭhā\nbhujabala bisva basya kari rākhesi kou na sutaṃtra|\nmaṃḍalīka mani rāvana rāja karai nija maṃtra||182(ka)||\ndeva jaccha gaṃdharva nara kiṃnara nāga kumāri|\njīti barīṃ nija bāhubala bahu suṃdara bara nāri||182kha||" },
    { devanagari: "चौपाई\nइंद्रजीत सन जो कछु कहेऊ। सो सब जनु पहिलेहिं करि रहेऊ।।\nप्रथमहिं जिन्ह कहुँ आयसु दीन्हा। तिन्ह कर चरित सुनहु जो कीन्हा।।\nदेखत भीमरूप सब पापी। निसिचर निकर देव परितापी।।\nकरहि उपद्रव असुर निकाया। नाना रूप धरहिं करि माया।।\nजेहि बिधि होइ धर्म निर्मूला। सो सब करहिं बेद प्रतिकूला।।\nजेहिं जेहिं देस धेनु द्विज पावहिं। नगर गाउँ पुर आगि लगावहिं।।\nसुभ आचरन कतहुँ नहिं होई। देव बिप्र गुरू मान न कोई।।\nनहिं हरिभगति जग्य तप ग्याना। सपनेहुँ सुनिअ न बेद पुराना।।", iast: "caupāī\niṃdrajīta sana jo kachu kaheū| so saba janu pahilehiṃ kari raheū||\nprathamahiṃ jinha kahu~ āyasu dīnhā| tinha kara carita sunahu jo kīnhā||\ndekhata bhīmarūpa saba pāpī| nisicara nikara deva paritāpī||\nkarahi upadrava asura nikāyā| nānā rūpa dharahiṃ kari māyā||\njehi bidhi hoi dharma nirmūlā| so saba karahiṃ beda pratikūlā||\njehiṃ jehiṃ desa dhenu dvija pāvahiṃ| nagara gāu~ pura āgi lagāvahiṃ||\nsubha ācarana katahu~ nahiṃ hoī| deva bipra gurū māna na koī||\nnahiṃ haribhagati jagya tapa gyānā| sapanehu~ sunia na beda purānā||" },
    { devanagari: "चौपाई\nबाढ़े खल बहु चोर जुआरा। जे लंपट परधन परदारा।।\nमानहिं मातु पिता नहिं देवा। साधुन्ह सन करवावहिं सेवा।।\nजिन्ह के यह आचरन भवानी। ते जानेहु निसिचर सब प्रानी।।\nअतिसय देखि धर्म कै ग्लानी। परम सभीत धरा अकुलानी।।\nगिरि सरि सिंधु भार नहिं मोही। जस मोहि गरुअ एक परद्रोही।।\nसकल धर्म देखइ बिपरीता। कहि न सकइ रावन भय भीता।।\nधेनु रूप धरि हृदयँ बिचारी। गई तहाँ जहँ सुर मुनि झारी।।\nनिज संताप सुनाएसि रोई। काहू तें कछु काज न होई।।", iast: "caupāī\nbāṛhe khala bahu cora juārā| je laṃpaṭa paradhana paradārā||\nmānahiṃ mātu pitā nahiṃ devā| sādhunha sana karavāvahiṃ sevā||\njinha ke yaha ācarana bhavānī| te jānehu nisicara saba prānī||\natisaya dekhi dharma kai glānī| parama sabhīta dharā akulānī||\ngiri sari siṃdhu bhāra nahiṃ mohī| jasa mohi garua eka paradrohī||\nsakala dharma dekhai biparītā| kahi na sakai rāvana bhaya bhītā||\ndhenu rūpa dhari hṛdaya~ bicārī| gaī tahā~ jaha~ sura muni jhārī||\nnija saṃtāpa sunāesi roī| kāhū teṃ kachu kāja na hoī||" },
    { devanagari: "चौपाई\nबैठे सुर सब करहिं बिचारा। कहँ पाइअ प्रभु करिअ पुकारा।।\nपुर बैकुंठ जान कह कोई। कोउ कह पयनिधि बस प्रभु सोई।।\nजाके हृदयँ भगति जसि प्रीति। प्रभु तहँ प्रगट सदा तेहिं रीती।।\nतेहि समाज गिरिजा मैं रहेऊँ। अवसर पाइ बचन एक कहेऊँ।।\nहरि ब्यापक सर्बत्र समाना। प्रेम तें प्रगट होहिं मैं जाना।।\nदेस काल दिसि बिदिसिहु माहीं। कहहु सो कहाँ जहाँ प्रभु नाहीं।।\nअग जगमय सब रहित बिरागी। प्रेम तें प्रभु प्रगटइ जिमि आगी।।\nमोर बचन सब के मन माना। साधु साधु करि ब्रह्म बखाना।।\nदोहा/सोरठा\nसुनि बिरंचि मन हरष तन पुलकि नयन बह नीर।\nअस्तुति करत जोरि कर सावधान मतिधीर।।185।।", iast: "caupāī\nbaiṭhe sura saba karahiṃ bicārā| kaha~ pāia prabhu karia pukārā||\npura baikuṃṭha jāna kaha koī| kou kaha payanidhi basa prabhu soī||\njāke hṛdaya~ bhagati jasi prīti| prabhu taha~ pragaṭa sadā tehiṃ rītī||\ntehi samāja girijā maiṃ raheū~| avasara pāi bacana eka kaheū~||\nhari byāpaka sarbatra samānā| prema teṃ pragaṭa hohiṃ maiṃ jānā||\ndesa kāla disi bidisihu māhīṃ| kahahu so kahā~ jahā~ prabhu nāhīṃ||\naga jagamaya saba rahita birāgī| prema teṃ prabhu pragaṭai jimi āgī||\nmora bacana saba ke mana mānā| sādhu sādhu kari brahma bakhānā||\ndohā/soraṭhā\nsuni biraṃci mana haraṣa tana pulaki nayana baha nīra|\nastuti karata jori kara sāvadhāna matidhīra||185||" },
    { devanagari: "छंद\nजय जय सुरनायक जन सुखदायक प्रनतपाल भगवंता।\nगो द्विज हितकारी जय असुरारी सिधुंसुता प्रिय कंता।।\nपालन सुर धरनी अद्भुत करनी मरम न जानइ कोई।\nजो सहज कृपाला दीनदयाला करउ अनुग्रह सोई।।\nजय जय अबिनासी  सब घट बासी ब्यापक परमानंदा।\nअबिगत गोतीतं चरित पुनीतं मायारहित मुकुंदा।।\nजेहि लागि बिरागी अति अनुरागी बिगतमोह मुनिबृंदा।\nनिसि बासर ध्यावहिं गुन गन गावहिं जयति सच्चिदानंदा।।\nजेहिं सृष्टि उपाई त्रिबिध बनाई संग सहाय न दूजा।\nसो करउ अघारी चिंत हमारी जानिअ भगति न पूजा।।\nजो भव भय भंजन मुनि मन रंजन गंजन बिपति बरूथा।\nमन बच क्रम बानी छाड़ि सयानी सरन सकल सुर जूथा।।\nसारद श्रुति सेषा रिषय असेषा जा कहुँ कोउ नहि जाना।\nजेहि दीन पिआरे बेद पुकारे द्रवउ सो श्रीभगवाना।।\nभव बारिधि मंदर सब बिधि सुंदर गुनमंदिर सुखपुंजा।\nमुनि सिद्ध सकल सुर परम भयातुर नमत नाथ पद कंजा।।", iast: "chaṃda\njaya jaya suranāyaka jana sukhadāyaka pranatapāla bhagavaṃtā|\ngo dvija hitakārī jaya asurārī sidhuṃsutā priya kaṃtā||\npālana sura dharanī adbhuta karanī marama na jānai koī|\njo sahaja kṛpālā dīnadayālā karau anugraha soī||\njaya jaya abināsī  saba ghaṭa bāsī byāpaka paramānaṃdā|\nabigata gotītaṃ carita punītaṃ māyārahita mukuṃdā||\njehi lāgi birāgī ati anurāgī bigatamoha munibṛṃdā|\nnisi bāsara dhyāvahiṃ guna gana gāvahiṃ jayati saccidānaṃdā||\njehiṃ sṛṣṭi upāī tribidha banāī saṃga sahāya na dūjā|\nso karau aghārī ciṃta hamārī jānia bhagati na pūjā||\njo bhava bhaya bhaṃjana muni mana raṃjana gaṃjana bipati barūthā|\nmana baca krama bānī chāṛi sayānī sarana sakala sura jūthā||\nsārada śruti seṣā riṣaya aseṣā jā kahu~ kou nahi jānā|\njehi dīna piāre beda pukāre dravau so śrībhagavānā||\nbhava bāridhi maṃdara saba bidhi suṃdara gunamaṃdira sukhapuṃjā|\nmuni siddha sakala sura parama bhayātura namata nātha pada kaṃjā||" },
    { devanagari: "चौपाई\nजनि डरपहु मुनि सिद्ध सुरेसा। तुम्हहि लागि धरिहउँ नर बेसा।।\nअंसन्ह सहित मनुज अवतारा। लेहउँ दिनकर बंस उदारा।।\nकस्यप अदिति महातप कीन्हा। तिन्ह कहुँ मैं पूरब बर दीन्हा।।\nते दसरथ कौसल्या रूपा। कोसलपुरीं प्रगट नरभूपा।।\nतिन्ह के गृह अवतरिहउँ जाई। रघुकुल तिलक सो चारिउ भाई।।\nनारद बचन सत्य सब करिहउँ। परम सक्ति समेत अवतरिहउँ।।\nहरिहउँ सकल भूमि गरुआई। निर्भय होहु देव समुदाई।।\nगगन ब्रह्मबानी सुनी काना। तुरत फिरे सुर हृदय जुड़ाना।।\nतब ब्रह्मा धरनिहि समुझावा। अभय भई भरोस जियँ आवा।।\nदोहा/सोरठा\nनिज लोकहि बिरंचि गे देवन्ह इहइ सिखाइ।\nबानर तनु धरि धरि महि हरि पद सेवहु जाइ।।187।।", iast: "caupāī\njani ḍarapahu muni siddha suresā| tumhahi lāgi dharihau~ nara besā||\naṃsanha sahita manuja avatārā| lehau~ dinakara baṃsa udārā||\nkasyapa aditi mahātapa kīnhā| tinha kahu~ maiṃ pūraba bara dīnhā||\nte dasaratha kausalyā rūpā| kosalapurīṃ pragaṭa narabhūpā||\ntinha ke gṛha avatarihau~ jāī| raghukula tilaka so cāriu bhāī||\nnārada bacana satya saba karihau~| parama sakti sameta avatarihau~||\nharihau~ sakala bhūmi garuāī| nirbhaya hohu deva samudāī||\ngagana brahmabānī sunī kānā| turata phire sura hṛdaya juṛānā||\ntaba brahmā dharanihi samujhāvā| abhaya bhaī bharosa jiya~ āvā||\ndohā/soraṭhā\nnija lokahi biraṃci ge devanha ihai sikhāi|\nbānara tanu dhari dhari mahi hari pada sevahu jāi||187||" },
    { devanagari: "चौपाई\nगए देव सब निज निज धामा। भूमि सहित मन कहुँ बिश्रामा ।\nजो कछु आयसु ब्रह्माँ दीन्हा। हरषे देव बिलंब न कीन्हा।।\nबनचर देह धरि छिति माहीं। अतुलित बल प्रताप तिन्ह पाहीं।।\nगिरि तरु नख आयुध सब बीरा। हरि मारग चितवहिं मतिधीरा।।\nगिरि कानन जहँ तहँ भरि पूरी। रहे निज निज अनीक रचि रूरी।।\nयह सब रुचिर चरित मैं भाषा। अब सो सुनहु जो बीचहिं राखा।।\nअवधपुरीं रघुकुलमनि राऊ। बेद बिदित तेहि दसरथ नाऊँ।।\nधरम धुरंधर गुननिधि ग्यानी। हृदयँ भगति मति सारँगपानी।।\nदोहा/सोरठा\nकौसल्यादि नारि प्रिय सब आचरन पुनीत।\nपति अनुकूल प्रेम दृढ़ हरि पद कमल बिनीत।।188।।", iast: "caupāī\ngae deva saba nija nija dhāmā| bhūmi sahita mana kahu~ biśrāmā |\njo kachu āyasu brahmā~ dīnhā| haraṣe deva bilaṃba na kīnhā||\nbanacara deha dhari chiti māhīṃ| atulita bala pratāpa tinha pāhīṃ||\ngiri taru nakha āyudha saba bīrā| hari māraga citavahiṃ matidhīrā||\ngiri kānana jaha~ taha~ bhari pūrī| rahe nija nija anīka raci rūrī||\nyaha saba rucira carita maiṃ bhāṣā| aba so sunahu jo bīcahiṃ rākhā||\navadhapurīṃ raghukulamani rāū| beda bidita tehi dasaratha nāū~||\ndharama dhuraṃdhara gunanidhi gyānī| hṛdaya~ bhagati mati sāra~gapānī||\ndohā/soraṭhā\nkausalyādi nāri priya saba ācarana punīta|\npati anukūla prema dṛṛha hari pada kamala binīta||188||" },
    { devanagari: "चौपाई\nएक बार भूपति मन माहीं। भै गलानि मोरें सुत नाहीं।।\nगुर गृह गयउ तुरत महिपाला। चरन लागि करि बिनय बिसाला।।\nनिज दुख सुख सब गुरहि सुनायउ। कहि बसिष्ठ बहुबिधि समुझायउ।।\nधरहु धीर होइहहिं सुत चारी। त्रिभुवन बिदित भगत भय हारी।।\nसृंगी रिषहि बसिष्ठ बोलावा। पुत्रकाम सुभ जग्य करावा।।\nभगति सहित मुनि आहुति दीन्हें। प्रगटे अगिनि चरू कर लीन्हें।।\nजो बसिष्ठ कछु हृदयँ बिचारा। सकल काजु भा सिद्ध तुम्हारा।।\nयह हबि बाँटि देहु नृप जाई। जथा जोग जेहि भाग बनाई।।\nदोहा/सोरठा\nतब अदृस्य भए पावक सकल सभहि समुझाइ।।\nपरमानंद मगन नृप हरष न हृदयँ समाइ।।189।।", iast: "caupāī\neka bāra bhūpati mana māhīṃ| bhai galāni moreṃ suta nāhīṃ||\ngura gṛha gayau turata mahipālā| carana lāgi kari binaya bisālā||\nnija dukha sukha saba gurahi sunāyau| kahi basiṣṭha bahubidhi samujhāyau||\ndharahu dhīra hoihahiṃ suta cārī| tribhuvana bidita bhagata bhaya hārī||\nsṛṃgī riṣahi basiṣṭha bolāvā| putrakāma subha jagya karāvā||\nbhagati sahita muni āhuti dīnheṃ| pragaṭe agini carū kara līnheṃ||\njo basiṣṭha kachu hṛdaya~ bicārā| sakala kāju bhā siddha tumhārā||\nyaha habi bā~ṭi dehu nṛpa jāī| jathā joga jehi bhāga banāī||\ndohā/soraṭhā\ntaba adṛsya bhae pāvaka sakala sabhahi samujhāi||\nparamānaṃda magana nṛpa haraṣa na hṛdaya~ samāi||189||" },
    { devanagari: "चौपाई\nतबहिं रायँ प्रिय नारि बोलाईं। कौसल्यादि तहाँ चलि आई।।\nअर्ध भाग कौसल्याहि दीन्हा। उभय भाग आधे कर कीन्हा।।\nकैकेई कहँ नृप सो दयऊ। रह्यो सो उभय भाग पुनि भयऊ।।\nकौसल्या कैकेई हाथ धरि। दीन्ह सुमित्रहि मन प्रसन्न करि।।\nएहि बिधि गर्भसहित सब नारी। भईं हृदयँ हरषित सुख भारी।।\nजा दिन तें हरि गर्भहिं आए। सकल लोक सुख संपति छाए।।\nमंदिर महँ सब राजहिं रानी। सोभा सील तेज की खानीं।।\nसुख जुत कछुक काल चलि गयऊ। जेहिं प्रभु प्रगट सो अवसर भयऊ।।\nदोहा/सोरठा\nजोग लगन ग्रह बार तिथि सकल भए अनुकूल।\nचर अरु अचर हर्षजुत राम जनम सुखमूल।।190।।", iast: "caupāī\ntabahiṃ rāya~ priya nāri bolāīṃ| kausalyādi tahā~ cali āī||\nardha bhāga kausalyāhi dīnhā| ubhaya bhāga ādhe kara kīnhā||\nkaikeī kaha~ nṛpa so dayaū| rahyo so ubhaya bhāga puni bhayaū||\nkausalyā kaikeī hātha dhari| dīnha sumitrahi mana prasanna kari||\nehi bidhi garbhasahita saba nārī| bhaīṃ hṛdaya~ haraṣita sukha bhārī||\njā dina teṃ hari garbhahiṃ āe| sakala loka sukha saṃpati chāe||\nmaṃdira maha~ saba rājahiṃ rānī| sobhā sīla teja kī khānīṃ||\nsukha juta kachuka kāla cali gayaū| jehiṃ prabhu pragaṭa so avasara bhayaū||\ndohā/soraṭhā\njoga lagana graha bāra tithi sakala bhae anukūla|\ncara aru acara harṣajuta rāma janama sukhamūla||190||" },
    { devanagari: "चौपाई\nनौमी तिथि मधु मास पुनीता। सुकल पच्छ अभिजित हरिप्रीता।।\nमध्यदिवस अति सीत न घामा। पावन काल लोक बिश्रामा।।\nसीतल मंद सुरभि बह बाऊ। हरषित सुर संतन मन चाऊ।।\nबन कुसुमित गिरिगन मनिआरा। स्त्रवहिं सकल सरिताऽमृतधारा।।\nसो अवसर बिरंचि जब जाना। चले सकल सुर साजि बिमाना।।\nगगन बिमल सकुल सुर जूथा। गावहिं गुन गंधर्ब बरूथा।।\nबरषहिं सुमन सुअंजलि साजी। गहगहि गगन दुंदुभी बाजी।।\nअस्तुति करहिं नाग मुनि देवा। बहुबिधि लावहिं निज निज सेवा।।\nदोहा/सोरठा\nसुर समूह बिनती करि पहुँचे निज निज धाम।\nजगनिवास प्रभु प्रगटे अखिल लोक बिश्राम।।191।।", iast: "caupāī\nnaumī tithi madhu māsa punītā| sukala paccha abhijita hariprītā||\nmadhyadivasa ati sīta na ghāmā| pāvana kāla loka biśrāmā||\nsītala maṃda surabhi baha bāū| haraṣita sura saṃtana mana cāū||\nbana kusumita girigana maniārā| stravahiṃ sakala saritā'mṛtadhārā||\nso avasara biraṃci jaba jānā| cale sakala sura sāji bimānā||\ngagana bimala sakula sura jūthā| gāvahiṃ guna gaṃdharba barūthā||\nbaraṣahiṃ sumana suaṃjali sājī| gahagahi gagana duṃdubhī bājī||\nastuti karahiṃ nāga muni devā| bahubidhi lāvahiṃ nija nija sevā||\ndohā/soraṭhā\nsura samūha binatī kari pahu~ce nija nija dhāma|\njaganivāsa prabhu pragaṭe akhila loka biśrāma||191||" },
    { devanagari: "छंद\nभए प्रगट कृपाला दीनदयाला कौसल्या हितकारी।\nहरषित महतारी मुनि मन हारी अद्भुत रूप बिचारी।।\nलोचन अभिरामा तनु घनस्यामा निज आयुध भुज चारी।\nभूषन बनमाला नयन बिसाला सोभासिंधु खरारी।।\nकह दुइ कर जोरी अस्तुति तोरी केहि बिधि करौं अनंता।\nमाया गुन ग्यानातीत अमाना बेद पुरान भनंता।।\nकरुना सुख सागर सब गुन आगर जेहि गावहिं श्रुति संता।\nसो मम हित लागी जन अनुरागी भयउ प्रगट श्रीकंता।।\nब्रह्मांड निकाया निर्मित माया रोम रोम प्रति बेद कहै।\nमम उर सो बासी यह उपहासी सुनत धीर पति थिर न रहै।।\nउपजा जब ग्याना प्रभु मुसकाना चरित बहुत बिधि कीन्ह चहै।\nकहि कथा सुहाई मातु बुझाई जेहि प्रकार सुत प्रेम लहै।।\nमाता पुनि बोली सो मति डौली तजहु तात यह रूपा।\nकीजै सिसुलीला अति प्रियसीला यह सुख परम अनूपा।।\nसुनि बचन सुजाना रोदन ठाना होइ बालक सुरभूपा।\nयह चरित जे गावहिं हरिपद पावहिं ते न परहिं भवकूपा।।", iast: "chaṃda\nbhae pragaṭa kṛpālā dīnadayālā kausalyā hitakārī|\nharaṣita mahatārī muni mana hārī adbhuta rūpa bicārī||\nlocana abhirāmā tanu ghanasyāmā nija āyudha bhuja cārī|\nbhūṣana banamālā nayana bisālā sobhāsiṃdhu kharārī||\nkaha dui kara jorī astuti torī kehi bidhi karauṃ anaṃtā|\nmāyā guna gyānātīta amānā beda purāna bhanaṃtā||\nkarunā sukha sāgara saba guna āgara jehi gāvahiṃ śruti saṃtā|\nso mama hita lāgī jana anurāgī bhayau pragaṭa śrīkaṃtā||\nbrahmāṃḍa nikāyā nirmita māyā roma roma prati beda kahai|\nmama ura so bāsī yaha upahāsī sunata dhīra pati thira na rahai||\nupajā jaba gyānā prabhu musakānā carita bahuta bidhi kīnha cahai|\nkahi kathā suhāī mātu bujhāī jehi prakāra suta prema lahai||\nmātā puni bolī so mati ḍaulī tajahu tāta yaha rūpā|\nkījai sisulīlā ati priyasīlā yaha sukha parama anūpā||\nsuni bacana sujānā rodana ṭhānā hoi bālaka surabhūpā|\nyaha carita je gāvahiṃ haripada pāvahiṃ te na parahiṃ bhavakūpā||" },
    { devanagari: "चौपाई\nसुनि सिसु रुदन परम प्रिय बानी। संभ्रम चलि आई सब रानी।।\nहरषित जहँ तहँ धाईं दासी। आनँद मगन सकल पुरबासी।।\nदसरथ पुत्रजन्म सुनि काना। मानहुँ ब्रह्मानंद समाना।।\nपरम प्रेम मन पुलक सरीरा। चाहत उठत करत मति धीरा।।\nजाकर नाम सुनत सुभ होई। मोरें गृह आवा प्रभु सोई।।\nपरमानंद पूरि मन राजा। कहा बोलाइ बजावहु बाजा।।\nगुर बसिष्ठ कहँ गयउ हँकारा। आए द्विजन सहित नृपद्वारा।।\nअनुपम बालक देखेन्हि जाई। रूप रासि गुन कहि न सिराई।।\nदोहा/सोरठा\nनंदीमुख सराध करि जातकरम सब कीन्ह।\nहाटक धेनु बसन मनि नृप बिप्रन्ह कहँ दीन्ह।।193।।", iast: "caupāī\nsuni sisu rudana parama priya bānī| saṃbhrama cali āī saba rānī||\nharaṣita jaha~ taha~ dhāīṃ dāsī| āna~da magana sakala purabāsī||\ndasaratha putrajanma suni kānā| mānahu~ brahmānaṃda samānā||\nparama prema mana pulaka sarīrā| cāhata uṭhata karata mati dhīrā||\njākara nāma sunata subha hoī| moreṃ gṛha āvā prabhu soī||\nparamānaṃda pūri mana rājā| kahā bolāi bajāvahu bājā||\ngura basiṣṭha kaha~ gayau ha~kārā| āe dvijana sahita nṛpadvārā||\nanupama bālaka dekhenhi jāī| rūpa rāsi guna kahi na sirāī||\ndohā/soraṭhā\nnaṃdīmukha sarādha kari jātakarama saba kīnha|\nhāṭaka dhenu basana mani nṛpa bipranha kaha~ dīnha||193||" },
    { devanagari: "चौपाई\nध्वज पताक तोरन पुर छावा। कहि न जाइ जेहि भाँति बनावा।।\nसुमनबृष्टि अकास तें होई। ब्रह्मानंद मगन सब लोई।।\nबृंद बृंद मिलि चलीं लोगाई। सहज संगार किएँ उठि धाई।।\nकनक कलस मंगल धरि थारा। गावत पैठहिं भूप दुआरा।।\nकरि आरति नेवछावरि करहीं। बार बार सिसु चरनन्हि परहीं।।\nमागध सूत बंदिगन गायक। पावन गुन गावहिं रघुनायक।।\nसर्बस दान दीन्ह सब काहू। जेहिं पावा राखा नहिं ताहू।।\nमृगमद चंदन कुंकुम कीचा। मची सकल बीथिन्ह बिच बीचा।।\nदोहा/सोरठा\nगृह गृह बाज बधाव सुभ प्रगटे सुषमा कंद।\nहरषवंत सब जहँ तहँ नगर नारि नर बृंद।।194।।", iast: "caupāī\ndhvaja patāka torana pura chāvā| kahi na jāi jehi bhā~ti banāvā||\nsumanabṛṣṭi akāsa teṃ hoī| brahmānaṃda magana saba loī||\nbṛṃda bṛṃda mili calīṃ logāī| sahaja saṃgāra kie~ uṭhi dhāī||\nkanaka kalasa maṃgala dhari thārā| gāvata paiṭhahiṃ bhūpa duārā||\nkari ārati nevachāvari karahīṃ| bāra bāra sisu carananhi parahīṃ||\nmāgadha sūta baṃdigana gāyaka| pāvana guna gāvahiṃ raghunāyaka||\nsarbasa dāna dīnha saba kāhū| jehiṃ pāvā rākhā nahiṃ tāhū||\nmṛgamada caṃdana kuṃkuma kīcā| macī sakala bīthinha bica bīcā||\ndohā/soraṭhā\ngṛha gṛha bāja badhāva subha pragaṭe suṣamā kaṃda|\nharaṣavaṃta saba jaha~ taha~ nagara nāri nara bṛṃda||194||" },
    { devanagari: "चौपाई\nकैकयसुता सुमित्रा दोऊ। सुंदर सुत जनमत भैं ओऊ।।\nवह सुख संपति समय समाजा। कहि न सकइ सारद अहिराजा।।\nअवधपुरी सोहइ एहि भाँती। प्रभुहि मिलन आई जनु राती।।\nदेखि भानू जनु मन सकुचानी। तदपि बनी संध्या अनुमानी।।\nअगर धूप बहु जनु अँधिआरी। उड़इ अभीर मनहुँ अरुनारी।।\nमंदिर मनि समूह जनु तारा। नृप गृह कलस सो इंदु उदारा।।\nभवन बेदधुनि अति मृदु बानी। जनु खग मूखर समयँ जनु सानी।।\nकौतुक देखि पतंग भुलाना। एक मास तेइँ जात न जाना।।\nदोहा/सोरठा\nमास दिवस कर दिवस भा मरम न जानइ कोइ।\nरथ समेत रबि थाकेउ निसा कवन बिधि होइ।।195।।", iast: "caupāī\nkaikayasutā sumitrā doū| suṃdara suta janamata bhaiṃ oū||\nvaha sukha saṃpati samaya samājā| kahi na sakai sārada ahirājā||\navadhapurī sohai ehi bhā~tī| prabhuhi milana āī janu rātī||\ndekhi bhānū janu mana sakucānī| tadapi banī saṃdhyā anumānī||\nagara dhūpa bahu janu a~dhiārī| uṛi abhīra manahu~ arunārī||\nmaṃdira mani samūha janu tārā| nṛpa gṛha kalasa so iṃdu udārā||\nbhavana bedadhuni ati mṛdu bānī| janu khaga mūkhara samaya~ janu sānī||\nkautuka dekhi pataṃga bhulānā| eka māsa tei~ jāta na jānā||\ndohā/soraṭhā\nmāsa divasa kara divasa bhā marama na jānai koi|\nratha sameta rabi thākeu nisā kavana bidhi hoi||195||" },
    { devanagari: "चौपाई\nयह रहस्य काहू नहिं जाना। दिन मनि चले करत गुनगाना।।\nदेखि महोत्सव सुर मुनि नागा। चले भवन बरनत निज भागा।।\nऔरउ एक कहउँ निज चोरी। सुनु गिरिजा अति दृढ़ मति तोरी।।\nकाक भुसुंडि संग हम दोऊ। मनुजरूप जानइ नहिं कोऊ।।\nपरमानंद प्रेमसुख फूले। बीथिन्ह फिरहिं मगन मन भूले।।\nयह सुभ चरित जान पै सोई। कृपा राम कै जापर होई।।\nतेहि अवसर जो जेहि बिधि आवा। दीन्ह भूप जो जेहि मन भावा।।\nगज रथ तुरग हेम गो हीरा। दीन्हे नृप नानाबिधि चीरा।।\nदोहा/सोरठा\nमन संतोषे सबन्हि के जहँ तहँ देहि असीस।\nसकल तनय चिर जीवहुँ तुलसिदास के ईस।।196।।", iast: "caupāī\nyaha rahasya kāhū nahiṃ jānā| dina mani cale karata gunagānā||\ndekhi mahotsava sura muni nāgā| cale bhavana baranata nija bhāgā||\naurau eka kahau~ nija corī| sunu girijā ati dṛṛha mati torī||\nkāka bhusuṃḍi saṃga hama doū| manujarūpa jānai nahiṃ koū||\nparamānaṃda premasukha phūle| bīthinha phirahiṃ magana mana bhūle||\nyaha subha carita jāna pai soī| kṛpā rāma kai jāpara hoī||\ntehi avasara jo jehi bidhi āvā| dīnha bhūpa jo jehi mana bhāvā||\ngaja ratha turaga hema go hīrā| dīnhe nṛpa nānābidhi cīrā||\ndohā/soraṭhā\nmana saṃtoṣe sabanhi ke jaha~ taha~ dehi asīsa|\nsakala tanaya cira jīvahu~ tulasidāsa ke īsa||196||" },
    { devanagari: "चौपाई\nकछुक दिवस बीते एहि भाँती। जात न जानिअ दिन अरु राती।।\nनामकरन कर अवसरु जानी। भूप बोलि पठए मुनि ग्यानी।।\nकरि पूजा भूपति अस भाषा। धरिअ नाम जो मुनि गुनि राखा।।\nइन्ह के नाम अनेक अनूपा। मैं नृप कहब स्वमति अनुरूपा।।\nजो आनंद सिंधु सुखरासी। सीकर तें त्रैलोक सुपासी।।\nसो सुख धाम राम अस नामा। अखिल लोक दायक बिश्रामा।।\nबिस्व भरन पोषन कर जोई। ताकर नाम भरत अस होई।।\nजाके सुमिरन तें रिपु नासा। नाम सत्रुहन बेद प्रकासा।।\nदोहा/सोरठा\nलच्छन धाम राम प्रिय सकल जगत आधार।\nगुरु बसिष्ट तेहि राखा लछिमन नाम उदार।।197।।", iast: "caupāī\nkachuka divasa bīte ehi bhā~tī| jāta na jānia dina aru rātī||\nnāmakarana kara avasaru jānī| bhūpa boli paṭhae muni gyānī||\nkari pūjā bhūpati asa bhāṣā| dharia nāma jo muni guni rākhā||\ninha ke nāma aneka anūpā| maiṃ nṛpa kahaba svamati anurūpā||\njo ānaṃda siṃdhu sukharāsī| sīkara teṃ trailoka supāsī||\nso sukha dhāma rāma asa nāmā| akhila loka dāyaka biśrāmā||\nbisva bharana poṣana kara joī| tākara nāma bharata asa hoī||\njāke sumirana teṃ ripu nāsā| nāma satruhana beda prakāsā||\ndohā/soraṭhā\nlacchana dhāma rāma priya sakala jagata ādhāra|\nguru basiṣṭa tehi rākhā lachimana nāma udāra||197||" },
    { devanagari: "चौपाई\nधरे नाम गुर हृदयँ बिचारी। बेद तत्व नृप तव सुत चारी।।\nमुनि धन जन सरबस सिव प्राना। बाल केलि तेहिं सुख माना।।\nबारेहि ते निज हित पति जानी। लछिमन राम चरन रति मानी।।\nभरत सत्रुहन दूनउ भाई। प्रभु सेवक जसि प्रीति बड़ाई।।\nस्याम गौर सुंदर दोउ जोरी। निरखहिं छबि जननीं तृन तोरी।।\nचारिउ सील रूप गुन धामा। तदपि अधिक सुखसागर रामा।।\nहृदयँ अनुग्रह इंदु प्रकासा। सूचत किरन मनोहर हासा।।\nकबहुँ उछंग कबहुँ बर पलना। मातु दुलारइ कहि प्रिय ललना।।\nदोहा/सोरठा\nब्यापक ब्रह्म निरंजन निर्गुन बिगत बिनोद।\nसो अज प्रेम भगति बस कौसल्या के गोद।।198।।", iast: "caupāī\ndhare nāma gura hṛdaya~ bicārī| beda tatva nṛpa tava suta cārī||\nmuni dhana jana sarabasa siva prānā| bāla keli tehiṃ sukha mānā||\nbārehi te nija hita pati jānī| lachimana rāma carana rati mānī||\nbharata satruhana dūnau bhāī| prabhu sevaka jasi prīti baṛāī||\nsyāma gaura suṃdara dou jorī| nirakhahiṃ chabi jananīṃ tṛna torī||\ncāriu sīla rūpa guna dhāmā| tadapi adhika sukhasāgara rāmā||\nhṛdaya~ anugraha iṃdu prakāsā| sūcata kirana manohara hāsā||\nkabahu~ uchaṃga kabahu~ bara palanā| mātu dulārai kahi priya lalanā||\ndohā/soraṭhā\nbyāpaka brahma niraṃjana nirguna bigata binoda|\nso aja prema bhagati basa kausalyā ke goda||198||" },
    { devanagari: "चौपाई\nकाम कोटि छबि स्याम सरीरा। नील कंज बारिद गंभीरा।।\nअरुन चरन पकंज नख जोती। कमल दलन्हि बैठे जनु मोती।।\nरेख कुलिस धवज अंकुर सोहे। नूपुर धुनि सुनि मुनि मन मोहे।।\nकटि किंकिनी उदर त्रय रेखा। नाभि गभीर जान जेहि देखा।।\nभुज बिसाल भूषन जुत भूरी। हियँ हरि नख अति सोभा रूरी।।\nउर मनिहार पदिक की सोभा। बिप्र चरन देखत मन लोभा।।\nकंबु कंठ अति चिबुक सुहाई। आनन अमित मदन छबि छाई।।\nदुइ दुइ दसन अधर अरुनारे। नासा तिलक को बरनै पारे।।\nसुंदर श्रवन सुचारु कपोला। अति प्रिय मधुर तोतरे बोला।।\nचिक्कन कच कुंचित गभुआरे। बहु प्रकार रचि मातु सँवारे।।\nपीत झगुलिआ तनु पहिराई। जानु पानि बिचरनि मोहि भाई।।\nरूप सकहिं नहिं कहि श्रुति सेषा। सो जानइ सपनेहुँ जेहि देखा।।\nदोहा/सोरठा\nसुख संदोह मोहपर ग्यान गिरा गोतीत।\nदंपति परम प्रेम बस कर सिसुचरित पुनीत।।199।।", iast: "caupāī\nkāma koṭi chabi syāma sarīrā| nīla kaṃja bārida gaṃbhīrā||\naruna carana pakaṃja nakha jotī| kamala dalanhi baiṭhe janu motī||\nrekha kulisa dhavaja aṃkura sohe| nūpura dhuni suni muni mana mohe||\nkaṭi kiṃkinī udara traya rekhā| nābhi gabhīra jāna jehi dekhā||\nbhuja bisāla bhūṣana juta bhūrī| hiya~ hari nakha ati sobhā rūrī||\nura manihāra padika kī sobhā| bipra carana dekhata mana lobhā||\nkaṃbu kaṃṭha ati cibuka suhāī| ānana amita madana chabi chāī||\ndui dui dasana adhara arunāre| nāsā tilaka ko baranai pāre||\nsuṃdara śravana sucāru kapolā| ati priya madhura totare bolā||\ncikkana kaca kuṃcita gabhuāre| bahu prakāra raci mātu sa~vāre||\npīta jhaguliā tanu pahirāī| jānu pāni bicarani mohi bhāī||\nrūpa sakahiṃ nahiṃ kahi śruti seṣā| so jānai sapanehu~ jehi dekhā||\ndohā/soraṭhā\nsukha saṃdoha mohapara gyāna girā gotīta|\ndaṃpati parama prema basa kara sisucarita punīta||199||" },
    { devanagari: "चौपाई\nएहि बिधि राम जगत पितु माता। कोसलपुर बासिन्ह सुखदाता।।\nजिन्ह रघुनाथ चरन रति मानी। तिन्ह की यह गति प्रगट भवानी।।\nरघुपति बिमुख जतन कर कोरी। कवन सकइ भव बंधन छोरी।।\nजीव चराचर बस कै राखे। सो माया प्रभु सों भय भाखे।।\nभृकुटि बिलास नचावइ ताही। अस प्रभु छाड़ि भजिअ कहु काही।।\nमन क्रम बचन छाड़ि चतुराई। भजत कृपा करिहहिं रघुराई।।\nएहि बिधि सिसुबिनोद प्रभु कीन्हा। सकल नगरबासिन्ह सुख दीन्हा।।\nलै उछंग कबहुँक हलरावै। कबहुँ पालनें घालि झुलावै।।\nदोहा/सोरठा\nप्रेम मगन कौसल्या निसि दिन जात न जान।\nसुत सनेह बस माता बालचरित कर गान।।200।।", iast: "caupāī\nehi bidhi rāma jagata pitu mātā| kosalapura bāsinha sukhadātā||\njinha raghunātha carana rati mānī| tinha kī yaha gati pragaṭa bhavānī||\nraghupati bimukha jatana kara korī| kavana sakai bhava baṃdhana chorī||\njīva carācara basa kai rākhe| so māyā prabhu soṃ bhaya bhākhe||\nbhṛkuṭi bilāsa nacāvai tāhī| asa prabhu chāṛi bhajia kahu kāhī||\nmana krama bacana chāṛi caturāī| bhajata kṛpā karihahiṃ raghurāī||\nehi bidhi sisubinoda prabhu kīnhā| sakala nagarabāsinha sukha dīnhā||\nlai uchaṃga kabahu~ka halarāvai| kabahu~ pālaneṃ ghāli jhulāvai||\ndohā/soraṭhā\nprema magana kausalyā nisi dina jāta na jāna|\nsuta saneha basa mātā bālacarita kara gāna||200||" },
    { devanagari: "चौपाई\nएक बार जननीं अन्हवाए। करि सिंगार पलनाँ पौढ़ाए।।\nनिज कुल इष्टदेव भगवाना। पूजा हेतु कीन्ह अस्नाना।।\nकरि पूजा नैबेद्य चढ़ावा। आपु गई जहँ पाक बनावा।।\nबहुरि मातु तहवाँ चलि आई। भोजन करत देख सुत जाई।।\nगै जननी सिसु पहिं भयभीता। देखा बाल तहाँ पुनि सूता।।\nबहुरि आइ देखा सुत सोई। हृदयँ कंप मन धीर न होई।।\nइहाँ उहाँ दुइ बालक देखा। मतिभ्रम मोर कि आन बिसेषा।।\nदेखि राम जननी अकुलानी। प्रभु हँसि दीन्ह मधुर मुसुकानी।।\nदोहा/सोरठा\nदेखरावा मातहि निज अदभुत रुप अखंड।\nरोम रोम प्रति लागे कोटि कोटि ब्रह्मंड।। 201।।", iast: "caupāī\neka bāra jananīṃ anhavāe| kari siṃgāra palanā~ pauṛhāe||\nnija kula iṣṭadeva bhagavānā| pūjā hetu kīnha asnānā||\nkari pūjā naibedya caṛhāvā| āpu gaī jaha~ pāka banāvā||\nbahuri mātu tahavā~ cali āī| bhojana karata dekha suta jāī||\ngai jananī sisu pahiṃ bhayabhītā| dekhā bāla tahā~ puni sūtā||\nbahuri āi dekhā suta soī| hṛdaya~ kaṃpa mana dhīra na hoī||\nihā~ uhā~ dui bālaka dekhā| matibhrama mora ki āna biseṣā||\ndekhi rāma jananī akulānī| prabhu ha~si dīnha madhura musukānī||\ndohā/soraṭhā\ndekharāvā mātahi nija adabhuta rupa akhaṃḍa|\nroma roma prati lāge koṭi koṭi brahmaṃḍa|| 201||" },
    { devanagari: "चौपाई\nअगनित रबि ससि सिव चतुरानन। बहु गिरि सरित सिंधु महि कानन।।\nकाल कर्म गुन ग्यान सुभाऊ। सोउ देखा जो सुना न काऊ।।\nदेखी माया सब बिधि गाढ़ी। अति सभीत जोरें कर ठाढ़ी।।\nदेखा जीव नचावइ जाही। देखी भगति जो छोरइ ताही।।\nतन पुलकित मुख बचन न आवा। नयन मूदि चरननि सिरु नावा।।\nबिसमयवंत देखि महतारी। भए बहुरि सिसुरूप खरारी।।\nअस्तुति करि न जाइ भय माना। जगत पिता मैं सुत करि जाना।।\nहरि जननि बहुबिधि समुझाई। यह जनि कतहुँ कहसि सुनु माई।।\nदोहा/सोरठा\nबार बार कौसल्या बिनय करइ कर जोरि।।\nअब जनि कबहूँ ब्यापै प्रभु मोहि माया तोरि।। 202।।", iast: "caupāī\naganita rabi sasi siva caturānana| bahu giri sarita siṃdhu mahi kānana||\nkāla karma guna gyāna subhāū| sou dekhā jo sunā na kāū||\ndekhī māyā saba bidhi gāṛhī| ati sabhīta joreṃ kara ṭhāṛhī||\ndekhā jīva nacāvai jāhī| dekhī bhagati jo chorai tāhī||\ntana pulakita mukha bacana na āvā| nayana mūdi caranani siru nāvā||\nbisamayavaṃta dekhi mahatārī| bhae bahuri sisurūpa kharārī||\nastuti kari na jāi bhaya mānā| jagata pitā maiṃ suta kari jānā||\nhari janani bahubidhi samujhāī| yaha jani katahu~ kahasi sunu māī||\ndohā/soraṭhā\nbāra bāra kausalyā binaya karai kara jori||\naba jani kabahū~ byāpai prabhu mohi māyā tori|| 202||" },
    { devanagari: "चौपाई\nबालचरित हरि बहुबिधि कीन्हा। अति अनंद दासन्ह कहँ दीन्हा।।\nकछुक काल बीतें सब भाई। बड़े भए परिजन सुखदाई।।\nचूड़ाकरन कीन्ह गुरु जाई। बिप्रन्ह पुनि दछिना बहु पाई।।\nपरम मनोहर चरित अपारा। करत फिरत चारिउ सुकुमारा।।\nमन क्रम बचन अगोचर जोई। दसरथ अजिर बिचर प्रभु सोई।।\nभोजन करत बोल जब राजा। नहिं आवत तजि बाल समाजा।।\nकौसल्या जब बोलन जाई। ठुमकु ठुमकु प्रभु चलहिं पराई।।\nनिगम नेति सिव अंत न पावा। ताहि धरै जननी हठि धावा।।\nधूरस धूरि भरें तनु आए। भूपति बिहसि गोद बैठाए।।\nदोहा/सोरठा\nभोजन करत चपल चित इत उत अवसरु पाइ।\nभाजि चले किलकत मुख दधि ओदन लपटाइ।।203।।", iast: "caupāī\nbālacarita hari bahubidhi kīnhā| ati anaṃda dāsanha kaha~ dīnhā||\nkachuka kāla bīteṃ saba bhāī| baṛe bhae parijana sukhadāī||\ncūṛākarana kīnha guru jāī| bipranha puni dachinā bahu pāī||\nparama manohara carita apārā| karata phirata cāriu sukumārā||\nmana krama bacana agocara joī| dasaratha ajira bicara prabhu soī||\nbhojana karata bola jaba rājā| nahiṃ āvata taji bāla samājā||\nkausalyā jaba bolana jāī| ṭhumaku ṭhumaku prabhu calahiṃ parāī||\nnigama neti siva aṃta na pāvā| tāhi dharai jananī haṭhi dhāvā||\ndhūrasa dhūri bhareṃ tanu āe| bhūpati bihasi goda baiṭhāe||\ndohā/soraṭhā\nbhojana karata capala cita ita uta avasaru pāi|\nbhāji cale kilakata mukha dadhi odana lapaṭāi||203||" },
    { devanagari: "चौपाई\nबालचरित अति सरल सुहाए। सारद सेष संभु श्रुति गाए।।\nजिन कर मन इन्ह सन नहिं राता। ते जन बंचित किए बिधाता।।\nभए कुमार जबहिं सब भ्राता। दीन्ह जनेऊ गुरु पितु माता।।\nगुरगृहँ गए पढ़न रघुराई। अलप काल बिद्या सब आई।।\nजाकी सहज स्वास श्रुति चारी। सो हरि पढ़ यह कौतुक भारी।।\nबिद्या बिनय निपुन गुन सीला। खेलहिं खेल सकल नृपलीला।।\nकरतल बान धनुष अति सोहा। देखत रूप चराचर मोहा।।\nजिन्ह बीथिन्ह बिहरहिं सब भाई। थकित होहिं सब लोग लुगाई।।\nदोहा/सोरठा\nकोसलपुर बासी नर नारि बृद्ध अरु बाल।\nप्रानहु ते प्रिय लागत सब कहुँ राम कृपाल।।204।।", iast: "caupāī\nbālacarita ati sarala suhāe| sārada seṣa saṃbhu śruti gāe||\njina kara mana inha sana nahiṃ rātā| te jana baṃcita kie bidhātā||\nbhae kumāra jabahiṃ saba bhrātā| dīnha janeū guru pitu mātā||\nguragṛha~ gae paṛhana raghurāī| alapa kāla bidyā saba āī||\njākī sahaja svāsa śruti cārī| so hari paṛha yaha kautuka bhārī||\nbidyā binaya nipuna guna sīlā| khelahiṃ khela sakala nṛpalīlā||\nkaratala bāna dhanuṣa ati sohā| dekhata rūpa carācara mohā||\njinha bīthinha biharahiṃ saba bhāī| thakita hohiṃ saba loga lugāī||\ndohā/soraṭhā\nkosalapura bāsī nara nāri bṛddha aru bāla|\nprānahu te priya lāgata saba kahu~ rāma kṛpāla||204||" },
    { devanagari: "चौपाई\nबंधु सखा संग लेहिं बोलाई। बन मृगया नित खेलहिं जाई।।\nपावन मृग मारहिं जियँ जानी। दिन प्रति नृपहि देखावहिं आनी।।\nजे मृग राम बान के मारे। ते तनु तजि सुरलोक सिधारे।।\nअनुज सखा सँग भोजन करहीं। मातु पिता अग्या अनुसरहीं।।\nजेहि बिधि सुखी होहिं पुर लोगा। करहिं कृपानिधि सोइ संजोगा।।\nबेद पुरान सुनहिं मन लाई। आपु कहहिं अनुजन्ह समुझाई।।\nप्रातकाल उठि कै रघुनाथा। मातु पिता गुरु नावहिं माथा।।\nआयसु मागि करहिं पुर काजा। देखि चरित हरषइ मन राजा।।\nदोहा/सोरठा\nब्यापक अकल अनीह अज निर्गुन नाम न रूप।\nभगत हेतु नाना बिधि करत चरित्र अनूप।।205।।", iast: "caupāī\nbaṃdhu sakhā saṃga lehiṃ bolāī| bana mṛgayā nita khelahiṃ jāī||\npāvana mṛga mārahiṃ jiya~ jānī| dina prati nṛpahi dekhāvahiṃ ānī||\nje mṛga rāma bāna ke māre| te tanu taji suraloka sidhāre||\nanuja sakhā sa~ga bhojana karahīṃ| mātu pitā agyā anusarahīṃ||\njehi bidhi sukhī hohiṃ pura logā| karahiṃ kṛpānidhi soi saṃjogā||\nbeda purāna sunahiṃ mana lāī| āpu kahahiṃ anujanha samujhāī||\nprātakāla uṭhi kai raghunāthā| mātu pitā guru nāvahiṃ māthā||\nāyasu māgi karahiṃ pura kājā| dekhi carita haraṣai mana rājā||\ndohā/soraṭhā\nbyāpaka akala anīha aja nirguna nāma na rūpa|\nbhagata hetu nānā bidhi karata caritra anūpa||205||" },
    { devanagari: "चौपाई\nयह सब चरित कहा मैं गाई। आगिलि कथा सुनहु मन लाई।।\nबिस्वामित्र महामुनि ग्यानी। बसहि बिपिन सुभ आश्रम जानी।।\nजहँ जप जग्य मुनि करही। अति मारीच सुबाहुहि डरहीं।।\nदेखत जग्य निसाचर धावहि। करहि उपद्रव मुनि दुख पावहिं।।\nगाधितनय मन चिंता ब्यापी। हरि बिनु मरहि न निसिचर पापी।।\nतब मुनिवर मन कीन्ह बिचारा। प्रभु अवतरेउ हरन महि भारा।।\nएहुँ मिस देखौं पद जाई। करि बिनती आनौ दोउ भाई।।\nग्यान बिराग सकल गुन अयना। सो प्रभु मै देखब भरि नयना।।\nदोहा/सोरठा\nबहुबिधि करत मनोरथ जात लागि नहिं बार।\nकरि मज्जन सरऊ जल गए भूप दरबार।।206।।", iast: "caupāī\nyaha saba carita kahā maiṃ gāī| āgili kathā sunahu mana lāī||\nbisvāmitra mahāmuni gyānī| basahi bipina subha āśrama jānī||\njaha~ japa jagya muni karahī| ati mārīca subāhuhi ḍarahīṃ||\ndekhata jagya nisācara dhāvahi| karahi upadrava muni dukha pāvahiṃ||\ngādhitanaya mana ciṃtā byāpī| hari binu marahi na nisicara pāpī||\ntaba munivara mana kīnha bicārā| prabhu avatareu harana mahi bhārā||\nehu~ misa dekhauṃ pada jāī| kari binatī ānau dou bhāī||\ngyāna birāga sakala guna ayanā| so prabhu mai dekhaba bhari nayanā||\ndohā/soraṭhā\nbahubidhi karata manoratha jāta lāgi nahiṃ bāra|\nkari majjana saraū jala gae bhūpa darabāra||206||" },
    { devanagari: "चौपाई\nमुनि आगमन सुना जब राजा। मिलन गयऊ लै बिप्र समाजा।।\nकरि दंडवत मुनिहि सनमानी। निज आसन बैठारेन्हि आनी।।\nचरन पखारि कीन्हि अति पूजा। मो सम आजु धन्य नहिं दूजा।।\nबिबिध भाँति भोजन करवावा। मुनिवर हृदयँ हरष अति पावा।।\nपुनि चरननि मेले सुत चारी। राम देखि मुनि देह बिसारी।।\nभए मगन देखत मुख सोभा। जनु चकोर पूरन ससि लोभा।।\nतब मन हरषि बचन कह राऊ। मुनि अस कृपा न कीन्हिहु काऊ।।\nकेहि कारन आगमन तुम्हारा। कहहु सो करत न लावउँ बारा।।\nअसुर समूह सतावहिं मोही। मै जाचन आयउँ नृप तोही।।\nअनुज समेत देहु रघुनाथा। निसिचर बध मैं होब सनाथा।।\nदोहा/सोरठा\nदेहु भूप मन हरषित तजहु मोह अग्यान।\nधर्म सुजस प्रभु तुम्ह कौं इन्ह कहँ अति कल्यान।।207।।", iast: "caupāī\nmuni āgamana sunā jaba rājā| milana gayaū lai bipra samājā||\nkari daṃḍavata munihi sanamānī| nija āsana baiṭhārenhi ānī||\ncarana pakhāri kīnhi ati pūjā| mo sama āju dhanya nahiṃ dūjā||\nbibidha bhā~ti bhojana karavāvā| munivara hṛdaya~ haraṣa ati pāvā||\npuni caranani mele suta cārī| rāma dekhi muni deha bisārī||\nbhae magana dekhata mukha sobhā| janu cakora pūrana sasi lobhā||\ntaba mana haraṣi bacana kaha rāū| muni asa kṛpā na kīnhihu kāū||\nkehi kārana āgamana tumhārā| kahahu so karata na lāvau~ bārā||\nasura samūha satāvahiṃ mohī| mai jācana āyau~ nṛpa tohī||\nanuja sameta dehu raghunāthā| nisicara badha maiṃ hoba sanāthā||\ndohā/soraṭhā\ndehu bhūpa mana haraṣita tajahu moha agyāna|\ndharma sujasa prabhu tumha kauṃ inha kaha~ ati kalyāna||207||" },
    { devanagari: "चौपाई\nसुनि राजा अति अप्रिय बानी। हृदय कंप मुख दुति कुमुलानी।।\nचौथेंपन पायउँ सुत चारी। बिप्र बचन नहिं कहेहु बिचारी।।\nमागहु भूमि धेनु धन कोसा। सर्बस देउँ आजु सहरोसा।।\nदेह प्रान तें प्रिय कछु नाही। सोउ मुनि देउँ निमिष एक माही।।\nसब सुत प्रिय मोहि प्रान कि नाईं। राम देत नहिं बनइ गोसाई।।\nकहँ निसिचर अति घोर कठोरा। कहँ सुंदर सुत परम किसोरा।।\nसुनि नृप गिरा प्रेम रस सानी। हृदयँ हरष माना मुनि ग्यानी।।\nतब बसिष्ट बहु निधि समुझावा। नृप संदेह नास कहँ पावा।।\nअति आदर दोउ तनय बोलाए। हृदयँ लाइ बहु भाँति सिखाए।।\nमेरे प्रान नाथ सुत दोऊ। तुम्ह मुनि पिता आन नहिं कोऊ।।\nदोहा/सोरठा\nसौंपे भूप रिषिहि सुत बहु बिधि देइ असीस।\nजननी भवन गए प्रभु चले नाइ पद सीस।।208(क)।।\nपुरुषसिंह दोउ बीर हरषि चले मुनि भय हरन।।\nकृपासिंधु मतिधीर अखिल बिस्व कारन करन।।208(ख)।।", iast: "caupāī\nsuni rājā ati apriya bānī| hṛdaya kaṃpa mukha duti kumulānī||\ncautheṃpana pāyau~ suta cārī| bipra bacana nahiṃ kahehu bicārī||\nmāgahu bhūmi dhenu dhana kosā| sarbasa deu~ āju saharosā||\ndeha prāna teṃ priya kachu nāhī| sou muni deu~ nimiṣa eka māhī||\nsaba suta priya mohi prāna ki nāīṃ| rāma deta nahiṃ banai gosāī||\nkaha~ nisicara ati ghora kaṭhorā| kaha~ suṃdara suta parama kisorā||\nsuni nṛpa girā prema rasa sānī| hṛdaya~ haraṣa mānā muni gyānī||\ntaba basiṣṭa bahu nidhi samujhāvā| nṛpa saṃdeha nāsa kaha~ pāvā||\nati ādara dou tanaya bolāe| hṛdaya~ lāi bahu bhā~ti sikhāe||\nmere prāna nātha suta doū| tumha muni pitā āna nahiṃ koū||\ndohā/soraṭhā\nsauṃpe bhūpa riṣihi suta bahu bidhi dei asīsa|\njananī bhavana gae prabhu cale nāi pada sīsa||208(ka)||\npuruṣasiṃha dou bīra haraṣi cale muni bhaya harana||\nkṛpāsiṃdhu matidhīra akhila bisva kārana karana||208(kha)||" },
    { devanagari: "चौपाई\nअरुन नयन उर बाहु बिसाला। नील जलज तनु स्याम तमाला।।\nकटि पट पीत कसें बर भाथा। रुचिर चाप सायक दुहुँ हाथा।।\nस्याम गौर सुंदर दोउ भाई। बिस्बामित्र महानिधि पाई।।\nप्रभु ब्रह्मन्यदेव मै जाना। मोहि निति पिता तजेहु भगवाना।।\nचले जात मुनि दीन्हि दिखाई। सुनि ताड़का क्रोध करि धाई।।\nएकहिं बान प्रान हरि लीन्हा। दीन जानि तेहि निज पद दीन्हा।।\nतब रिषि निज नाथहि जियँ चीन्ही। बिद्यानिधि कहुँ बिद्या दीन्ही।।\nजाते लाग न छुधा पिपासा। अतुलित बल तनु तेज प्रकासा।।\nदोहा/सोरठा\nआयुष सब समर्पि कै प्रभु निज आश्रम आनि।\nकंद मूल फल भोजन दीन्ह भगति हित जानि।।209।।", iast: "caupāī\naruna nayana ura bāhu bisālā| nīla jalaja tanu syāma tamālā||\nkaṭi paṭa pīta kaseṃ bara bhāthā| rucira cāpa sāyaka duhu~ hāthā||\nsyāma gaura suṃdara dou bhāī| bisbāmitra mahānidhi pāī||\nprabhu brahmanyadeva mai jānā| mohi niti pitā tajehu bhagavānā||\ncale jāta muni dīnhi dikhāī| suni tāṛakā krodha kari dhāī||\nekahiṃ bāna prāna hari līnhā| dīna jāni tehi nija pada dīnhā||\ntaba riṣi nija nāthahi jiya~ cīnhī| bidyānidhi kahu~ bidyā dīnhī||\njāte lāga na chudhā pipāsā| atulita bala tanu teja prakāsā||\ndohā/soraṭhā\nāyuṣa saba samarpi kai prabhu nija āśrama āni|\nkaṃda mūla phala bhojana dīnha bhagati hita jāni||209||" },
    { devanagari: "चौपाई\nप्रात कहा मुनि सन रघुराई। निर्भय जग्य करहु तुम्ह जाई।।\nहोम करन लागे मुनि झारी। आपु रहे मख कीं रखवारी।।\nसुनि मारीच निसाचर क्रोही। लै सहाय धावा मुनिद्रोही।।\nबिनु फर बान राम तेहि मारा। सत जोजन गा सागर पारा।।\nपावक सर सुबाहु पुनि मारा। अनुज निसाचर कटकु सँघारा।।\nमारि असुर द्विज निर्मयकारी। अस्तुति करहिं देव मुनि झारी।।\nतहँ पुनि कछुक दिवस रघुराया। रहे कीन्हि बिप्रन्ह पर दाया।।\nभगति हेतु बहु कथा पुराना। कहे बिप्र जद्यपि प्रभु जाना।।\nतब मुनि सादर कहा बुझाई। चरित एक प्रभु देखिअ जाई।।\nधनुषजग्य मुनि रघुकुल नाथा। हरषि चले मुनिबर के साथा।।\nआश्रम एक दीख मग माहीं। खग मृग जीव जंतु तहँ नाहीं।।\nपूछा मुनिहि सिला प्रभु देखी। सकल कथा मुनि कहा बिसेषी।।\nदोहा/सोरठा\nगौतम नारि श्राप बस उपल देह धरि धीर।\nचरन कमल रज चाहति कृपा करहु रघुबीर।।210।।", iast: "caupāī\nprāta kahā muni sana raghurāī| nirbhaya jagya karahu tumha jāī||\nhoma karana lāge muni jhārī| āpu rahe makha kīṃ rakhavārī||\nsuni mārīca nisācara krohī| lai sahāya dhāvā munidrohī||\nbinu phara bāna rāma tehi mārā| sata jojana gā sāgara pārā||\npāvaka sara subāhu puni mārā| anuja nisācara kaṭaku sa~ghārā||\nmāri asura dvija nirmayakārī| astuti karahiṃ deva muni jhārī||\ntaha~ puni kachuka divasa raghurāyā| rahe kīnhi bipranha para dāyā||\nbhagati hetu bahu kathā purānā| kahe bipra jadyapi prabhu jānā||\ntaba muni sādara kahā bujhāī| carita eka prabhu dekhia jāī||\ndhanuṣajagya muni raghukula nāthā| haraṣi cale munibara ke sāthā||\nāśrama eka dīkha maga māhīṃ| khaga mṛga jīva jaṃtu taha~ nāhīṃ||\npūchā munihi silā prabhu dekhī| sakala kathā muni kahā biseṣī||\ndohā/soraṭhā\ngautama nāri śrāpa basa upala deha dhari dhīra|\ncarana kamala raja cāhati kṛpā karahu raghubīra||210||" },
    { devanagari: "छंद\nपरसत पद पावन सोक नसावन प्रगट भई तपपुंज सही।\nदेखत रघुनायक जन सुख दायक सनमुख होइ कर जोरि रही।।\nअति प्रेम अधीरा पुलक सरीरा मुख नहिं आवइ बचन कही।\nअतिसय बड़भागी चरनन्हि लागी जुगल नयन जलधार बही।।\nधीरजु मन कीन्हा प्रभु कहुँ चीन्हा रघुपति कृपाँ भगति पाई।\nअति निर्मल बानीं अस्तुति ठानी ग्यानगम्य जय रघुराई।।\nमै नारि अपावन प्रभु जग पावन रावन रिपु जन सुखदाई।\nराजीव बिलोचन भव भय मोचन पाहि पाहि सरनहिं आई।।\nमुनि श्राप जो दीन्हा अति भल कीन्हा परम अनुग्रह मैं माना।\nदेखेउँ भरि लोचन हरि भवमोचन इहइ लाभ संकर जाना।।\nबिनती प्रभु मोरी मैं मति भोरी नाथ न मागउँ बर आना।\nपद कमल परागा रस अनुरागा मम मन मधुप करै पाना।।\nजेहिं पद सुरसरिता परम पुनीता प्रगट भई सिव सीस धरी।\nसोइ पद पंकज जेहि पूजत अज मम सिर धरेउ कृपाल हरी।।\nएहि भाँति सिधारी गौतम नारी बार बार हरि चरन परी।\nजो अति मन भावा सो बरु पावा गै पतिलोक अनंद भरी।।", iast: "chaṃda\nparasata pada pāvana soka nasāvana pragaṭa bhaī tapapuṃja sahī|\ndekhata raghunāyaka jana sukha dāyaka sanamukha hoi kara jori rahī||\nati prema adhīrā pulaka sarīrā mukha nahiṃ āvai bacana kahī|\natisaya baṛabhāgī carananhi lāgī jugala nayana jaladhāra bahī||\ndhīraju mana kīnhā prabhu kahu~ cīnhā raghupati kṛpā~ bhagati pāī|\nati nirmala bānīṃ astuti ṭhānī gyānagamya jaya raghurāī||\nmai nāri apāvana prabhu jaga pāvana rāvana ripu jana sukhadāī|\nrājīva bilocana bhava bhaya mocana pāhi pāhi saranahiṃ āī||\nmuni śrāpa jo dīnhā ati bhala kīnhā parama anugraha maiṃ mānā|\ndekheu~ bhari locana hari bhavamocana ihai lābha saṃkara jānā||\nbinatī prabhu morī maiṃ mati bhorī nātha na māgau~ bara ānā|\npada kamala parāgā rasa anurāgā mama mana madhupa karai pānā||\njehiṃ pada surasaritā parama punītā pragaṭa bhaī siva sīsa dharī|\nsoi pada paṃkaja jehi pūjata aja mama sira dhareu kṛpāla harī||\nehi bhā~ti sidhārī gautama nārī bāra bāra hari carana parī|\njo ati mana bhāvā so baru pāvā gai patiloka anaṃda bharī||" },
    { devanagari: "चौपाई\nचले राम लछिमन मुनि संगा। गए जहाँ जग पावनि गंगा।।\nगाधिसूनु सब कथा सुनाई। जेहि प्रकार सुरसरि महि आई।।\nतब प्रभु रिषिन्ह समेत नहाए। बिबिध दान महिदेवन्हि पाए।।\nहरषि चले मुनि बृंद सहाया। बेगि बिदेह नगर निअराया।।\nपुर रम्यता राम जब देखी। हरषे अनुज समेत बिसेषी।।\nबापीं कूप सरित सर नाना। सलिल सुधासम मनि सोपाना।।\nगुंजत मंजु मत्त रस भृंगा। कूजत कल बहुबरन बिहंगा।।\nबरन बरन बिकसे बन जाता। त्रिबिध समीर सदा सुखदाता।।\nदोहा/सोरठा\nसुमन बाटिका बाग बन बिपुल बिहंग निवास।\nफूलत फलत सुपल्लवत सोहत पुर चहुँ पास।।212।।", iast: "caupāī\ncale rāma lachimana muni saṃgā| gae jahā~ jaga pāvani gaṃgā||\ngādhisūnu saba kathā sunāī| jehi prakāra surasari mahi āī||\ntaba prabhu riṣinha sameta nahāe| bibidha dāna mahidevanhi pāe||\nharaṣi cale muni bṛṃda sahāyā| begi bideha nagara niarāyā||\npura ramyatā rāma jaba dekhī| haraṣe anuja sameta biseṣī||\nbāpīṃ kūpa sarita sara nānā| salila sudhāsama mani sopānā||\nguṃjata maṃju matta rasa bhṛṃgā| kūjata kala bahubarana bihaṃgā||\nbarana barana bikase bana jātā| tribidha samīra sadā sukhadātā||\ndohā/soraṭhā\nsumana bāṭikā bāga bana bipula bihaṃga nivāsa|\nphūlata phalata supallavata sohata pura cahu~ pāsa||212||" },
    { devanagari: "चौपाई\nबनइ न बरनत नगर निकाई। जहाँ जाइ मन तहँइँ लोभाई।।\nचारु बजारु बिचित्र अँबारी। मनिमय बिधि जनु स्वकर सँवारी।।\nधनिक बनिक बर धनद समाना। बैठ सकल बस्तु लै नाना।।\nचौहट सुंदर गलीं सुहाई। संतत रहहिं सुगंध सिंचाई।।\nमंगलमय मंदिर सब केरें। चित्रित जनु रतिनाथ चितेरें।।\nपुर नर नारि सुभग सुचि संता। धरमसील ग्यानी गुनवंता।।\nअति अनूप जहँ जनक निवासू। बिथकहिं बिबुध बिलोकि बिलासू।।\nहोत चकित चित कोट बिलोकी। सकल भुवन सोभा जनु रोकी।।\nदोहा/सोरठा\nधवल धाम मनि पुरट पट सुघटित नाना भाँति।\nसिय निवास सुंदर सदन सोभा किमि कहि जाति।।213।।", iast: "caupāī\nbanai na baranata nagara nikāī| jahā~ jāi mana taha~i~ lobhāī||\ncāru bajāru bicitra a~bārī| manimaya bidhi janu svakara sa~vārī||\ndhanika banika bara dhanada samānā| baiṭha sakala bastu lai nānā||\ncauhaṭa suṃdara galīṃ suhāī| saṃtata rahahiṃ sugaṃdha siṃcāī||\nmaṃgalamaya maṃdira saba kereṃ| citrita janu ratinātha citereṃ||\npura nara nāri subhaga suci saṃtā| dharamasīla gyānī gunavaṃtā||\nati anūpa jaha~ janaka nivāsū| bithakahiṃ bibudha biloki bilāsū||\nhota cakita cita koṭa bilokī| sakala bhuvana sobhā janu rokī||\ndohā/soraṭhā\ndhavala dhāma mani puraṭa paṭa sughaṭita nānā bhā~ti|\nsiya nivāsa suṃdara sadana sobhā kimi kahi jāti||213||" },
    { devanagari: "चौपाई\nसुभग द्वार सब कुलिस कपाटा। भूप भीर नट मागध भाटा।।\nबनी बिसाल बाजि गज साला। हय गय रथ संकुल सब काला।।\nसूर सचिव सेनप बहुतेरे। नृपगृह सरिस सदन सब केरे।।\nपुर बाहेर सर सारित समीपा। उतरे जहँ तहँ बिपुल महीपा।।\nदेखि अनूप एक अँवराई। सब सुपास सब भाँति सुहाई।।\nकौसिक कहेउ मोर मनु माना। इहाँ रहिअ रघुबीर सुजाना।।\nभलेहिं नाथ कहि कृपानिकेता। उतरे तहँ मुनिबृंद समेता।।\nबिस्वामित्र महामुनि आए। समाचार मिथिलापति पाए।।\nदोहा/सोरठा\nसंग सचिव सुचि भूरि भट भूसुर बर गुर ग्याति।\nचले मिलन मुनिनायकहि मुदित राउ एहि भाँति।।214।।", iast: "caupāī\nsubhaga dvāra saba kulisa kapāṭā| bhūpa bhīra naṭa māgadha bhāṭā||\nbanī bisāla bāji gaja sālā| haya gaya ratha saṃkula saba kālā||\nsūra saciva senapa bahutere| nṛpagṛha sarisa sadana saba kere||\npura bāhera sara sārita samīpā| utare jaha~ taha~ bipula mahīpā||\ndekhi anūpa eka a~varāī| saba supāsa saba bhā~ti suhāī||\nkausika kaheu mora manu mānā| ihā~ rahia raghubīra sujānā||\nbhalehiṃ nātha kahi kṛpāniketā| utare taha~ munibṛṃda sametā||\nbisvāmitra mahāmuni āe| samācāra mithilāpati pāe||\ndohā/soraṭhā\nsaṃga saciva suci bhūri bhaṭa bhūsura bara gura gyāti|\ncale milana munināyakahi mudita rāu ehi bhā~ti||214||" },
    { devanagari: "चौपाई\nकीन्ह प्रनामु चरन धरि माथा। दीन्हि असीस मुदित मुनिनाथा।।\nबिप्रबृंद सब सादर बंदे। जानि भाग्य बड़ राउ अनंदे।।\nकुसल प्रस्न कहि बारहिं बारा। बिस्वामित्र नृपहि बैठारा।।\nतेहि अवसर आए दोउ भाई। गए रहे देखन फुलवाई।।\nस्याम गौर मृदु बयस किसोरा। लोचन सुखद बिस्व चित चोरा।।\nउठे सकल जब रघुपति आए। बिस्वामित्र निकट बैठाए।।\nभए सब सुखी देखि दोउ भ्राता। बारि बिलोचन पुलकित गाता।।\nमूरति मधुर मनोहर देखी। भयउ बिदेहु बिदेहु बिसेषी।।\nदोहा/सोरठा\nप्रेम मगन मनु जानि नृपु करि बिबेकु धरि धीर।\nबोलेउ मुनि पद नाइ सिरु गदगद गिरा गभीर।।215।।", iast: "caupāī\nkīnha pranāmu carana dhari māthā| dīnhi asīsa mudita munināthā||\nbiprabṛṃda saba sādara baṃde| jāni bhāgya baṛa rāu anaṃde||\nkusala prasna kahi bārahiṃ bārā| bisvāmitra nṛpahi baiṭhārā||\ntehi avasara āe dou bhāī| gae rahe dekhana phulavāī||\nsyāma gaura mṛdu bayasa kisorā| locana sukhada bisva cita corā||\nuṭhe sakala jaba raghupati āe| bisvāmitra nikaṭa baiṭhāe||\nbhae saba sukhī dekhi dou bhrātā| bāri bilocana pulakita gātā||\nmūrati madhura manohara dekhī| bhayau bidehu bidehu biseṣī||\ndohā/soraṭhā\nprema magana manu jāni nṛpu kari bibeku dhari dhīra|\nboleu muni pada nāi siru gadagada girā gabhīra||215||" },
    { devanagari: "चौपाई\nकहहु नाथ सुंदर दोउ बालक। मुनिकुल तिलक कि नृपकुल पालक।।\nब्रह्म जो निगम नेति कहि गावा। उभय बेष धरि की सोइ आवा।।\nसहज बिरागरुप मनु मोरा। थकित होत जिमि चंद चकोरा।।\nताते प्रभु पूछउँ सतिभाऊ। कहहु नाथ जनि करहु दुराऊ।।\nइन्हहि बिलोकत अति अनुरागा। बरबस ब्रह्मसुखहि मन त्यागा।।\nकह मुनि बिहसि कहेहु नृप नीका। बचन तुम्हार न होइ अलीका।।\nए प्रिय सबहि जहाँ लगि प्रानी। मन मुसुकाहिं रामु सुनि बानी।।\nरघुकुल मनि दसरथ के जाए। मम हित लागि नरेस पठाए।।\nदोहा/सोरठा\nरामु लखनु दोउ बंधुबर रूप सील बल धाम।\nमख राखेउ सबु साखि जगु जिते असुर संग्राम।।216।।", iast: "caupāī\nkahahu nātha suṃdara dou bālaka| munikula tilaka ki nṛpakula pālaka||\nbrahma jo nigama neti kahi gāvā| ubhaya beṣa dhari kī soi āvā||\nsahaja birāgarupa manu morā| thakita hota jimi caṃda cakorā||\ntāte prabhu pūchau~ satibhāū| kahahu nātha jani karahu durāū||\ninhahi bilokata ati anurāgā| barabasa brahmasukhahi mana tyāgā||\nkaha muni bihasi kahehu nṛpa nīkā| bacana tumhāra na hoi alīkā||\ne priya sabahi jahā~ lagi prānī| mana musukāhiṃ rāmu suni bānī||\nraghukula mani dasaratha ke jāe| mama hita lāgi naresa paṭhāe||\ndohā/soraṭhā\nrāmu lakhanu dou baṃdhubara rūpa sīla bala dhāma|\nmakha rākheu sabu sākhi jagu jite asura saṃgrāma||216||" },
    { devanagari: "चौपाई\nमुनि तव चरन देखि कह राऊ। कहि न सकउँ निज पुन्य प्राभाऊ।।\nसुंदर स्याम गौर दोउ भ्राता। आनँदहू के आनँद दाता।।\nइन्ह कै प्रीति परसपर पावनि। कहि न जाइ मन भाव सुहावनि।।\nसुनहु नाथ कह मुदित बिदेहू। ब्रह्म जीव इव सहज सनेहू।।\nपुनि पुनि प्रभुहि चितव नरनाहू। पुलक गात उर अधिक उछाहू।।\nम्रुनिहि प्रसंसि नाइ पद सीसू। चलेउ लवाइ नगर अवनीसू।।\nसुंदर सदनु सुखद सब काला। तहाँ बासु लै दीन्ह भुआला।।\nकरि पूजा सब बिधि सेवकाई। गयउ राउ गृह बिदा कराई।।\nदोहा/सोरठा\nरिषय संग रघुबंस मनि करि भोजनु बिश्रामु।\nबैठे प्रभु भ्राता सहित दिवसु रहा भरि जामु।।217।।", iast: "caupāī\nmuni tava carana dekhi kaha rāū| kahi na sakau~ nija punya prābhāū||\nsuṃdara syāma gaura dou bhrātā| āna~dahū ke āna~da dātā||\ninha kai prīti parasapara pāvani| kahi na jāi mana bhāva suhāvani||\nsunahu nātha kaha mudita bidehū| brahma jīva iva sahaja sanehū||\npuni puni prabhuhi citava naranāhū| pulaka gāta ura adhika uchāhū||\nmrunihi prasaṃsi nāi pada sīsū| caleu lavāi nagara avanīsū||\nsuṃdara sadanu sukhada saba kālā| tahā~ bāsu lai dīnha bhuālā||\nkari pūjā saba bidhi sevakāī| gayau rāu gṛha bidā karāī||\ndohā/soraṭhā\nriṣaya saṃga raghubaṃsa mani kari bhojanu biśrāmu|\nbaiṭhe prabhu bhrātā sahita divasu rahā bhari jāmu||217||" },
    { devanagari: "चौपाई\nलखन हृदयँ लालसा बिसेषी। जाइ जनकपुर आइअ देखी।।\nप्रभु भय बहुरि मुनिहि सकुचाहीं। प्रगट न कहहिं मनहिं मुसुकाहीं।।\nराम अनुज मन की गति जानी। भगत बछलता हिंयँ हुलसानी।।\nपरम बिनीत सकुचि मुसुकाई। बोले गुर अनुसासन पाई।।\nनाथ लखनु पुरु देखन चहहीं। प्रभु सकोच डर प्रगट न कहहीं।।\nजौं राउर आयसु मैं पावौं। नगर देखाइ तुरत लै आवौ।।\nसुनि मुनीसु कह बचन सप्रीती। कस न राम तुम्ह राखहु नीती।।\nधरम सेतु पालक तुम्ह ताता। प्रेम बिबस सेवक सुखदाता।।\nदोहा/सोरठा\nजाइ देखी आवहु नगरु सुख निधान दोउ भाइ।\nकरहु सुफल सब के नयन सुंदर बदन देखाइ।।218।।", iast: "caupāī\nlakhana hṛdaya~ lālasā biseṣī| jāi janakapura āia dekhī||\nprabhu bhaya bahuri munihi sakucāhīṃ| pragaṭa na kahahiṃ manahiṃ musukāhīṃ||\nrāma anuja mana kī gati jānī| bhagata bachalatā hiṃya~ hulasānī||\nparama binīta sakuci musukāī| bole gura anusāsana pāī||\nnātha lakhanu puru dekhana cahahīṃ| prabhu sakoca ḍara pragaṭa na kahahīṃ||\njauṃ rāura āyasu maiṃ pāvauṃ| nagara dekhāi turata lai āvau||\nsuni munīsu kaha bacana saprītī| kasa na rāma tumha rākhahu nītī||\ndharama setu pālaka tumha tātā| prema bibasa sevaka sukhadātā||\ndohā/soraṭhā\njāi dekhī āvahu nagaru sukha nidhāna dou bhāi|\nkarahu suphala saba ke nayana suṃdara badana dekhāi||218||" },
    { devanagari: "चौपाई\nमुनि पद कमल बंदि दोउ भ्राता। चले लोक लोचन सुख दाता।।\nबालक बृंदि देखि अति सोभा। लगे संग लोचन मनु लोभा।।\nपीत बसन परिकर कटि भाथा। चारु चाप सर सोहत हाथा।।\nतन अनुहरत सुचंदन खोरी। स्यामल गौर मनोहर जोरी।।\nकेहरि कंधर बाहु बिसाला। उर अति रुचिर नागमनि माला।।\nसुभग सोन सरसीरुह लोचन। बदन मयंक तापत्रय मोचन।।\nकानन्हि कनक फूल छबि देहीं। चितवत चितहि चोरि जनु लेहीं।।\nचितवनि चारु भृकुटि बर बाँकी। तिलक रेखा सोभा जनु चाँकी।।\nदोहा/सोरठा\nरुचिर चौतनीं सुभग सिर मेचक कुंचित केस।\nनख सिख सुंदर बंधु दोउ सोभा सकल सुदेस।।219।।", iast: "caupāī\nmuni pada kamala baṃdi dou bhrātā| cale loka locana sukha dātā||\nbālaka bṛṃdi dekhi ati sobhā| lage saṃga locana manu lobhā||\npīta basana parikara kaṭi bhāthā| cāru cāpa sara sohata hāthā||\ntana anuharata sucaṃdana khorī| syāmala gaura manohara jorī||\nkehari kaṃdhara bāhu bisālā| ura ati rucira nāgamani mālā||\nsubhaga sona sarasīruha locana| badana mayaṃka tāpatraya mocana||\nkānanhi kanaka phūla chabi dehīṃ| citavata citahi cori janu lehīṃ||\ncitavani cāru bhṛkuṭi bara bā~kī| tilaka rekhā sobhā janu cā~kī||\ndohā/soraṭhā\nrucira cautanīṃ subhaga sira mecaka kuṃcita kesa|\nnakha sikha suṃdara baṃdhu dou sobhā sakala sudesa||219||" },
    { devanagari: "चौपाई\nदेखन नगरु भूपसुत आए। समाचार पुरबासिन्ह पाए।।\nधाए धाम काम सब त्यागी। मनहु रंक निधि लूटन लागी।।\nनिरखि सहज सुंदर दोउ भाई। होहिं सुखी लोचन फल पाई।।\nजुबतीं भवन झरोखन्हि लागीं। निरखहिं राम रूप अनुरागीं।।\nकहहिं परसपर बचन सप्रीती। सखि इन्ह कोटि काम छबि जीती।।\nसुर नर असुर नाग मुनि माहीं। सोभा असि कहुँ सुनिअति नाहीं।।\nबिष्नु चारि भुज बिघि मुख चारी। बिकट बेष मुख पंच पुरारी।।\nअपर देउ अस कोउ न आही। यह छबि सखि पटतरिअ जाही।।\nदोहा/सोरठा\nबय किसोर सुषमा सदन स्याम गौर सुख घाम।\nअंग अंग पर वारिअहिं कोटि कोटि सत काम।।220।।", iast: "caupāī\ndekhana nagaru bhūpasuta āe| samācāra purabāsinha pāe||\ndhāe dhāma kāma saba tyāgī| manahu raṃka nidhi lūṭana lāgī||\nnirakhi sahaja suṃdara dou bhāī| hohiṃ sukhī locana phala pāī||\njubatīṃ bhavana jharokhanhi lāgīṃ| nirakhahiṃ rāma rūpa anurāgīṃ||\nkahahiṃ parasapara bacana saprītī| sakhi inha koṭi kāma chabi jītī||\nsura nara asura nāga muni māhīṃ| sobhā asi kahu~ suniati nāhīṃ||\nbiṣnu cāri bhuja bighi mukha cārī| bikaṭa beṣa mukha paṃca purārī||\napara deu asa kou na āhī| yaha chabi sakhi paṭataria jāhī||\ndohā/soraṭhā\nbaya kisora suṣamā sadana syāma gaura sukha ghāma|\naṃga aṃga para vāriahiṃ koṭi koṭi sata kāma||220||" },
    { devanagari: "चौपाई\nकहहु सखी अस को तनुधारी। जो न मोह यह रूप निहारी।।\nकोउ सप्रेम बोली मृदु बानी। जो मैं सुना सो सुनहु सयानी।।\nए दोऊ दसरथ के ढोटा। बाल मरालन्हि के कल जोटा।।\nमुनि कौसिक मख के रखवारे। जिन्ह रन अजिर निसाचर मारे।।\nस्याम गात कल कंज बिलोचन। जो मारीच सुभुज मदु मोचन।।\nकौसल्या सुत सो सुख खानी। नामु रामु धनु सायक पानी।।\nगौर किसोर बेषु बर काछें। कर सर चाप राम के पाछें।।\nलछिमनु नामु राम लघु भ्राता। सुनु सखि तासु सुमित्रा माता।।\nदोहा/सोरठा\nबिप्रकाजु करि बंधु दोउ मग मुनिबधू उधारि।\nआए देखन चापमख सुनि हरषीं सब नारि।।221।।", iast: "caupāī\nkahahu sakhī asa ko tanudhārī| jo na moha yaha rūpa nihārī||\nkou saprema bolī mṛdu bānī| jo maiṃ sunā so sunahu sayānī||\ne doū dasaratha ke ḍhoṭā| bāla marālanhi ke kala joṭā||\nmuni kausika makha ke rakhavāre| jinha rana ajira nisācara māre||\nsyāma gāta kala kaṃja bilocana| jo mārīca subhuja madu mocana||\nkausalyā suta so sukha khānī| nāmu rāmu dhanu sāyaka pānī||\ngaura kisora beṣu bara kācheṃ| kara sara cāpa rāma ke pācheṃ||\nlachimanu nāmu rāma laghu bhrātā| sunu sakhi tāsu sumitrā mātā||\ndohā/soraṭhā\nbiprakāju kari baṃdhu dou maga munibadhū udhāri|\nāe dekhana cāpamakha suni haraṣīṃ saba nāri||221||" },
    { devanagari: "चौपाई\nदेखि राम छबि कोउ एक कहई। जोगु जानकिहि यह बरु अहई।।\nजौ सखि इन्हहि देख नरनाहू। पन परिहरि हठि करइ बिबाहू।।\nकोउ कह ए भूपति पहिचाने। मुनि समेत सादर सनमाने।।\nसखि परंतु पनु राउ न तजई। बिधि बस हठि अबिबेकहि भजई।।\nकोउ कह जौं भल अहइ बिधाता। सब कहँ सुनिअ उचित फलदाता।।\nतौ जानकिहि मिलिहि बरु एहू। नाहिन आलि इहाँ संदेहू।।\nजौ बिधि बस अस बनै सँजोगू। तौ कृतकृत्य होइ सब लोगू।।\nसखि हमरें आरति अति तातें। कबहुँक ए आवहिं एहि नातें।।\nदोहा/सोरठा\nनाहिं त हम कहुँ सुनहु सखि इन्ह कर दरसनु दूरि।\nयह संघटु तब होइ जब पुन्य पुराकृत भूरि।।222।।", iast: "caupāī\ndekhi rāma chabi kou eka kahaī| jogu jānakihi yaha baru ahaī||\njau sakhi inhahi dekha naranāhū| pana parihari haṭhi karai bibāhū||\nkou kaha e bhūpati pahicāne| muni sameta sādara sanamāne||\nsakhi paraṃtu panu rāu na tajaī| bidhi basa haṭhi abibekahi bhajaī||\nkou kaha jauṃ bhala ahai bidhātā| saba kaha~ sunia ucita phaladātā||\ntau jānakihi milihi baru ehū| nāhina āli ihā~ saṃdehū||\njau bidhi basa asa banai sa~jogū| tau kṛtakṛtya hoi saba logū||\nsakhi hamareṃ ārati ati tāteṃ| kabahu~ka e āvahiṃ ehi nāteṃ||\ndohā/soraṭhā\nnāhiṃ ta hama kahu~ sunahu sakhi inha kara darasanu dūri|\nyaha saṃghaṭu taba hoi jaba punya purākṛta bhūri||222||" },
    { devanagari: "चौपाई\nबोली अपर कहेहु सखि नीका। एहिं बिआह अति हित सबहीं का।।\nकोउ कह संकर चाप कठोरा। ए स्यामल मृदुगात किसोरा।।\nसबु असमंजस अहइ सयानी। यह सुनि अपर कहइ मृदु बानी।।\nसखि इन्ह कहँ कोउ कोउ अस कहहीं। बड़ प्रभाउ देखत लघु अहहीं।।\nपरसि जासु पद पंकज धूरी। तरी अहल्या कृत अघ भूरी।।\nसो कि रहिहि बिनु सिवधनु तोरें। यह प्रतीति परिहरिअ न भोरें।।\nजेहिं बिरंचि रचि सीय सँवारी। तेहिं स्यामल बरु रचेउ बिचारी।।\nतासु बचन सुनि सब हरषानीं। ऐसेइ होउ कहहिं मुदु बानी।।\nदोहा/सोरठा\nहियँ हरषहिं बरषहिं सुमन सुमुखि सुलोचनि बृंद।\nजाहिं जहाँ जहँ बंधु दोउ तहँ तहँ परमानंद।।223।।", iast: "caupāī\nbolī apara kahehu sakhi nīkā| ehiṃ biāha ati hita sabahīṃ kā||\nkou kaha saṃkara cāpa kaṭhorā| e syāmala mṛdugāta kisorā||\nsabu asamaṃjasa ahai sayānī| yaha suni apara kahai mṛdu bānī||\nsakhi inha kaha~ kou kou asa kahahīṃ| baṛa prabhāu dekhata laghu ahahīṃ||\nparasi jāsu pada paṃkaja dhūrī| tarī ahalyā kṛta agha bhūrī||\nso ki rahihi binu sivadhanu toreṃ| yaha pratīti pariharia na bhoreṃ||\njehiṃ biraṃci raci sīya sa~vārī| tehiṃ syāmala baru raceu bicārī||\ntāsu bacana suni saba haraṣānīṃ| aisei hou kahahiṃ mudu bānī||\ndohā/soraṭhā\nhiya~ haraṣahiṃ baraṣahiṃ sumana sumukhi sulocani bṛṃda|\njāhiṃ jahā~ jaha~ baṃdhu dou taha~ taha~ paramānaṃda||223||" },
    { devanagari: "चौपाई\nपुर पूरब दिसि गे दोउ भाई। जहँ धनुमख हित भूमि बनाई।।\nअति बिस्तार चारु गच ढारी। बिमल बेदिका रुचिर सँवारी।।\nचहुँ दिसि कंचन मंच बिसाला। रचे जहाँ बेठहिं महिपाला।।\nतेहि पाछें समीप चहुँ पासा। अपर मंच मंडली बिलासा।।\nकछुक ऊँचि सब भाँति सुहाई। बैठहिं नगर लोग जहँ जाई।।\nतिन्ह के निकट बिसाल सुहाए। धवल धाम बहुबरन बनाए।।\nजहँ बैंठैं देखहिं सब नारी। जथा जोगु निज कुल अनुहारी।।\nपुर बालक कहि कहि मृदु बचना। सादर प्रभुहि देखावहिं रचना।।\nदोहा/सोरठा\nसब सिसु एहि मिस प्रेमबस परसि मनोहर गात।\nतन पुलकहिं अति हरषु हियँ देखि देखि दोउ भ्रात।।224।।", iast: "caupāī\npura pūraba disi ge dou bhāī| jaha~ dhanumakha hita bhūmi banāī||\nati bistāra cāru gaca ḍhārī| bimala bedikā rucira sa~vārī||\ncahu~ disi kaṃcana maṃca bisālā| race jahā~ beṭhahiṃ mahipālā||\ntehi pācheṃ samīpa cahu~ pāsā| apara maṃca maṃḍalī bilāsā||\nkachuka ū~ci saba bhā~ti suhāī| baiṭhahiṃ nagara loga jaha~ jāī||\ntinha ke nikaṭa bisāla suhāe| dhavala dhāma bahubarana banāe||\njaha~ baiṃṭhaiṃ dekhahiṃ saba nārī| jathā jogu nija kula anuhārī||\npura bālaka kahi kahi mṛdu bacanā| sādara prabhuhi dekhāvahiṃ racanā||\ndohā/soraṭhā\nsaba sisu ehi misa premabasa parasi manohara gāta|\ntana pulakahiṃ ati haraṣu hiya~ dekhi dekhi dou bhrāta||224||" },
    { devanagari: "चौपाई\nसिसु सब राम प्रेमबस जाने। प्रीति समेत निकेत बखाने।।\nनिज निज रुचि सब लेंहिं बोलाई। सहित सनेह जाहिं दोउ भाई।।\nराम देखावहिं अनुजहि रचना। कहि मृदु मधुर मनोहर बचना।।\nलव निमेष महँ भुवन निकाया। रचइ जासु अनुसासन माया।।\nभगति हेतु सोइ दीनदयाला। चितवत चकित धनुष मखसाला।।\nकौतुक देखि चले गुरु पाहीं। जानि बिलंबु त्रास मन माहीं।।\nजासु त्रास डर कहुँ डर होई। भजन प्रभाउ देखावत सोई।।\nकहि बातें मृदु मधुर सुहाईं। किए बिदा बालक बरिआई।।\nदोहा/सोरठा\nसभय सप्रेम बिनीत अति सकुच सहित दोउ भाइ।\nगुर पद पंकज नाइ सिर बैठे आयसु पाइ।।225।।", iast: "caupāī\nsisu saba rāma premabasa jāne| prīti sameta niketa bakhāne||\nnija nija ruci saba leṃhiṃ bolāī| sahita saneha jāhiṃ dou bhāī||\nrāma dekhāvahiṃ anujahi racanā| kahi mṛdu madhura manohara bacanā||\nlava nimeṣa maha~ bhuvana nikāyā| racai jāsu anusāsana māyā||\nbhagati hetu soi dīnadayālā| citavata cakita dhanuṣa makhasālā||\nkautuka dekhi cale guru pāhīṃ| jāni bilaṃbu trāsa mana māhīṃ||\njāsu trāsa ḍara kahu~ ḍara hoī| bhajana prabhāu dekhāvata soī||\nkahi bāteṃ mṛdu madhura suhāīṃ| kie bidā bālaka bariāī||\ndohā/soraṭhā\nsabhaya saprema binīta ati sakuca sahita dou bhāi|\ngura pada paṃkaja nāi sira baiṭhe āyasu pāi||225||" },
    { devanagari: "चौपाई\nनिसि प्रबेस मुनि आयसु दीन्हा। सबहीं संध्याबंदनु कीन्हा।।\nकहत कथा इतिहास पुरानी। रुचिर रजनि जुग जाम सिरानी।।\nमुनिबर सयन कीन्हि तब जाई। लगे चरन चापन दोउ भाई।।\nजिन्ह के चरन सरोरुह लागी। करत बिबिध जप जोग बिरागी।।\nतेइ दोउ बंधु प्रेम जनु जीते। गुर पद कमल पलोटत प्रीते।।\nबारबार मुनि अग्या दीन्ही। रघुबर जाइ सयन तब कीन्ही।।\nचापत चरन लखनु उर लाएँ। सभय सप्रेम परम सचु पाएँ।।\nपुनि पुनि प्रभु कह सोवहु ताता। पौढ़े धरि उर पद जलजाता।।\nदोहा/सोरठा\nउठे लखन निसि बिगत सुनि अरुनसिखा धुनि कान।।\nगुर तें पहिलेहिं जगतपति जागे रामु सुजान।।226।।", iast: "caupāī\nnisi prabesa muni āyasu dīnhā| sabahīṃ saṃdhyābaṃdanu kīnhā||\nkahata kathā itihāsa purānī| rucira rajani juga jāma sirānī||\nmunibara sayana kīnhi taba jāī| lage carana cāpana dou bhāī||\njinha ke carana saroruha lāgī| karata bibidha japa joga birāgī||\ntei dou baṃdhu prema janu jīte| gura pada kamala paloṭata prīte||\nbārabāra muni agyā dīnhī| raghubara jāi sayana taba kīnhī||\ncāpata carana lakhanu ura lāe~| sabhaya saprema parama sacu pāe~||\npuni puni prabhu kaha sovahu tātā| pauṛhe dhari ura pada jalajātā||\ndohā/soraṭhā\nuṭhe lakhana nisi bigata suni arunasikhā dhuni kāna||\ngura teṃ pahilehiṃ jagatapati jāge rāmu sujāna||226||" },
    { devanagari: "चौपाई\nसकल सौच करि जाइ नहाए। नित्य निबाहि मुनिहि सिर नाए।।\nसमय जानि गुर आयसु पाई। लेन प्रसून चले दोउ भाई।।\nभूप बागु बर देखेउ जाई। जहँ बसंत रितु रही लोभाई।।\nलागे बिटप मनोहर नाना। बरन बरन बर बेलि बिताना।।\nनव पल्लव फल सुमान सुहाए। निज संपति सुर रूख लजाए।।\nचातक कोकिल कीर चकोरा। कूजत बिहग नटत कल मोरा।।\nमध्य बाग सरु सोह सुहावा। मनि सोपान बिचित्र बनावा।।\nबिमल सलिलु सरसिज बहुरंगा। जलखग कूजत गुंजत भृंगा।।\nदोहा/सोरठा\nबागु तड़ागु बिलोकि प्रभु हरषे बंधु समेत।\nपरम रम्य आरामु यहु जो रामहि सुख देत।।227।।", iast: "caupāī\nsakala sauca kari jāi nahāe| nitya nibāhi munihi sira nāe||\nsamaya jāni gura āyasu pāī| lena prasūna cale dou bhāī||\nbhūpa bāgu bara dekheu jāī| jaha~ basaṃta ritu rahī lobhāī||\nlāge biṭapa manohara nānā| barana barana bara beli bitānā||\nnava pallava phala sumāna suhāe| nija saṃpati sura rūkha lajāe||\ncātaka kokila kīra cakorā| kūjata bihaga naṭata kala morā||\nmadhya bāga saru soha suhāvā| mani sopāna bicitra banāvā||\nbimala salilu sarasija bahuraṃgā| jalakhaga kūjata guṃjata bhṛṃgā||\ndohā/soraṭhā\nbāgu taṛāgu biloki prabhu haraṣe baṃdhu sameta|\nparama ramya ārāmu yahu jo rāmahi sukha deta||227||" },
    { devanagari: "चौपाई\nचहुँ दिसि चितइ पूँछि मालिगन। लगे लेन दल फूल मुदित मन।।\nतेहि अवसर सीता तहँ आई। गिरिजा पूजन जननि पठाई।।\nसंग सखीं सब सुभग सयानी। गावहिं गीत मनोहर बानी।।\nसर समीप गिरिजा गृह सोहा। बरनि न जाइ देखि मनु मोहा।।\nमज्जनु करि सर सखिन्ह समेता। गई मुदित मन गौरि निकेता।।\nपूजा कीन्हि अधिक अनुरागा। निज अनुरूप सुभग बरु मागा।।\nएक सखी सिय संगु बिहाई। गई रही देखन फुलवाई।।\nतेहि दोउ बंधु बिलोके जाई। प्रेम बिबस सीता पहिं आई।।\nदोहा/सोरठा\nतासु दसा देखि सखिन्ह पुलक गात जलु नैन।\nकहु कारनु निज हरष कर पूछहि सब मृदु बैन।।228।।", iast: "caupāī\ncahu~ disi citai pū~chi māligana| lage lena dala phūla mudita mana||\ntehi avasara sītā taha~ āī| girijā pūjana janani paṭhāī||\nsaṃga sakhīṃ saba subhaga sayānī| gāvahiṃ gīta manohara bānī||\nsara samīpa girijā gṛha sohā| barani na jāi dekhi manu mohā||\nmajjanu kari sara sakhinha sametā| gaī mudita mana gauri niketā||\npūjā kīnhi adhika anurāgā| nija anurūpa subhaga baru māgā||\neka sakhī siya saṃgu bihāī| gaī rahī dekhana phulavāī||\ntehi dou baṃdhu biloke jāī| prema bibasa sītā pahiṃ āī||\ndohā/soraṭhā\ntāsu dasā dekhi sakhinha pulaka gāta jalu naina|\nkahu kāranu nija haraṣa kara pūchahi saba mṛdu baina||228||" },
    { devanagari: "चौपाई\nदेखन बागु कुअँर दुइ आए। बय किसोर सब भाँति सुहाए।।\nस्याम गौर किमि कहौं बखानी। गिरा अनयन नयन बिनु बानी।।\nसुनि हरषीं सब सखीं सयानी। सिय हियँ अति उतकंठा जानी।।\nएक कहइ नृपसुत तेइ आली। सुने जे मुनि सँग आए काली।।\nजिन्ह निज रूप मोहनी डारी। कीन्ह स्वबस नगर नर नारी।।\nबरनत छबि जहँ तहँ सब लोगू। अवसि देखिअहिं देखन जोगू।।\nतासु वचन अति सियहि सुहाने। दरस लागि लोचन अकुलाने।।\nचली अग्र करि प्रिय सखि सोई। प्रीति पुरातन लखइ न कोई।।\nदोहा/सोरठा\nसुमिरि सीय नारद बचन उपजी प्रीति पुनीत।।\nचकित बिलोकति सकल दिसि जनु सिसु मृगी सभीत।।229।।", iast: "caupāī\ndekhana bāgu kua~ra dui āe| baya kisora saba bhā~ti suhāe||\nsyāma gaura kimi kahauṃ bakhānī| girā anayana nayana binu bānī||\nsuni haraṣīṃ saba sakhīṃ sayānī| siya hiya~ ati utakaṃṭhā jānī||\neka kahai nṛpasuta tei ālī| sune je muni sa~ga āe kālī||\njinha nija rūpa mohanī ḍārī| kīnha svabasa nagara nara nārī||\nbaranata chabi jaha~ taha~ saba logū| avasi dekhiahiṃ dekhana jogū||\ntāsu vacana ati siyahi suhāne| darasa lāgi locana akulāne||\ncalī agra kari priya sakhi soī| prīti purātana lakhai na koī||\ndohā/soraṭhā\nsumiri sīya nārada bacana upajī prīti punīta||\ncakita bilokati sakala disi janu sisu mṛgī sabhīta||229||" },
    { devanagari: "चौपाई\nकंकन किंकिनि नूपुर धुनि सुनि। कहत लखन सन रामु हृदयँ गुनि।।\nमानहुँ मदन दुंदुभी दीन्ही।।मनसा बिस्व बिजय कहँ कीन्ही।।\nअस कहि फिरि चितए तेहि ओरा। सिय मुख ससि भए नयन चकोरा।।\nभए बिलोचन चारु अचंचल। मनहुँ सकुचि निमि तजे दिगंचल।।\nदेखि सीय सोभा सुखु पावा। हृदयँ सराहत बचनु न आवा।।\nजनु बिरंचि सब निज निपुनाई। बिरचि बिस्व कहँ प्रगटि देखाई।।\nसुंदरता कहुँ सुंदर करई। छबिगृहँ दीपसिखा जनु बरई।।\nसब उपमा कबि रहे जुठारी। केहिं पटतरौं बिदेहकुमारी।।\nदोहा/सोरठा\nसिय सोभा हियँ बरनि प्रभु आपनि दसा बिचारि।\nबोले सुचि मन अनुज सन बचन समय अनुहारि।।230।।", iast: "caupāī\nkaṃkana kiṃkini nūpura dhuni suni| kahata lakhana sana rāmu hṛdaya~ guni||\nmānahu~ madana duṃdubhī dīnhī||manasā bisva bijaya kaha~ kīnhī||\nasa kahi phiri citae tehi orā| siya mukha sasi bhae nayana cakorā||\nbhae bilocana cāru acaṃcala| manahu~ sakuci nimi taje digaṃcala||\ndekhi sīya sobhā sukhu pāvā| hṛdaya~ sarāhata bacanu na āvā||\njanu biraṃci saba nija nipunāī| biraci bisva kaha~ pragaṭi dekhāī||\nsuṃdaratā kahu~ suṃdara karaī| chabigṛha~ dīpasikhā janu baraī||\nsaba upamā kabi rahe juṭhārī| kehiṃ paṭatarauṃ bidehakumārī||\ndohā/soraṭhā\nsiya sobhā hiya~ barani prabhu āpani dasā bicāri|\nbole suci mana anuja sana bacana samaya anuhāri||230||" },
    { devanagari: "चौपाई\nतात जनकतनया यह सोई। धनुषजग्य जेहि कारन होई।।\nपूजन गौरि सखीं लै आई। करत प्रकासु फिरइ फुलवाई।।\nजासु बिलोकि अलोकिक सोभा। सहज पुनीत मोर मनु छोभा।।\nसो सबु कारन जान बिधाता। फरकहिं सुभद अंग सुनु भ्राता।।\nरघुबंसिन्ह कर सहज सुभाऊ। मनु कुपंथ पगु धरइ न काऊ।।\nमोहि अतिसय प्रतीति मन केरी। जेहिं सपनेहुँ परनारि न हेरी।।\nजिन्ह कै लहहिं न रिपु रन पीठी। नहिं पावहिं परतिय मनु डीठी।।\nमंगन लहहि न जिन्ह कै नाहीं। ते नरबर थोरे जग माहीं।।\nदोहा/सोरठा\nकरत बतकहि अनुज सन मन सिय रूप लोभान।\nमुख सरोज मकरंद छबि करइ मधुप इव पान।।231।।", iast: "caupāī\ntāta janakatanayā yaha soī| dhanuṣajagya jehi kārana hoī||\npūjana gauri sakhīṃ lai āī| karata prakāsu phirai phulavāī||\njāsu biloki alokika sobhā| sahaja punīta mora manu chobhā||\nso sabu kārana jāna bidhātā| pharakahiṃ subhada aṃga sunu bhrātā||\nraghubaṃsinha kara sahaja subhāū| manu kupaṃtha pagu dharai na kāū||\nmohi atisaya pratīti mana kerī| jehiṃ sapanehu~ paranāri na herī||\njinha kai lahahiṃ na ripu rana pīṭhī| nahiṃ pāvahiṃ paratiya manu ḍīṭhī||\nmaṃgana lahahi na jinha kai nāhīṃ| te narabara thore jaga māhīṃ||\ndohā/soraṭhā\nkarata batakahi anuja sana mana siya rūpa lobhāna|\nmukha saroja makaraṃda chabi karai madhupa iva pāna||231||" },
    { devanagari: "चौपाई\nचितवहि चकित चहूँ दिसि सीता। कहँ गए नृपकिसोर मनु चिंता।।\nजहँ बिलोक मृग सावक नैनी। जनु तहँ बरिस कमल सित श्रेनी।।\nलता ओट तब सखिन्ह लखाए। स्यामल गौर किसोर सुहाए।।\nदेखि रूप लोचन ललचाने। हरषे जनु निज निधि पहिचाने।।\nथके नयन रघुपति छबि देखें। पलकन्हिहूँ परिहरीं निमेषें।।\nअधिक सनेहँ देह भै भोरी। सरद ससिहि जनु चितव चकोरी।।\nलोचन मग रामहि उर आनी। दीन्हे पलक कपाट सयानी।।\nजब सिय सखिन्ह प्रेमबस जानी। कहि न सकहिं कछु मन सकुचानी।।\nदोहा/सोरठा\nलताभवन तें प्रगट भे तेहि अवसर दोउ भाइ।\nनिकसे जनु जुग बिमल बिधु जलद पटल बिलगाइ।।232।।", iast: "caupāī\ncitavahi cakita cahū~ disi sītā| kaha~ gae nṛpakisora manu ciṃtā||\njaha~ biloka mṛga sāvaka nainī| janu taha~ barisa kamala sita śrenī||\nlatā oṭa taba sakhinha lakhāe| syāmala gaura kisora suhāe||\ndekhi rūpa locana lalacāne| haraṣe janu nija nidhi pahicāne||\nthake nayana raghupati chabi dekheṃ| palakanhihū~ pariharīṃ nimeṣeṃ||\nadhika saneha~ deha bhai bhorī| sarada sasihi janu citava cakorī||\nlocana maga rāmahi ura ānī| dīnhe palaka kapāṭa sayānī||\njaba siya sakhinha premabasa jānī| kahi na sakahiṃ kachu mana sakucānī||\ndohā/soraṭhā\nlatābhavana teṃ pragaṭa bhe tehi avasara dou bhāi|\nnikase janu juga bimala bidhu jalada paṭala bilagāi||232||" },
    { devanagari: "चौपाई\nसोभा सीवँ सुभग दोउ बीरा। नील पीत जलजाभ सरीरा।।\nमोरपंख सिर सोहत नीके। गुच्छ बीच बिच कुसुम कली के।।\nभाल तिलक श्रमबिंदु सुहाए। श्रवन सुभग भूषन छबि छाए।।\nबिकट भृकुटि कच घूघरवारे। नव सरोज लोचन रतनारे।।\nचारु चिबुक नासिका कपोला। हास बिलास लेत मनु मोला।।\nमुखछबि कहि न जाइ मोहि पाहीं। जो बिलोकि बहु काम लजाहीं।।\nउर मनि माल कंबु कल गीवा। काम कलभ कर भुज बलसींवा।।\nसुमन समेत बाम कर दोना। सावँर कुअँर सखी सुठि लोना।।\nदोहा/सोरठा\nकेहरि कटि पट पीत धर सुषमा सील निधान।\nदेखि भानुकुलभूषनहि बिसरा सखिन्ह अपान।।233।।", iast: "caupāī\nsobhā sīva~ subhaga dou bīrā| nīla pīta jalajābha sarīrā||\nmorapaṃkha sira sohata nīke| guccha bīca bica kusuma kalī ke||\nbhāla tilaka śramabiṃdu suhāe| śravana subhaga bhūṣana chabi chāe||\nbikaṭa bhṛkuṭi kaca ghūgharavāre| nava saroja locana ratanāre||\ncāru cibuka nāsikā kapolā| hāsa bilāsa leta manu molā||\nmukhachabi kahi na jāi mohi pāhīṃ| jo biloki bahu kāma lajāhīṃ||\nura mani māla kaṃbu kala gīvā| kāma kalabha kara bhuja balasīṃvā||\nsumana sameta bāma kara donā| sāva~ra kua~ra sakhī suṭhi lonā||\ndohā/soraṭhā\nkehari kaṭi paṭa pīta dhara suṣamā sīla nidhāna|\ndekhi bhānukulabhūṣanahi bisarā sakhinha apāna||233||" },
    { devanagari: "चौपाई\nधरि धीरजु एक आलि सयानी। सीता सन बोली गहि पानी।।\nबहुरि गौरि कर ध्यान करेहू। भूपकिसोर देखि किन लेहू।।\nसकुचि सीयँ तब नयन उघारे। सनमुख दोउ रघुसिंघ निहारे।।\nनख सिख देखि राम कै सोभा। सुमिरि पिता पनु मनु अति छोभा।।\nपरबस सखिन्ह लखी जब सीता। भयउ गहरु सब कहहि सभीता।।\nपुनि आउब एहि बेरिआँ काली। अस कहि मन बिहसी एक आली।।\nगूढ़ गिरा सुनि सिय सकुचानी। भयउ बिलंबु मातु भय मानी।।\nधरि बड़ि धीर रामु उर आने। फिरि अपनपउ पितुबस जाने।।\nदोहा/सोरठा\nदेखन मिस मृग बिहग तरु फिरइ बहोरि बहोरि।\nनिरखि निरखि रघुबीर छबि बाढ़इ प्रीति न थोरि।। 234।।", iast: "caupāī\ndhari dhīraju eka āli sayānī| sītā sana bolī gahi pānī||\nbahuri gauri kara dhyāna karehū| bhūpakisora dekhi kina lehū||\nsakuci sīya~ taba nayana ughāre| sanamukha dou raghusiṃgha nihāre||\nnakha sikha dekhi rāma kai sobhā| sumiri pitā panu manu ati chobhā||\nparabasa sakhinha lakhī jaba sītā| bhayau gaharu saba kahahi sabhītā||\npuni āuba ehi beriā~ kālī| asa kahi mana bihasī eka ālī||\ngūṛha girā suni siya sakucānī| bhayau bilaṃbu mātu bhaya mānī||\ndhari baṛi dhīra rāmu ura āne| phiri apanapau pitubasa jāne||\ndohā/soraṭhā\ndekhana misa mṛga bihaga taru phirai bahori bahori|\nnirakhi nirakhi raghubīra chabi bāṛhi prīti na thori|| 234||" },
    { devanagari: "चौपाई\nजानि कठिन सिवचाप बिसूरति। चली राखि उर स्यामल मूरति।।\nप्रभु जब जात जानकी जानी। सुख सनेह सोभा गुन खानी।।\nपरम प्रेममय मृदु मसि कीन्ही। चारु चित भीतीं लिख लीन्ही।।\nगई भवानी भवन बहोरी। बंदि चरन बोली कर जोरी।।\nजय जय गिरिबरराज किसोरी। जय महेस मुख चंद चकोरी।।\nजय गज बदन षड़ानन माता। जगत जननि दामिनि दुति गाता।।\nनहिं तव आदि मध्य अवसाना। अमित प्रभाउ बेदु नहिं जाना।।\nभव भव बिभव पराभव कारिनि। बिस्व बिमोहनि स्वबस बिहारिनि।।\nदोहा/सोरठा\nपतिदेवता सुतीय महुँ मातु प्रथम तव रेख।\nमहिमा अमित न सकहिं कहि सहस सारदा सेष।।235।।", iast: "caupāī\njāni kaṭhina sivacāpa bisūrati| calī rākhi ura syāmala mūrati||\nprabhu jaba jāta jānakī jānī| sukha saneha sobhā guna khānī||\nparama premamaya mṛdu masi kīnhī| cāru cita bhītīṃ likha līnhī||\ngaī bhavānī bhavana bahorī| baṃdi carana bolī kara jorī||\njaya jaya giribararāja kisorī| jaya mahesa mukha caṃda cakorī||\njaya gaja badana ṣaṛānana mātā| jagata janani dāmini duti gātā||\nnahiṃ tava ādi madhya avasānā| amita prabhāu bedu nahiṃ jānā||\nbhava bhava bibhava parābhava kārini| bisva bimohani svabasa bihārini||\ndohā/soraṭhā\npatidevatā sutīya mahu~ mātu prathama tava rekha|\nmahimā amita na sakahiṃ kahi sahasa sāradā seṣa||235||" },
    { devanagari: "चौपाई\nसेवत तोहि सुलभ फल चारी। बरदायनी पुरारि पिआरी।।\nदेबि पूजि पद कमल तुम्हारे। सुर नर मुनि सब होहिं सुखारे।।\nमोर मनोरथु जानहु नीकें। बसहु सदा उर पुर सबही कें।।\nकीन्हेउँ प्रगट न कारन तेहीं। अस कहि चरन गहे बैदेहीं।।\nबिनय प्रेम बस भई भवानी। खसी माल मूरति मुसुकानी।।\nसादर सियँ प्रसादु सिर धरेऊ। बोली गौरि हरषु हियँ भरेऊ।।\nसुनु सिय सत्य असीस हमारी। पूजिहि मन कामना तुम्हारी।।\nनारद बचन सदा सुचि साचा। सो बरु मिलिहि जाहिं मनु राचा।।", iast: "caupāī\nsevata tohi sulabha phala cārī| baradāyanī purāri piārī||\ndebi pūji pada kamala tumhāre| sura nara muni saba hohiṃ sukhāre||\nmora manorathu jānahu nīkeṃ| basahu sadā ura pura sabahī keṃ||\nkīnheu~ pragaṭa na kārana tehīṃ| asa kahi carana gahe baidehīṃ||\nbinaya prema basa bhaī bhavānī| khasī māla mūrati musukānī||\nsādara siya~ prasādu sira dhareū| bolī gauri haraṣu hiya~ bhareū||\nsunu siya satya asīsa hamārī| pūjihi mana kāmanā tumhārī||\nnārada bacana sadā suci sācā| so baru milihi jāhiṃ manu rācā||" },
    { devanagari: "चौपाई\nहृदयँ सराहत सीय लोनाई। गुर समीप गवने दोउ भाई।।\nराम कहा सबु कौसिक पाहीं। सरल सुभाउ छुअत छल नाहीं।।\nसुमन पाइ मुनि पूजा कीन्ही। पुनि असीस दुहु भाइन्ह दीन्ही।।\nसुफल मनोरथ होहुँ तुम्हारे। रामु लखनु सुनि भए सुखारे।।\nकरि भोजनु मुनिबर बिग्यानी। लगे कहन कछु कथा पुरानी।।\nबिगत दिवसु गुरु आयसु पाई। संध्या करन चले दोउ भाई।।\nप्राची दिसि ससि उयउ सुहावा। सिय मुख सरिस देखि सुखु पावा।।\nबहुरि बिचारु कीन्ह मन माहीं। सीय बदन सम हिमकर नाहीं।।\nदोहा/सोरठा\nजनमु सिंधु पुनि बंधु बिषु दिन मलीन सकलंक।\nसिय मुख समता पाव किमि चंदु बापुरो रंक।।237।।", iast: "caupāī\nhṛdaya~ sarāhata sīya lonāī| gura samīpa gavane dou bhāī||\nrāma kahā sabu kausika pāhīṃ| sarala subhāu chuata chala nāhīṃ||\nsumana pāi muni pūjā kīnhī| puni asīsa duhu bhāinha dīnhī||\nsuphala manoratha hohu~ tumhāre| rāmu lakhanu suni bhae sukhāre||\nkari bhojanu munibara bigyānī| lage kahana kachu kathā purānī||\nbigata divasu guru āyasu pāī| saṃdhyā karana cale dou bhāī||\nprācī disi sasi uyau suhāvā| siya mukha sarisa dekhi sukhu pāvā||\nbahuri bicāru kīnha mana māhīṃ| sīya badana sama himakara nāhīṃ||\ndohā/soraṭhā\njanamu siṃdhu puni baṃdhu biṣu dina malīna sakalaṃka|\nsiya mukha samatā pāva kimi caṃdu bāpuro raṃka||237||" },
    { devanagari: "चौपाई\nघटइ बढ़इ बिरहनि दुखदाई। ग्रसइ राहु निज संधिहिं पाई।।\nकोक सिकप्रद पंकज द्रोही। अवगुन बहुत चंद्रमा तोही।।\nबैदेही मुख पटतर दीन्हे। होइ दोष बड़ अनुचित कीन्हे।।\nसिय मुख छबि बिधु ब्याज बखानी। गुरु पहिं चले निसा बड़ि जानी।।\nकरि मुनि चरन सरोज प्रनामा। आयसु पाइ कीन्ह बिश्रामा।।\nबिगत निसा रघुनायक जागे। बंधु बिलोकि कहन अस लागे।।\nउदउ अरुन अवलोकहु ताता। पंकज कोक लोक सुखदाता।।\nबोले लखनु जोरि जुग पानी। प्रभु प्रभाउ सूचक मृदु बानी।।\nदोहा/सोरठा\nअरुनोदयँ सकुचे कुमुद उडगन जोति मलीन।\nजिमि तुम्हार आगमन सुनि भए नृपति बलहीन।।238।।", iast: "caupāī\nghaṭai baṛhi birahani dukhadāī| grasai rāhu nija saṃdhihiṃ pāī||\nkoka sikaprada paṃkaja drohī| avaguna bahuta caṃdramā tohī||\nbaidehī mukha paṭatara dīnhe| hoi doṣa baṛa anucita kīnhe||\nsiya mukha chabi bidhu byāja bakhānī| guru pahiṃ cale nisā baṛi jānī||\nkari muni carana saroja pranāmā| āyasu pāi kīnha biśrāmā||\nbigata nisā raghunāyaka jāge| baṃdhu biloki kahana asa lāge||\nudau aruna avalokahu tātā| paṃkaja koka loka sukhadātā||\nbole lakhanu jori juga pānī| prabhu prabhāu sūcaka mṛdu bānī||\ndohā/soraṭhā\narunodaya~ sakuce kumuda uḍagana joti malīna|\njimi tumhāra āgamana suni bhae nṛpati balahīna||238||" },
    { devanagari: "चौपाई\nनृप सब नखत करहिं उजिआरी। टारि न सकहिं चाप तम भारी।।\nकमल कोक मधुकर खग नाना। हरषे सकल निसा अवसाना।।\nऐसेहिं प्रभु सब भगत तुम्हारे। होइहहिं टूटें धनुष सुखारे।।\nउयउ भानु बिनु श्रम तम नासा। दुरे नखत जग तेजु प्रकासा।।\nरबि निज उदय ब्याज रघुराया। प्रभु प्रतापु सब नृपन्ह दिखाया।।\nतव भुज बल महिमा उदघाटी। प्रगटी धनु बिघटन परिपाटी।।\nबंधु बचन सुनि प्रभु मुसुकाने। होइ सुचि सहज पुनीत नहाने।।\nनित्यक्रिया करि गुरु पहिं आए। चरन सरोज सुभग सिर नाए।।\nसतानंदु तब जनक बोलाए। कौसिक मुनि पहिं तुरत पठाए।।\nजनक बिनय तिन्ह आइ सुनाई। हरषे बोलि लिए दोउ भाई।।\nदोहा/सोरठा\nसतानंदपद बंदि प्रभु बैठे गुर पहिं जाइ।\nचलहु तात मुनि कहेउ तब पठवा जनक बोलाइ।।239।।", iast: "caupāī\nnṛpa saba nakhata karahiṃ ujiārī| ṭāri na sakahiṃ cāpa tama bhārī||\nkamala koka madhukara khaga nānā| haraṣe sakala nisā avasānā||\naisehiṃ prabhu saba bhagata tumhāre| hoihahiṃ ṭūṭeṃ dhanuṣa sukhāre||\nuyau bhānu binu śrama tama nāsā| dure nakhata jaga teju prakāsā||\nrabi nija udaya byāja raghurāyā| prabhu pratāpu saba nṛpanha dikhāyā||\ntava bhuja bala mahimā udaghāṭī| pragaṭī dhanu bighaṭana paripāṭī||\nbaṃdhu bacana suni prabhu musukāne| hoi suci sahaja punīta nahāne||\nnityakriyā kari guru pahiṃ āe| carana saroja subhaga sira nāe||\nsatānaṃdu taba janaka bolāe| kausika muni pahiṃ turata paṭhāe||\njanaka binaya tinha āi sunāī| haraṣe boli lie dou bhāī||\ndohā/soraṭhā\nsatānaṃdapada baṃdi prabhu baiṭhe gura pahiṃ jāi|\ncalahu tāta muni kaheu taba paṭhavā janaka bolāi||239||" },
    { devanagari: "चौपाई\nसीय स्वयंबरु देखिअ जाई। ईसु काहि धौं देइ बड़ाई।।\nलखन कहा जस भाजनु सोई। नाथ कृपा तव जापर होई।।\nहरषे मुनि सब सुनि बर बानी। दीन्हि असीस सबहिं सुखु मानी।।\nपुनि मुनिबृंद समेत कृपाला। देखन चले धनुषमख साला।।\nरंगभूमि आए दोउ भाई। असि सुधि सब पुरबासिन्ह पाई।।\nचले सकल गृह काज बिसारी। बाल जुबान जरठ नर नारी।।\nदेखी जनक भीर भै भारी। सुचि सेवक सब लिए हँकारी।।\nतुरत सकल लोगन्ह पहिं जाहू। आसन उचित देहू सब काहू।।\nदोहा/सोरठा\nकहि मृदु बचन बिनीत तिन्ह बैठारे नर नारि।\nउत्तम मध्यम नीच लघु निज निज थल अनुहारि।।240।।", iast: "caupāī\nsīya svayaṃbaru dekhia jāī| īsu kāhi dhauṃ dei baṛāī||\nlakhana kahā jasa bhājanu soī| nātha kṛpā tava jāpara hoī||\nharaṣe muni saba suni bara bānī| dīnhi asīsa sabahiṃ sukhu mānī||\npuni munibṛṃda sameta kṛpālā| dekhana cale dhanuṣamakha sālā||\nraṃgabhūmi āe dou bhāī| asi sudhi saba purabāsinha pāī||\ncale sakala gṛha kāja bisārī| bāla jubāna jaraṭha nara nārī||\ndekhī janaka bhīra bhai bhārī| suci sevaka saba lie ha~kārī||\nturata sakala loganha pahiṃ jāhū| āsana ucita dehū saba kāhū||\ndohā/soraṭhā\nkahi mṛdu bacana binīta tinha baiṭhāre nara nāri|\nuttama madhyama nīca laghu nija nija thala anuhāri||240||" },
    { devanagari: "चौपाई\nराजकुअँर तेहि अवसर आए। मनहुँ मनोहरता तन छाए।।\nगुन सागर नागर बर बीरा। सुंदर स्यामल गौर सरीरा।।\nराज समाज बिराजत रूरे। उडगन महुँ जनु जुग बिधु पूरे।।\nजिन्ह कें रही भावना जैसी। प्रभु मूरति तिन्ह देखी तैसी।।\nदेखहिं रूप महा रनधीरा। मनहुँ बीर रसु धरें सरीरा।।\nडरे कुटिल नृप प्रभुहि निहारी। मनहुँ भयानक मूरति भारी।।\nरहे असुर छल छोनिप बेषा। तिन्ह प्रभु प्रगट कालसम देखा।।\nपुरबासिन्ह देखे दोउ भाई। नरभूषन लोचन सुखदाई।।\nदोहा/सोरठा\nनारि बिलोकहिं हरषि हियँ निज निज रुचि अनुरूप।\nजनु सोहत सिंगार धरि मूरति परम अनूप।।241।।", iast: "caupāī\nrājakua~ra tehi avasara āe| manahu~ manoharatā tana chāe||\nguna sāgara nāgara bara bīrā| suṃdara syāmala gaura sarīrā||\nrāja samāja birājata rūre| uḍagana mahu~ janu juga bidhu pūre||\njinha keṃ rahī bhāvanā jaisī| prabhu mūrati tinha dekhī taisī||\ndekhahiṃ rūpa mahā ranadhīrā| manahu~ bīra rasu dhareṃ sarīrā||\nḍare kuṭila nṛpa prabhuhi nihārī| manahu~ bhayānaka mūrati bhārī||\nrahe asura chala chonipa beṣā| tinha prabhu pragaṭa kālasama dekhā||\npurabāsinha dekhe dou bhāī| narabhūṣana locana sukhadāī||\ndohā/soraṭhā\nnāri bilokahiṃ haraṣi hiya~ nija nija ruci anurūpa|\njanu sohata siṃgāra dhari mūrati parama anūpa||241||" },
    { devanagari: "चौपाई\nबिदुषन्ह प्रभु बिराटमय दीसा। बहु मुख कर पग लोचन सीसा।।\nजनक जाति अवलोकहिं कैसैं। सजन सगे प्रिय लागहिं जैसें।।\nसहित बिदेह बिलोकहिं रानी। सिसु सम प्रीति न जाति बखानी।।\nजोगिन्ह परम तत्वमय भासा। सांत सुद्ध सम सहज प्रकासा।।\nहरिभगतन्ह देखे दोउ भ्राता। इष्टदेव इव सब सुख दाता।।\nरामहि चितव भायँ जेहि सीया। सो सनेहु सुखु नहिं कथनीया।।\nउर अनुभवति न कहि सक सोऊ। कवन प्रकार कहै कबि कोऊ।।\nएहि बिधि रहा जाहि जस भाऊ। तेहिं तस देखेउ कोसलराऊ।।\nदोहा/सोरठा\nराजत राज समाज महुँ कोसलराज किसोर।\nसुंदर स्यामल गौर तन बिस्व बिलोचन चोर।।242।।", iast: "caupāī\nbiduṣanha prabhu birāṭamaya dīsā| bahu mukha kara paga locana sīsā||\njanaka jāti avalokahiṃ kaisaiṃ| sajana sage priya lāgahiṃ jaiseṃ||\nsahita bideha bilokahiṃ rānī| sisu sama prīti na jāti bakhānī||\njoginha parama tatvamaya bhāsā| sāṃta suddha sama sahaja prakāsā||\nharibhagatanha dekhe dou bhrātā| iṣṭadeva iva saba sukha dātā||\nrāmahi citava bhāya~ jehi sīyā| so sanehu sukhu nahiṃ kathanīyā||\nura anubhavati na kahi saka soū| kavana prakāra kahai kabi koū||\nehi bidhi rahā jāhi jasa bhāū| tehiṃ tasa dekheu kosalarāū||\ndohā/soraṭhā\nrājata rāja samāja mahu~ kosalarāja kisora|\nsuṃdara syāmala gaura tana bisva bilocana cora||242||" },
    { devanagari: "चौपाई\nसहज मनोहर मूरति दोऊ। कोटि काम उपमा लघु सोऊ।।\nसरद चंद निंदक मुख नीके। नीरज नयन भावते जी के।।\nचितवत चारु मार मनु हरनी। भावति हृदय जाति नहीं बरनी।।\nकल कपोल श्रुति कुंडल लोला। चिबुक अधर सुंदर मृदु बोला।।\nकुमुदबंधु कर निंदक हाँसा। भृकुटी बिकट मनोहर नासा।।\nभाल बिसाल तिलक झलकाहीं। कच बिलोकि अलि अवलि लजाहीं।।\nपीत चौतनीं सिरन्हि सुहाई। कुसुम कलीं बिच बीच बनाईं।।\nरेखें रुचिर कंबु कल गीवाँ। जनु त्रिभुवन सुषमा की सीवाँ।।\nदोहा/सोरठा\nकुंजर मनि कंठा कलित उरन्हि तुलसिका माल।\nबृषभ कंध केहरि ठवनि बल निधि बाहु बिसाल।।243।।", iast: "caupāī\nsahaja manohara mūrati doū| koṭi kāma upamā laghu soū||\nsarada caṃda niṃdaka mukha nīke| nīraja nayana bhāvate jī ke||\ncitavata cāru māra manu haranī| bhāvati hṛdaya jāti nahīṃ baranī||\nkala kapola śruti kuṃḍala lolā| cibuka adhara suṃdara mṛdu bolā||\nkumudabaṃdhu kara niṃdaka hā~sā| bhṛkuṭī bikaṭa manohara nāsā||\nbhāla bisāla tilaka jhalakāhīṃ| kaca biloki ali avali lajāhīṃ||\npīta cautanīṃ siranhi suhāī| kusuma kalīṃ bica bīca banāīṃ||\nrekheṃ rucira kaṃbu kala gīvā~| janu tribhuvana suṣamā kī sīvā~||\ndohā/soraṭhā\nkuṃjara mani kaṃṭhā kalita uranhi tulasikā māla|\nbṛṣabha kaṃdha kehari ṭhavani bala nidhi bāhu bisāla||243||" },
    { devanagari: "चौपाई\nकटि तूनीर पीत पट बाँधे। कर सर धनुष बाम बर काँधे।।\nपीत जग्य उपबीत सुहाए। नख सिख मंजु महाछबि छाए।।\nदेखि लोग सब भए सुखारे। एकटक लोचन चलत न तारे।।\nहरषे जनकु देखि दोउ भाई। मुनि पद कमल गहे तब जाई।।\nकरि बिनती निज कथा सुनाई। रंग अवनि सब मुनिहि देखाई।।\nजहँ जहँ जाहि कुअँर बर दोऊ। तहँ तहँ चकित चितव सबु कोऊ।।\nनिज निज रुख रामहि सबु देखा। कोउ न जान कछु मरमु बिसेषा।।\nभलि रचना मुनि नृप सन कहेऊ। राजाँ मुदित महासुख लहेऊ।।\nदोहा/सोरठा\nसब मंचन्ह ते मंचु एक सुंदर बिसद बिसाल।\nमुनि समेत दोउ बंधु तहँ बैठारे महिपाल।।244।।", iast: "caupāī\nkaṭi tūnīra pīta paṭa bā~dhe| kara sara dhanuṣa bāma bara kā~dhe||\npīta jagya upabīta suhāe| nakha sikha maṃju mahāchabi chāe||\ndekhi loga saba bhae sukhāre| ekaṭaka locana calata na tāre||\nharaṣe janaku dekhi dou bhāī| muni pada kamala gahe taba jāī||\nkari binatī nija kathā sunāī| raṃga avani saba munihi dekhāī||\njaha~ jaha~ jāhi kua~ra bara doū| taha~ taha~ cakita citava sabu koū||\nnija nija rukha rāmahi sabu dekhā| kou na jāna kachu maramu biseṣā||\nbhali racanā muni nṛpa sana kaheū| rājā~ mudita mahāsukha laheū||\ndohā/soraṭhā\nsaba maṃcanha te maṃcu eka suṃdara bisada bisāla|\nmuni sameta dou baṃdhu taha~ baiṭhāre mahipāla||244||" },
    { devanagari: "चौपाई\nप्रभुहि देखि सब नृप हिंयँ हारे। जनु राकेस उदय भएँ तारे।।\nअसि प्रतीति सब के मन माहीं। राम चाप तोरब सक नाहीं।।\nबिनु भंजेहुँ भव धनुषु बिसाला। मेलिहि सीय राम उर माला।।\nअस बिचारि गवनहु घर भाई। जसु प्रतापु बलु तेजु गवाँई।।\nबिहसे अपर भूप सुनि बानी। जे अबिबेक अंध अभिमानी।।\nतोरेहुँ धनुषु ब्याहु अवगाहा। बिनु तोरें को कुअँरि बिआहा।।\nएक बार कालउ किन होऊ। सिय हित समर जितब हम सोऊ।।\nयह सुनि अवर महिप मुसकाने। धरमसील हरिभगत सयाने।।\nदोहा/सोरठा\nसीय बिआहबि राम गरब दूरि करि नृपन्ह के।।\nजीति को सक संग्राम दसरथ के रन बाँकुरे।।245।।", iast: "caupāī\nprabhuhi dekhi saba nṛpa hiṃya~ hāre| janu rākesa udaya bhae~ tāre||\nasi pratīti saba ke mana māhīṃ| rāma cāpa toraba saka nāhīṃ||\nbinu bhaṃjehu~ bhava dhanuṣu bisālā| melihi sīya rāma ura mālā||\nasa bicāri gavanahu ghara bhāī| jasu pratāpu balu teju gavā~ī||\nbihase apara bhūpa suni bānī| je abibeka aṃdha abhimānī||\ntorehu~ dhanuṣu byāhu avagāhā| binu toreṃ ko kua~ri biāhā||\neka bāra kālau kina hoū| siya hita samara jitaba hama soū||\nyaha suni avara mahipa musakāne| dharamasīla haribhagata sayāne||\ndohā/soraṭhā\nsīya biāhabi rāma garaba dūri kari nṛpanha ke||\njīti ko saka saṃgrāma dasaratha ke rana bā~kure||245||" },
    { devanagari: "चौपाई\nब्यर्थ मरहु जनि गाल बजाई। मन मोदकन्हि कि भूख बुताई।।\nसिख हमारि सुनि परम पुनीता। जगदंबा जानहु जियँ सीता।।\nजगत पिता रघुपतिहि बिचारी। भरि लोचन छबि लेहु निहारी।।\nसुंदर सुखद सकल गुन रासी। ए दोउ बंधु संभु उर बासी।।\nसुधा समुद्र समीप बिहाई। मृगजलु निरखि मरहु कत धाई।।\nकरहु जाइ जा कहुँ जोई भावा। हम तौ आजु जनम फलु पावा।।\nअस कहि भले भूप अनुरागे। रूप अनूप बिलोकन लागे।।\nदेखहिं सुर नभ चढ़े बिमाना। बरषहिं सुमन करहिं कल गाना।।\nदोहा/सोरठा\nजानि सुअवसरु सीय तब पठई जनक बोलाई।\nचतुर सखीं सुंदर सकल सादर चलीं लवाईं।।246।।", iast: "caupāī\nbyartha marahu jani gāla bajāī| mana modakanhi ki bhūkha butāī||\nsikha hamāri suni parama punītā| jagadaṃbā jānahu jiya~ sītā||\njagata pitā raghupatihi bicārī| bhari locana chabi lehu nihārī||\nsuṃdara sukhada sakala guna rāsī| e dou baṃdhu saṃbhu ura bāsī||\nsudhā samudra samīpa bihāī| mṛgajalu nirakhi marahu kata dhāī||\nkarahu jāi jā kahu~ joī bhāvā| hama tau āju janama phalu pāvā||\nasa kahi bhale bhūpa anurāge| rūpa anūpa bilokana lāge||\ndekhahiṃ sura nabha caṛhe bimānā| baraṣahiṃ sumana karahiṃ kala gānā||\ndohā/soraṭhā\njāni suavasaru sīya taba paṭhaī janaka bolāī|\ncatura sakhīṃ suṃdara sakala sādara calīṃ lavāīṃ||246||" },
    { devanagari: "चौपाई\nसिय सोभा नहिं जाइ बखानी। जगदंबिका रूप गुन खानी।।\nउपमा सकल मोहि लघु लागीं। प्राकृत नारि अंग अनुरागीं।।\nसिय बरनिअ तेइ उपमा देई। कुकबि कहाइ अजसु को लेई।।\nजौ पटतरिअ तीय सम सीया। जग असि जुबति कहाँ कमनीया।।\nगिरा मुखर तन अरध भवानी। रति अति दुखित अतनु पति जानी।।\nबिष बारुनी बंधु प्रिय जेही। कहिअ रमासम किमि बैदेही।।\nजौ छबि सुधा पयोनिधि होई। परम रूपमय कच्छप सोई।।\nसोभा रजु मंदरु सिंगारू। मथै पानि पंकज निज मारू।।\nदोहा/सोरठा\nएहि बिधि उपजै लच्छि जब सुंदरता सुख मूल।\nतदपि सकोच समेत कबि कहहिं सीय समतूल।।247।।", iast: "caupāī\nsiya sobhā nahiṃ jāi bakhānī| jagadaṃbikā rūpa guna khānī||\nupamā sakala mohi laghu lāgīṃ| prākṛta nāri aṃga anurāgīṃ||\nsiya barania tei upamā deī| kukabi kahāi ajasu ko leī||\njau paṭataria tīya sama sīyā| jaga asi jubati kahā~ kamanīyā||\ngirā mukhara tana aradha bhavānī| rati ati dukhita atanu pati jānī||\nbiṣa bārunī baṃdhu priya jehī| kahia ramāsama kimi baidehī||\njau chabi sudhā payonidhi hoī| parama rūpamaya kacchapa soī||\nsobhā raju maṃdaru siṃgārū| mathai pāni paṃkaja nija mārū||\ndohā/soraṭhā\nehi bidhi upajai lacchi jaba suṃdaratā sukha mūla|\ntadapi sakoca sameta kabi kahahiṃ sīya samatūla||247||" },
    { devanagari: "चौपाई\nचलिं संग लै सखीं सयानी। गावत गीत मनोहर बानी।।\nसोह नवल तनु सुंदर सारी। जगत जननि अतुलित छबि भारी।।\nभूषन सकल सुदेस सुहाए। अंग अंग रचि सखिन्ह बनाए।।\nरंगभूमि जब सिय पगु धारी। देखि रूप मोहे नर नारी।।\nहरषि सुरन्ह दुंदुभीं बजाई। बरषि प्रसून अपछरा गाई।।\nपानि सरोज सोह जयमाला। अवचट चितए सकल भुआला।।\nसीय चकित चित रामहि चाहा। भए मोहबस सब नरनाहा।।\nमुनि समीप देखे दोउ भाई। लगे ललकि लोचन निधि पाई।।\nदोहा/सोरठा\nगुरजन लाज समाजु बड़ देखि सीय सकुचानि।।\nलागि बिलोकन सखिन्ह तन रघुबीरहि उर आनि।।248।।", iast: "caupāī\ncaliṃ saṃga lai sakhīṃ sayānī| gāvata gīta manohara bānī||\nsoha navala tanu suṃdara sārī| jagata janani atulita chabi bhārī||\nbhūṣana sakala sudesa suhāe| aṃga aṃga raci sakhinha banāe||\nraṃgabhūmi jaba siya pagu dhārī| dekhi rūpa mohe nara nārī||\nharaṣi suranha duṃdubhīṃ bajāī| baraṣi prasūna apacharā gāī||\npāni saroja soha jayamālā| avacaṭa citae sakala bhuālā||\nsīya cakita cita rāmahi cāhā| bhae mohabasa saba naranāhā||\nmuni samīpa dekhe dou bhāī| lage lalaki locana nidhi pāī||\ndohā/soraṭhā\ngurajana lāja samāju baṛa dekhi sīya sakucāni||\nlāgi bilokana sakhinha tana raghubīrahi ura āni||248||" },
    { devanagari: "चौपाई\nराम रूपु अरु सिय छबि देखें। नर नारिन्ह परिहरीं निमेषें।।\nसोचहिं सकल कहत सकुचाहीं। बिधि सन बिनय करहिं मन माहीं।।\nहरु बिधि बेगि जनक जड़ताई। मति हमारि असि देहि सुहाई।।\nबिनु बिचार पनु तजि नरनाहु। सीय राम कर करै बिबाहू।।\nजग भल कहहि भाव सब काहू। हठ कीन्हे अंतहुँ उर दाहू।।\nएहिं लालसाँ मगन सब लोगू। बरु साँवरो जानकी जोगू।।\nतब बंदीजन जनक बौलाए। बिरिदावली कहत चलि आए।।\nकह नृप जाइ कहहु पन मोरा। चले भाट हियँ हरषु न थोरा।।\nदोहा/सोरठा\nबोले बंदी बचन बर सुनहु सकल महिपाल।\nपन बिदेह कर कहहिं हम भुजा उठाइ बिसाल।।249।।", iast: "caupāī\nrāma rūpu aru siya chabi dekheṃ| nara nārinha pariharīṃ nimeṣeṃ||\nsocahiṃ sakala kahata sakucāhīṃ| bidhi sana binaya karahiṃ mana māhīṃ||\nharu bidhi begi janaka jaṛatāī| mati hamāri asi dehi suhāī||\nbinu bicāra panu taji naranāhu| sīya rāma kara karai bibāhū||\njaga bhala kahahi bhāva saba kāhū| haṭha kīnhe aṃtahu~ ura dāhū||\nehiṃ lālasā~ magana saba logū| baru sā~varo jānakī jogū||\ntaba baṃdījana janaka baulāe| biridāvalī kahata cali āe||\nkaha nṛpa jāi kahahu pana morā| cale bhāṭa hiya~ haraṣu na thorā||\ndohā/soraṭhā\nbole baṃdī bacana bara sunahu sakala mahipāla|\npana bideha kara kahahiṃ hama bhujā uṭhāi bisāla||249||" },
    { devanagari: "चौपाई\nनृप भुजबल बिधु सिवधनु राहू। गरुअ कठोर बिदित सब काहू।।\nरावनु बानु महाभट भारे। देखि सरासन गवँहिं सिधारे।।\nसोइ पुरारि कोदंडु कठोरा। राज समाज आजु जोइ तोरा।।\nत्रिभुवन जय समेत बैदेही।।बिनहिं बिचार बरइ हठि तेही।।\nसुनि पन सकल भूप अभिलाषे। भटमानी अतिसय मन माखे।।\nपरिकर बाँधि उठे अकुलाई। चले इष्टदेवन्ह सिर नाई।।\nतमकि ताकि तकि सिवधनु धरहीं। उठइ न कोटि भाँति बलु करहीं।।\nजिन्ह के कछु बिचारु मन माहीं। चाप समीप महीप न जाहीं।।\nदोहा/सोरठा\nतमकि धरहिं धनु मूढ़ नृप उठइ न चलहिं लजाइ।\nमनहुँ पाइ भट बाहुबलु अधिकु अधिकु गरुआइ।।250।।", iast: "caupāī\nnṛpa bhujabala bidhu sivadhanu rāhū| garua kaṭhora bidita saba kāhū||\nrāvanu bānu mahābhaṭa bhāre| dekhi sarāsana gava~hiṃ sidhāre||\nsoi purāri kodaṃḍu kaṭhorā| rāja samāja āju joi torā||\ntribhuvana jaya sameta baidehī||binahiṃ bicāra barai haṭhi tehī||\nsuni pana sakala bhūpa abhilāṣe| bhaṭamānī atisaya mana mākhe||\nparikara bā~dhi uṭhe akulāī| cale iṣṭadevanha sira nāī||\ntamaki tāki taki sivadhanu dharahīṃ| uṭhai na koṭi bhā~ti balu karahīṃ||\njinha ke kachu bicāru mana māhīṃ| cāpa samīpa mahīpa na jāhīṃ||\ndohā/soraṭhā\ntamaki dharahiṃ dhanu mūṛha nṛpa uṭhai na calahiṃ lajāi|\nmanahu~ pāi bhaṭa bāhubalu adhiku adhiku garuāi||250||" },
    { devanagari: "चौपाई\nभूप सहस दस एकहि बारा। लगे उठावन टरइ न टारा।।\nडगइ न संभु सरासन कैसें। कामी बचन सती मनु जैसें।।\nसब नृप भए जोगु उपहासी। जैसें बिनु बिराग संन्यासी।।\nकीरति बिजय बीरता भारी। चले चाप कर बरबस हारी।।\nश्रीहत भए हारि हियँ राजा। बैठे निज निज जाइ समाजा।।\nनृपन्ह बिलोकि जनकु अकुलाने। बोले बचन रोष जनु साने।।\nदीप दीप के भूपति नाना। आए सुनि हम जो पनु ठाना।।\nदेव दनुज धरि मनुज सरीरा। बिपुल बीर आए रनधीरा।।\nदोहा/सोरठा\nकुअँरि मनोहर बिजय बड़ि कीरति अति कमनीय।\nपावनिहार बिरंचि जनु रचेउ न धनु दमनीय।।251।।", iast: "caupāī\nbhūpa sahasa dasa ekahi bārā| lage uṭhāvana ṭarai na ṭārā||\nḍagai na saṃbhu sarāsana kaiseṃ| kāmī bacana satī manu jaiseṃ||\nsaba nṛpa bhae jogu upahāsī| jaiseṃ binu birāga saṃnyāsī||\nkīrati bijaya bīratā bhārī| cale cāpa kara barabasa hārī||\nśrīhata bhae hāri hiya~ rājā| baiṭhe nija nija jāi samājā||\nnṛpanha biloki janaku akulāne| bole bacana roṣa janu sāne||\ndīpa dīpa ke bhūpati nānā| āe suni hama jo panu ṭhānā||\ndeva danuja dhari manuja sarīrā| bipula bīra āe ranadhīrā||\ndohā/soraṭhā\nkua~ri manohara bijaya baṛi kīrati ati kamanīya|\npāvanihāra biraṃci janu raceu na dhanu damanīya||251||" },
    { devanagari: "चौपाई\nकहहु काहि यहु लाभु न भावा। काहुँ न संकर चाप चढ़ावा।।\nरहउ चढ़ाउब तोरब भाई। तिलु भरि भूमि न सके छड़ाई।।\nअब जनि कोउ माखै भट मानी। बीर बिहीन मही मैं जानी।।\nतजहु आस निज निज गृह जाहू। लिखा न बिधि बैदेहि बिबाहू।।\nसुकृत जाइ जौं पनु परिहरऊँ। कुअँरि कुआरि रहउ का करऊँ।।\nजो जनतेउँ बिनु भट भुबि भाई। तौ पनु करि होतेउँ न हँसाई।।\nजनक बचन सुनि सब नर नारी। देखि जानकिहि भए दुखारी।।\nमाखे लखनु कुटिल भइँ भौंहें। रदपट फरकत नयन रिसौंहें।।\nदोहा/सोरठा\nकहि न सकत रघुबीर डर लगे बचन जनु बान।\nनाइ राम पद कमल सिरु बोले गिरा प्रमान।।252।।", iast: "caupāī\nkahahu kāhi yahu lābhu na bhāvā| kāhu~ na saṃkara cāpa caṛhāvā||\nrahau caṛhāuba toraba bhāī| tilu bhari bhūmi na sake chaṛāī||\naba jani kou mākhai bhaṭa mānī| bīra bihīna mahī maiṃ jānī||\ntajahu āsa nija nija gṛha jāhū| likhā na bidhi baidehi bibāhū||\nsukṛta jāi jauṃ panu pariharaū~| kua~ri kuāri rahau kā karaū~||\njo janateu~ binu bhaṭa bhubi bhāī| tau panu kari hoteu~ na ha~sāī||\njanaka bacana suni saba nara nārī| dekhi jānakihi bhae dukhārī||\nmākhe lakhanu kuṭila bhai~ bhauṃheṃ| radapaṭa pharakata nayana risauṃheṃ||\ndohā/soraṭhā\nkahi na sakata raghubīra ḍara lage bacana janu bāna|\nnāi rāma pada kamala siru bole girā pramāna||252||" },
    { devanagari: "चौपाई\nरघुबंसिन्ह महुँ जहँ कोउ होई। तेहिं समाज अस कहइ न कोई।।\nकही जनक जसि अनुचित बानी। बिद्यमान रघुकुल मनि जानी।।\nसुनहु भानुकुल पंकज भानू। कहउँ सुभाउ न कछु अभिमानू।।\nजौ तुम्हारि अनुसासन पावौं। कंदुक इव ब्रह्मांड उठावौं।।\nकाचे घट जिमि डारौं फोरी। सकउँ मेरु मूलक जिमि तोरी।।\nतव प्रताप महिमा भगवाना। को बापुरो पिनाक पुराना।।\nनाथ जानि अस आयसु होऊ। कौतुकु करौं बिलोकिअ सोऊ।।\nकमल नाल जिमि चाफ चढ़ावौं। जोजन सत प्रमान लै धावौं।।\nदोहा/सोरठा\nतोरौं छत्रक दंड जिमि तव प्रताप बल नाथ।\nजौं न करौं प्रभु पद सपथ कर न धरौं धनु भाथ।।253।।", iast: "caupāī\nraghubaṃsinha mahu~ jaha~ kou hoī| tehiṃ samāja asa kahai na koī||\nkahī janaka jasi anucita bānī| bidyamāna raghukula mani jānī||\nsunahu bhānukula paṃkaja bhānū| kahau~ subhāu na kachu abhimānū||\njau tumhāri anusāsana pāvauṃ| kaṃduka iva brahmāṃḍa uṭhāvauṃ||\nkāce ghaṭa jimi ḍārauṃ phorī| sakau~ meru mūlaka jimi torī||\ntava pratāpa mahimā bhagavānā| ko bāpuro pināka purānā||\nnātha jāni asa āyasu hoū| kautuku karauṃ bilokia soū||\nkamala nāla jimi cāpha caṛhāvauṃ| jojana sata pramāna lai dhāvauṃ||\ndohā/soraṭhā\ntorauṃ chatraka daṃḍa jimi tava pratāpa bala nātha|\njauṃ na karauṃ prabhu pada sapatha kara na dharauṃ dhanu bhātha||253||" },
    { devanagari: "चौपाई\nलखन सकोप बचन जे बोले। डगमगानि महि दिग्गज डोले।।\nसकल लोक सब भूप डेराने। सिय हियँ हरषु जनकु सकुचाने।।\nगुर रघुपति सब मुनि मन माहीं। मुदित भए पुनि पुनि पुलकाहीं।।\nसयनहिं रघुपति लखनु नेवारे। प्रेम समेत निकट बैठारे।।\nबिस्वामित्र समय सुभ जानी। बोले अति सनेहमय बानी।।\nउठहु राम भंजहु भवचापा। मेटहु तात जनक परितापा।।\nसुनि गुरु बचन चरन सिरु नावा। हरषु बिषादु न कछु उर आवा।।\nठाढ़े भए उठि सहज सुभाएँ। ठवनि जुबा मृगराजु लजाएँ।।\nदोहा/सोरठा\nउदित उदयगिरि मंच पर रघुबर बालपतंग।\nबिकसे संत सरोज सब हरषे लोचन भृंग।।254।।", iast: "caupāī\nlakhana sakopa bacana je bole| ḍagamagāni mahi diggaja ḍole||\nsakala loka saba bhūpa ḍerāne| siya hiya~ haraṣu janaku sakucāne||\ngura raghupati saba muni mana māhīṃ| mudita bhae puni puni pulakāhīṃ||\nsayanahiṃ raghupati lakhanu nevāre| prema sameta nikaṭa baiṭhāre||\nbisvāmitra samaya subha jānī| bole ati sanehamaya bānī||\nuṭhahu rāma bhaṃjahu bhavacāpā| meṭahu tāta janaka paritāpā||\nsuni guru bacana carana siru nāvā| haraṣu biṣādu na kachu ura āvā||\nṭhāṛhe bhae uṭhi sahaja subhāe~| ṭhavani jubā mṛgarāju lajāe~||\ndohā/soraṭhā\nudita udayagiri maṃca para raghubara bālapataṃga|\nbikase saṃta saroja saba haraṣe locana bhṛṃga||254||" },
    { devanagari: "चौपाई\nनृपन्ह केरि आसा निसि नासी। बचन नखत अवली न प्रकासी।।\nमानी महिप कुमुद सकुचाने। कपटी भूप उलूक लुकाने।।\nभए बिसोक कोक मुनि देवा। बरिसहिं सुमन जनावहिं सेवा।।\nगुर पद बंदि सहित अनुरागा। राम मुनिन्ह सन आयसु मागा।।\nसहजहिं चले सकल जग स्वामी। मत्त मंजु बर कुंजर गामी।।\nचलत राम सब पुर नर नारी। पुलक पूरि तन भए सुखारी।।\nबंदि पितर सुर सुकृत सँभारे। जौं कछु पुन्य प्रभाउ हमारे।।\nतौ सिवधनु मृनाल की नाईं। तोरहुँ राम गनेस गोसाईं।।\nदोहा/सोरठा\nरामहि प्रेम समेत लखि सखिन्ह समीप बोलाइ।\nसीता मातु सनेह बस बचन कहइ बिलखाइ।।255।।", iast: "caupāī\nnṛpanha keri āsā nisi nāsī| bacana nakhata avalī na prakāsī||\nmānī mahipa kumuda sakucāne| kapaṭī bhūpa ulūka lukāne||\nbhae bisoka koka muni devā| barisahiṃ sumana janāvahiṃ sevā||\ngura pada baṃdi sahita anurāgā| rāma muninha sana āyasu māgā||\nsahajahiṃ cale sakala jaga svāmī| matta maṃju bara kuṃjara gāmī||\ncalata rāma saba pura nara nārī| pulaka pūri tana bhae sukhārī||\nbaṃdi pitara sura sukṛta sa~bhāre| jauṃ kachu punya prabhāu hamāre||\ntau sivadhanu mṛnāla kī nāīṃ| torahu~ rāma ganesa gosāīṃ||\ndohā/soraṭhā\nrāmahi prema sameta lakhi sakhinha samīpa bolāi|\nsītā mātu saneha basa bacana kahai bilakhāi||255||" },
    { devanagari: "चौपाई\nसखि सब कौतुक देखनिहारे। जेठ कहावत हितू हमारे।।\nकोउ न बुझाइ कहइ गुर पाहीं। ए बालक असि हठ भलि नाहीं।।\nरावन बान छुआ नहिं चापा। हारे सकल भूप करि दापा।।\nसो धनु राजकुअँर कर देहीं। बाल मराल कि मंदर लेहीं।।\nभूप सयानप सकल सिरानी। सखि बिधि गति कछु जाति न जानी।।\nबोली चतुर सखी मृदु बानी। तेजवंत लघु गनिअ न रानी।।\nकहँ कुंभज कहँ सिंधु अपारा। सोषेउ सुजसु सकल संसारा।।\nरबि मंडल देखत लघु लागा। उदयँ तासु तिभुवन तम भागा।।\nदोहा/सोरठा\nमंत्र परम लघु जासु बस बिधि हरि हर सुर सर्ब।\nमहामत्त गजराज कहुँ बस कर अंकुस खर्ब।।256।।", iast: "caupāī\nsakhi saba kautuka dekhanihāre| jeṭha kahāvata hitū hamāre||\nkou na bujhāi kahai gura pāhīṃ| e bālaka asi haṭha bhali nāhīṃ||\nrāvana bāna chuā nahiṃ cāpā| hāre sakala bhūpa kari dāpā||\nso dhanu rājakua~ra kara dehīṃ| bāla marāla ki maṃdara lehīṃ||\nbhūpa sayānapa sakala sirānī| sakhi bidhi gati kachu jāti na jānī||\nbolī catura sakhī mṛdu bānī| tejavaṃta laghu gania na rānī||\nkaha~ kuṃbhaja kaha~ siṃdhu apārā| soṣeu sujasu sakala saṃsārā||\nrabi maṃḍala dekhata laghu lāgā| udaya~ tāsu tibhuvana tama bhāgā||\ndohā/soraṭhā\nmaṃtra parama laghu jāsu basa bidhi hari hara sura sarba|\nmahāmatta gajarāja kahu~ basa kara aṃkusa kharba||256||" },
    { devanagari: "चौपाई\nकाम कुसुम धनु सायक लीन्हे। सकल भुवन अपने बस कीन्हे।।\nदेबि तजिअ संसउ अस जानी। भंजब धनुष रामु सुनु रानी।।\nसखी बचन सुनि भै परतीती। मिटा बिषादु बढ़ी अति प्रीती।।\nतब रामहि बिलोकि बैदेही। सभय हृदयँ बिनवति जेहि तेही।।\nमनहीं मन मनाव अकुलानी। होहु प्रसन्न महेस भवानी।।\nकरहु सफल आपनि सेवकाई। करि हितु हरहु चाप गरुआई।।\nगननायक बरदायक देवा। आजु लगें कीन्हिउँ तुअ सेवा।।\nबार बार बिनती सुनि मोरी। करहु चाप गुरुता अति थोरी।।\nदोहा/सोरठा\nदेखि देखि रघुबीर तन सुर मनाव धरि धीर।।\nभरे बिलोचन प्रेम जल पुलकावली सरीर।।257।।", iast: "caupāī\nkāma kusuma dhanu sāyaka līnhe| sakala bhuvana apane basa kīnhe||\ndebi tajia saṃsau asa jānī| bhaṃjaba dhanuṣa rāmu sunu rānī||\nsakhī bacana suni bhai paratītī| miṭā biṣādu baṛhī ati prītī||\ntaba rāmahi biloki baidehī| sabhaya hṛdaya~ binavati jehi tehī||\nmanahīṃ mana manāva akulānī| hohu prasanna mahesa bhavānī||\nkarahu saphala āpani sevakāī| kari hitu harahu cāpa garuāī||\ngananāyaka baradāyaka devā| āju lageṃ kīnhiu~ tua sevā||\nbāra bāra binatī suni morī| karahu cāpa gurutā ati thorī||\ndohā/soraṭhā\ndekhi dekhi raghubīra tana sura manāva dhari dhīra||\nbhare bilocana prema jala pulakāvalī sarīra||257||" },
    { devanagari: "चौपाई\nनीकें निरखि नयन भरि सोभा। पितु पनु सुमिरि बहुरि मनु छोभा।।\nअहह तात दारुनि हठ ठानी। समुझत नहिं कछु लाभु न हानी।।\nसचिव सभय सिख देइ न कोई। बुध समाज बड़ अनुचित होई।।\nकहँ धनु कुलिसहु चाहि कठोरा। कहँ स्यामल मृदुगात किसोरा।।\nबिधि केहि भाँति धरौं उर धीरा। सिरस सुमन कन बेधिअ हीरा।।\nसकल सभा कै मति भै भोरी। अब मोहि संभुचाप गति तोरी।।\nनिज जड़ता लोगन्ह पर डारी। होहि हरुअ रघुपतिहि निहारी।।\nअति परिताप सीय मन माही। लव निमेष जुग सब सय जाहीं।।\nदोहा/सोरठा\nप्रभुहि चितइ पुनि चितव महि राजत लोचन लोल।\nखेलत मनसिज मीन जुग जनु बिधु मंडल डोल।।258।।", iast: "caupāī\nnīkeṃ nirakhi nayana bhari sobhā| pitu panu sumiri bahuri manu chobhā||\nahaha tāta dāruni haṭha ṭhānī| samujhata nahiṃ kachu lābhu na hānī||\nsaciva sabhaya sikha dei na koī| budha samāja baṛa anucita hoī||\nkaha~ dhanu kulisahu cāhi kaṭhorā| kaha~ syāmala mṛdugāta kisorā||\nbidhi kehi bhā~ti dharauṃ ura dhīrā| sirasa sumana kana bedhia hīrā||\nsakala sabhā kai mati bhai bhorī| aba mohi saṃbhucāpa gati torī||\nnija jaṛatā loganha para ḍārī| hohi harua raghupatihi nihārī||\nati paritāpa sīya mana māhī| lava nimeṣa juga saba saya jāhīṃ||\ndohā/soraṭhā\nprabhuhi citai puni citava mahi rājata locana lola|\nkhelata manasija mīna juga janu bidhu maṃḍala ḍola||258||" },
    { devanagari: "चौपाई\nगिरा अलिनि मुख पंकज रोकी। प्रगट न लाज निसा अवलोकी।।\nलोचन जलु रह लोचन कोना। जैसे परम कृपन कर सोना।।\nसकुची ब्याकुलता बड़ि जानी। धरि धीरजु प्रतीति उर आनी।।\nतन मन बचन मोर पनु साचा। रघुपति पद सरोज चितु राचा।।\nतौ भगवानु सकल उर बासी। करिहिं मोहि रघुबर कै दासी।।\nजेहि कें जेहि पर सत्य सनेहू। सो तेहि मिलइ न कछु संहेहू।।\nप्रभु तन चितइ प्रेम तन ठाना। कृपानिधान राम सबु जाना।।\nसियहि बिलोकि तकेउ धनु कैसे। चितव गरुरु लघु ब्यालहि जैसे।।\nदोहा/सोरठा\nलखन लखेउ रघुबंसमनि ताकेउ हर कोदंडु।\nपुलकि गात बोले बचन चरन चापि ब्रह्मांडु।।259।।", iast: "caupāī\ngirā alini mukha paṃkaja rokī| pragaṭa na lāja nisā avalokī||\nlocana jalu raha locana konā| jaise parama kṛpana kara sonā||\nsakucī byākulatā baṛi jānī| dhari dhīraju pratīti ura ānī||\ntana mana bacana mora panu sācā| raghupati pada saroja citu rācā||\ntau bhagavānu sakala ura bāsī| karihiṃ mohi raghubara kai dāsī||\njehi keṃ jehi para satya sanehū| so tehi milai na kachu saṃhehū||\nprabhu tana citai prema tana ṭhānā| kṛpānidhāna rāma sabu jānā||\nsiyahi biloki takeu dhanu kaise| citava garuru laghu byālahi jaise||\ndohā/soraṭhā\nlakhana lakheu raghubaṃsamani tākeu hara kodaṃḍu|\npulaki gāta bole bacana carana cāpi brahmāṃḍu||259||" },
    { devanagari: "चौपाई\nदिसकुंजरहु कमठ अहि कोला। धरहु धरनि धरि धीर न डोला।।\nरामु चहहिं संकर धनु तोरा। होहु सजग सुनि आयसु मोरा।।\nचाप सपीप रामु जब आए। नर नारिन्ह सुर सुकृत मनाए।।\nसब कर संसउ अरु अग्यानू। मंद महीपन्ह कर अभिमानू।।\nभृगुपति केरि गरब गरुआई। सुर मुनिबरन्ह केरि कदराई।।\nसिय कर सोचु जनक पछितावा। रानिन्ह कर दारुन दुख दावा।।\nसंभुचाप बड बोहितु पाई। चढे जाइ सब संगु बनाई।।\nराम बाहुबल सिंधु अपारू। चहत पारु नहि कोउ कड़हारू।।\nदोहा/सोरठा\nराम बिलोके लोग सब चित्र लिखे से देखि।\nचितई सीय कृपायतन जानी बिकल बिसेषि।।260।।", iast: "caupāī\ndisakuṃjarahu kamaṭha ahi kolā| dharahu dharani dhari dhīra na ḍolā||\nrāmu cahahiṃ saṃkara dhanu torā| hohu sajaga suni āyasu morā||\ncāpa sapīpa rāmu jaba āe| nara nārinha sura sukṛta manāe||\nsaba kara saṃsau aru agyānū| maṃda mahīpanha kara abhimānū||\nbhṛgupati keri garaba garuāī| sura munibaranha keri kadarāī||\nsiya kara socu janaka pachitāvā| rāninha kara dāruna dukha dāvā||\nsaṃbhucāpa baḍa bohitu pāī| caḍhe jāi saba saṃgu banāī||\nrāma bāhubala siṃdhu apārū| cahata pāru nahi kou kaṛahārū||\ndohā/soraṭhā\nrāma biloke loga saba citra likhe se dekhi|\ncitaī sīya kṛpāyatana jānī bikala biseṣi||260||" },
    { devanagari: "चौपाई\nदेखी बिपुल बिकल बैदेही। निमिष बिहात कलप सम तेही।।\nतृषित बारि बिनु जो तनु त्यागा। मुएँ करइ का सुधा तड़ागा।।\nका बरषा सब कृषी सुखानें। समय चुकें पुनि का पछितानें।।\nअस जियँ जानि जानकी देखी। प्रभु पुलके लखि प्रीति बिसेषी।।\nगुरहि प्रनामु मनहि मन कीन्हा। अति लाघवँ उठाइ धनु लीन्हा।।\nदमकेउ दामिनि जिमि जब लयऊ। पुनि नभ धनु मंडल सम भयऊ।।\nलेत चढ़ावत खैंचत गाढ़ें। काहुँ न लखा देख सबु ठाढ़ें।।\nतेहि छन राम मध्य धनु तोरा। भरे भुवन धुनि घोर कठोरा।।", iast: "caupāī\ndekhī bipula bikala baidehī| nimiṣa bihāta kalapa sama tehī||\ntṛṣita bāri binu jo tanu tyāgā| mue~ karai kā sudhā taṛāgā||\nkā baraṣā saba kṛṣī sukhāneṃ| samaya cukeṃ puni kā pachitāneṃ||\nasa jiya~ jāni jānakī dekhī| prabhu pulake lakhi prīti biseṣī||\ngurahi pranāmu manahi mana kīnhā| ati lāghava~ uṭhāi dhanu līnhā||\ndamakeu dāmini jimi jaba layaū| puni nabha dhanu maṃḍala sama bhayaū||\nleta caṛhāvata khaiṃcata gāṛheṃ| kāhu~ na lakhā dekha sabu ṭhāṛheṃ||\ntehi chana rāma madhya dhanu torā| bhare bhuvana dhuni ghora kaṭhorā||" },
    { devanagari: "चौपाई\nप्रभु दोउ चापखंड महि डारे। देखि लोग सब भए सुखारे।।\nकोसिकरुप पयोनिधि पावन। प्रेम बारि अवगाहु सुहावन।।\nरामरूप राकेसु निहारी। बढ़त बीचि पुलकावलि भारी।।\nबाजे नभ गहगहे निसाना। देवबधू नाचहिं करि गाना।।\nब्रह्मादिक सुर सिद्ध मुनीसा। प्रभुहि प्रसंसहि देहिं असीसा।।\nबरिसहिं सुमन रंग बहु माला। गावहिं किंनर गीत रसाला।।\nरही भुवन भरि जय जय बानी। धनुषभंग धुनि जात न जानी।।\nमुदित कहहिं जहँ तहँ नर नारी। भंजेउ राम संभुधनु भारी।।\nदोहा/सोरठा\nबंदी मागध सूतगन बिरुद बदहिं मतिधीर।\nकरहिं निछावरि लोग सब हय गय धन मनि चीर।।262।।", iast: "caupāī\nprabhu dou cāpakhaṃḍa mahi ḍāre| dekhi loga saba bhae sukhāre||\nkosikarupa payonidhi pāvana| prema bāri avagāhu suhāvana||\nrāmarūpa rākesu nihārī| baṛhata bīci pulakāvali bhārī||\nbāje nabha gahagahe nisānā| devabadhū nācahiṃ kari gānā||\nbrahmādika sura siddha munīsā| prabhuhi prasaṃsahi dehiṃ asīsā||\nbarisahiṃ sumana raṃga bahu mālā| gāvahiṃ kiṃnara gīta rasālā||\nrahī bhuvana bhari jaya jaya bānī| dhanuṣabhaṃga dhuni jāta na jānī||\nmudita kahahiṃ jaha~ taha~ nara nārī| bhaṃjeu rāma saṃbhudhanu bhārī||\ndohā/soraṭhā\nbaṃdī māgadha sūtagana biruda badahiṃ matidhīra|\nkarahiṃ nichāvari loga saba haya gaya dhana mani cīra||262||" },
    { devanagari: "चौपाई\nझाँझि मृदंग संख सहनाई। भेरि ढोल दुंदुभी सुहाई।।\nबाजहिं बहु बाजने सुहाए। जहँ तहँ जुबतिन्ह मंगल गाए।।\nसखिन्ह सहित हरषी अति रानी। सूखत धान परा जनु पानी।।\nजनक लहेउ सुखु सोचु बिहाई। पैरत थकें थाह जनु पाई।।\nश्रीहत भए भूप धनु टूटे। जैसें दिवस दीप छबि छूटे।।\nसीय सुखहि बरनिअ केहि भाँती। जनु चातकी पाइ जलु स्वाती।।\nरामहि लखनु बिलोकत कैसें। ससिहि चकोर किसोरकु जैसें।।\nसतानंद तब आयसु दीन्हा। सीताँ गमनु राम पहिं कीन्हा।।\nदोहा/सोरठा\nसंग सखीं सुदंर चतुर गावहिं मंगलचार।\nगवनी बाल मराल गति सुषमा अंग अपार।।263।।", iast: "caupāī\njhā~jhi mṛdaṃga saṃkha sahanāī| bheri ḍhola duṃdubhī suhāī||\nbājahiṃ bahu bājane suhāe| jaha~ taha~ jubatinha maṃgala gāe||\nsakhinha sahita haraṣī ati rānī| sūkhata dhāna parā janu pānī||\njanaka laheu sukhu socu bihāī| pairata thakeṃ thāha janu pāī||\nśrīhata bhae bhūpa dhanu ṭūṭe| jaiseṃ divasa dīpa chabi chūṭe||\nsīya sukhahi barania kehi bhā~tī| janu cātakī pāi jalu svātī||\nrāmahi lakhanu bilokata kaiseṃ| sasihi cakora kisoraku jaiseṃ||\nsatānaṃda taba āyasu dīnhā| sītā~ gamanu rāma pahiṃ kīnhā||\ndohā/soraṭhā\nsaṃga sakhīṃ sudaṃra catura gāvahiṃ maṃgalacāra|\ngavanī bāla marāla gati suṣamā aṃga apāra||263||" },
    { devanagari: "चौपाई\nसखिन्ह मध्य सिय सोहति कैसे। छबिगन मध्य महाछबि जैसें।।\nकर सरोज जयमाल सुहाई। बिस्व बिजय सोभा जेहिं छाई।।\nतन सकोचु मन परम उछाहू। गूढ़ प्रेमु लखि परइ न काहू।।\nजाइ समीप राम छबि देखी। रहि जनु कुँअरि चित्र अवरेखी।।\nचतुर सखीं लखि कहा बुझाई। पहिरावहु जयमाल सुहाई।।\nसुनत जुगल कर माल उठाई। प्रेम बिबस पहिराइ न जाई।।\nसोहत जनु जुग जलज सनाला। ससिहि सभीत देत जयमाला।।\nगावहिं छबि अवलोकि सहेली। सियँ जयमाल राम उर मेली।।\nदोहा/सोरठा\nरघुबर उर जयमाल देखि देव बरिसहिं सुमन।\nसकुचे सकल भुआल जनु बिलोकि रबि कुमुदगन।।264।।", iast: "caupāī\nsakhinha madhya siya sohati kaise| chabigana madhya mahāchabi jaiseṃ||\nkara saroja jayamāla suhāī| bisva bijaya sobhā jehiṃ chāī||\ntana sakocu mana parama uchāhū| gūṛha premu lakhi parai na kāhū||\njāi samīpa rāma chabi dekhī| rahi janu ku~ari citra avarekhī||\ncatura sakhīṃ lakhi kahā bujhāī| pahirāvahu jayamāla suhāī||\nsunata jugala kara māla uṭhāī| prema bibasa pahirāi na jāī||\nsohata janu juga jalaja sanālā| sasihi sabhīta deta jayamālā||\ngāvahiṃ chabi avaloki sahelī| siya~ jayamāla rāma ura melī||\ndohā/soraṭhā\nraghubara ura jayamāla dekhi deva barisahiṃ sumana|\nsakuce sakala bhuāla janu biloki rabi kumudagana||264||" },
    { devanagari: "चौपाई\nपुर अरु ब्योम बाजने बाजे। खल भए मलिन साधु सब राजे।।\nसुर किंनर नर नाग मुनीसा। जय जय जय कहि देहिं असीसा।।\nनाचहिं गावहिं बिबुध बधूटीं। बार बार कुसुमांजलि छूटीं।।\nजहँ तहँ बिप्र बेदधुनि करहीं। बंदी बिरदावलि उच्चरहीं।।\nमहि पाताल नाक जसु ब्यापा। राम बरी सिय भंजेउ चापा।।\nकरहिं आरती पुर नर नारी। देहिं निछावरि बित्त बिसारी।।\nसोहति सीय राम कै जौरी। छबि सिंगारु मनहुँ एक ठोरी।।\nसखीं कहहिं प्रभुपद गहु सीता। करति न चरन परस अति भीता।।\nदोहा/सोरठा\nगौतम तिय गति सुरति करि नहिं परसति पग पानि।\nमन बिहसे रघुबंसमनि प्रीति अलौकिक जानि।।265।।", iast: "caupāī\npura aru byoma bājane bāje| khala bhae malina sādhu saba rāje||\nsura kiṃnara nara nāga munīsā| jaya jaya jaya kahi dehiṃ asīsā||\nnācahiṃ gāvahiṃ bibudha badhūṭīṃ| bāra bāra kusumāṃjali chūṭīṃ||\njaha~ taha~ bipra bedadhuni karahīṃ| baṃdī biradāvali uccarahīṃ||\nmahi pātāla nāka jasu byāpā| rāma barī siya bhaṃjeu cāpā||\nkarahiṃ āratī pura nara nārī| dehiṃ nichāvari bitta bisārī||\nsohati sīya rāma kai jaurī| chabi siṃgāru manahu~ eka ṭhorī||\nsakhīṃ kahahiṃ prabhupada gahu sītā| karati na carana parasa ati bhītā||\ndohā/soraṭhā\ngautama tiya gati surati kari nahiṃ parasati paga pāni|\nmana bihase raghubaṃsamani prīti alaukika jāni||265||" },
    { devanagari: "चौपाई\nतब सिय देखि भूप अभिलाषे। कूर कपूत मूढ़ मन माखे।।\nउठि उठि पहिरि सनाह अभागे। जहँ तहँ गाल बजावन लागे।।\nलेहु छड़ाइ सीय कह कोऊ। धरि बाँधहु नृप बालक दोऊ।।\nतोरें धनुषु चाड़ नहिं सरई। जीवत हमहि कुअँरि को बरई।।\nजौं बिदेहु कछु करै सहाई। जीतहु समर सहित दोउ भाई।।\nसाधु भूप बोले सुनि बानी। राजसमाजहि लाज लजानी।।\nबलु प्रतापु बीरता बड़ाई। नाक पिनाकहि संग सिधाई।।\nसोइ सूरता कि अब कहुँ पाई। असि बुधि तौ बिधि मुहँ मसि लाई।।\nदोहा/सोरठा\nदेखहु रामहि नयन भरि तजि इरिषा मदु कोहु।\nलखन रोषु पावकु प्रबल जानि सलभ जनि होहु।।266।।", iast: "caupāī\ntaba siya dekhi bhūpa abhilāṣe| kūra kapūta mūṛha mana mākhe||\nuṭhi uṭhi pahiri sanāha abhāge| jaha~ taha~ gāla bajāvana lāge||\nlehu chaṛāi sīya kaha koū| dhari bā~dhahu nṛpa bālaka doū||\ntoreṃ dhanuṣu cāṛa nahiṃ saraī| jīvata hamahi kua~ri ko baraī||\njauṃ bidehu kachu karai sahāī| jītahu samara sahita dou bhāī||\nsādhu bhūpa bole suni bānī| rājasamājahi lāja lajānī||\nbalu pratāpu bīratā baṛāī| nāka pinākahi saṃga sidhāī||\nsoi sūratā ki aba kahu~ pāī| asi budhi tau bidhi muha~ masi lāī||\ndohā/soraṭhā\ndekhahu rāmahi nayana bhari taji iriṣā madu kohu|\nlakhana roṣu pāvaku prabala jāni salabha jani hohu||266||" },
    { devanagari: "चौपाई\nबैनतेय बलि जिमि चह कागू। जिमि ससु चहै नाग अरि भागू।।\nजिमि चह कुसल अकारन कोही। सब संपदा चहै सिवद्रोही।।\nलोभी लोलुप कल कीरति चहई। अकलंकता कि कामी लहई।।\nहरि पद बिमुख परम गति चाहा। तस तुम्हार लालचु नरनाहा।।\nकोलाहलु सुनि सीय सकानी। सखीं लवाइ गईं जहँ रानी।।\nरामु सुभायँ चले गुरु पाहीं। सिय सनेहु बरनत मन माहीं।।\nरानिन्ह सहित सोचबस सीया। अब धौं बिधिहि काह करनीया।।\nभूप बचन सुनि इत उत तकहीं। लखनु राम डर बोलि न सकहीं।।\nदोहा/सोरठा\nअरुन नयन भृकुटी कुटिल चितवत नृपन्ह सकोप।\nमनहुँ मत्त गजगन निरखि सिंघकिसोरहि चोप।।267।।", iast: "caupāī\nbainateya bali jimi caha kāgū| jimi sasu cahai nāga ari bhāgū||\njimi caha kusala akārana kohī| saba saṃpadā cahai sivadrohī||\nlobhī lolupa kala kīrati cahaī| akalaṃkatā ki kāmī lahaī||\nhari pada bimukha parama gati cāhā| tasa tumhāra lālacu naranāhā||\nkolāhalu suni sīya sakānī| sakhīṃ lavāi gaīṃ jaha~ rānī||\nrāmu subhāya~ cale guru pāhīṃ| siya sanehu baranata mana māhīṃ||\nrāninha sahita socabasa sīyā| aba dhauṃ bidhihi kāha karanīyā||\nbhūpa bacana suni ita uta takahīṃ| lakhanu rāma ḍara boli na sakahīṃ||\ndohā/soraṭhā\naruna nayana bhṛkuṭī kuṭila citavata nṛpanha sakopa|\nmanahu~ matta gajagana nirakhi siṃghakisorahi copa||267||" },
    { devanagari: "चौपाई\nखरभरु देखि बिकल पुर नारीं। सब मिलि देहिं महीपन्ह गारीं।।\nतेहिं अवसर सुनि सिव धनु भंगा। आयसु भृगुकुल कमल पतंगा।।\nदेखि महीप सकल सकुचाने। बाज झपट जनु लवा लुकाने।।\nगौरि सरीर भूति भल भ्राजा। भाल बिसाल त्रिपुंड बिराजा।।\nसीस जटा ससिबदनु सुहावा। रिसबस कछुक अरुन होइ आवा।।\nभृकुटी कुटिल नयन रिस राते। सहजहुँ चितवत मनहुँ रिसाते।।\nबृषभ कंध उर बाहु बिसाला। चारु जनेउ माल मृगछाला।।\nकटि मुनि बसन तून दुइ बाँधें। धनु सर कर कुठारु कल काँधें।।\nदोहा/सोरठा\nसांत बेषु करनी कठिन बरनि न जाइ सरुप।\nधरि मुनितनु जनु बीर रसु आयउ जहँ सब भूप।।268।।", iast: "caupāī\nkharabharu dekhi bikala pura nārīṃ| saba mili dehiṃ mahīpanha gārīṃ||\ntehiṃ avasara suni siva dhanu bhaṃgā| āyasu bhṛgukula kamala pataṃgā||\ndekhi mahīpa sakala sakucāne| bāja jhapaṭa janu lavā lukāne||\ngauri sarīra bhūti bhala bhrājā| bhāla bisāla tripuṃḍa birājā||\nsīsa jaṭā sasibadanu suhāvā| risabasa kachuka aruna hoi āvā||\nbhṛkuṭī kuṭila nayana risa rāte| sahajahu~ citavata manahu~ risāte||\nbṛṣabha kaṃdha ura bāhu bisālā| cāru janeu māla mṛgachālā||\nkaṭi muni basana tūna dui bā~dheṃ| dhanu sara kara kuṭhāru kala kā~dheṃ||\ndohā/soraṭhā\nsāṃta beṣu karanī kaṭhina barani na jāi sarupa|\ndhari munitanu janu bīra rasu āyau jaha~ saba bhūpa||268||" },
    { devanagari: "चौपाई\nदेखत भृगुपति बेषु कराला। उठे सकल भय बिकल भुआला।।\nपितु समेत कहि कहि निज नामा। लगे करन सब दंड प्रनामा।।\nजेहि सुभायँ चितवहिं हितु जानी। सो जानइ जनु आइ खुटानी।।\nजनक बहोरि आइ सिरु नावा। सीय बोलाइ प्रनामु करावा।।\nआसिष दीन्हि सखीं हरषानीं। निज समाज लै गई सयानीं।।\nबिस्वामित्रु मिले पुनि आई। पद सरोज मेले दोउ भाई।।\nरामु लखनु दसरथ के ढोटा। दीन्हि असीस देखि भल जोटा।।\nरामहि चितइ रहे थकि लोचन। रूप अपार मार मद मोचन।।\nदोहा/सोरठा\nबहुरि बिलोकि बिदेह सन कहहु काह अति भीर।।\nपूछत जानि अजान जिमि ब्यापेउ कोपु सरीर।।269।।", iast: "caupāī\ndekhata bhṛgupati beṣu karālā| uṭhe sakala bhaya bikala bhuālā||\npitu sameta kahi kahi nija nāmā| lage karana saba daṃḍa pranāmā||\njehi subhāya~ citavahiṃ hitu jānī| so jānai janu āi khuṭānī||\njanaka bahori āi siru nāvā| sīya bolāi pranāmu karāvā||\nāsiṣa dīnhi sakhīṃ haraṣānīṃ| nija samāja lai gaī sayānīṃ||\nbisvāmitru mile puni āī| pada saroja mele dou bhāī||\nrāmu lakhanu dasaratha ke ḍhoṭā| dīnhi asīsa dekhi bhala joṭā||\nrāmahi citai rahe thaki locana| rūpa apāra māra mada mocana||\ndohā/soraṭhā\nbahuri biloki bideha sana kahahu kāha ati bhīra||\npūchata jāni ajāna jimi byāpeu kopu sarīra||269||" },
    { devanagari: "चौपाई\nसमाचार कहि जनक सुनाए। जेहि कारन महीप सब आए।।\nसुनत बचन फिरि अनत निहारे। देखे चापखंड महि डारे।।\nअति रिस बोले बचन कठोरा। कहु जड़ जनक धनुष कै तोरा।।\nबेगि देखाउ मूढ़ न त आजू। उलटउँ महि जहँ लहि तव राजू।।\nअति डरु उतरु देत नृपु नाहीं। कुटिल भूप हरषे मन माहीं।।\nसुर मुनि नाग नगर नर नारी।।सोचहिं सकल त्रास उर भारी।।\nमन पछिताति सीय महतारी। बिधि अब सँवरी बात बिगारी।।\nभृगुपति कर सुभाउ सुनि सीता। अरध निमेष कलप सम बीता।।\nदोहा/सोरठा\nसभय बिलोके लोग सब जानि जानकी भीरु।\nहृदयँ न हरषु बिषादु कछु बोले श्रीरघुबीरु।।270।।", iast: "caupāī\nsamācāra kahi janaka sunāe| jehi kārana mahīpa saba āe||\nsunata bacana phiri anata nihāre| dekhe cāpakhaṃḍa mahi ḍāre||\nati risa bole bacana kaṭhorā| kahu jaṛa janaka dhanuṣa kai torā||\nbegi dekhāu mūṛha na ta ājū| ulaṭau~ mahi jaha~ lahi tava rājū||\nati ḍaru utaru deta nṛpu nāhīṃ| kuṭila bhūpa haraṣe mana māhīṃ||\nsura muni nāga nagara nara nārī||socahiṃ sakala trāsa ura bhārī||\nmana pachitāti sīya mahatārī| bidhi aba sa~varī bāta bigārī||\nbhṛgupati kara subhāu suni sītā| aradha nimeṣa kalapa sama bītā||\ndohā/soraṭhā\nsabhaya biloke loga saba jāni jānakī bhīru|\nhṛdaya~ na haraṣu biṣādu kachu bole śrīraghubīru||270||" },
    { devanagari: "चौपाई\nनाथ संभुधनु भंजनिहारा। होइहि केउ एक दास तुम्हारा।।\nआयसु काह कहिअ किन मोही। सुनि रिसाइ बोले मुनि कोही।।\nसेवकु सो जो करै सेवकाई। अरि करनी करि करिअ लराई।।\nसुनहु राम जेहिं सिवधनु तोरा। सहसबाहु सम सो रिपु मोरा।।\nसो बिलगाउ बिहाइ समाजा। न त मारे जैहहिं सब राजा।।\nसुनि मुनि बचन लखन मुसुकाने। बोले परसुधरहि अपमाने।।\nबहु धनुहीं तोरीं लरिकाईं। कबहुँ न असि रिस कीन्हि गोसाईं।।\nएहि धनु पर ममता केहि हेतू। सुनि रिसाइ कह भृगुकुलकेतू।।\nदोहा/सोरठा\nरे नृप बालक कालबस बोलत तोहि न सँमार।।\nधनुही सम तिपुरारि धनु बिदित सकल संसार।।271।।", iast: "caupāī\nnātha saṃbhudhanu bhaṃjanihārā| hoihi keu eka dāsa tumhārā||\nāyasu kāha kahia kina mohī| suni risāi bole muni kohī||\nsevaku so jo karai sevakāī| ari karanī kari karia larāī||\nsunahu rāma jehiṃ sivadhanu torā| sahasabāhu sama so ripu morā||\nso bilagāu bihāi samājā| na ta māre jaihahiṃ saba rājā||\nsuni muni bacana lakhana musukāne| bole parasudharahi apamāne||\nbahu dhanuhīṃ torīṃ larikāīṃ| kabahu~ na asi risa kīnhi gosāīṃ||\nehi dhanu para mamatā kehi hetū| suni risāi kaha bhṛgukulaketū||\ndohā/soraṭhā\nre nṛpa bālaka kālabasa bolata tohi na sa~māra||\ndhanuhī sama tipurāri dhanu bidita sakala saṃsāra||271||" },
    { devanagari: "चौपाई\nलखन कहा हँसि हमरें जाना। सुनहु देव सब धनुष समाना।।\nका छति लाभु जून धनु तौरें। देखा राम नयन के भोरें।।\nछुअत टूट रघुपतिहु न दोसू। मुनि बिनु काज करिअ कत रोसू ।\nबोले चितइ परसु की ओरा। रे सठ सुनेहि सुभाउ न मोरा।।\nबालकु बोलि बधउँ नहिं तोही। केवल मुनि जड़ जानहि मोही।।\nबाल ब्रह्मचारी अति कोही। बिस्व बिदित छत्रियकुल द्रोही।।\nभुजबल भूमि भूप बिनु कीन्ही। बिपुल बार महिदेवन्ह दीन्ही।।\nसहसबाहु भुज छेदनिहारा। परसु बिलोकु महीपकुमारा।।\nदोहा/सोरठा\nमातु पितहि जनि सोचबस करसि महीसकिसोर।\nगर्भन्ह के अर्भक दलन परसु मोर अति घोर।।272।।", iast: "caupāī\nlakhana kahā ha~si hamareṃ jānā| sunahu deva saba dhanuṣa samānā||\nkā chati lābhu jūna dhanu taureṃ| dekhā rāma nayana ke bhoreṃ||\nchuata ṭūṭa raghupatihu na dosū| muni binu kāja karia kata rosū |\nbole citai parasu kī orā| re saṭha sunehi subhāu na morā||\nbālaku boli badhau~ nahiṃ tohī| kevala muni jaṛa jānahi mohī||\nbāla brahmacārī ati kohī| bisva bidita chatriyakula drohī||\nbhujabala bhūmi bhūpa binu kīnhī| bipula bāra mahidevanha dīnhī||\nsahasabāhu bhuja chedanihārā| parasu biloku mahīpakumārā||\ndohā/soraṭhā\nmātu pitahi jani socabasa karasi mahīsakisora|\ngarbhanha ke arbhaka dalana parasu mora ati ghora||272||" },
    { devanagari: "चौपाई\nबिहसि लखनु बोले मृदु बानी। अहो मुनीसु महा भटमानी।।\nपुनि पुनि मोहि देखाव कुठारू। चहत उड़ावन फूँकि पहारू।।\nइहाँ कुम्हड़बतिया कोउ नाहीं। जे तरजनी देखि मरि जाहीं।।\nदेखि कुठारु सरासन बाना। मैं कछु कहा सहित अभिमाना।।\nभृगुसुत समुझि जनेउ बिलोकी। जो कछु कहहु सहउँ रिस रोकी।।\nसुर महिसुर हरिजन अरु गाई। हमरें कुल इन्ह पर न सुराई।।\nबधें पापु अपकीरति हारें। मारतहूँ पा परिअ तुम्हारें।।\nकोटि कुलिस सम बचनु तुम्हारा। ब्यर्थ धरहु धनु बान कुठारा।।\nदोहा/सोरठा\nजो बिलोकि अनुचित कहेउँ छमहु महामुनि धीर।\nसुनि सरोष भृगुबंसमनि बोले गिरा गभीर।।273।।", iast: "caupāī\nbihasi lakhanu bole mṛdu bānī| aho munīsu mahā bhaṭamānī||\npuni puni mohi dekhāva kuṭhārū| cahata uṛāvana phū~ki pahārū||\nihā~ kumhaṛabatiyā kou nāhīṃ| je tarajanī dekhi mari jāhīṃ||\ndekhi kuṭhāru sarāsana bānā| maiṃ kachu kahā sahita abhimānā||\nbhṛgusuta samujhi janeu bilokī| jo kachu kahahu sahau~ risa rokī||\nsura mahisura harijana aru gāī| hamareṃ kula inha para na surāī||\nbadheṃ pāpu apakīrati hāreṃ| māratahū~ pā paria tumhāreṃ||\nkoṭi kulisa sama bacanu tumhārā| byartha dharahu dhanu bāna kuṭhārā||\ndohā/soraṭhā\njo biloki anucita kaheu~ chamahu mahāmuni dhīra|\nsuni saroṣa bhṛgubaṃsamani bole girā gabhīra||273||" },
    { devanagari: "चौपाई\nकौसिक सुनहु मंद यहु बालकु। कुटिल कालबस निज कुल घालकु।।\nभानु बंस राकेस कलंकू। निपट निरंकुस अबुध असंकू।।\nकाल कवलु होइहि छन माहीं। कहउँ पुकारि खोरि मोहि नाहीं।।\nतुम्ह हटकउ जौं चहहु उबारा। कहि प्रतापु बलु रोषु हमारा।।\nलखन कहेउ मुनि सुजस तुम्हारा। तुम्हहि अछत को बरनै पारा।।\nअपने मुँह तुम्ह आपनि करनी। बार अनेक भाँति बहु बरनी।।\nनहिं संतोषु त पुनि कछु कहहू। जनि रिस रोकि दुसह दुख सहहू।।\nबीरब्रती तुम्ह धीर अछोभा। गारी देत न पावहु सोभा।।\nदोहा/सोरठा\nसूर समर करनी करहिं कहि न जनावहिं आपु।\nबिद्यमान रन पाइ रिपु कायर कथहिं प्रतापु।।274।।", iast: "caupāī\nkausika sunahu maṃda yahu bālaku| kuṭila kālabasa nija kula ghālaku||\nbhānu baṃsa rākesa kalaṃkū| nipaṭa niraṃkusa abudha asaṃkū||\nkāla kavalu hoihi chana māhīṃ| kahau~ pukāri khori mohi nāhīṃ||\ntumha haṭakau jauṃ cahahu ubārā| kahi pratāpu balu roṣu hamārā||\nlakhana kaheu muni sujasa tumhārā| tumhahi achata ko baranai pārā||\napane mu~ha tumha āpani karanī| bāra aneka bhā~ti bahu baranī||\nnahiṃ saṃtoṣu ta puni kachu kahahū| jani risa roki dusaha dukha sahahū||\nbīrabratī tumha dhīra achobhā| gārī deta na pāvahu sobhā||\ndohā/soraṭhā\nsūra samara karanī karahiṃ kahi na janāvahiṃ āpu|\nbidyamāna rana pāi ripu kāyara kathahiṃ pratāpu||274||" },
    { devanagari: "चौपाई\nतुम्ह तौ कालु हाँक जनु लावा। बार बार मोहि लागि बोलावा।।\nसुनत लखन के बचन कठोरा। परसु सुधारि धरेउ कर घोरा।।\nअब जनि देइ दोसु मोहि लोगू। कटुबादी बालकु बधजोगू।।\nबाल बिलोकि बहुत मैं बाँचा। अब यहु मरनिहार भा साँचा।।\nकौसिक कहा छमिअ अपराधू। बाल दोष गुन गनहिं न साधू।।\nखर कुठार मैं अकरुन कोही। आगें अपराधी गुरुद्रोही।।\nउतर देत छोड़उँ बिनु मारें। केवल कौसिक सील तुम्हारें।।\nन त एहि काटि कुठार कठोरें। गुरहि उरिन होतेउँ श्रम थोरें।।\nदोहा/सोरठा\nगाधिसूनु कह हृदयँ हँसि मुनिहि हरिअरइ सूझ।\nअयमय खाँड न ऊखमय अजहुँ न बूझ अबूझ।।275।।", iast: "caupāī\ntumha tau kālu hā~ka janu lāvā| bāra bāra mohi lāgi bolāvā||\nsunata lakhana ke bacana kaṭhorā| parasu sudhāri dhareu kara ghorā||\naba jani dei dosu mohi logū| kaṭubādī bālaku badhajogū||\nbāla biloki bahuta maiṃ bā~cā| aba yahu maranihāra bhā sā~cā||\nkausika kahā chamia aparādhū| bāla doṣa guna ganahiṃ na sādhū||\nkhara kuṭhāra maiṃ akaruna kohī| āgeṃ aparādhī gurudrohī||\nutara deta choṛu~ binu māreṃ| kevala kausika sīla tumhāreṃ||\nna ta ehi kāṭi kuṭhāra kaṭhoreṃ| gurahi urina hoteu~ śrama thoreṃ||\ndohā/soraṭhā\ngādhisūnu kaha hṛdaya~ ha~si munihi hariarai sūjha|\nayamaya khā~ḍa na ūkhamaya ajahu~ na būjha abūjha||275||" },
    { devanagari: "चौपाई\nकहेउ लखन मुनि सीलु तुम्हारा। को नहि जान बिदित संसारा।।\nमाता पितहि उरिन भए नीकें। गुर रिनु रहा सोचु बड़ जीकें।।\nसो जनु हमरेहि माथे काढ़ा। दिन चलि गए ब्याज बड़ बाढ़ा।।\nअब आनिअ ब्यवहरिआ बोली। तुरत देउँ मैं थैली खोली।।\nसुनि कटु बचन कुठार सुधारा। हाय हाय सब सभा पुकारा।।\nभृगुबर परसु देखावहु मोही। बिप्र बिचारि बचउँ नृपद्रोही।।\nमिले न कबहुँ सुभट रन गाढ़े। द्विज देवता घरहि के बाढ़े।।\nअनुचित कहि सब लोग पुकारे। रघुपति सयनहिं लखनु नेवारे।।\nदोहा/सोरठा\nलखन उतर आहुति सरिस भृगुबर कोपु कृसानु।\nबढ़त देखि जल सम बचन बोले रघुकुलभानु।।276।।", iast: "caupāī\nkaheu lakhana muni sīlu tumhārā| ko nahi jāna bidita saṃsārā||\nmātā pitahi urina bhae nīkeṃ| gura rinu rahā socu baṛa jīkeṃ||\nso janu hamarehi māthe kāṛhā| dina cali gae byāja baṛa bāṛhā||\naba ānia byavahariā bolī| turata deu~ maiṃ thailī kholī||\nsuni kaṭu bacana kuṭhāra sudhārā| hāya hāya saba sabhā pukārā||\nbhṛgubara parasu dekhāvahu mohī| bipra bicāri bacau~ nṛpadrohī||\nmile na kabahu~ subhaṭa rana gāṛhe| dvija devatā gharahi ke bāṛhe||\nanucita kahi saba loga pukāre| raghupati sayanahiṃ lakhanu nevāre||\ndohā/soraṭhā\nlakhana utara āhuti sarisa bhṛgubara kopu kṛsānu|\nbaṛhata dekhi jala sama bacana bole raghukulabhānu||276||" },
    { devanagari: "चौपाई\nनाथ करहु बालक पर छोहू। सूध दूधमुख करिअ न कोहू।।\nजौं पै प्रभु प्रभाउ कछु जाना। तौ कि बराबरि करत अयाना।।\nजौं लरिका कछु अचगरि करहीं। गुर पितु मातु मोद मन भरहीं।।\nकरिअ कृपा सिसु सेवक जानी। तुम्ह सम सील धीर मुनि ग्यानी।।\nराम बचन सुनि कछुक जुड़ाने। कहि कछु लखनु बहुरि मुसकाने।।\nहँसत देखि नख सिख रिस ब्यापी। राम तोर भ्राता बड़ पापी।।\nगौर सरीर स्याम मन माहीं। कालकूटमुख पयमुख नाहीं।।\nसहज टेढ़ अनुहरइ न तोही। नीचु मीचु सम देख न मौहीं।।\nदोहा/सोरठा\nलखन कहेउ हँसि सुनहु मुनि क्रोधु पाप कर मूल।\nजेहि बस जन अनुचित करहिं चरहिं बिस्व प्रतिकूल।।277।।", iast: "caupāī\nnātha karahu bālaka para chohū| sūdha dūdhamukha karia na kohū||\njauṃ pai prabhu prabhāu kachu jānā| tau ki barābari karata ayānā||\njauṃ larikā kachu acagari karahīṃ| gura pitu mātu moda mana bharahīṃ||\nkaria kṛpā sisu sevaka jānī| tumha sama sīla dhīra muni gyānī||\nrāma bacana suni kachuka juṛāne| kahi kachu lakhanu bahuri musakāne||\nha~sata dekhi nakha sikha risa byāpī| rāma tora bhrātā baṛa pāpī||\ngaura sarīra syāma mana māhīṃ| kālakūṭamukha payamukha nāhīṃ||\nsahaja ṭeṛha anuharai na tohī| nīcu mīcu sama dekha na mauhīṃ||\ndohā/soraṭhā\nlakhana kaheu ha~si sunahu muni krodhu pāpa kara mūla|\njehi basa jana anucita karahiṃ carahiṃ bisva pratikūla||277||" },
    { devanagari: "चौपाई\nमैं तुम्हार अनुचर मुनिराया। परिहरि कोपु करिअ अब दाया।।\nटूट चाप नहिं जुरहि रिसाने। बैठिअ होइहिं पाय पिराने।।\nजौ अति प्रिय तौ करिअ उपाई। जोरिअ कोउ बड़ गुनी बोलाई।।\nबोलत लखनहिं जनकु डेराहीं। मष्ट करहु अनुचित भल नाहीं।।\nथर थर कापहिं पुर नर नारी। छोट कुमार खोट बड़ भारी।।\nभृगुपति सुनि सुनि निरभय बानी। रिस तन जरइ होइ बल हानी।।\nबोले रामहि देइ निहोरा। बचउँ बिचारि बंधु लघु तोरा।।\nमनु मलीन तनु सुंदर कैसें। बिष रस भरा कनक घटु जैसैं।।\nदोहा/सोरठा\nसुनि लछिमन बिहसे बहुरि नयन तरेरे राम।\nगुर समीप गवने सकुचि परिहरि बानी बाम।।278।।", iast: "caupāī\nmaiṃ tumhāra anucara munirāyā| parihari kopu karia aba dāyā||\nṭūṭa cāpa nahiṃ jurahi risāne| baiṭhia hoihiṃ pāya pirāne||\njau ati priya tau karia upāī| joria kou baṛa gunī bolāī||\nbolata lakhanahiṃ janaku ḍerāhīṃ| maṣṭa karahu anucita bhala nāhīṃ||\nthara thara kāpahiṃ pura nara nārī| choṭa kumāra khoṭa baṛa bhārī||\nbhṛgupati suni suni nirabhaya bānī| risa tana jarai hoi bala hānī||\nbole rāmahi dei nihorā| bacau~ bicāri baṃdhu laghu torā||\nmanu malīna tanu suṃdara kaiseṃ| biṣa rasa bharā kanaka ghaṭu jaisaiṃ||\ndohā/soraṭhā\nsuni lachimana bihase bahuri nayana tarere rāma|\ngura samīpa gavane sakuci parihari bānī bāma||278||" },
    { devanagari: "चौपाई\nअति बिनीत मृदु सीतल बानी। बोले रामु जोरि जुग पानी।।\nसुनहु नाथ तुम्ह सहज सुजाना। बालक बचनु करिअ नहिं काना।।\nबररै बालक एकु सुभाऊ। इन्हहि न संत बिदूषहिं काऊ।।\nतेहिं नाहीं कछु काज बिगारा। अपराधी में नाथ तुम्हारा।।\nकृपा कोपु बधु बँधब गोसाईं। मो पर करिअ दास की नाई।।\nकहिअ बेगि जेहि बिधि रिस जाई। मुनिनायक सोइ करौं उपाई।।\nकह मुनि राम जाइ रिस कैसें। अजहुँ अनुज तव चितव अनैसें।।\nएहि के कंठ कुठारु न दीन्हा। तौ मैं काह कोपु करि कीन्हा।।\nदोहा/सोरठा\nगर्भ स्त्रवहिं अवनिप रवनि सुनि कुठार गति घोर।\nपरसु अछत देखउँ जिअत बैरी भूपकिसोर।।279।।", iast: "caupāī\nati binīta mṛdu sītala bānī| bole rāmu jori juga pānī||\nsunahu nātha tumha sahaja sujānā| bālaka bacanu karia nahiṃ kānā||\nbararai bālaka eku subhāū| inhahi na saṃta bidūṣahiṃ kāū||\ntehiṃ nāhīṃ kachu kāja bigārā| aparādhī meṃ nātha tumhārā||\nkṛpā kopu badhu ba~dhaba gosāīṃ| mo para karia dāsa kī nāī||\nkahia begi jehi bidhi risa jāī| munināyaka soi karauṃ upāī||\nkaha muni rāma jāi risa kaiseṃ| ajahu~ anuja tava citava anaiseṃ||\nehi ke kaṃṭha kuṭhāru na dīnhā| tau maiṃ kāha kopu kari kīnhā||\ndohā/soraṭhā\ngarbha stravahiṃ avanipa ravani suni kuṭhāra gati ghora|\nparasu achata dekhau~ jiata bairī bhūpakisora||279||" },
    { devanagari: "चौपाई\nबहइ न हाथु दहइ रिस छाती। भा कुठारु कुंठित नृपघाती।।\nभयउ बाम बिधि फिरेउ सुभाऊ। मोरे हृदयँ कृपा कसि काऊ।।\nआजु दया दुखु दुसह सहावा। सुनि सौमित्र बिहसि सिरु नावा।।\nबाउ कृपा मूरति अनुकूला। बोलत बचन झरत जनु फूला।।\nजौं पै कृपाँ जरिहिं मुनि गाता। क्रोध भएँ तनु राख बिधाता।।\nदेखु जनक हठि बालक एहू। कीन्ह चहत जड़ जमपुर गेहू।।\nबेगि करहु किन आँखिन्ह ओटा। देखत छोट खोट नृप ढोटा।।\nबिहसे लखनु कहा मन माहीं। मूदें आँखि कतहुँ कोउ नाहीं।।\nदोहा/सोरठा\nपरसुरामु तब राम प्रति बोले उर अति क्रोधु।\nसंभु सरासनु तोरि सठ करसि हमार प्रबोधु।।280।।", iast: "caupāī\nbahai na hāthu dahai risa chātī| bhā kuṭhāru kuṃṭhita nṛpaghātī||\nbhayau bāma bidhi phireu subhāū| more hṛdaya~ kṛpā kasi kāū||\nāju dayā dukhu dusaha sahāvā| suni saumitra bihasi siru nāvā||\nbāu kṛpā mūrati anukūlā| bolata bacana jharata janu phūlā||\njauṃ pai kṛpā~ jarihiṃ muni gātā| krodha bhae~ tanu rākha bidhātā||\ndekhu janaka haṭhi bālaka ehū| kīnha cahata jaṛa jamapura gehū||\nbegi karahu kina ā~khinha oṭā| dekhata choṭa khoṭa nṛpa ḍhoṭā||\nbihase lakhanu kahā mana māhīṃ| mūdeṃ ā~khi katahu~ kou nāhīṃ||\ndohā/soraṭhā\nparasurāmu taba rāma prati bole ura ati krodhu|\nsaṃbhu sarāsanu tori saṭha karasi hamāra prabodhu||280||" },
    { devanagari: "चौपाई\nबंधु कहइ कटु संमत तोरें। तू छल बिनय करसि कर जोरें।।\nकरु परितोषु मोर संग्रामा। नाहिं त छाड़ कहाउब रामा।।\nछलु तजि करहि समरु सिवद्रोही। बंधु सहित न त मारउँ तोही।।\nभृगुपति बकहिं कुठार उठाएँ। मन मुसकाहिं रामु सिर नाएँ।।\nगुनह लखन कर हम पर रोषू। कतहुँ सुधाइहु ते बड़ दोषू।।\nटेढ़ जानि सब बंदइ काहू। बक्र चंद्रमहि ग्रसइ न राहू।।\nराम कहेउ रिस तजिअ मुनीसा। कर कुठारु आगें यह सीसा।।\nजेंहिं रिस जाइ करिअ सोइ स्वामी। मोहि जानि आपन अनुगामी।।\nदोहा/सोरठा\nप्रभुहि सेवकहि समरु कस तजहु बिप्रबर रोसु।\nबेषु बिलोकें कहेसि कछु बालकहू नहिं दोसु।।281।।", iast: "caupāī\nbaṃdhu kahai kaṭu saṃmata toreṃ| tū chala binaya karasi kara joreṃ||\nkaru paritoṣu mora saṃgrāmā| nāhiṃ ta chāṛa kahāuba rāmā||\nchalu taji karahi samaru sivadrohī| baṃdhu sahita na ta mārau~ tohī||\nbhṛgupati bakahiṃ kuṭhāra uṭhāe~| mana musakāhiṃ rāmu sira nāe~||\ngunaha lakhana kara hama para roṣū| katahu~ sudhāihu te baṛa doṣū||\nṭeṛha jāni saba baṃdai kāhū| bakra caṃdramahi grasai na rāhū||\nrāma kaheu risa tajia munīsā| kara kuṭhāru āgeṃ yaha sīsā||\njeṃhiṃ risa jāi karia soi svāmī| mohi jāni āpana anugāmī||\ndohā/soraṭhā\nprabhuhi sevakahi samaru kasa tajahu biprabara rosu|\nbeṣu bilokeṃ kahesi kachu bālakahū nahiṃ dosu||281||" },
    { devanagari: "चौपाई\nदेखि कुठार बान धनु धारी। भै लरिकहि रिस बीरु बिचारी।।\nनामु जान पै तुम्हहि न चीन्हा। बंस सुभायँ उतरु तेंहिं दीन्हा।।\nजौं तुम्ह औतेहु मुनि की नाईं। पद रज सिर सिसु धरत गोसाईं।।\nछमहु चूक अनजानत केरी। चहिअ बिप्र उर कृपा घनेरी।।\nहमहि तुम्हहि सरिबरि कसि नाथा।।कहहु न कहाँ चरन कहँ माथा।।\nराम मात्र लघु नाम हमारा। परसु सहित बड़ नाम तोहारा।।\nदेव एकु गुनु धनुष हमारें। नव गुन परम पुनीत तुम्हारें।।\nसब प्रकार हम तुम्ह सन हारे। छमहु बिप्र अपराध हमारे।।\nदोहा/सोरठा\nबार बार मुनि बिप्रबर कहा राम सन राम।\nबोले भृगुपति सरुष हसि तहूँ बंधु सम बाम।।282।।", iast: "caupāī\ndekhi kuṭhāra bāna dhanu dhārī| bhai larikahi risa bīru bicārī||\nnāmu jāna pai tumhahi na cīnhā| baṃsa subhāya~ utaru teṃhiṃ dīnhā||\njauṃ tumha autehu muni kī nāīṃ| pada raja sira sisu dharata gosāīṃ||\nchamahu cūka anajānata kerī| cahia bipra ura kṛpā ghanerī||\nhamahi tumhahi saribari kasi nāthā||kahahu na kahā~ carana kaha~ māthā||\nrāma mātra laghu nāma hamārā| parasu sahita baṛa nāma tohārā||\ndeva eku gunu dhanuṣa hamāreṃ| nava guna parama punīta tumhāreṃ||\nsaba prakāra hama tumha sana hāre| chamahu bipra aparādha hamāre||\ndohā/soraṭhā\nbāra bāra muni biprabara kahā rāma sana rāma|\nbole bhṛgupati saruṣa hasi tahū~ baṃdhu sama bāma||282||" },
    { devanagari: "चौपाई\nनिपटहिं द्विज करि जानहि मोही। मैं जस बिप्र सुनावउँ तोही।।\nचाप स्त्रुवा सर आहुति जानू। कोप मोर अति घोर कृसानु।।\nसमिधि सेन चतुरंग सुहाई। महा महीप भए पसु आई।।\nमै एहि परसु काटि बलि दीन्हे। समर जग्य जप कोटिन्ह कीन्हे।।\nमोर प्रभाउ बिदित नहिं तोरें। बोलसि निदरि बिप्र के भोरें।।\nभंजेउ चापु दापु बड़ बाढ़ा। अहमिति मनहुँ जीति जगु ठाढ़ा।।\nराम कहा मुनि कहहु बिचारी। रिस अति बड़ि लघु चूक हमारी।।\nछुअतहिं टूट पिनाक पुराना। मैं कहि हेतु करौं अभिमाना।।\nदोहा/सोरठा\nजौं हम निदरहिं बिप्र बदि सत्य सुनहु भृगुनाथ।\nतौ अस को जग सुभटु जेहि भय बस नावहिं माथ।।283।।", iast: "caupāī\nnipaṭahiṃ dvija kari jānahi mohī| maiṃ jasa bipra sunāvau~ tohī||\ncāpa struvā sara āhuti jānū| kopa mora ati ghora kṛsānu||\nsamidhi sena caturaṃga suhāī| mahā mahīpa bhae pasu āī||\nmai ehi parasu kāṭi bali dīnhe| samara jagya japa koṭinha kīnhe||\nmora prabhāu bidita nahiṃ toreṃ| bolasi nidari bipra ke bhoreṃ||\nbhaṃjeu cāpu dāpu baṛa bāṛhā| ahamiti manahu~ jīti jagu ṭhāṛhā||\nrāma kahā muni kahahu bicārī| risa ati baṛi laghu cūka hamārī||\nchuatahiṃ ṭūṭa pināka purānā| maiṃ kahi hetu karauṃ abhimānā||\ndohā/soraṭhā\njauṃ hama nidarahiṃ bipra badi satya sunahu bhṛgunātha|\ntau asa ko jaga subhaṭu jehi bhaya basa nāvahiṃ mātha||283||" },
    { devanagari: "चौपाई\nदेव दनुज भूपति भट नाना। समबल अधिक होउ बलवाना।।\nजौं रन हमहि पचारै कोऊ। लरहिं सुखेन कालु किन होऊ।।\nछत्रिय तनु धरि समर सकाना। कुल कलंकु तेहिं पावँर आना।।\nकहउँ सुभाउ न कुलहि प्रसंसी। कालहु डरहिं न रन रघुबंसी।।\nबिप्रबंस कै असि प्रभुताई। अभय होइ जो तुम्हहि डेराई।।\nसुनु मृदु गूढ़ बचन रघुपति के। उघरे पटल परसुधर मति के।।\nराम रमापति कर धनु लेहू। खैंचहु मिटै मोर संदेहू।।\nदेत चापु आपुहिं चलि गयऊ। परसुराम मन बिसमय भयऊ।।\nदोहा/सोरठा\nजाना राम प्रभाउ तब पुलक प्रफुल्लित गात।\nजोरि पानि बोले बचन ह्दयँ न प्रेमु अमात।।284।।", iast: "caupāī\ndeva danuja bhūpati bhaṭa nānā| samabala adhika hou balavānā||\njauṃ rana hamahi pacārai koū| larahiṃ sukhena kālu kina hoū||\nchatriya tanu dhari samara sakānā| kula kalaṃku tehiṃ pāva~ra ānā||\nkahau~ subhāu na kulahi prasaṃsī| kālahu ḍarahiṃ na rana raghubaṃsī||\nbiprabaṃsa kai asi prabhutāī| abhaya hoi jo tumhahi ḍerāī||\nsunu mṛdu gūṛha bacana raghupati ke| ughare paṭala parasudhara mati ke||\nrāma ramāpati kara dhanu lehū| khaiṃcahu miṭai mora saṃdehū||\ndeta cāpu āpuhiṃ cali gayaū| parasurāma mana bisamaya bhayaū||\ndohā/soraṭhā\njānā rāma prabhāu taba pulaka praphullita gāta|\njori pāni bole bacana hdaya~ na premu amāta||284||" },
    { devanagari: "चौपाई\nजय रघुबंस बनज बन भानू। गहन दनुज कुल दहन कृसानु।।\nजय सुर बिप्र धेनु हितकारी। जय मद मोह कोह भ्रम हारी।।\nबिनय सील करुना गुन सागर। जयति बचन रचना अति नागर।।\nसेवक सुखद सुभग सब अंगा। जय सरीर छबि कोटि अनंगा।।\nकरौं काह मुख एक प्रसंसा। जय महेस मन मानस हंसा।।\nअनुचित बहुत कहेउँ अग्याता। छमहु छमामंदिर दोउ भ्राता।।\nकहि जय जय जय रघुकुलकेतू। भृगुपति गए बनहि तप हेतू।।\nअपभयँ कुटिल महीप डेराने। जहँ तहँ कायर गवँहिं पराने।।\nदोहा/सोरठा\nदेवन्ह दीन्हीं दुंदुभीं प्रभु पर बरषहिं फूल।\nहरषे पुर नर नारि सब मिटी मोहमय सूल।।285।।", iast: "caupāī\njaya raghubaṃsa banaja bana bhānū| gahana danuja kula dahana kṛsānu||\njaya sura bipra dhenu hitakārī| jaya mada moha koha bhrama hārī||\nbinaya sīla karunā guna sāgara| jayati bacana racanā ati nāgara||\nsevaka sukhada subhaga saba aṃgā| jaya sarīra chabi koṭi anaṃgā||\nkarauṃ kāha mukha eka prasaṃsā| jaya mahesa mana mānasa haṃsā||\nanucita bahuta kaheu~ agyātā| chamahu chamāmaṃdira dou bhrātā||\nkahi jaya jaya jaya raghukulaketū| bhṛgupati gae banahi tapa hetū||\napabhaya~ kuṭila mahīpa ḍerāne| jaha~ taha~ kāyara gava~hiṃ parāne||\ndohā/soraṭhā\ndevanha dīnhīṃ duṃdubhīṃ prabhu para baraṣahiṃ phūla|\nharaṣe pura nara nāri saba miṭī mohamaya sūla||285||" },
    { devanagari: "चौपाई\nअति गहगहे बाजने बाजे। सबहिं मनोहर मंगल साजे।।\nजूथ जूथ मिलि सुमुख सुनयनीं। करहिं गान कल कोकिलबयनी।।\nसुखु बिदेह कर बरनि न जाई। जन्मदरिद्र मनहुँ निधि पाई।।\nगत त्रास भइ सीय सुखारी। जनु बिधु उदयँ चकोरकुमारी।।\nजनक कीन्ह कौसिकहि प्रनामा। प्रभु प्रसाद धनु भंजेउ रामा।।\nमोहि कृतकृत्य कीन्ह दुहुँ भाईं। अब जो उचित सो कहिअ गोसाई।।\nकह मुनि सुनु नरनाथ प्रबीना। रहा बिबाहु चाप आधीना।।\nटूटतहीं धनु भयउ बिबाहू। सुर नर नाग बिदित सब काहु।।\nदोहा/सोरठा\nतदपि जाइ तुम्ह करहु अब जथा बंस ब्यवहारु।\nबूझि बिप्र कुलबृद्ध गुर बेद बिदित आचारु।।286।।", iast: "caupāī\nati gahagahe bājane bāje| sabahiṃ manohara maṃgala sāje||\njūtha jūtha mili sumukha sunayanīṃ| karahiṃ gāna kala kokilabayanī||\nsukhu bideha kara barani na jāī| janmadaridra manahu~ nidhi pāī||\ngata trāsa bhai sīya sukhārī| janu bidhu udaya~ cakorakumārī||\njanaka kīnha kausikahi pranāmā| prabhu prasāda dhanu bhaṃjeu rāmā||\nmohi kṛtakṛtya kīnha duhu~ bhāīṃ| aba jo ucita so kahia gosāī||\nkaha muni sunu naranātha prabīnā| rahā bibāhu cāpa ādhīnā||\nṭūṭatahīṃ dhanu bhayau bibāhū| sura nara nāga bidita saba kāhu||\ndohā/soraṭhā\ntadapi jāi tumha karahu aba jathā baṃsa byavahāru|\nbūjhi bipra kulabṛddha gura beda bidita ācāru||286||" },
    { devanagari: "चौपाई\nदूत अवधपुर पठवहु जाई। आनहिं नृप दसरथहि बोलाई।।\nमुदित राउ कहि भलेहिं कृपाला। पठए दूत बोलि तेहि काला।।\nबहुरि महाजन सकल बोलाए। आइ सबन्हि सादर सिर नाए।।\nहाट बाट मंदिर सुरबासा। नगरु सँवारहु चारिहुँ पासा।।\nहरषि चले निज निज गृह आए। पुनि परिचारक बोलि पठाए।।\nरचहु बिचित्र बितान बनाई। सिर धरि बचन चले सचु पाई।।\nपठए बोलि गुनी तिन्ह नाना। जे बितान बिधि कुसल सुजाना।।\nबिधिहि बंदि तिन्ह कीन्ह अरंभा। बिरचे कनक कदलि के खंभा।।\nदोहा/सोरठा\nहरित मनिन्ह के पत्र फल पदुमराग के फूल।\nरचना देखि बिचित्र अति मनु बिरंचि कर भूल।।287।।", iast: "caupāī\ndūta avadhapura paṭhavahu jāī| ānahiṃ nṛpa dasarathahi bolāī||\nmudita rāu kahi bhalehiṃ kṛpālā| paṭhae dūta boli tehi kālā||\nbahuri mahājana sakala bolāe| āi sabanhi sādara sira nāe||\nhāṭa bāṭa maṃdira surabāsā| nagaru sa~vārahu cārihu~ pāsā||\nharaṣi cale nija nija gṛha āe| puni paricāraka boli paṭhāe||\nracahu bicitra bitāna banāī| sira dhari bacana cale sacu pāī||\npaṭhae boli gunī tinha nānā| je bitāna bidhi kusala sujānā||\nbidhihi baṃdi tinha kīnha araṃbhā| birace kanaka kadali ke khaṃbhā||\ndohā/soraṭhā\nharita maninha ke patra phala padumarāga ke phūla|\nracanā dekhi bicitra ati manu biraṃci kara bhūla||287||" },
    { devanagari: "चौपाई\nबेनि हरित मनिमय सब कीन्हे। सरल सपरब परहिं नहिं चीन्हे।।\nकनक कलित अहिबेल बनाई। लखि नहि परइ सपरन सुहाई।।\nतेहि के रचि पचि बंध बनाए। बिच बिच मुकता दाम सुहाए।।\nमानिक मरकत कुलिस पिरोजा। चीरि कोरि पचि रचे सरोजा।।\nकिए भृंग बहुरंग बिहंगा। गुंजहिं कूजहिं पवन प्रसंगा।।\nसुर प्रतिमा खंभन गढ़ी काढ़ी। मंगल द्रब्य लिएँ सब ठाढ़ी।।\nचौंकें भाँति अनेक पुराईं। सिंधुर मनिमय सहज सुहाई।।\nदोहा/सोरठा\nसौरभ पल्लव सुभग सुठि किए नीलमनि कोरि।।\nहेम बौर मरकत घवरि लसत पाटमय डोरि।।288।।", iast: "caupāī\nbeni harita manimaya saba kīnhe| sarala saparaba parahiṃ nahiṃ cīnhe||\nkanaka kalita ahibela banāī| lakhi nahi parai saparana suhāī||\ntehi ke raci paci baṃdha banāe| bica bica mukatā dāma suhāe||\nmānika marakata kulisa pirojā| cīri kori paci race sarojā||\nkie bhṛṃga bahuraṃga bihaṃgā| guṃjahiṃ kūjahiṃ pavana prasaṃgā||\nsura pratimā khaṃbhana gaṛhī kāṛhī| maṃgala drabya lie~ saba ṭhāṛhī||\ncauṃkeṃ bhā~ti aneka purāīṃ| siṃdhura manimaya sahaja suhāī||\ndohā/soraṭhā\nsaurabha pallava subhaga suṭhi kie nīlamani kori||\nhema baura marakata ghavari lasata pāṭamaya ḍori||288||" },
    { devanagari: "चौपाई\nरचे रुचिर बर बंदनिबारे। मनहुँ मनोभवँ फंद सँवारे।।\nमंगल कलस अनेक बनाए। ध्वज पताक पट चमर सुहाए।।\nदीप मनोहर मनिमय नाना। जाइ न बरनि बिचित्र बिताना।।\nजेहिं मंडप दुलहिनि बैदेही। सो बरनै असि मति कबि केही।।\nदूलहु रामु रूप गुन सागर। सो बितानु तिहुँ लोक उजागर।।\nजनक भवन कै सौभा जैसी। गृह गृह प्रति पुर देखिअ तैसी।।\nजेहिं तेरहुति तेहि समय निहारी। तेहि लघु लगहिं भुवन दस चारी।।\nजो संपदा नीच गृह सोहा। सो बिलोकि सुरनायक मोहा।।\nदोहा/सोरठा\nबसइ नगर जेहि लच्छ करि कपट नारि बर बेषु।।\nतेहि पुर कै सोभा कहत सकुचहिं सारद सेषु।।289।।", iast: "caupāī\nrace rucira bara baṃdanibāre| manahu~ manobhava~ phaṃda sa~vāre||\nmaṃgala kalasa aneka banāe| dhvaja patāka paṭa camara suhāe||\ndīpa manohara manimaya nānā| jāi na barani bicitra bitānā||\njehiṃ maṃḍapa dulahini baidehī| so baranai asi mati kabi kehī||\ndūlahu rāmu rūpa guna sāgara| so bitānu tihu~ loka ujāgara||\njanaka bhavana kai saubhā jaisī| gṛha gṛha prati pura dekhia taisī||\njehiṃ terahuti tehi samaya nihārī| tehi laghu lagahiṃ bhuvana dasa cārī||\njo saṃpadā nīca gṛha sohā| so biloki suranāyaka mohā||\ndohā/soraṭhā\nbasai nagara jehi laccha kari kapaṭa nāri bara beṣu||\ntehi pura kai sobhā kahata sakucahiṃ sārada seṣu||289||" },
    { devanagari: "चौपाई\nपहुँचे दूत राम पुर पावन। हरषे नगर बिलोकि सुहावन।।\nभूप द्वार तिन्ह खबरि जनाई। दसरथ नृप सुनि लिए बोलाई।।\nकरि प्रनामु तिन्ह पाती दीन्ही। मुदित महीप आपु उठि लीन्ही।।\nबारि बिलोचन बाचत पाँती। पुलक गात आई भरि छाती।।\nरामु लखनु उर कर बर चीठी। रहि गए कहत न खाटी मीठी।।\nपुनि धरि धीर पत्रिका बाँची। हरषी सभा बात सुनि साँची।।\nखेलत रहे तहाँ सुधि पाई। आए भरतु सहित हित भाई।।\nपूछत अति सनेहँ सकुचाई। तात कहाँ तें पाती आई।।\nदोहा/सोरठा\nकुसल प्रानप्रिय बंधु दोउ अहहिं कहहु केहिं देस।\nसुनि सनेह साने बचन बाची बहुरि नरेस।।290।।", iast: "caupāī\npahu~ce dūta rāma pura pāvana| haraṣe nagara biloki suhāvana||\nbhūpa dvāra tinha khabari janāī| dasaratha nṛpa suni lie bolāī||\nkari pranāmu tinha pātī dīnhī| mudita mahīpa āpu uṭhi līnhī||\nbāri bilocana bācata pā~tī| pulaka gāta āī bhari chātī||\nrāmu lakhanu ura kara bara cīṭhī| rahi gae kahata na khāṭī mīṭhī||\npuni dhari dhīra patrikā bā~cī| haraṣī sabhā bāta suni sā~cī||\nkhelata rahe tahā~ sudhi pāī| āe bharatu sahita hita bhāī||\npūchata ati saneha~ sakucāī| tāta kahā~ teṃ pātī āī||\ndohā/soraṭhā\nkusala prānapriya baṃdhu dou ahahiṃ kahahu kehiṃ desa|\nsuni saneha sāne bacana bācī bahuri naresa||290||" },
    { devanagari: "चौपाई\nसुनि पाती पुलके दोउ भ्राता। अधिक सनेहु समात न गाता।।\nप्रीति पुनीत भरत कै देखी। सकल सभाँ सुखु लहेउ बिसेषी।।\nतब नृप दूत निकट बैठारे। मधुर मनोहर बचन उचारे।।\nभैया कहहु कुसल दोउ बारे। तुम्ह नीकें निज नयन निहारे।।\nस्यामल गौर धरें धनु भाथा। बय किसोर कौसिक मुनि साथा।।\nपहिचानहु तुम्ह कहहु सुभाऊ। प्रेम बिबस पुनि पुनि कह राऊ।।\nजा दिन तें मुनि गए लवाई। तब तें आजु साँचि सुधि पाई।।\nकहहु बिदेह कवन बिधि जाने। सुनि प्रिय बचन दूत मुसकाने।।\nदोहा/सोरठा\nसुनहु महीपति मुकुट मनि तुम्ह सम धन्य न कोउ।\nरामु लखनु जिन्ह के तनय बिस्व बिभूषन दोउ।।291।।", iast: "caupāī\nsuni pātī pulake dou bhrātā| adhika sanehu samāta na gātā||\nprīti punīta bharata kai dekhī| sakala sabhā~ sukhu laheu biseṣī||\ntaba nṛpa dūta nikaṭa baiṭhāre| madhura manohara bacana ucāre||\nbhaiyā kahahu kusala dou bāre| tumha nīkeṃ nija nayana nihāre||\nsyāmala gaura dhareṃ dhanu bhāthā| baya kisora kausika muni sāthā||\npahicānahu tumha kahahu subhāū| prema bibasa puni puni kaha rāū||\njā dina teṃ muni gae lavāī| taba teṃ āju sā~ci sudhi pāī||\nkahahu bideha kavana bidhi jāne| suni priya bacana dūta musakāne||\ndohā/soraṭhā\nsunahu mahīpati mukuṭa mani tumha sama dhanya na kou|\nrāmu lakhanu jinha ke tanaya bisva bibhūṣana dou||291||" },
    { devanagari: "चौपाई\nपूछन जोगु न तनय तुम्हारे। पुरुषसिंघ तिहु पुर उजिआरे।।\nजिन्ह के जस प्रताप कें आगे। ससि मलीन रबि सीतल लागे।।\nतिन्ह कहँ कहिअ नाथ किमि चीन्हे। देखिअ रबि कि दीप कर लीन्हे।।\nसीय स्वयंबर भूप अनेका। समिटे सुभट एक तें एका।।\nसंभु सरासनु काहुँ न टारा। हारे सकल बीर बरिआरा।।\nतीनि लोक महँ जे भटमानी। सभ कै सकति संभु धनु भानी।।\nसकइ उठाइ सरासुर मेरू। सोउ हियँ हारि गयउ करि फेरू।।\nजेहि कौतुक सिवसैलु उठावा। सोउ तेहि सभाँ पराभउ पावा।।\nदोहा/सोरठा\nतहाँ राम रघुबंस मनि सुनिअ महा महिपाल।\nभंजेउ चाप प्रयास बिनु जिमि गज पंकज नाल।।292।।", iast: "caupāī\npūchana jogu na tanaya tumhāre| puruṣasiṃgha tihu pura ujiāre||\njinha ke jasa pratāpa keṃ āge| sasi malīna rabi sītala lāge||\ntinha kaha~ kahia nātha kimi cīnhe| dekhia rabi ki dīpa kara līnhe||\nsīya svayaṃbara bhūpa anekā| samiṭe subhaṭa eka teṃ ekā||\nsaṃbhu sarāsanu kāhu~ na ṭārā| hāre sakala bīra bariārā||\ntīni loka maha~ je bhaṭamānī| sabha kai sakati saṃbhu dhanu bhānī||\nsakai uṭhāi sarāsura merū| sou hiya~ hāri gayau kari pherū||\njehi kautuka sivasailu uṭhāvā| sou tehi sabhā~ parābhau pāvā||\ndohā/soraṭhā\ntahā~ rāma raghubaṃsa mani sunia mahā mahipāla|\nbhaṃjeu cāpa prayāsa binu jimi gaja paṃkaja nāla||292||" },
    { devanagari: "चौपाई\nसुनि सरोष भृगुनायकु आए। बहुत भाँति तिन्ह आँखि देखाए।।\nदेखि राम बलु निज धनु दीन्हा। करि बहु बिनय गवनु बन कीन्हा।।\nराजन रामु अतुलबल जैसें। तेज निधान लखनु पुनि तैसें।।\nकंपहि भूप बिलोकत जाकें। जिमि गज हरि किसोर के ताकें।।\nदेव देखि तव बालक दोऊ। अब न आँखि तर आवत कोऊ।।\nदूत बचन रचना प्रिय लागी। प्रेम प्रताप बीर रस पागी।।\nसभा समेत राउ अनुरागे। दूतन्ह देन निछावरि लागे।।\nकहि अनीति ते मूदहिं काना। धरमु बिचारि सबहिं सुख माना।।\nदोहा/सोरठा\nतब उठि भूप बसिष्ठ कहुँ दीन्हि पत्रिका जाइ।\nकथा सुनाई गुरहि सब सादर दूत बोलाइ।।293।।", iast: "caupāī\nsuni saroṣa bhṛgunāyaku āe| bahuta bhā~ti tinha ā~khi dekhāe||\ndekhi rāma balu nija dhanu dīnhā| kari bahu binaya gavanu bana kīnhā||\nrājana rāmu atulabala jaiseṃ| teja nidhāna lakhanu puni taiseṃ||\nkaṃpahi bhūpa bilokata jākeṃ| jimi gaja hari kisora ke tākeṃ||\ndeva dekhi tava bālaka doū| aba na ā~khi tara āvata koū||\ndūta bacana racanā priya lāgī| prema pratāpa bīra rasa pāgī||\nsabhā sameta rāu anurāge| dūtanha dena nichāvari lāge||\nkahi anīti te mūdahiṃ kānā| dharamu bicāri sabahiṃ sukha mānā||\ndohā/soraṭhā\ntaba uṭhi bhūpa basiṣṭha kahu~ dīnhi patrikā jāi|\nkathā sunāī gurahi saba sādara dūta bolāi||293||" },
    { devanagari: "चौपाई\nसुनि बोले गुर अति सुखु पाई। पुन्य पुरुष कहुँ महि सुख छाई।।\nजिमि सरिता सागर महुँ जाहीं। जद्यपि ताहि कामना नाहीं।।\nतिमि सुख संपति बिनहिं बोलाएँ। धरमसील पहिं जाहिं सुभाएँ।।\nतुम्ह गुर बिप्र धेनु सुर सेबी। तसि पुनीत कौसल्या देबी।।\nसुकृती तुम्ह समान जग माहीं। भयउ न है कोउ होनेउ नाहीं।।\nतुम्ह ते अधिक पुन्य बड़ काकें। राजन राम सरिस सुत जाकें।।\nबीर बिनीत धरम ब्रत धारी। गुन सागर बर बालक चारी।।\nतुम्ह कहुँ सर्ब काल कल्याना। सजहु बरात बजाइ निसाना।।\nदोहा/सोरठा\nचलहु बेगि सुनि गुर बचन भलेहिं नाथ सिरु नाइ।\nभूपति गवने भवन तब दूतन्ह बासु देवाइ।।294।।", iast: "caupāī\nsuni bole gura ati sukhu pāī| punya puruṣa kahu~ mahi sukha chāī||\njimi saritā sāgara mahu~ jāhīṃ| jadyapi tāhi kāmanā nāhīṃ||\ntimi sukha saṃpati binahiṃ bolāe~| dharamasīla pahiṃ jāhiṃ subhāe~||\ntumha gura bipra dhenu sura sebī| tasi punīta kausalyā debī||\nsukṛtī tumha samāna jaga māhīṃ| bhayau na hai kou honeu nāhīṃ||\ntumha te adhika punya baṛa kākeṃ| rājana rāma sarisa suta jākeṃ||\nbīra binīta dharama brata dhārī| guna sāgara bara bālaka cārī||\ntumha kahu~ sarba kāla kalyānā| sajahu barāta bajāi nisānā||\ndohā/soraṭhā\ncalahu begi suni gura bacana bhalehiṃ nātha siru nāi|\nbhūpati gavane bhavana taba dūtanha bāsu devāi||294||" },
    { devanagari: "चौपाई\nराजा सबु रनिवास बोलाई। जनक पत्रिका बाचि सुनाई।।\nसुनि संदेसु सकल हरषानीं। अपर कथा सब भूप बखानीं।।\nप्रेम प्रफुल्लित राजहिं रानी। मनहुँ सिखिनि सुनि बारिद बनी।।\nमुदित असीस देहिं गुरु नारीं। अति आनंद मगन महतारीं।।\nलेहिं परस्पर अति प्रिय पाती। हृदयँ लगाइ जुड़ावहिं छाती।।\nराम लखन कै कीरति करनी। बारहिं बार भूपबर बरनी।।\nमुनि प्रसादु कहि द्वार सिधाए। रानिन्ह तब महिदेव बोलाए।।\nदिए दान आनंद समेता। चले बिप्रबर आसिष देता।।\nदोहा/सोरठा\nजाचक लिए हँकारि दीन्हि निछावरि कोटि बिधि।\nचिरु जीवहुँ सुत चारि चक्रबर्ति दसरत्थ के।।295।।", iast: "caupāī\nrājā sabu ranivāsa bolāī| janaka patrikā bāci sunāī||\nsuni saṃdesu sakala haraṣānīṃ| apara kathā saba bhūpa bakhānīṃ||\nprema praphullita rājahiṃ rānī| manahu~ sikhini suni bārida banī||\nmudita asīsa dehiṃ guru nārīṃ| ati ānaṃda magana mahatārīṃ||\nlehiṃ paraspara ati priya pātī| hṛdaya~ lagāi juṛāvahiṃ chātī||\nrāma lakhana kai kīrati karanī| bārahiṃ bāra bhūpabara baranī||\nmuni prasādu kahi dvāra sidhāe| rāninha taba mahideva bolāe||\ndie dāna ānaṃda sametā| cale biprabara āsiṣa detā||\ndohā/soraṭhā\njācaka lie ha~kāri dīnhi nichāvari koṭi bidhi|\nciru jīvahu~ suta cāri cakrabarti dasarattha ke||295||" },
    { devanagari: "चौपाई\nकहत चले पहिरें पट नाना। हरषि हने गहगहे निसाना।।\nसमाचार सब लोगन्ह पाए। लागे घर घर होने बधाए।।\nभुवन चारि दस भरा उछाहू। जनकसुता रघुबीर बिआहू।।\nसुनि सुभ कथा लोग अनुरागे। मग गृह गलीं सँवारन लागे।।\nजद्यपि अवध सदैव सुहावनि। राम पुरी मंगलमय पावनि।।\nतदपि प्रीति कै प्रीति सुहाई। मंगल रचना रची बनाई।।\nध्वज पताक पट चामर चारु। छावा परम बिचित्र बजारू।।\nकनक कलस तोरन मनि जाला। हरद दूब दधि अच्छत माला।।\nदोहा/सोरठा\nमंगलमय निज निज भवन लोगन्ह रचे बनाइ।\nबीथीं सीचीं चतुरसम चौकें चारु पुराइ।।296।।", iast: "caupāī\nkahata cale pahireṃ paṭa nānā| haraṣi hane gahagahe nisānā||\nsamācāra saba loganha pāe| lāge ghara ghara hone badhāe||\nbhuvana cāri dasa bharā uchāhū| janakasutā raghubīra biāhū||\nsuni subha kathā loga anurāge| maga gṛha galīṃ sa~vārana lāge||\njadyapi avadha sadaiva suhāvani| rāma purī maṃgalamaya pāvani||\ntadapi prīti kai prīti suhāī| maṃgala racanā racī banāī||\ndhvaja patāka paṭa cāmara cāru| chāvā parama bicitra bajārū||\nkanaka kalasa torana mani jālā| harada dūba dadhi acchata mālā||\ndohā/soraṭhā\nmaṃgalamaya nija nija bhavana loganha race banāi|\nbīthīṃ sīcīṃ caturasama caukeṃ cāru purāi||296||" },
    { devanagari: "चौपाई\nजहँ तहँ जूथ जूथ मिलि भामिनि। सजि नव सप्त सकल दुति दामिनि।।\nबिधुबदनीं मृग सावक लोचनि। निज सरुप रति मानु बिमोचनि।।\nगावहिं मंगल मंजुल बानीं। सुनिकल रव कलकंठि लजानीं।।\nभूप भवन किमि जाइ बखाना। बिस्व बिमोहन रचेउ बिताना।।\nमंगल द्रब्य मनोहर नाना। राजत बाजत बिपुल निसाना।।\nकतहुँ बिरिद बंदी उच्चरहीं। कतहुँ बेद धुनि भूसुर करहीं।।\nगावहिं सुंदरि मंगल गीता। लै लै नामु रामु अरु सीता।।\nबहुत उछाहु भवनु अति थोरा। मानहुँ उमगि चला चहु ओरा।।\nदोहा/सोरठा\nसोभा दसरथ भवन कइ को कबि बरनै पार।\nजहाँ सकल सुर सीस मनि राम लीन्ह अवतार।।297।।", iast: "caupāī\njaha~ taha~ jūtha jūtha mili bhāmini| saji nava sapta sakala duti dāmini||\nbidhubadanīṃ mṛga sāvaka locani| nija sarupa rati mānu bimocani||\ngāvahiṃ maṃgala maṃjula bānīṃ| sunikala rava kalakaṃṭhi lajānīṃ||\nbhūpa bhavana kimi jāi bakhānā| bisva bimohana raceu bitānā||\nmaṃgala drabya manohara nānā| rājata bājata bipula nisānā||\nkatahu~ birida baṃdī uccarahīṃ| katahu~ beda dhuni bhūsura karahīṃ||\ngāvahiṃ suṃdari maṃgala gītā| lai lai nāmu rāmu aru sītā||\nbahuta uchāhu bhavanu ati thorā| mānahu~ umagi calā cahu orā||\ndohā/soraṭhā\nsobhā dasaratha bhavana kai ko kabi baranai pāra|\njahā~ sakala sura sīsa mani rāma līnha avatāra||297||" },
    { devanagari: "चौपाई\nभूप भरत पुनि लिए बोलाई। हय गय स्यंदन साजहु जाई।।\nचलहु बेगि रघुबीर बराता। सुनत पुलक पूरे दोउ भ्राता।।\nभरत सकल साहनी बोलाए। आयसु दीन्ह मुदित उठि धाए।।\nरचि रुचि जीन तुरग तिन्ह साजे। बरन बरन बर बाजि बिराजे।।\nसुभग सकल सुठि चंचल करनी। अय इव जरत धरत पग धरनी।।\nनाना जाति न जाहिं बखाने। निदरि पवनु जनु चहत उड़ाने।।\nतिन्ह सब छयल भए असवारा। भरत सरिस बय राजकुमारा।।\nसब सुंदर सब भूषनधारी। कर सर चाप तून कटि भारी।।\nदोहा/सोरठा\nछरे छबीले छयल सब सूर सुजान नबीन।\nजुग पदचर असवार प्रति जे असिकला प्रबीन।।298।।", iast: "caupāī\nbhūpa bharata puni lie bolāī| haya gaya syaṃdana sājahu jāī||\ncalahu begi raghubīra barātā| sunata pulaka pūre dou bhrātā||\nbharata sakala sāhanī bolāe| āyasu dīnha mudita uṭhi dhāe||\nraci ruci jīna turaga tinha sāje| barana barana bara bāji birāje||\nsubhaga sakala suṭhi caṃcala karanī| aya iva jarata dharata paga dharanī||\nnānā jāti na jāhiṃ bakhāne| nidari pavanu janu cahata uṛāne||\ntinha saba chayala bhae asavārā| bharata sarisa baya rājakumārā||\nsaba suṃdara saba bhūṣanadhārī| kara sara cāpa tūna kaṭi bhārī||\ndohā/soraṭhā\nchare chabīle chayala saba sūra sujāna nabīna|\njuga padacara asavāra prati je asikalā prabīna||298||" },
    { devanagari: "चौपाई\nबाँधे बिरद बीर रन गाढ़े। निकसि भए पुर बाहेर ठाढ़े।।\nफेरहिं चतुर तुरग गति नाना। हरषहिं सुनि सुनि पवन निसाना।।\nरथ सारथिन्ह बिचित्र बनाए। ध्वज पताक मनि भूषन लाए।।\nचवँर चारु किंकिन धुनि करही। भानु जान सोभा अपहरहीं।।\nसावँकरन अगनित हय होते। ते तिन्ह रथन्ह सारथिन्ह जोते।।\nसुंदर सकल अलंकृत सोहे। जिन्हहि बिलोकत मुनि मन मोहे।।\nजे जल चलहिं थलहि की नाई। टाप न बूड़ बेग अधिकाई।।\nअस्त्र सस्त्र सबु साजु बनाई। रथी सारथिन्ह लिए बोलाई।।\nदोहा/सोरठा\nचढ़ि चढ़ि रथ बाहेर नगर लागी जुरन बरात।\nहोत सगुन सुन्दर सबहि जो जेहि कारज जात।।299।।", iast: "caupāī\nbā~dhe birada bīra rana gāṛhe| nikasi bhae pura bāhera ṭhāṛhe||\npherahiṃ catura turaga gati nānā| haraṣahiṃ suni suni pavana nisānā||\nratha sārathinha bicitra banāe| dhvaja patāka mani bhūṣana lāe||\ncava~ra cāru kiṃkina dhuni karahī| bhānu jāna sobhā apaharahīṃ||\nsāva~karana aganita haya hote| te tinha rathanha sārathinha jote||\nsuṃdara sakala alaṃkṛta sohe| jinhahi bilokata muni mana mohe||\nje jala calahiṃ thalahi kī nāī| ṭāpa na būṛa bega adhikāī||\nastra sastra sabu sāju banāī| rathī sārathinha lie bolāī||\ndohā/soraṭhā\ncaṛhi caṛhi ratha bāhera nagara lāgī jurana barāta|\nhota saguna sundara sabahi jo jehi kāraja jāta||299||" },
    { devanagari: "चौपाई\nकलित करिबरन्हि परीं अँबारीं। कहि न जाहिं जेहि भाँति सँवारीं।।\nचले मत्तगज घंट बिराजी। मनहुँ सुभग सावन घन राजी।।\nबाहन अपर अनेक बिधाना। सिबिका सुभग सुखासन जाना।।\nतिन्ह चढ़ि चले बिप्रबर बृन्दा। जनु तनु धरें सकल श्रुति छंदा।।\nमागध सूत बंदि गुनगायक। चले जान चढ़ि जो जेहि लायक।।\nबेसर ऊँट बृषभ बहु जाती। चले बस्तु भरि अगनित भाँती।।\nकोटिन्ह काँवरि चले कहारा। बिबिध बस्तु को बरनै पारा।।\nचले सकल सेवक समुदाई। निज निज साजु समाजु बनाई।।\nदोहा/सोरठा\nसब कें उर निर्भर हरषु पूरित पुलक सरीर।\nकबहिं देखिबे नयन भरि रामु लखनू दोउ बीर।।300।।", iast: "caupāī\nkalita karibaranhi parīṃ a~bārīṃ| kahi na jāhiṃ jehi bhā~ti sa~vārīṃ||\ncale mattagaja ghaṃṭa birājī| manahu~ subhaga sāvana ghana rājī||\nbāhana apara aneka bidhānā| sibikā subhaga sukhāsana jānā||\ntinha caṛhi cale biprabara bṛndā| janu tanu dhareṃ sakala śruti chaṃdā||\nmāgadha sūta baṃdi gunagāyaka| cale jāna caṛhi jo jehi lāyaka||\nbesara ū~ṭa bṛṣabha bahu jātī| cale bastu bhari aganita bhā~tī||\nkoṭinha kā~vari cale kahārā| bibidha bastu ko baranai pārā||\ncale sakala sevaka samudāī| nija nija sāju samāju banāī||\ndohā/soraṭhā\nsaba keṃ ura nirbhara haraṣu pūrita pulaka sarīra|\nkabahiṃ dekhibe nayana bhari rāmu lakhanū dou bīra||300||" },
    { devanagari: "चौपाई\nगरजहिं गज घंटा धुनि घोरा। रथ रव बाजि हिंस चहु ओरा।।\nनिदरि घनहि घुर्म्मरहिं निसाना। निज पराइ कछु सुनिअ न काना।।\nमहा भीर भूपति के द्वारें। रज होइ जाइ पषान पबारें।।\nचढ़ी अटारिन्ह देखहिं नारीं। लिंएँ आरती मंगल थारी।।\nगावहिं गीत मनोहर नाना। अति आनंदु न जाइ बखाना।।\nतब सुमंत्र दुइ स्पंदन साजी। जोते रबि हय निंदक बाजी।।\nदोउ रथ रुचिर भूप पहिं आने। नहिं सारद पहिं जाहिं बखाने।।\nराज समाजु एक रथ साजा। दूसर तेज पुंज अति भ्राजा।।\nदोहा/सोरठा\nतेहिं रथ रुचिर बसिष्ठ कहुँ हरषि चढ़ाइ नरेसु।\nआपु चढ़ेउ स्पंदन सुमिरि हर गुर गौरि गनेसु।।301।।", iast: "caupāī\ngarajahiṃ gaja ghaṃṭā dhuni ghorā| ratha rava bāji hiṃsa cahu orā||\nnidari ghanahi ghurmmarahiṃ nisānā| nija parāi kachu sunia na kānā||\nmahā bhīra bhūpati ke dvāreṃ| raja hoi jāi paṣāna pabāreṃ||\ncaṛhī aṭārinha dekhahiṃ nārīṃ| liṃe~ āratī maṃgala thārī||\ngāvahiṃ gīta manohara nānā| ati ānaṃdu na jāi bakhānā||\ntaba sumaṃtra dui spaṃdana sājī| jote rabi haya niṃdaka bājī||\ndou ratha rucira bhūpa pahiṃ āne| nahiṃ sārada pahiṃ jāhiṃ bakhāne||\nrāja samāju eka ratha sājā| dūsara teja puṃja ati bhrājā||\ndohā/soraṭhā\ntehiṃ ratha rucira basiṣṭha kahu~ haraṣi caṛhāi naresu|\nāpu caṛheu spaṃdana sumiri hara gura gauri ganesu||301||" },
    { devanagari: "चौपाई\nसहित बसिष्ठ सोह नृप कैसें। सुर गुर संग पुरंदर जैसें।।\nकरि कुल रीति बेद बिधि राऊ। देखि सबहि सब भाँति बनाऊ।।\nसुमिरि रामु गुर आयसु पाई। चले महीपति संख बजाई।।\nहरषे बिबुध बिलोकि बराता। बरषहिं सुमन सुमंगल दाता।।\nभयउ कोलाहल हय गय गाजे। ब्योम बरात बाजने बाजे।।\nसुर नर नारि सुमंगल गाई। सरस राग बाजहिं सहनाई।।\nघंट घंटि धुनि बरनि न जाहीं। सरव करहिं पाइक फहराहीं।।\nकरहिं बिदूषक कौतुक नाना। हास कुसल कल गान सुजाना ।\nदोहा/सोरठा\nतुरग नचावहिं कुँअर बर अकनि मृदंग निसान।।\nनागर नट चितवहिं चकित डगहिं न ताल बँधान।।302।।", iast: "caupāī\nsahita basiṣṭha soha nṛpa kaiseṃ| sura gura saṃga puraṃdara jaiseṃ||\nkari kula rīti beda bidhi rāū| dekhi sabahi saba bhā~ti banāū||\nsumiri rāmu gura āyasu pāī| cale mahīpati saṃkha bajāī||\nharaṣe bibudha biloki barātā| baraṣahiṃ sumana sumaṃgala dātā||\nbhayau kolāhala haya gaya gāje| byoma barāta bājane bāje||\nsura nara nāri sumaṃgala gāī| sarasa rāga bājahiṃ sahanāī||\nghaṃṭa ghaṃṭi dhuni barani na jāhīṃ| sarava karahiṃ pāika phaharāhīṃ||\nkarahiṃ bidūṣaka kautuka nānā| hāsa kusala kala gāna sujānā |\ndohā/soraṭhā\nturaga nacāvahiṃ ku~ara bara akani mṛdaṃga nisāna||\nnāgara naṭa citavahiṃ cakita ḍagahiṃ na tāla ba~dhāna||302||" },
    { devanagari: "चौपाई\nबनइ न बरनत बनी बराता। होहिं सगुन सुंदर सुभदाता।।\nचारा चाषु बाम दिसि लेई। मनहुँ सकल मंगल कहि देई।।\nदाहिन काग सुखेत सुहावा। नकुल दरसु सब काहूँ पावा।।\nसानुकूल बह त्रिबिध बयारी। सघट सवाल आव बर नारी।।\nलोवा फिरि फिरि दरसु देखावा। सुरभी सनमुख सिसुहि पिआवा।।\nमृगमाला फिरि दाहिनि आई। मंगल गन जनु दीन्हि देखाई।।\nछेमकरी कह छेम बिसेषी। स्यामा बाम सुतरु पर देखी।।\nसनमुख आयउ दधि अरु मीना। कर पुस्तक दुइ बिप्र प्रबीना।।\nदोहा/सोरठा\nमंगलमय कल्यानमय अभिमत फल दातार।\nजनु सब साचे होन हित भए सगुन एक बार।।303।।", iast: "caupāī\nbanai na baranata banī barātā| hohiṃ saguna suṃdara subhadātā||\ncārā cāṣu bāma disi leī| manahu~ sakala maṃgala kahi deī||\ndāhina kāga sukheta suhāvā| nakula darasu saba kāhū~ pāvā||\nsānukūla baha tribidha bayārī| saghaṭa savāla āva bara nārī||\nlovā phiri phiri darasu dekhāvā| surabhī sanamukha sisuhi piāvā||\nmṛgamālā phiri dāhini āī| maṃgala gana janu dīnhi dekhāī||\nchemakarī kaha chema biseṣī| syāmā bāma sutaru para dekhī||\nsanamukha āyau dadhi aru mīnā| kara pustaka dui bipra prabīnā||\ndohā/soraṭhā\nmaṃgalamaya kalyānamaya abhimata phala dātāra|\njanu saba sāce hona hita bhae saguna eka bāra||303||" },
    { devanagari: "चौपाई\nमंगल सगुन सुगम सब ताकें। सगुन ब्रह्म सुंदर सुत जाकें।।\nराम सरिस बरु दुलहिनि सीता। समधी दसरथु जनकु पुनीता।।\nसुनि अस ब्याहु सगुन सब नाचे। अब कीन्हे बिरंचि हम साँचे।।\nएहि बिधि कीन्ह बरात पयाना। हय गय गाजहिं हने निसाना।।\nआवत जानि भानुकुल केतू। सरितन्हि जनक बँधाए सेतू।।\nबीच बीच बर बास बनाए। सुरपुर सरिस संपदा छाए।।\nअसन सयन बर बसन सुहाए। पावहिं सब निज निज मन भाए।।\nनित नूतन सुख लखि अनुकूले। सकल बरातिन्ह मंदिर भूले।।\nदोहा/सोरठा\nआवत जानि बरात बर सुनि गहगहे निसान।\nसजि गज रथ पदचर तुरग लेन चले अगवान।।304।।", iast: "caupāī\nmaṃgala saguna sugama saba tākeṃ| saguna brahma suṃdara suta jākeṃ||\nrāma sarisa baru dulahini sītā| samadhī dasarathu janaku punītā||\nsuni asa byāhu saguna saba nāce| aba kīnhe biraṃci hama sā~ce||\nehi bidhi kīnha barāta payānā| haya gaya gājahiṃ hane nisānā||\nāvata jāni bhānukula ketū| saritanhi janaka ba~dhāe setū||\nbīca bīca bara bāsa banāe| surapura sarisa saṃpadā chāe||\nasana sayana bara basana suhāe| pāvahiṃ saba nija nija mana bhāe||\nnita nūtana sukha lakhi anukūle| sakala barātinha maṃdira bhūle||\ndohā/soraṭhā\nāvata jāni barāta bara suni gahagahe nisāna|\nsaji gaja ratha padacara turaga lena cale agavāna||304||" },
    { devanagari: "चौपाई\nकनक कलस भरि कोपर थारा। भाजन ललित अनेक प्रकारा।।\nभरे सुधासम सब पकवाने। नाना भाँति न जाहिं बखाने।।\nफल अनेक बर बस्तु सुहाईं। हरषि भेंट हित भूप पठाईं।।\nभूषन बसन महामनि नाना। खग मृग हय गय बहुबिधि जाना।।\nमंगल सगुन सुगंध सुहाए। बहुत भाँति महिपाल पठाए।।\nदधि चिउरा उपहार अपारा। भरि भरि काँवरि चले कहारा।।\nअगवानन्ह जब दीखि बराता।उर आनंदु पुलक भर गाता।।\nदेखि बनाव सहित अगवाना। मुदित बरातिन्ह हने निसाना।।\nदोहा/सोरठा\nहरषि परसपर मिलन हित कछुक चले बगमेल।\nजनु आनंद समुद्र दुइ मिलत बिहाइ सुबेल।।305।।", iast: "caupāī\nkanaka kalasa bhari kopara thārā| bhājana lalita aneka prakārā||\nbhare sudhāsama saba pakavāne| nānā bhā~ti na jāhiṃ bakhāne||\nphala aneka bara bastu suhāīṃ| haraṣi bheṃṭa hita bhūpa paṭhāīṃ||\nbhūṣana basana mahāmani nānā| khaga mṛga haya gaya bahubidhi jānā||\nmaṃgala saguna sugaṃdha suhāe| bahuta bhā~ti mahipāla paṭhāe||\ndadhi ciurā upahāra apārā| bhari bhari kā~vari cale kahārā||\nagavānanha jaba dīkhi barātā|ura ānaṃdu pulaka bhara gātā||\ndekhi banāva sahita agavānā| mudita barātinha hane nisānā||\ndohā/soraṭhā\nharaṣi parasapara milana hita kachuka cale bagamela|\njanu ānaṃda samudra dui milata bihāi subela||305||" },
    { devanagari: "चौपाई\nबरषि सुमन सुर सुंदरि गावहिं। मुदित देव दुंदुभीं बजावहिं।।\nबस्तु सकल राखीं नृप आगें। बिनय कीन्ह तिन्ह अति अनुरागें।।\nप्रेम समेत रायँ सबु लीन्हा। भै बकसीस जाचकन्हि दीन्हा।।\nकरि पूजा मान्यता बड़ाई। जनवासे कहुँ चले लवाई।।\nबसन बिचित्र पाँवड़े परहीं। देखि धनहु धन मदु परिहरहीं।।\nअति सुंदर दीन्हेउ जनवासा। जहँ सब कहुँ सब भाँति सुपासा।।\nजानी सियँ बरात पुर आई। कछु निज महिमा प्रगटि जनाई।।\nहृदयँ सुमिरि सब सिद्धि बोलाई। भूप पहुनई करन पठाई।।\nदोहा/सोरठा\nसिधि सब सिय आयसु अकनि गईं जहाँ जनवास।\nलिएँ संपदा सकल सुख सुरपुर भोग बिलास।।306।।", iast: "caupāī\nbaraṣi sumana sura suṃdari gāvahiṃ| mudita deva duṃdubhīṃ bajāvahiṃ||\nbastu sakala rākhīṃ nṛpa āgeṃ| binaya kīnha tinha ati anurāgeṃ||\nprema sameta rāya~ sabu līnhā| bhai bakasīsa jācakanhi dīnhā||\nkari pūjā mānyatā baṛāī| janavāse kahu~ cale lavāī||\nbasana bicitra pā~vaṛe parahīṃ| dekhi dhanahu dhana madu pariharahīṃ||\nati suṃdara dīnheu janavāsā| jaha~ saba kahu~ saba bhā~ti supāsā||\njānī siya~ barāta pura āī| kachu nija mahimā pragaṭi janāī||\nhṛdaya~ sumiri saba siddhi bolāī| bhūpa pahunaī karana paṭhāī||\ndohā/soraṭhā\nsidhi saba siya āyasu akani gaīṃ jahā~ janavāsa|\nlie~ saṃpadā sakala sukha surapura bhoga bilāsa||306||" },
    { devanagari: "चौपाई\nनिज निज बास बिलोकि बराती। सुर सुख सकल सुलभ सब भाँती।।\nबिभव भेद कछु कोउ न जाना। सकल जनक कर करहिं बखाना।।\nसिय महिमा रघुनायक जानी। हरषे हृदयँ हेतु पहिचानी।।\nपितु आगमनु सुनत दोउ भाई। हृदयँ न अति आनंदु अमाई।।\nसकुचन्ह कहि न सकत गुरु पाहीं। पितु दरसन लालचु मन माहीं।।\nबिस्वामित्र बिनय बड़ि देखी। उपजा उर संतोषु बिसेषी।।\nहरषि बंधु दोउ हृदयँ लगाए। पुलक अंग अंबक जल छाए।।\nचले जहाँ दसरथु जनवासे। मनहुँ सरोबर तकेउ पिआसे।।\nदोहा/सोरठा\nभूप बिलोके जबहिं मुनि आवत सुतन्ह समेत।\nउठे हरषि सुखसिंधु महुँ चले थाह सी लेत।।307।।", iast: "caupāī\nnija nija bāsa biloki barātī| sura sukha sakala sulabha saba bhā~tī||\nbibhava bheda kachu kou na jānā| sakala janaka kara karahiṃ bakhānā||\nsiya mahimā raghunāyaka jānī| haraṣe hṛdaya~ hetu pahicānī||\npitu āgamanu sunata dou bhāī| hṛdaya~ na ati ānaṃdu amāī||\nsakucanha kahi na sakata guru pāhīṃ| pitu darasana lālacu mana māhīṃ||\nbisvāmitra binaya baṛi dekhī| upajā ura saṃtoṣu biseṣī||\nharaṣi baṃdhu dou hṛdaya~ lagāe| pulaka aṃga aṃbaka jala chāe||\ncale jahā~ dasarathu janavāse| manahu~ sarobara takeu piāse||\ndohā/soraṭhā\nbhūpa biloke jabahiṃ muni āvata sutanha sameta|\nuṭhe haraṣi sukhasiṃdhu mahu~ cale thāha sī leta||307||" },
    { devanagari: "चौपाई\nमुनिहि दंडवत कीन्ह महीसा। बार बार पद रज धरि सीसा।।\nकौसिक राउ लिये उर लाई। कहि असीस पूछी कुसलाई।।\nपुनि दंडवत करत दोउ भाई। देखि नृपति उर सुखु न समाई।।\nसुत हियँ लाइ दुसह दुख मेटे। मृतक सरीर प्रान जनु भेंटे।।\nपुनि बसिष्ठ पद सिर तिन्ह नाए। प्रेम मुदित मुनिबर उर लाए।।\nबिप्र बृंद बंदे दुहुँ भाईं। मन भावती असीसें पाईं।।\nभरत सहानुज कीन्ह प्रनामा। लिए उठाइ लाइ उर रामा।।\nहरषे लखन देखि दोउ भ्राता। मिले प्रेम परिपूरित गाता।।\nदोहा/सोरठा\nपुरजन परिजन जातिजन जाचक मंत्री मीत।\nमिले जथाबिधि सबहि प्रभु परम कृपाल बिनीत।।308।।", iast: "caupāī\nmunihi daṃḍavata kīnha mahīsā| bāra bāra pada raja dhari sīsā||\nkausika rāu liye ura lāī| kahi asīsa pūchī kusalāī||\npuni daṃḍavata karata dou bhāī| dekhi nṛpati ura sukhu na samāī||\nsuta hiya~ lāi dusaha dukha meṭe| mṛtaka sarīra prāna janu bheṃṭe||\npuni basiṣṭha pada sira tinha nāe| prema mudita munibara ura lāe||\nbipra bṛṃda baṃde duhu~ bhāīṃ| mana bhāvatī asīseṃ pāīṃ||\nbharata sahānuja kīnha pranāmā| lie uṭhāi lāi ura rāmā||\nharaṣe lakhana dekhi dou bhrātā| mile prema paripūrita gātā||\ndohā/soraṭhā\npurajana parijana jātijana jācaka maṃtrī mīta|\nmile jathābidhi sabahi prabhu parama kṛpāla binīta||308||" },
    { devanagari: "चौपाई\nरामहि देखि बरात जुड़ानी। प्रीति कि रीति न जाति बखानी।।\nनृप समीप सोहहिं सुत चारी। जनु धन धरमादिक तनुधारी।।\nसुतन्ह समेत दसरथहि देखी। मुदित नगर नर नारि बिसेषी।।\nसुमन बरिसि सुर हनहिं निसाना। नाकनटीं नाचहिं करि गाना।।\nसतानंद अरु बिप्र सचिव गन। मागध सूत बिदुष बंदीजन।।\nसहित बरात राउ सनमाना। आयसु मागि फिरे अगवाना।।\nप्रथम बरात लगन तें आई। तातें पुर प्रमोदु अधिकाई।।\nब्रह्मानंदु लोग सब लहहीं। बढ़हुँ दिवस निसि बिधि सन कहहीं।।\nदोहा/सोरठा\nरामु सीय सोभा अवधि सुकृत अवधि दोउ राज।\nजहँ जहँ पुरजन कहहिं अस मिलि नर नारि समाज।।।309।।", iast: "caupāī\nrāmahi dekhi barāta juṛānī| prīti ki rīti na jāti bakhānī||\nnṛpa samīpa sohahiṃ suta cārī| janu dhana dharamādika tanudhārī||\nsutanha sameta dasarathahi dekhī| mudita nagara nara nāri biseṣī||\nsumana barisi sura hanahiṃ nisānā| nākanaṭīṃ nācahiṃ kari gānā||\nsatānaṃda aru bipra saciva gana| māgadha sūta biduṣa baṃdījana||\nsahita barāta rāu sanamānā| āyasu māgi phire agavānā||\nprathama barāta lagana teṃ āī| tāteṃ pura pramodu adhikāī||\nbrahmānaṃdu loga saba lahahīṃ| baṛhahu~ divasa nisi bidhi sana kahahīṃ||\ndohā/soraṭhā\nrāmu sīya sobhā avadhi sukṛta avadhi dou rāja|\njaha~ jaha~ purajana kahahiṃ asa mili nara nāri samāja|||309||" },
    { devanagari: "चौपाई\nजनक सुकृत मूरति बैदेही। दसरथ सुकृत रामु धरें देही।।\nइन्ह सम काँहु न सिव अवराधे। काहिं न इन्ह समान फल लाधे।।\nइन्ह सम कोउ न भयउ जग माहीं। है नहिं कतहूँ होनेउ नाहीं।।\nहम सब सकल सुकृत कै रासी। भए जग जनमि जनकपुर बासी।।\nजिन्ह जानकी राम छबि देखी। को सुकृती हम सरिस बिसेषी।।\nपुनि देखब रघुबीर बिआहू। लेब भली बिधि लोचन लाहू।।\nकहहिं परसपर कोकिलबयनीं। एहि बिआहँ बड़ लाभु सुनयनीं।।\nबड़ें भाग बिधि बात बनाई। नयन अतिथि होइहहिं दोउ भाई।।\nदोहा/सोरठा\nबारहिं बार सनेह बस जनक बोलाउब सीय।\nलेन आइहहिं बंधु दोउ कोटि काम कमनीय।।310।।", iast: "caupāī\njanaka sukṛta mūrati baidehī| dasaratha sukṛta rāmu dhareṃ dehī||\ninha sama kā~hu na siva avarādhe| kāhiṃ na inha samāna phala lādhe||\ninha sama kou na bhayau jaga māhīṃ| hai nahiṃ katahū~ honeu nāhīṃ||\nhama saba sakala sukṛta kai rāsī| bhae jaga janami janakapura bāsī||\njinha jānakī rāma chabi dekhī| ko sukṛtī hama sarisa biseṣī||\npuni dekhaba raghubīra biāhū| leba bhalī bidhi locana lāhū||\nkahahiṃ parasapara kokilabayanīṃ| ehi biāha~ baṛa lābhu sunayanīṃ||\nbaṛeṃ bhāga bidhi bāta banāī| nayana atithi hoihahiṃ dou bhāī||\ndohā/soraṭhā\nbārahiṃ bāra saneha basa janaka bolāuba sīya|\nlena āihahiṃ baṃdhu dou koṭi kāma kamanīya||310||" },
    { devanagari: "चौपाई\nबिबिध भाँति होइहि पहुनाई। प्रिय न काहि अस सासुर माई।।\nतब तब राम लखनहि निहारी। होइहहिं सब पुर लोग सुखारी।।\nसखि जस राम लखनकर जोटा। तैसेइ भूप संग दुइ ढोटा।।\nस्याम गौर सब अंग सुहाए। ते सब कहहिं देखि जे आए।।\nकहा एक मैं आजु निहारे। जनु बिरंचि निज हाथ सँवारे।।\nभरतु रामही की अनुहारी। सहसा लखि न सकहिं नर नारी।।\nलखनु सत्रुसूदनु एकरूपा। नख सिख ते सब अंग अनूपा।।\nमन भावहिं मुख बरनि न जाहीं। उपमा कहुँ त्रिभुवन कोउ नाहीं।।", iast: "caupāī\nbibidha bhā~ti hoihi pahunāī| priya na kāhi asa sāsura māī||\ntaba taba rāma lakhanahi nihārī| hoihahiṃ saba pura loga sukhārī||\nsakhi jasa rāma lakhanakara joṭā| taisei bhūpa saṃga dui ḍhoṭā||\nsyāma gaura saba aṃga suhāe| te saba kahahiṃ dekhi je āe||\nkahā eka maiṃ āju nihāre| janu biraṃci nija hātha sa~vāre||\nbharatu rāmahī kī anuhārī| sahasā lakhi na sakahiṃ nara nārī||\nlakhanu satrusūdanu ekarūpā| nakha sikha te saba aṃga anūpā||\nmana bhāvahiṃ mukha barani na jāhīṃ| upamā kahu~ tribhuvana kou nāhīṃ||" },
    { devanagari: "चौपाई\nएहि बिधि सकल मनोरथ करहीं। आनँद उमगि उमगि उर भरहीं।।\nजे नृप सीय स्वयंबर आए। देखि बंधु सब तिन्ह सुख पाए।।\nकहत राम जसु बिसद बिसाला। निज निज भवन गए महिपाला।।\nगए बीति कुछ दिन एहि भाँती। प्रमुदित पुरजन सकल बराती।।\nमंगल मूल लगन दिनु आवा। हिम रितु अगहनु मासु सुहावा।।\nग्रह तिथि नखतु जोगु बर बारू। लगन सोधि बिधि कीन्ह बिचारू।।\nपठै दीन्हि नारद सन सोई। गनी जनक के गनकन्ह जोई।।\nसुनी सकल लोगन्ह यह बाता। कहहिं जोतिषी आहिं बिधाता।।\nदोहा/सोरठा\nधेनुधूरि बेला बिमल सकल सुमंगल मूल।\nबिप्रन्ह कहेउ बिदेह सन जानि सगुन अनुकुल।।312।।", iast: "caupāī\nehi bidhi sakala manoratha karahīṃ| āna~da umagi umagi ura bharahīṃ||\nje nṛpa sīya svayaṃbara āe| dekhi baṃdhu saba tinha sukha pāe||\nkahata rāma jasu bisada bisālā| nija nija bhavana gae mahipālā||\ngae bīti kucha dina ehi bhā~tī| pramudita purajana sakala barātī||\nmaṃgala mūla lagana dinu āvā| hima ritu agahanu māsu suhāvā||\ngraha tithi nakhatu jogu bara bārū| lagana sodhi bidhi kīnha bicārū||\npaṭhai dīnhi nārada sana soī| ganī janaka ke ganakanha joī||\nsunī sakala loganha yaha bātā| kahahiṃ jotiṣī āhiṃ bidhātā||\ndohā/soraṭhā\ndhenudhūri belā bimala sakala sumaṃgala mūla|\nbipranha kaheu bideha sana jāni saguna anukula||312||" },
    { devanagari: "चौपाई\nउपरोहितहि कहेउ नरनाहा। अब बिलंब कर कारनु काहा।।\nसतानंद तब सचिव बोलाए। मंगल सकल साजि सब ल्याए।।\nसंख निसान पनव बहु बाजे। मंगल कलस सगुन सुभ साजे।।\nसुभग सुआसिनि गावहिं गीता। करहिं बेद धुनि बिप्र पुनीता।।\nलेन चले सादर एहि भाँती। गए जहाँ जनवास बराती।।\nकोसलपति कर देखि समाजू। अति लघु लाग तिन्हहि सुरराजू।।\nभयउ समउ अब धारिअ पाऊ। यह सुनि परा निसानहिं घाऊ।।\nगुरहि पूछि करि कुल बिधि राजा। चले संग मुनि साधु समाजा।।\nदोहा/सोरठा\nभाग्य बिभव अवधेस कर देखि देव ब्रह्मादि।\nलगे सराहन सहस मुख जानि जनम निज बादि।।313।।", iast: "caupāī\nuparohitahi kaheu naranāhā| aba bilaṃba kara kāranu kāhā||\nsatānaṃda taba saciva bolāe| maṃgala sakala sāji saba lyāe||\nsaṃkha nisāna panava bahu bāje| maṃgala kalasa saguna subha sāje||\nsubhaga suāsini gāvahiṃ gītā| karahiṃ beda dhuni bipra punītā||\nlena cale sādara ehi bhā~tī| gae jahā~ janavāsa barātī||\nkosalapati kara dekhi samājū| ati laghu lāga tinhahi surarājū||\nbhayau samau aba dhāria pāū| yaha suni parā nisānahiṃ ghāū||\ngurahi pūchi kari kula bidhi rājā| cale saṃga muni sādhu samājā||\ndohā/soraṭhā\nbhāgya bibhava avadhesa kara dekhi deva brahmādi|\nlage sarāhana sahasa mukha jāni janama nija bādi||313||" },
    { devanagari: "चौपाई\nसुरन्ह सुमंगल अवसरु जाना। बरषहिं सुमन बजाइ निसाना।।\nसिव ब्रह्मादिक बिबुध बरूथा। चढ़े बिमानन्हि नाना जूथा।।\nप्रेम पुलक तन हृदयँ उछाहू। चले बिलोकन राम बिआहू।।\nदेखि जनकपुरु सुर अनुरागे। निज निज लोक सबहिं लघु लागे।।\nचितवहिं चकित बिचित्र बिताना। रचना सकल अलौकिक नाना।।\nनगर नारि नर रूप निधाना। सुघर सुधरम सुसील सुजाना।।\nतिन्हहि देखि सब सुर सुरनारीं। भए नखत जनु बिधु उजिआरीं।।\nबिधिहि भयह आचरजु बिसेषी। निज करनी कछु कतहुँ न देखी।।\nदोहा/सोरठा\nसिवँ समुझाए देव सब जनि आचरज भुलाहु।\nहृदयँ बिचारहु धीर धरि सिय रघुबीर बिआहु।।314।।", iast: "caupāī\nsuranha sumaṃgala avasaru jānā| baraṣahiṃ sumana bajāi nisānā||\nsiva brahmādika bibudha barūthā| caṛhe bimānanhi nānā jūthā||\nprema pulaka tana hṛdaya~ uchāhū| cale bilokana rāma biāhū||\ndekhi janakapuru sura anurāge| nija nija loka sabahiṃ laghu lāge||\ncitavahiṃ cakita bicitra bitānā| racanā sakala alaukika nānā||\nnagara nāri nara rūpa nidhānā| sughara sudharama susīla sujānā||\ntinhahi dekhi saba sura suranārīṃ| bhae nakhata janu bidhu ujiārīṃ||\nbidhihi bhayaha ācaraju biseṣī| nija karanī kachu katahu~ na dekhī||\ndohā/soraṭhā\nsiva~ samujhāe deva saba jani ācaraja bhulāhu|\nhṛdaya~ bicārahu dhīra dhari siya raghubīra biāhu||314||" },
    { devanagari: "चौपाई\nजिन्ह कर नामु लेत जग माहीं। सकल अमंगल मूल नसाहीं।।\nकरतल होहिं पदारथ चारी। तेइ सिय रामु कहेउ कामारी।।\nएहि बिधि संभु सुरन्ह समुझावा। पुनि आगें बर बसह चलावा।।\nदेवन्ह देखे दसरथु जाता। महामोद मन पुलकित गाता।।\nसाधु समाज संग महिदेवा। जनु तनु धरें करहिं सुख सेवा।।\nसोहत साथ सुभग सुत चारी। जनु अपबरग सकल तनुधारी।।\nमरकत कनक बरन बर जोरी। देखि सुरन्ह भै प्रीति न थोरी।।\nपुनि रामहि बिलोकि हियँ हरषे। नृपहि सराहि सुमन तिन्ह बरषे।।\nदोहा/सोरठा\nराम रूपु नख सिख सुभग बारहिं बार निहारि।\nपुलक गात लोचन सजल उमा समेत पुरारि।।315।।", iast: "caupāī\njinha kara nāmu leta jaga māhīṃ| sakala amaṃgala mūla nasāhīṃ||\nkaratala hohiṃ padāratha cārī| tei siya rāmu kaheu kāmārī||\nehi bidhi saṃbhu suranha samujhāvā| puni āgeṃ bara basaha calāvā||\ndevanha dekhe dasarathu jātā| mahāmoda mana pulakita gātā||\nsādhu samāja saṃga mahidevā| janu tanu dhareṃ karahiṃ sukha sevā||\nsohata sātha subhaga suta cārī| janu apabaraga sakala tanudhārī||\nmarakata kanaka barana bara jorī| dekhi suranha bhai prīti na thorī||\npuni rāmahi biloki hiya~ haraṣe| nṛpahi sarāhi sumana tinha baraṣe||\ndohā/soraṭhā\nrāma rūpu nakha sikha subhaga bārahiṃ bāra nihāri|\npulaka gāta locana sajala umā sameta purāri||315||" },
    { devanagari: "चौपाई\nकेकि कंठ दुति स्यामल अंगा। तड़ित बिनिंदक बसन सुरंगा।।\nब्याह बिभूषन बिबिध बनाए। मंगल सब सब भाँति सुहाए।।\nसरद बिमल बिधु बदनु सुहावन। नयन नवल राजीव लजावन।।\nसकल अलौकिक सुंदरताई। कहि न जाइ मनहीं मन भाई।।\nबंधु मनोहर सोहहिं संगा। जात नचावत चपल तुरंगा।।\nराजकुअँर बर बाजि देखावहिं। बंस प्रसंसक बिरिद सुनावहिं।।\nजेहि तुरंग पर रामु बिराजे। गति बिलोकि खगनायकु लाजे।।\nकहि न जाइ सब भाँति सुहावा। बाजि बेषु जनु काम बनावा।।", iast: "caupāī\nkeki kaṃṭha duti syāmala aṃgā| taṛita biniṃdaka basana suraṃgā||\nbyāha bibhūṣana bibidha banāe| maṃgala saba saba bhā~ti suhāe||\nsarada bimala bidhu badanu suhāvana| nayana navala rājīva lajāvana||\nsakala alaukika suṃdaratāī| kahi na jāi manahīṃ mana bhāī||\nbaṃdhu manohara sohahiṃ saṃgā| jāta nacāvata capala turaṃgā||\nrājakua~ra bara bāji dekhāvahiṃ| baṃsa prasaṃsaka birida sunāvahiṃ||\njehi turaṃga para rāmu birāje| gati biloki khaganāyaku lāje||\nkahi na jāi saba bhā~ti suhāvā| bāji beṣu janu kāma banāvā||" },
    { devanagari: "चौपाई\nजेहिं बर बाजि रामु असवारा। तेहि सारदउ न बरनै पारा।।\nसंकरु राम रूप अनुरागे। नयन पंचदस अति प्रिय लागे।।\nहरि हित सहित रामु जब जोहे। रमा समेत रमापति मोहे।।\nनिरखि राम छबि बिधि हरषाने। आठइ नयन जानि पछिताने।।\nसुर सेनप उर बहुत उछाहू। बिधि ते डेवढ़ लोचन लाहू।।\nरामहि चितव सुरेस सुजाना। गौतम श्रापु परम हित माना।।\nदेव सकल सुरपतिहि सिहाहीं। आजु पुरंदर सम कोउ नाहीं।।\nमुदित देवगन रामहि देखी। नृपसमाज दुहुँ हरषु बिसेषी।।", iast: "caupāī\njehiṃ bara bāji rāmu asavārā| tehi sāradau na baranai pārā||\nsaṃkaru rāma rūpa anurāge| nayana paṃcadasa ati priya lāge||\nhari hita sahita rāmu jaba johe| ramā sameta ramāpati mohe||\nnirakhi rāma chabi bidhi haraṣāne| āṭhai nayana jāni pachitāne||\nsura senapa ura bahuta uchāhū| bidhi te ḍevaṛha locana lāhū||\nrāmahi citava suresa sujānā| gautama śrāpu parama hita mānā||\ndeva sakala surapatihi sihāhīṃ| āju puraṃdara sama kou nāhīṃ||\nmudita devagana rāmahi dekhī| nṛpasamāja duhu~ haraṣu biseṣī||" },
    { devanagari: "चौपाई\nबिधुबदनीं सब सब मृगलोचनि। सब निज तन छबि रति मदु मोचनि।।\nपहिरें बरन बरन बर चीरा। सकल बिभूषन सजें सरीरा।।\nसकल सुमंगल अंग बनाएँ। करहिं गान कलकंठि लजाएँ।।\nकंकन किंकिनि नूपुर बाजहिं। चालि बिलोकि काम गज लाजहिं।।\nबाजहिं बाजने बिबिध प्रकारा। नभ अरु नगर सुमंगलचारा।।\nसची सारदा रमा भवानी। जे सुरतिय सुचि सहज सयानी।।\nकपट नारि बर बेष बनाई। मिलीं सकल रनिवासहिं जाई।।\nकरहिं गान कल मंगल बानीं। हरष बिबस सब काहुँ न जानी।।", iast: "caupāī\nbidhubadanīṃ saba saba mṛgalocani| saba nija tana chabi rati madu mocani||\npahireṃ barana barana bara cīrā| sakala bibhūṣana sajeṃ sarīrā||\nsakala sumaṃgala aṃga banāe~| karahiṃ gāna kalakaṃṭhi lajāe~||\nkaṃkana kiṃkini nūpura bājahiṃ| cāli biloki kāma gaja lājahiṃ||\nbājahiṃ bājane bibidha prakārā| nabha aru nagara sumaṃgalacārā||\nsacī sāradā ramā bhavānī| je suratiya suci sahaja sayānī||\nkapaṭa nāri bara beṣa banāī| milīṃ sakala ranivāsahiṃ jāī||\nkarahiṃ gāna kala maṃgala bānīṃ| haraṣa bibasa saba kāhu~ na jānī||" },
    { devanagari: "चौपाई\nनयन नीरु हटि मंगल जानी। परिछनि करहिं मुदित मन रानी।।\nबेद बिहित अरु कुल आचारू। कीन्ह भली बिधि सब ब्यवहारू।।\nपंच सबद धुनि मंगल गाना। पट पाँवड़े परहिं बिधि नाना।।\nकरि आरती अरघु तिन्ह दीन्हा। राम गमनु मंडप तब कीन्हा।।\nदसरथु सहित समाज बिराजे। बिभव बिलोकि लोकपति लाजे।।\nसमयँ समयँ सुर बरषहिं फूला। सांति पढ़हिं महिसुर अनुकूला।।\nनभ अरु नगर कोलाहल होई। आपनि पर कछु सुनइ न कोई।।\nएहि बिधि रामु मंडपहिं आए। अरघु देइ आसन बैठाए।।", iast: "caupāī\nnayana nīru haṭi maṃgala jānī| parichani karahiṃ mudita mana rānī||\nbeda bihita aru kula ācārū| kīnha bhalī bidhi saba byavahārū||\npaṃca sabada dhuni maṃgala gānā| paṭa pā~vaṛe parahiṃ bidhi nānā||\nkari āratī araghu tinha dīnhā| rāma gamanu maṃḍapa taba kīnhā||\ndasarathu sahita samāja birāje| bibhava biloki lokapati lāje||\nsamaya~ samaya~ sura baraṣahiṃ phūlā| sāṃti paṛhahiṃ mahisura anukūlā||\nnabha aru nagara kolāhala hoī| āpani para kachu sunai na koī||\nehi bidhi rāmu maṃḍapahiṃ āe| araghu dei āsana baiṭhāe||" },
    { devanagari: "चौपाई\nमिले जनकु दसरथु अति प्रीतीं। करि बैदिक लौकिक सब रीतीं।।\nमिलत महा दोउ राज बिराजे। उपमा खोजि खोजि कबि लाजे।।\nलही न कतहुँ हारि हियँ मानी। इन्ह सम एइ उपमा उर आनी।।\nसामध देखि देव अनुरागे। सुमन बरषि जसु गावन लागे।।\nजगु बिरंचि उपजावा जब तें। देखे सुने ब्याह बहु तब तें।।\nसकल भाँति सम साजु समाजू। सम समधी देखे हम आजू।।\nदेव गिरा सुनि सुंदर साँची। प्रीति अलौकिक दुहु दिसि माची।।\nदेत पाँवड़े अरघु सुहाए। सादर जनकु मंडपहिं ल्याए।।", iast: "caupāī\nmile janaku dasarathu ati prītīṃ| kari baidika laukika saba rītīṃ||\nmilata mahā dou rāja birāje| upamā khoji khoji kabi lāje||\nlahī na katahu~ hāri hiya~ mānī| inha sama ei upamā ura ānī||\nsāmadha dekhi deva anurāge| sumana baraṣi jasu gāvana lāge||\njagu biraṃci upajāvā jaba teṃ| dekhe sune byāha bahu taba teṃ||\nsakala bhā~ti sama sāju samājū| sama samadhī dekhe hama ājū||\ndeva girā suni suṃdara sā~cī| prīti alaukika duhu disi mācī||\ndeta pā~vaṛe araghu suhāe| sādara janaku maṃḍapahiṃ lyāe||" },
    { devanagari: "चौपाई\nबहुरि कीन्ह कोसलपति पूजा। जानि ईस सम भाउ न दूजा।।\nकीन्ह जोरि कर बिनय बड़ाई। कहि निज भाग्य बिभव बहुताई।।\nपूजे भूपति सकल बराती। समधि सम सादर सब भाँती।।\nआसन उचित दिए सब काहू। कहौं काह मूख एक उछाहू।।\nसकल बरात जनक सनमानी। दान मान बिनती बर बानी।।\nबिधि हरि हरु दिसिपति दिनराऊ। जे जानहिं रघुबीर प्रभाऊ।।\nकपट बिप्र बर बेष बनाएँ। कौतुक देखहिं अति सचु पाएँ।।\nपूजे जनक देव सम जानें। दिए सुआसन बिनु पहिचानें।।", iast: "caupāī\nbahuri kīnha kosalapati pūjā| jāni īsa sama bhāu na dūjā||\nkīnha jori kara binaya baṛāī| kahi nija bhāgya bibhava bahutāī||\npūje bhūpati sakala barātī| samadhi sama sādara saba bhā~tī||\nāsana ucita die saba kāhū| kahauṃ kāha mūkha eka uchāhū||\nsakala barāta janaka sanamānī| dāna māna binatī bara bānī||\nbidhi hari haru disipati dinarāū| je jānahiṃ raghubīra prabhāū||\nkapaṭa bipra bara beṣa banāe~| kautuka dekhahiṃ ati sacu pāe~||\npūje janaka deva sama jāneṃ| die suāsana binu pahicāneṃ||" },
    { devanagari: "चौपाई\nसमउ बिलोकि बसिष्ठ बोलाए। सादर सतानंदु सुनि आए।।\nबेगि कुअँरि अब आनहु जाई। चले मुदित मुनि आयसु पाई।।\nरानी सुनि उपरोहित बानी। प्रमुदित सखिन्ह समेत सयानी।।\nबिप्र बधू कुलबृद्ध बोलाईं। करि कुल रीति सुमंगल गाईं।।\nनारि बेष जे सुर बर बामा। सकल सुभायँ सुंदरी स्यामा।।\nतिन्हहि देखि सुखु पावहिं नारीं। बिनु पहिचानि प्रानहु ते प्यारीं।।\nबार बार सनमानहिं रानी। उमा रमा सारद सम जानी।।\nसीय सँवारि समाजु बनाई। मुदित मंडपहिं चलीं लवाई।।", iast: "caupāī\nsamau biloki basiṣṭha bolāe| sādara satānaṃdu suni āe||\nbegi kua~ri aba ānahu jāī| cale mudita muni āyasu pāī||\nrānī suni uparohita bānī| pramudita sakhinha sameta sayānī||\nbipra badhū kulabṛddha bolāīṃ| kari kula rīti sumaṃgala gāīṃ||\nnāri beṣa je sura bara bāmā| sakala subhāya~ suṃdarī syāmā||\ntinhahi dekhi sukhu pāvahiṃ nārīṃ| binu pahicāni prānahu te pyārīṃ||\nbāra bāra sanamānahiṃ rānī| umā ramā sārada sama jānī||\nsīya sa~vāri samāju banāī| mudita maṃḍapahiṃ calīṃ lavāī||" },
    { devanagari: "चौपाई\nसिय सुंदरता बरनि न जाई। लघु मति बहुत मनोहरताई।।\nआवत दीखि बरातिन्ह सीता।।रूप रासि सब भाँति पुनीता।।\nसबहि मनहिं मन किए प्रनामा। देखि राम भए पूरनकामा।।\nहरषे दसरथ सुतन्ह समेता। कहि न जाइ उर आनँदु जेता।।\nसुर प्रनामु करि बरसहिं फूला। मुनि असीस धुनि मंगल मूला।।\nगान निसान कोलाहलु भारी। प्रेम प्रमोद मगन नर नारी।।\nएहि बिधि सीय मंडपहिं आई। प्रमुदित सांति पढ़हिं मुनिराई।।\nतेहि अवसर कर बिधि ब्यवहारू। दुहुँ कुलगुर सब कीन्ह अचारू।।", iast: "caupāī\nsiya suṃdaratā barani na jāī| laghu mati bahuta manoharatāī||\nāvata dīkhi barātinha sītā||rūpa rāsi saba bhā~ti punītā||\nsabahi manahiṃ mana kie pranāmā| dekhi rāma bhae pūranakāmā||\nharaṣe dasaratha sutanha sametā| kahi na jāi ura āna~du jetā||\nsura pranāmu kari barasahiṃ phūlā| muni asīsa dhuni maṃgala mūlā||\ngāna nisāna kolāhalu bhārī| prema pramoda magana nara nārī||\nehi bidhi sīya maṃḍapahiṃ āī| pramudita sāṃti paṛhahiṃ munirāī||\ntehi avasara kara bidhi byavahārū| duhu~ kulagura saba kīnha acārū||" },
    { devanagari: "चौपाई\nजनक पाटमहिषी जग जानी। सीय मातु किमि जाइ बखानी।।\nसुजसु सुकृत सुख सुदंरताई। सब समेटि बिधि रची बनाई।।\nसमउ जानि मुनिबरन्ह बोलाई। सुनत सुआसिनि सादर ल्याई।।\nजनक बाम दिसि सोह सुनयना। हिमगिरि संग बनि जनु मयना।।\nकनक कलस मनि कोपर रूरे। सुचि सुंगध मंगल जल पूरे।।\nनिज कर मुदित रायँ अरु रानी। धरे राम के आगें आनी।।\nपढ़हिं बेद मुनि मंगल बानी। गगन सुमन झरि अवसरु जानी।।\nबरु बिलोकि दंपति अनुरागे। पाय पुनीत पखारन लागे।।", iast: "caupāī\njanaka pāṭamahiṣī jaga jānī| sīya mātu kimi jāi bakhānī||\nsujasu sukṛta sukha sudaṃratāī| saba sameṭi bidhi racī banāī||\nsamau jāni munibaranha bolāī| sunata suāsini sādara lyāī||\njanaka bāma disi soha sunayanā| himagiri saṃga bani janu mayanā||\nkanaka kalasa mani kopara rūre| suci suṃgadha maṃgala jala pūre||\nnija kara mudita rāya~ aru rānī| dhare rāma ke āgeṃ ānī||\npaṛhahiṃ beda muni maṃgala bānī| gagana sumana jhari avasaru jānī||\nbaru biloki daṃpati anurāge| pāya punīta pakhārana lāge||" },
    { devanagari: "चौपाई\nकुअँरु कुअँरि कल भावँरि देहीं।।नयन लाभु सब सादर लेहीं।।\nजाइ न बरनि मनोहर जोरी। जो उपमा कछु कहौं सो थोरी।।\nराम सीय सुंदर प्रतिछाहीं। जगमगात मनि खंभन माहीं ।\nमनहुँ मदन रति धरि बहु रूपा। देखत राम बिआहु अनूपा।।\nदरस लालसा सकुच न थोरी। प्रगटत दुरत बहोरि बहोरी।।\nभए मगन सब देखनिहारे। जनक समान अपान बिसारे।।\nप्रमुदित मुनिन्ह भावँरी फेरी। नेगसहित सब रीति निबेरीं।।\nराम सीय सिर सेंदुर देहीं। सोभा कहि न जाति बिधि केहीं।।\nअरुन पराग जलजु भरि नीकें। ससिहि भूष अहि लोभ अमी कें।।\nबहुरि बसिष्ठ दीन्ह अनुसासन। बरु दुलहिनि बैठे एक आसन।।", iast: "caupāī\nkua~ru kua~ri kala bhāva~ri dehīṃ||nayana lābhu saba sādara lehīṃ||\njāi na barani manohara jorī| jo upamā kachu kahauṃ so thorī||\nrāma sīya suṃdara pratichāhīṃ| jagamagāta mani khaṃbhana māhīṃ |\nmanahu~ madana rati dhari bahu rūpā| dekhata rāma biāhu anūpā||\ndarasa lālasā sakuca na thorī| pragaṭata durata bahori bahorī||\nbhae magana saba dekhanihāre| janaka samāna apāna bisāre||\npramudita muninha bhāva~rī pherī| negasahita saba rīti niberīṃ||\nrāma sīya sira seṃdura dehīṃ| sobhā kahi na jāti bidhi kehīṃ||\naruna parāga jalaju bhari nīkeṃ| sasihi bhūṣa ahi lobha amī keṃ||\nbahuri basiṣṭha dīnha anusāsana| baru dulahini baiṭhe eka āsana||" },
    { devanagari: "चौपाई\nजसि रघुबीर ब्याह बिधि बरनी। सकल कुअँर ब्याहे तेहिं करनी।।\nकहि न जाइ कछु दाइज भूरी। रहा कनक मनि मंडपु पूरी।।\nकंबल बसन बिचित्र पटोरे। भाँति भाँति बहु मोल न थोरे।।\nगज रथ तुरग दास अरु दासी। धेनु अलंकृत कामदुहा सी।।\nबस्तु अनेक करिअ किमि लेखा। कहि न जाइ जानहिं जिन्ह देखा।।\nलोकपाल अवलोकि सिहाने। लीन्ह अवधपति सबु सुखु माने।।\nदीन्ह जाचकन्हि जो जेहि भावा। उबरा सो जनवासेहिं आवा।।\nतब कर जोरि जनकु मृदु बानी। बोले सब बरात सनमानी।।", iast: "caupāī\njasi raghubīra byāha bidhi baranī| sakala kua~ra byāhe tehiṃ karanī||\nkahi na jāi kachu dāija bhūrī| rahā kanaka mani maṃḍapu pūrī||\nkaṃbala basana bicitra paṭore| bhā~ti bhā~ti bahu mola na thore||\ngaja ratha turaga dāsa aru dāsī| dhenu alaṃkṛta kāmaduhā sī||\nbastu aneka karia kimi lekhā| kahi na jāi jānahiṃ jinha dekhā||\nlokapāla avaloki sihāne| līnha avadhapati sabu sukhu māne||\ndīnha jācakanhi jo jehi bhāvā| ubarā so janavāsehiṃ āvā||\ntaba kara jori janaku mṛdu bānī| bole saba barāta sanamānī||" },
    { devanagari: "चौपाई\nस्याम सरीरु सुभायँ सुहावन। सोभा कोटि मनोज लजावन।।\nजावक जुत पद कमल सुहाए। मुनि मन मधुप रहत जिन्ह छाए।।\nपीत पुनीत मनोहर धोती। हरति बाल रबि दामिनि जोती।।\nकल किंकिनि कटि सूत्र मनोहर। बाहु बिसाल बिभूषन सुंदर।।\nपीत जनेउ महाछबि देई। कर मुद्रिका चोरि चितु लेई।।\nसोहत ब्याह साज सब साजे। उर आयत उरभूषन राजे।।\nपिअर उपरना काखासोती। दुहुँ आँचरन्हि लगे मनि मोती।।\nनयन कमल कल कुंडल काना। बदनु सकल सौंदर्ज निधाना।।\nसुंदर भृकुटि मनोहर नासा। भाल तिलकु रुचिरता निवासा।।\nसोहत मौरु मनोहर माथे। मंगलमय मुकुता मनि गाथे।।", iast: "caupāī\nsyāma sarīru subhāya~ suhāvana| sobhā koṭi manoja lajāvana||\njāvaka juta pada kamala suhāe| muni mana madhupa rahata jinha chāe||\npīta punīta manohara dhotī| harati bāla rabi dāmini jotī||\nkala kiṃkini kaṭi sūtra manohara| bāhu bisāla bibhūṣana suṃdara||\npīta janeu mahāchabi deī| kara mudrikā cori citu leī||\nsohata byāha sāja saba sāje| ura āyata urabhūṣana rāje||\npiara uparanā kākhāsotī| duhu~ ā~caranhi lage mani motī||\nnayana kamala kala kuṃḍala kānā| badanu sakala sauṃdarja nidhānā||\nsuṃdara bhṛkuṭi manohara nāsā| bhāla tilaku ruciratā nivāsā||\nsohata mauru manohara māthe| maṃgalamaya mukutā mani gāthe||" },
    { devanagari: "चौपाई\nपुनि जेवनार भई बहु भाँती। पठए जनक बोलाइ बराती।।\nपरत पाँवड़े बसन अनूपा। सुतन्ह समेत गवन कियो भूपा।।\nसादर सबके पाय पखारे। जथाजोगु पीढ़न्ह बैठारे।।\nधोए जनक अवधपति चरना। सीलु सनेहु जाइ नहिं बरना।।\nबहुरि राम पद पंकज धोए। जे हर हृदय कमल महुँ गोए।।\nतीनिउ भाई राम सम जानी। धोए चरन जनक निज पानी।।\nआसन उचित सबहि नृप दीन्हे। बोलि सूपकारी सब लीन्हे।।\nसादर लगे परन पनवारे। कनक कील मनि पान सँवारे।।\nदोहा/सोरठा\nसूपोदन सुरभी सरपि सुंदर स्वादु पुनीत।\nछन महुँ सब कें परुसि गे चतुर सुआर बिनीत।।328।।", iast: "caupāī\npuni jevanāra bhaī bahu bhā~tī| paṭhae janaka bolāi barātī||\nparata pā~vaṛe basana anūpā| sutanha sameta gavana kiyo bhūpā||\nsādara sabake pāya pakhāre| jathājogu pīṛhanha baiṭhāre||\ndhoe janaka avadhapati caranā| sīlu sanehu jāi nahiṃ baranā||\nbahuri rāma pada paṃkaja dhoe| je hara hṛdaya kamala mahu~ goe||\ntīniu bhāī rāma sama jānī| dhoe carana janaka nija pānī||\nāsana ucita sabahi nṛpa dīnhe| boli sūpakārī saba līnhe||\nsādara lage parana panavāre| kanaka kīla mani pāna sa~vāre||\ndohā/soraṭhā\nsūpodana surabhī sarapi suṃdara svādu punīta|\nchana mahu~ saba keṃ parusi ge catura suāra binīta||328||" },
    { devanagari: "चौपाई\nपंच कवल करि जेवन लअगे। गारि गान सुनि अति अनुरागे।।\nभाँति अनेक परे पकवाने। सुधा सरिस नहिं जाहिं बखाने।।\nपरुसन लगे सुआर सुजाना। बिंजन बिबिध नाम को जाना।।\nचारि भाँति भोजन बिधि गाई। एक एक बिधि बरनि न जाई।।\nछरस रुचिर बिंजन बहु जाती। एक एक रस अगनित भाँती।।\nजेवँत देहिं मधुर धुनि गारी। लै लै नाम पुरुष अरु नारी।।\nसमय सुहावनि गारि बिराजा। हँसत राउ सुनि सहित समाजा।।\nएहि बिधि सबहीं भौजनु कीन्हा। आदर सहित आचमनु दीन्हा।।\nदोहा/सोरठा\nदेइ पान पूजे जनक दसरथु सहित समाज।\nजनवासेहि गवने मुदित सकल भूप सिरताज।।329।।", iast: "caupāī\npaṃca kavala kari jevana laage| gāri gāna suni ati anurāge||\nbhā~ti aneka pare pakavāne| sudhā sarisa nahiṃ jāhiṃ bakhāne||\nparusana lage suāra sujānā| biṃjana bibidha nāma ko jānā||\ncāri bhā~ti bhojana bidhi gāī| eka eka bidhi barani na jāī||\ncharasa rucira biṃjana bahu jātī| eka eka rasa aganita bhā~tī||\njeva~ta dehiṃ madhura dhuni gārī| lai lai nāma puruṣa aru nārī||\nsamaya suhāvani gāri birājā| ha~sata rāu suni sahita samājā||\nehi bidhi sabahīṃ bhaujanu kīnhā| ādara sahita ācamanu dīnhā||\ndohā/soraṭhā\ndei pāna pūje janaka dasarathu sahita samāja|\njanavāsehi gavane mudita sakala bhūpa siratāja||329||" },
    { devanagari: "चौपाई\nनित नूतन मंगल पुर माहीं। निमिष सरिस दिन जामिनि जाहीं।।\nबड़े भोर भूपतिमनि जागे। जाचक गुन गन गावन लागे।।\nदेखि कुअँर बर बधुन्ह समेता। किमि कहि जात मोदु मन जेता।।\nप्रातक्रिया करि गे गुरु पाहीं। महाप्रमोदु प्रेमु मन माहीं।।\nकरि प्रनाम पूजा कर जोरी। बोले गिरा अमिअँ जनु बोरी।।\nतुम्हरी कृपाँ सुनहु मुनिराजा। भयउँ आजु मैं पूरनकाजा।।\nअब सब बिप्र बोलाइ गोसाईं। देहु धेनु सब भाँति बनाई।।\nसुनि गुर करि महिपाल बड़ाई। पुनि पठए मुनि बृंद बोलाई।।\nदोहा/सोरठा\nबामदेउ अरु देवरिषि बालमीकि जाबालि।\nआए मुनिबर निकर तब कौसिकादि तपसालि।।330।।", iast: "caupāī\nnita nūtana maṃgala pura māhīṃ| nimiṣa sarisa dina jāmini jāhīṃ||\nbaṛe bhora bhūpatimani jāge| jācaka guna gana gāvana lāge||\ndekhi kua~ra bara badhunha sametā| kimi kahi jāta modu mana jetā||\nprātakriyā kari ge guru pāhīṃ| mahāpramodu premu mana māhīṃ||\nkari pranāma pūjā kara jorī| bole girā amia~ janu borī||\ntumharī kṛpā~ sunahu munirājā| bhayau~ āju maiṃ pūranakājā||\naba saba bipra bolāi gosāīṃ| dehu dhenu saba bhā~ti banāī||\nsuni gura kari mahipāla baṛāī| puni paṭhae muni bṛṃda bolāī||\ndohā/soraṭhā\nbāmadeu aru devariṣi bālamīki jābāli|\nāe munibara nikara taba kausikādi tapasāli||330||" },
    { devanagari: "चौपाई\nदंड प्रनाम सबहि नृप कीन्हे। पूजि सप्रेम बरासन दीन्हे।।\nचारि लच्छ बर धेनु मगाई। कामसुरभि सम सील सुहाई।।\nसब बिधि सकल अलंकृत कीन्हीं। मुदित महिप महिदेवन्ह दीन्हीं।।\nकरत बिनय बहु बिधि नरनाहू। लहेउँ आजु जग जीवन लाहू।।\nपाइ असीस महीसु अनंदा। लिए बोलि पुनि जाचक बृंदा।।\nकनक बसन मनि हय गय स्यंदन। दिए बूझि रुचि रबिकुलनंदन।।\nचले पढ़त गावत गुन गाथा। जय जय जय दिनकर कुल नाथा।।\nएहि बिधि राम बिआह उछाहू। सकइ न बरनि सहस मुख जाहू।।\nदोहा/सोरठा\nबार बार कौसिक चरन सीसु नाइ कह राउ।\nयह सबु सुखु मुनिराज तव कृपा कटाच्छ पसाउ।।331।।", iast: "caupāī\ndaṃḍa pranāma sabahi nṛpa kīnhe| pūji saprema barāsana dīnhe||\ncāri laccha bara dhenu magāī| kāmasurabhi sama sīla suhāī||\nsaba bidhi sakala alaṃkṛta kīnhīṃ| mudita mahipa mahidevanha dīnhīṃ||\nkarata binaya bahu bidhi naranāhū| laheu~ āju jaga jīvana lāhū||\npāi asīsa mahīsu anaṃdā| lie boli puni jācaka bṛṃdā||\nkanaka basana mani haya gaya syaṃdana| die būjhi ruci rabikulanaṃdana||\ncale paṛhata gāvata guna gāthā| jaya jaya jaya dinakara kula nāthā||\nehi bidhi rāma biāha uchāhū| sakai na barani sahasa mukha jāhū||\ndohā/soraṭhā\nbāra bāra kausika carana sīsu nāi kaha rāu|\nyaha sabu sukhu munirāja tava kṛpā kaṭāccha pasāu||331||" },
    { devanagari: "चौपाई\nजनक सनेहु सीलु करतूती। नृपु सब भाँति सराह बिभूती।।\nदिन उठि बिदा अवधपति मागा। राखहिं जनकु सहित अनुरागा।।\nनित नूतन आदरु अधिकाई। दिन प्रति सहस भाँति पहुनाई।।\nनित नव नगर अनंद उछाहू। दसरथ गवनु सोहाइ न काहू।।\nबहुत दिवस बीते एहि भाँती। जनु सनेह रजु बँधे बराती।।\nकौसिक सतानंद तब जाई। कहा बिदेह नृपहि समुझाई।।\nअब दसरथ कहँ आयसु देहू। जद्यपि छाड़ि न सकहु सनेहू।।\nभलेहिं नाथ कहि सचिव बोलाए। कहि जय जीव सीस तिन्ह नाए।।\nदोहा/सोरठा\nअवधनाथु चाहत चलन भीतर करहु जनाउ।\nभए प्रेमबस सचिव सुनि बिप्र सभासद राउ।।332।।", iast: "caupāī\njanaka sanehu sīlu karatūtī| nṛpu saba bhā~ti sarāha bibhūtī||\ndina uṭhi bidā avadhapati māgā| rākhahiṃ janaku sahita anurāgā||\nnita nūtana ādaru adhikāī| dina prati sahasa bhā~ti pahunāī||\nnita nava nagara anaṃda uchāhū| dasaratha gavanu sohāi na kāhū||\nbahuta divasa bīte ehi bhā~tī| janu saneha raju ba~dhe barātī||\nkausika satānaṃda taba jāī| kahā bideha nṛpahi samujhāī||\naba dasaratha kaha~ āyasu dehū| jadyapi chāṛi na sakahu sanehū||\nbhalehiṃ nātha kahi saciva bolāe| kahi jaya jīva sīsa tinha nāe||\ndohā/soraṭhā\navadhanāthu cāhata calana bhītara karahu janāu|\nbhae premabasa saciva suni bipra sabhāsada rāu||332||" },
    { devanagari: "चौपाई\nपुरबासी सुनि चलिहि बराता। बूझत बिकल परस्पर बाता।।\nसत्य गवनु सुनि सब बिलखाने। मनहुँ साँझ सरसिज सकुचाने।।\nजहँ जहँ आवत बसे बराती। तहँ तहँ सिद्ध चला बहु भाँती।।\nबिबिध भाँति मेवा पकवाना। भोजन साजु न जाइ बखाना।।\nभरि भरि बसहँ अपार कहारा। पठई जनक अनेक सुसारा।।\nतुरग लाख रथ सहस पचीसा। सकल सँवारे नख अरु सीसा।।\nमत्त सहस दस सिंधुर साजे। जिन्हहि देखि दिसिकुंजर लाजे।।\nकनक बसन मनि भरि भरि जाना। महिषीं धेनु बस्तु बिधि नाना।।\nदोहा/सोरठा\nदाइज अमित न सकिअ कहि दीन्ह बिदेहँ बहोरि।\nजो अवलोकत लोकपति लोक संपदा थोरि।।333।।", iast: "caupāī\npurabāsī suni calihi barātā| būjhata bikala paraspara bātā||\nsatya gavanu suni saba bilakhāne| manahu~ sā~jha sarasija sakucāne||\njaha~ jaha~ āvata base barātī| taha~ taha~ siddha calā bahu bhā~tī||\nbibidha bhā~ti mevā pakavānā| bhojana sāju na jāi bakhānā||\nbhari bhari basaha~ apāra kahārā| paṭhaī janaka aneka susārā||\nturaga lākha ratha sahasa pacīsā| sakala sa~vāre nakha aru sīsā||\nmatta sahasa dasa siṃdhura sāje| jinhahi dekhi disikuṃjara lāje||\nkanaka basana mani bhari bhari jānā| mahiṣīṃ dhenu bastu bidhi nānā||\ndohā/soraṭhā\ndāija amita na sakia kahi dīnha bideha~ bahori|\njo avalokata lokapati loka saṃpadā thori||333||" },
    { devanagari: "चौपाई\nसबु समाजु एहि भाँति बनाई। जनक अवधपुर दीन्ह पठाई।।\nचलिहि बरात सुनत सब रानीं। बिकल मीनगन जनु लघु पानीं।।\nपुनि पुनि सीय गोद करि लेहीं। देइ असीस सिखावनु देहीं।।\nहोएहु संतत पियहि पिआरी। चिरु अहिबात असीस हमारी।।\nसासु ससुर गुर सेवा करेहू। पति रुख लखि आयसु अनुसरेहू।।\nअति सनेह बस सखीं सयानी। नारि धरम सिखवहिं मृदु बानी।।\nसादर सकल कुअँरि समुझाई। रानिन्ह बार बार उर लाई।।\nबहुरि बहुरि भेटहिं महतारीं। कहहिं बिरंचि रचीं कत नारीं।।\nदोहा/सोरठा\nतेहि अवसर भाइन्ह सहित रामु भानु कुल केतु।\nचले जनक मंदिर मुदित बिदा करावन हेतु।।334।।", iast: "caupāī\nsabu samāju ehi bhā~ti banāī| janaka avadhapura dīnha paṭhāī||\ncalihi barāta sunata saba rānīṃ| bikala mīnagana janu laghu pānīṃ||\npuni puni sīya goda kari lehīṃ| dei asīsa sikhāvanu dehīṃ||\nhoehu saṃtata piyahi piārī| ciru ahibāta asīsa hamārī||\nsāsu sasura gura sevā karehū| pati rukha lakhi āyasu anusarehū||\nati saneha basa sakhīṃ sayānī| nāri dharama sikhavahiṃ mṛdu bānī||\nsādara sakala kua~ri samujhāī| rāninha bāra bāra ura lāī||\nbahuri bahuri bheṭahiṃ mahatārīṃ| kahahiṃ biraṃci racīṃ kata nārīṃ||\ndohā/soraṭhā\ntehi avasara bhāinha sahita rāmu bhānu kula ketu|\ncale janaka maṃdira mudita bidā karāvana hetu||334||" },
    { devanagari: "चौपाई\nचारिअ भाइ सुभायँ सुहाए। नगर नारि नर देखन धाए।।\nकोउ कह चलन चहत हहिं आजू। कीन्ह बिदेह बिदा कर साजू।।\nलेहु नयन भरि रूप निहारी। प्रिय पाहुने भूप सुत चारी।।\nको जानै केहि सुकृत सयानी। नयन अतिथि कीन्हे बिधि आनी।।\nमरनसीलु जिमि पाव पिऊषा। सुरतरु लहै जनम कर भूखा।।\nपाव नारकी हरिपदु जैसें। इन्ह कर दरसनु हम कहँ तैसे।।\nनिरखि राम सोभा उर धरहू। निज मन फनि मूरति मनि करहू।।\nएहि बिधि सबहि नयन फलु देता। गए कुअँर सब राज निकेता।।\nदोहा/सोरठा\nरूप सिंधु सब बंधु लखि हरषि उठा रनिवासु।\nकरहि निछावरि आरती महा मुदित मन सासु।।335।।", iast: "caupāī\ncāria bhāi subhāya~ suhāe| nagara nāri nara dekhana dhāe||\nkou kaha calana cahata hahiṃ ājū| kīnha bideha bidā kara sājū||\nlehu nayana bhari rūpa nihārī| priya pāhune bhūpa suta cārī||\nko jānai kehi sukṛta sayānī| nayana atithi kīnhe bidhi ānī||\nmaranasīlu jimi pāva piūṣā| surataru lahai janama kara bhūkhā||\npāva nārakī haripadu jaiseṃ| inha kara darasanu hama kaha~ taise||\nnirakhi rāma sobhā ura dharahū| nija mana phani mūrati mani karahū||\nehi bidhi sabahi nayana phalu detā| gae kua~ra saba rāja niketā||\ndohā/soraṭhā\nrūpa siṃdhu saba baṃdhu lakhi haraṣi uṭhā ranivāsu|\nkarahi nichāvari āratī mahā mudita mana sāsu||335||" },
    { devanagari: "चौपाई\nदेखि राम छबि अति अनुरागीं। प्रेमबिबस पुनि पुनि पद लागीं।।\nरही न लाज प्रीति उर छाई। सहज सनेहु बरनि किमि जाई।।\nभाइन्ह सहित उबटि अन्हवाए। छरस असन अति हेतु जेवाँए।।\nबोले रामु सुअवसरु जानी। सील सनेह सकुचमय बानी।।\nराउ अवधपुर चहत सिधाए। बिदा होन हम इहाँ पठाए।।\nमातु मुदित मन आयसु देहू। बालक जानि करब नित नेहू।।\nसुनत बचन बिलखेउ रनिवासू। बोलि न सकहिं प्रेमबस सासू।।\nहृदयँ लगाइ कुअँरि सब लीन्ही। पतिन्ह सौंपि बिनती अति कीन्ही।।", iast: "caupāī\ndekhi rāma chabi ati anurāgīṃ| premabibasa puni puni pada lāgīṃ||\nrahī na lāja prīti ura chāī| sahaja sanehu barani kimi jāī||\nbhāinha sahita ubaṭi anhavāe| charasa asana ati hetu jevā~e||\nbole rāmu suavasaru jānī| sīla saneha sakucamaya bānī||\nrāu avadhapura cahata sidhāe| bidā hona hama ihā~ paṭhāe||\nmātu mudita mana āyasu dehū| bālaka jāni karaba nita nehū||\nsunata bacana bilakheu ranivāsū| boli na sakahiṃ premabasa sāsū||\nhṛdaya~ lagāi kua~ri saba līnhī| patinha sauṃpi binatī ati kīnhī||" },
    { devanagari: "चौपाई\nअस कहि रही चरन गहि रानी। प्रेम पंक जनु गिरा समानी।।\nसुनि सनेहसानी बर बानी। बहुबिधि राम सासु सनमानी।।\nराम बिदा मागत कर जोरी। कीन्ह प्रनामु बहोरि बहोरी।।\nपाइ असीस बहुरि सिरु नाई। भाइन्ह सहित चले रघुराई।।\nमंजु मधुर मूरति उर आनी। भई सनेह सिथिल सब रानी।।\nपुनि धीरजु धरि कुअँरि हँकारी। बार बार भेटहिं महतारीं।।\nपहुँचावहिं फिरि मिलहिं बहोरी। बढ़ी परस्पर प्रीति न थोरी।।\nपुनि पुनि मिलत सखिन्ह बिलगाई। बाल बच्छ जिमि धेनु लवाई।।\nदोहा/सोरठा\nप्रेमबिबस नर नारि सब सखिन्ह सहित रनिवासु।\nमानहुँ कीन्ह बिदेहपुर करुनाँ बिरहँ निवासु।।337।।", iast: "caupāī\nasa kahi rahī carana gahi rānī| prema paṃka janu girā samānī||\nsuni sanehasānī bara bānī| bahubidhi rāma sāsu sanamānī||\nrāma bidā māgata kara jorī| kīnha pranāmu bahori bahorī||\npāi asīsa bahuri siru nāī| bhāinha sahita cale raghurāī||\nmaṃju madhura mūrati ura ānī| bhaī saneha sithila saba rānī||\npuni dhīraju dhari kua~ri ha~kārī| bāra bāra bheṭahiṃ mahatārīṃ||\npahu~cāvahiṃ phiri milahiṃ bahorī| baṛhī paraspara prīti na thorī||\npuni puni milata sakhinha bilagāī| bāla baccha jimi dhenu lavāī||\ndohā/soraṭhā\npremabibasa nara nāri saba sakhinha sahita ranivāsu|\nmānahu~ kīnha bidehapura karunā~ biraha~ nivāsu||337||" },
    { devanagari: "चौपाई\nसुक सारिका जानकी ज्याए। कनक पिंजरन्हि राखि पढ़ाए।।\nब्याकुल कहहिं कहाँ बैदेही। सुनि धीरजु परिहरइ न केही।।\nभए बिकल खग मृग एहि भाँति। मनुज दसा कैसें कहि जाती।।\nबंधु समेत जनकु तब आए। प्रेम उमगि लोचन जल छाए।।\nसीय बिलोकि धीरता भागी। रहे कहावत परम बिरागी।।\nलीन्हि राँय उर लाइ जानकी। मिटी महामरजाद ग्यान की।।\nसमुझावत सब सचिव सयाने। कीन्ह बिचारु न अवसर जाने।।\nबारहिं बार सुता उर लाई। सजि सुंदर पालकीं मगाई।।\nदोहा/सोरठा\nप्रेमबिबस परिवारु सबु जानि सुलगन नरेस।\nकुँअरि चढ़ाई पालकिन्ह सुमिरे सिद्धि गनेस।।338।।", iast: "caupāī\nsuka sārikā jānakī jyāe| kanaka piṃjaranhi rākhi paṛhāe||\nbyākula kahahiṃ kahā~ baidehī| suni dhīraju pariharai na kehī||\nbhae bikala khaga mṛga ehi bhā~ti| manuja dasā kaiseṃ kahi jātī||\nbaṃdhu sameta janaku taba āe| prema umagi locana jala chāe||\nsīya biloki dhīratā bhāgī| rahe kahāvata parama birāgī||\nlīnhi rā~ya ura lāi jānakī| miṭī mahāmarajāda gyāna kī||\nsamujhāvata saba saciva sayāne| kīnha bicāru na avasara jāne||\nbārahiṃ bāra sutā ura lāī| saji suṃdara pālakīṃ magāī||\ndohā/soraṭhā\npremabibasa parivāru sabu jāni sulagana naresa|\nku~ari caṛhāī pālakinha sumire siddhi ganesa||338||" },
    { devanagari: "चौपाई\nबहुबिधि भूप सुता समुझाई। नारिधरमु कुलरीति सिखाई।।\nदासीं दास दिए बहुतेरे। सुचि सेवक जे प्रिय सिय केरे।।\nसीय चलत ब्याकुल पुरबासी। होहिं सगुन सुभ मंगल रासी।।\nभूसुर सचिव समेत समाजा। संग चले पहुँचावन राजा।।\nसमय बिलोकि बाजने बाजे। रथ गज बाजि बरातिन्ह साजे।।\nदसरथ बिप्र बोलि सब लीन्हे। दान मान परिपूरन कीन्हे।।\nचरन सरोज धूरि धरि सीसा। मुदित महीपति पाइ असीसा।।\nसुमिरि गजाननु कीन्ह पयाना। मंगलमूल सगुन भए नाना।।\nदोहा/सोरठा\nसुर प्रसून बरषहि हरषि करहिं अपछरा गान।\nचले अवधपति अवधपुर मुदित बजाइ निसान।।339।।", iast: "caupāī\nbahubidhi bhūpa sutā samujhāī| nāridharamu kularīti sikhāī||\ndāsīṃ dāsa die bahutere| suci sevaka je priya siya kere||\nsīya calata byākula purabāsī| hohiṃ saguna subha maṃgala rāsī||\nbhūsura saciva sameta samājā| saṃga cale pahu~cāvana rājā||\nsamaya biloki bājane bāje| ratha gaja bāji barātinha sāje||\ndasaratha bipra boli saba līnhe| dāna māna paripūrana kīnhe||\ncarana saroja dhūri dhari sīsā| mudita mahīpati pāi asīsā||\nsumiri gajānanu kīnha payānā| maṃgalamūla saguna bhae nānā||\ndohā/soraṭhā\nsura prasūna baraṣahi haraṣi karahiṃ apacharā gāna|\ncale avadhapati avadhapura mudita bajāi nisāna||339||" },
    { devanagari: "चौपाई\nनृप करि बिनय महाजन फेरे। सादर सकल मागने टेरे।।\nभूषन बसन बाजि गज दीन्हे। प्रेम पोषि ठाढ़े सब कीन्हे।।\nबार बार बिरिदावलि भाषी। फिरे सकल रामहि उर राखी।।\nबहुरि बहुरि कोसलपति कहहीं। जनकु प्रेमबस फिरै न चहहीं।।\nपुनि कह भूपति बचन सुहाए। फिरिअ महीस दूरि बड़ि आए।।\nराउ बहोरि उतरि भए ठाढ़े। प्रेम प्रबाह बिलोचन बाढ़े।।\nतब बिदेह बोले कर जोरी। बचन सनेह सुधाँ जनु बोरी।।\nकरौ कवन बिधि बिनय बनाई। महाराज मोहि दीन्हि बड़ाई।।\nदोहा/सोरठा\nकोसलपति समधी सजन सनमाने सब भाँति।\nमिलनि परसपर बिनय अति प्रीति न हृदयँ समाति।।340।।", iast: "caupāī\nnṛpa kari binaya mahājana phere| sādara sakala māgane ṭere||\nbhūṣana basana bāji gaja dīnhe| prema poṣi ṭhāṛhe saba kīnhe||\nbāra bāra biridāvali bhāṣī| phire sakala rāmahi ura rākhī||\nbahuri bahuri kosalapati kahahīṃ| janaku premabasa phirai na cahahīṃ||\npuni kaha bhūpati bacana suhāe| phiria mahīsa dūri baṛi āe||\nrāu bahori utari bhae ṭhāṛhe| prema prabāha bilocana bāṛhe||\ntaba bideha bole kara jorī| bacana saneha sudhā~ janu borī||\nkarau kavana bidhi binaya banāī| mahārāja mohi dīnhi baṛāī||\ndohā/soraṭhā\nkosalapati samadhī sajana sanamāne saba bhā~ti|\nmilani parasapara binaya ati prīti na hṛdaya~ samāti||340||" },
    { devanagari: "चौपाई\nमुनि मंडलिहि जनक सिरु नावा। आसिरबादु सबहि सन पावा।।\nसादर पुनि भेंटे जामाता। रूप सील गुन निधि सब भ्राता।।\nजोरि पंकरुह पानि सुहाए। बोले बचन प्रेम जनु जाए।।\nराम करौ केहि भाँति प्रसंसा। मुनि महेस मन मानस हंसा।।\nकरहिं जोग जोगी जेहि लागी। कोहु मोहु ममता मदु त्यागी।।\nब्यापकु ब्रह्मु अलखु अबिनासी। चिदानंदु निरगुन गुनरासी।।\nमन समेत जेहि जान न बानी। तरकि न सकहिं सकल अनुमानी।।\nमहिमा निगमु नेति कहि कहई। जो तिहुँ काल एकरस रहई।।\nदोहा/सोरठा\nनयन बिषय मो कहुँ भयउ सो समस्त सुख मूल।\nसबइ लाभु जग जीव कहँ भएँ ईसु अनुकुल।।341।।", iast: "caupāī\nmuni maṃḍalihi janaka siru nāvā| āsirabādu sabahi sana pāvā||\nsādara puni bheṃṭe jāmātā| rūpa sīla guna nidhi saba bhrātā||\njori paṃkaruha pāni suhāe| bole bacana prema janu jāe||\nrāma karau kehi bhā~ti prasaṃsā| muni mahesa mana mānasa haṃsā||\nkarahiṃ joga jogī jehi lāgī| kohu mohu mamatā madu tyāgī||\nbyāpaku brahmu alakhu abināsī| cidānaṃdu niraguna gunarāsī||\nmana sameta jehi jāna na bānī| taraki na sakahiṃ sakala anumānī||\nmahimā nigamu neti kahi kahaī| jo tihu~ kāla ekarasa rahaī||\ndohā/soraṭhā\nnayana biṣaya mo kahu~ bhayau so samasta sukha mūla|\nsabai lābhu jaga jīva kaha~ bhae~ īsu anukula||341||" },
    { devanagari: "चौपाई\nसबहि भाँति मोहि दीन्हि बड़ाई। निज जन जानि लीन्ह अपनाई।।\nहोहिं सहस दस सारद सेषा। करहिं कलप कोटिक भरि लेखा।।\nमोर भाग्य राउर गुन गाथा। कहि न सिराहिं सुनहु रघुनाथा।।\nमै कछु कहउँ एक बल मोरें। तुम्ह रीझहु सनेह सुठि थोरें।।\nबार बार मागउँ कर जोरें। मनु परिहरै चरन जनि भोरें।।\nसुनि बर बचन प्रेम जनु पोषे। पूरनकाम रामु परितोषे।।\nकरि बर बिनय ससुर सनमाने। पितु कौसिक बसिष्ठ सम जाने।।\nबिनती बहुरि भरत सन कीन्ही। मिलि सप्रेमु पुनि आसिष दीन्ही।।\nदोहा/सोरठा\nमिले लखन रिपुसूदनहि दीन्हि असीस महीस।\nभए परस्पर प्रेमबस फिरि फिरि नावहिं सीस।।342।।", iast: "caupāī\nsabahi bhā~ti mohi dīnhi baṛāī| nija jana jāni līnha apanāī||\nhohiṃ sahasa dasa sārada seṣā| karahiṃ kalapa koṭika bhari lekhā||\nmora bhāgya rāura guna gāthā| kahi na sirāhiṃ sunahu raghunāthā||\nmai kachu kahau~ eka bala moreṃ| tumha rījhahu saneha suṭhi thoreṃ||\nbāra bāra māgau~ kara joreṃ| manu pariharai carana jani bhoreṃ||\nsuni bara bacana prema janu poṣe| pūranakāma rāmu paritoṣe||\nkari bara binaya sasura sanamāne| pitu kausika basiṣṭha sama jāne||\nbinatī bahuri bharata sana kīnhī| mili sapremu puni āsiṣa dīnhī||\ndohā/soraṭhā\nmile lakhana ripusūdanahi dīnhi asīsa mahīsa|\nbhae paraspara premabasa phiri phiri nāvahiṃ sīsa||342||" },
    { devanagari: "चौपाई\nबार बार करि बिनय बड़ाई। रघुपति चले संग सब भाई।।\nजनक गहे कौसिक पद जाई। चरन रेनु सिर नयनन्ह लाई।।\nसुनु मुनीस बर दरसन तोरें। अगमु न कछु प्रतीति मन मोरें।।\nजो सुखु सुजसु लोकपति चहहीं। करत मनोरथ सकुचत अहहीं।।\nसो सुखु सुजसु सुलभ मोहि स्वामी। सब सिधि तव दरसन अनुगामी।।\nकीन्हि बिनय पुनि पुनि सिरु नाई। फिरे महीसु आसिषा पाई।।\nचली बरात निसान बजाई। मुदित छोट बड़ सब समुदाई।।\nरामहि निरखि ग्राम नर नारी। पाइ नयन फलु होहिं सुखारी।।\nदोहा/सोरठा\nबीच बीच बर बास करि मग लोगन्ह सुख देत।\nअवध समीप पुनीत दिन पहुँची आइ जनेत।।343।।", iast: "caupāī\nbāra bāra kari binaya baṛāī| raghupati cale saṃga saba bhāī||\njanaka gahe kausika pada jāī| carana renu sira nayananha lāī||\nsunu munīsa bara darasana toreṃ| agamu na kachu pratīti mana moreṃ||\njo sukhu sujasu lokapati cahahīṃ| karata manoratha sakucata ahahīṃ||\nso sukhu sujasu sulabha mohi svāmī| saba sidhi tava darasana anugāmī||\nkīnhi binaya puni puni siru nāī| phire mahīsu āsiṣā pāī||\ncalī barāta nisāna bajāī| mudita choṭa baṛa saba samudāī||\nrāmahi nirakhi grāma nara nārī| pāi nayana phalu hohiṃ sukhārī||\ndohā/soraṭhā\nbīca bīca bara bāsa kari maga loganha sukha deta|\navadha samīpa punīta dina pahu~cī āi janeta||343||" },
    { devanagari: "चौपाई\nहने निसान पनव बर बाजे। भेरि संख धुनि हय गय गाजे।।\nझाँझि बिरव डिंडमीं सुहाई। सरस राग बाजहिं सहनाई।।\nपुर जन आवत अकनि बराता। मुदित सकल पुलकावलि गाता।।\nनिज निज सुंदर सदन सँवारे। हाट बाट चौहट पुर द्वारे।।\nगलीं सकल अरगजाँ सिंचाई। जहँ तहँ चौकें चारु पुराई।।\nबना बजारु न जाइ बखाना। तोरन केतु पताक बिताना।।\nसफल पूगफल कदलि रसाला। रोपे बकुल कदंब तमाला।।\nलगे सुभग तरु परसत धरनी। मनिमय आलबाल कल करनी।।\nदोहा/सोरठा\nबिबिध भाँति मंगल कलस गृह गृह रचे सँवारि।\nसुर ब्रह्मादि सिहाहिं सब रघुबर पुरी निहारि।।344।।", iast: "caupāī\nhane nisāna panava bara bāje| bheri saṃkha dhuni haya gaya gāje||\njhā~jhi birava ḍiṃḍamīṃ suhāī| sarasa rāga bājahiṃ sahanāī||\npura jana āvata akani barātā| mudita sakala pulakāvali gātā||\nnija nija suṃdara sadana sa~vāre| hāṭa bāṭa cauhaṭa pura dvāre||\ngalīṃ sakala aragajā~ siṃcāī| jaha~ taha~ caukeṃ cāru purāī||\nbanā bajāru na jāi bakhānā| torana ketu patāka bitānā||\nsaphala pūgaphala kadali rasālā| rope bakula kadaṃba tamālā||\nlage subhaga taru parasata dharanī| manimaya ālabāla kala karanī||\ndohā/soraṭhā\nbibidha bhā~ti maṃgala kalasa gṛha gṛha race sa~vāri|\nsura brahmādi sihāhiṃ saba raghubara purī nihāri||344||" },
    { devanagari: "चौपाई\nभूप भवन तेहि अवसर सोहा। रचना देखि मदन मनु मोहा।।\nमंगल सगुन मनोहरताई। रिधि सिधि सुख संपदा सुहाई।।\nजनु उछाह सब सहज सुहाए। तनु धरि धरि दसरथ दसरथ गृहँ छाए।।\nदेखन हेतु राम बैदेही। कहहु लालसा होहि न केही।।\nजुथ जूथ मिलि चलीं सुआसिनि। निज छबि निदरहिं मदन बिलासनि।।\nसकल सुमंगल सजें आरती। गावहिं जनु बहु बेष भारती।।\nभूपति भवन कोलाहलु होई। जाइ न बरनि समउ सुखु सोई।।\nकौसल्यादि राम महतारीं। प्रेम बिबस तन दसा बिसारीं।।\nदोहा/सोरठा\nदिए दान बिप्रन्ह बिपुल पूजि गनेस पुरारी।\nप्रमुदित परम दरिद्र जनु पाइ पदारथ चारि।।345।।", iast: "caupāī\nbhūpa bhavana tehi avasara sohā| racanā dekhi madana manu mohā||\nmaṃgala saguna manoharatāī| ridhi sidhi sukha saṃpadā suhāī||\njanu uchāha saba sahaja suhāe| tanu dhari dhari dasaratha dasaratha gṛha~ chāe||\ndekhana hetu rāma baidehī| kahahu lālasā hohi na kehī||\njutha jūtha mili calīṃ suāsini| nija chabi nidarahiṃ madana bilāsani||\nsakala sumaṃgala sajeṃ āratī| gāvahiṃ janu bahu beṣa bhāratī||\nbhūpati bhavana kolāhalu hoī| jāi na barani samau sukhu soī||\nkausalyādi rāma mahatārīṃ| prema bibasa tana dasā bisārīṃ||\ndohā/soraṭhā\ndie dāna bipranha bipula pūji ganesa purārī|\npramudita parama daridra janu pāi padāratha cāri||345||" },
    { devanagari: "चौपाई\nमोद प्रमोद बिबस सब माता। चलहिं न चरन सिथिल भए गाता।।\nराम दरस हित अति अनुरागीं। परिछनि साजु सजन सब लागीं।।\nबिबिध बिधान बाजने बाजे। मंगल मुदित सुमित्राँ साजे।।\nहरद दूब दधि पल्लव फूला। पान पूगफल मंगल मूला।।\nअच्छत अंकुर लोचन लाजा। मंजुल मंजरि तुलसि बिराजा।।\nछुहे पुरट घट सहज सुहाए। मदन सकुन जनु नीड़ बनाए।।\nसगुन सुंगध न जाहिं बखानी। मंगल सकल सजहिं सब रानी।।\nरचीं आरतीं बहुत बिधाना। मुदित करहिं कल मंगल गाना।।\nदोहा/सोरठा\nकनक थार भरि मंगलन्हि कमल करन्हि लिएँ मात।\nचलीं मुदित परिछनि करन पुलक पल्लवित गात।।346।।", iast: "caupāī\nmoda pramoda bibasa saba mātā| calahiṃ na carana sithila bhae gātā||\nrāma darasa hita ati anurāgīṃ| parichani sāju sajana saba lāgīṃ||\nbibidha bidhāna bājane bāje| maṃgala mudita sumitrā~ sāje||\nharada dūba dadhi pallava phūlā| pāna pūgaphala maṃgala mūlā||\nacchata aṃkura locana lājā| maṃjula maṃjari tulasi birājā||\nchuhe puraṭa ghaṭa sahaja suhāe| madana sakuna janu nīṛa banāe||\nsaguna suṃgadha na jāhiṃ bakhānī| maṃgala sakala sajahiṃ saba rānī||\nracīṃ āratīṃ bahuta bidhānā| mudita karahiṃ kala maṃgala gānā||\ndohā/soraṭhā\nkanaka thāra bhari maṃgalanhi kamala karanhi lie~ māta|\ncalīṃ mudita parichani karana pulaka pallavita gāta||346||" },
    { devanagari: "चौपाई\nधूप धूम नभु मेचक भयऊ। सावन घन घमंडु जनु ठयऊ।।\nसुरतरु सुमन माल सुर बरषहिं। मनहुँ बलाक अवलि मनु करषहिं।।\nमंजुल मनिमय बंदनिवारे। मनहुँ पाकरिपु चाप सँवारे।।\nप्रगटहिं दुरहिं अटन्ह पर भामिनि। चारु चपल जनु दमकहिं दामिनि।।\nदुंदुभि धुनि घन गरजनि घोरा। जाचक चातक दादुर मोरा।।\nसुर सुगन्ध सुचि बरषहिं बारी। सुखी सकल ससि पुर नर नारी।।\nसमउ जानी गुर आयसु दीन्हा। पुर प्रबेसु रघुकुलमनि कीन्हा।।\nसुमिरि संभु गिरजा गनराजा। मुदित महीपति सहित समाजा।।\nदोहा/सोरठा\nहोहिं सगुन बरषहिं सुमन सुर दुंदुभीं बजाइ।\nबिबुध बधू नाचहिं मुदित मंजुल मंगल गाइ।।347।।", iast: "caupāī\ndhūpa dhūma nabhu mecaka bhayaū| sāvana ghana ghamaṃḍu janu ṭhayaū||\nsurataru sumana māla sura baraṣahiṃ| manahu~ balāka avali manu karaṣahiṃ||\nmaṃjula manimaya baṃdanivāre| manahu~ pākaripu cāpa sa~vāre||\npragaṭahiṃ durahiṃ aṭanha para bhāmini| cāru capala janu damakahiṃ dāmini||\nduṃdubhi dhuni ghana garajani ghorā| jācaka cātaka dādura morā||\nsura sugandha suci baraṣahiṃ bārī| sukhī sakala sasi pura nara nārī||\nsamau jānī gura āyasu dīnhā| pura prabesu raghukulamani kīnhā||\nsumiri saṃbhu girajā ganarājā| mudita mahīpati sahita samājā||\ndohā/soraṭhā\nhohiṃ saguna baraṣahiṃ sumana sura duṃdubhīṃ bajāi|\nbibudha badhū nācahiṃ mudita maṃjula maṃgala gāi||347||" },
    { devanagari: "चौपाई\nमागध सूत बंदि नट नागर। गावहिं जसु तिहु लोक उजागर।।\nजय धुनि बिमल बेद बर बानी। दस दिसि सुनिअ सुमंगल सानी।।\nबिपुल बाजने बाजन लागे। नभ सुर नगर लोग अनुरागे।।\nबने बराती बरनि न जाहीं। महा मुदित मन सुख न समाहीं।।\nपुरबासिन्ह तब राय जोहारे। देखत रामहि भए सुखारे।।\nकरहिं निछावरि मनिगन चीरा। बारि बिलोचन पुलक सरीरा।।\nआरति करहिं मुदित पुर नारी। हरषहिं निरखि कुँअर बर चारी।।\nसिबिका सुभग ओहार उघारी। देखि दुलहिनिन्ह होहिं सुखारी।।\nदोहा/सोरठा\nएहि बिधि सबही देत सुखु आए राजदुआर।\nमुदित मातु परुछनि करहिं बधुन्ह समेत कुमार।।348।।", iast: "caupāī\nmāgadha sūta baṃdi naṭa nāgara| gāvahiṃ jasu tihu loka ujāgara||\njaya dhuni bimala beda bara bānī| dasa disi sunia sumaṃgala sānī||\nbipula bājane bājana lāge| nabha sura nagara loga anurāge||\nbane barātī barani na jāhīṃ| mahā mudita mana sukha na samāhīṃ||\npurabāsinha taba rāya johāre| dekhata rāmahi bhae sukhāre||\nkarahiṃ nichāvari manigana cīrā| bāri bilocana pulaka sarīrā||\nārati karahiṃ mudita pura nārī| haraṣahiṃ nirakhi ku~ara bara cārī||\nsibikā subhaga ohāra ughārī| dekhi dulahininha hohiṃ sukhārī||\ndohā/soraṭhā\nehi bidhi sabahī deta sukhu āe rājaduāra|\nmudita mātu paruchani karahiṃ badhunha sameta kumāra||348||" },
    { devanagari: "चौपाई\nकरहिं आरती बारहिं बारा। प्रेमु प्रमोदु कहै को पारा।।\nभूषन मनि पट नाना जाती।।करही निछावरि अगनित भाँती।।\nबधुन्ह समेत देखि सुत चारी। परमानंद मगन महतारी।।\nपुनि पुनि सीय राम छबि देखी।।मुदित सफल जग जीवन लेखी।।\nसखीं सीय मुख पुनि पुनि चाही। गान करहिं निज सुकृत सराही।।\nबरषहिं सुमन छनहिं छन देवा। नाचहिं गावहिं लावहिं सेवा।।\nदेखि मनोहर चारिउ जोरीं। सारद उपमा सकल ढँढोरीं।।\nदेत न बनहिं निपट लघु लागी। एकटक रहीं रूप अनुरागीं।।\nदोहा/सोरठा\nनिगम नीति कुल रीति करि अरघ पाँवड़े देत।\nबधुन्ह सहित सुत परिछि सब चलीं लवाइ निकेत।।349।।", iast: "caupāī\nkarahiṃ āratī bārahiṃ bārā| premu pramodu kahai ko pārā||\nbhūṣana mani paṭa nānā jātī||karahī nichāvari aganita bhā~tī||\nbadhunha sameta dekhi suta cārī| paramānaṃda magana mahatārī||\npuni puni sīya rāma chabi dekhī||mudita saphala jaga jīvana lekhī||\nsakhīṃ sīya mukha puni puni cāhī| gāna karahiṃ nija sukṛta sarāhī||\nbaraṣahiṃ sumana chanahiṃ chana devā| nācahiṃ gāvahiṃ lāvahiṃ sevā||\ndekhi manohara cāriu jorīṃ| sārada upamā sakala ḍha~ḍhorīṃ||\ndeta na banahiṃ nipaṭa laghu lāgī| ekaṭaka rahīṃ rūpa anurāgīṃ||\ndohā/soraṭhā\nnigama nīti kula rīti kari aragha pā~vaṛe deta|\nbadhunha sahita suta parichi saba calīṃ lavāi niketa||349||" },
    { devanagari: "चौपाई\nचारि सिंघासन सहज सुहाए। जनु मनोज निज हाथ बनाए।।\nतिन्ह पर कुअँरि कुअँर बैठारे। सादर पाय पुनित पखारे।।\nधूप दीप नैबेद बेद बिधि। पूजे बर दुलहिनि मंगलनिधि।।\nबारहिं बार आरती करहीं। ब्यजन चारु चामर सिर ढरहीं।।\nबस्तु अनेक निछावर होहीं। भरीं प्रमोद मातु सब सोहीं।।\nपावा परम तत्व जनु जोगीं। अमृत लहेउ जनु संतत रोगीं।।\nजनम रंक जनु पारस पावा। अंधहि लोचन लाभु सुहावा।।\nमूक बदन जनु सारद छाई। मानहुँ समर सूर जय पाई।।\nदोहा/सोरठा\nएहि सुख ते सत कोटि गुन पावहिं मातु अनंदु।।\nभाइन्ह सहित बिआहि घर आए रघुकुलचंदु।।350(क)।।\nलोक रीत जननी करहिं बर दुलहिनि सकुचाहिं।\nमोदु बिनोदु बिलोकि बड़ रामु मनहिं मुसकाहिं।।350(ख)।।", iast: "caupāī\ncāri siṃghāsana sahaja suhāe| janu manoja nija hātha banāe||\ntinha para kua~ri kua~ra baiṭhāre| sādara pāya punita pakhāre||\ndhūpa dīpa naibeda beda bidhi| pūje bara dulahini maṃgalanidhi||\nbārahiṃ bāra āratī karahīṃ| byajana cāru cāmara sira ḍharahīṃ||\nbastu aneka nichāvara hohīṃ| bharīṃ pramoda mātu saba sohīṃ||\npāvā parama tatva janu jogīṃ| amṛta laheu janu saṃtata rogīṃ||\njanama raṃka janu pārasa pāvā| aṃdhahi locana lābhu suhāvā||\nmūka badana janu sārada chāī| mānahu~ samara sūra jaya pāī||\ndohā/soraṭhā\nehi sukha te sata koṭi guna pāvahiṃ mātu anaṃdu||\nbhāinha sahita biāhi ghara āe raghukulacaṃdu||350(ka)||\nloka rīta jananī karahiṃ bara dulahini sakucāhiṃ|\nmodu binodu biloki baṛa rāmu manahiṃ musakāhiṃ||350(kha)||" },
    { devanagari: "चौपाई\nदेव पितर पूजे बिधि नीकी। पूजीं सकल बासना जी की।।\nसबहिं बंदि मागहिं बरदाना। भाइन्ह सहित राम कल्याना।।\nअंतरहित सुर आसिष देहीं। मुदित मातु अंचल भरि लेंहीं।।\nभूपति बोलि बराती लीन्हे। जान बसन मनि भूषन दीन्हे।।\nआयसु पाइ राखि उर रामहि। मुदित गए सब निज निज धामहि।।\nपुर नर नारि सकल पहिराए। घर घर बाजन लगे बधाए।।\nजाचक जन जाचहि जोइ जोई। प्रमुदित राउ देहिं सोइ सोई।।\nसेवक सकल बजनिआ नाना। पूरन किए दान सनमाना।।\nदोहा/सोरठा\nदेंहिं असीस जोहारि सब गावहिं गुन गन गाथ।\nतब गुर भूसुर सहित गृहँ गवनु कीन्ह नरनाथ।।351।।", iast: "caupāī\ndeva pitara pūje bidhi nīkī| pūjīṃ sakala bāsanā jī kī||\nsabahiṃ baṃdi māgahiṃ baradānā| bhāinha sahita rāma kalyānā||\naṃtarahita sura āsiṣa dehīṃ| mudita mātu aṃcala bhari leṃhīṃ||\nbhūpati boli barātī līnhe| jāna basana mani bhūṣana dīnhe||\nāyasu pāi rākhi ura rāmahi| mudita gae saba nija nija dhāmahi||\npura nara nāri sakala pahirāe| ghara ghara bājana lage badhāe||\njācaka jana jācahi joi joī| pramudita rāu dehiṃ soi soī||\nsevaka sakala bajaniā nānā| pūrana kie dāna sanamānā||\ndohā/soraṭhā\ndeṃhiṃ asīsa johāri saba gāvahiṃ guna gana gātha|\ntaba gura bhūsura sahita gṛha~ gavanu kīnha naranātha||351||" },
    { devanagari: "चौपाई\nजो बसिष्ठ अनुसासन दीन्ही। लोक बेद बिधि सादर कीन्ही।।\nभूसुर भीर देखि सब रानी। सादर उठीं भाग्य बड़ जानी।।\nपाय पखारि सकल अन्हवाए। पूजि भली बिधि भूप जेवाँए।।\nआदर दान प्रेम परिपोषे। देत असीस चले मन तोषे।।\nबहु बिधि कीन्हि गाधिसुत पूजा। नाथ मोहि सम धन्य न दूजा।।\nकीन्हि प्रसंसा भूपति भूरी। रानिन्ह सहित लीन्हि पग धूरी।।\nभीतर भवन दीन्ह बर बासु। मन जोगवत रह नृप रनिवासू।।\nपूजे गुर पद कमल बहोरी। कीन्हि बिनय उर प्रीति न थोरी।।\nदोहा/सोरठा\nबधुन्ह समेत कुमार सब रानिन्ह सहित महीसु।\nपुनि पुनि बंदत गुर चरन देत असीस मुनीसु।।352।।", iast: "caupāī\njo basiṣṭha anusāsana dīnhī| loka beda bidhi sādara kīnhī||\nbhūsura bhīra dekhi saba rānī| sādara uṭhīṃ bhāgya baṛa jānī||\npāya pakhāri sakala anhavāe| pūji bhalī bidhi bhūpa jevā~e||\nādara dāna prema paripoṣe| deta asīsa cale mana toṣe||\nbahu bidhi kīnhi gādhisuta pūjā| nātha mohi sama dhanya na dūjā||\nkīnhi prasaṃsā bhūpati bhūrī| rāninha sahita līnhi paga dhūrī||\nbhītara bhavana dīnha bara bāsu| mana jogavata raha nṛpa ranivāsū||\npūje gura pada kamala bahorī| kīnhi binaya ura prīti na thorī||\ndohā/soraṭhā\nbadhunha sameta kumāra saba rāninha sahita mahīsu|\npuni puni baṃdata gura carana deta asīsa munīsu||352||" },
    { devanagari: "चौपाई\nबिनय कीन्हि उर अति अनुरागें। सुत संपदा राखि सब आगें।।\nनेगु मागि मुनिनायक लीन्हा। आसिरबादु बहुत बिधि दीन्हा।।\nउर धरि रामहि सीय समेता। हरषि कीन्ह गुर गवनु निकेता।।\nबिप्रबधू सब भूप बोलाई। चैल चारु भूषन पहिराई।।\nबहुरि बोलाइ सुआसिनि लीन्हीं। रुचि बिचारि पहिरावनि दीन्हीं।।\nनेगी नेग जोग सब लेहीं। रुचि अनुरुप भूपमनि देहीं।।\nप्रिय पाहुने पूज्य जे जाने। भूपति भली भाँति सनमाने।।\nदेव देखि रघुबीर बिबाहू। बरषि प्रसून प्रसंसि उछाहू।।\nदोहा/सोरठा\nचले निसान बजाइ सुर निज निज पुर सुख पाइ।\nकहत परसपर राम जसु प्रेम न हृदयँ समाइ।।353।।", iast: "caupāī\nbinaya kīnhi ura ati anurāgeṃ| suta saṃpadā rākhi saba āgeṃ||\nnegu māgi munināyaka līnhā| āsirabādu bahuta bidhi dīnhā||\nura dhari rāmahi sīya sametā| haraṣi kīnha gura gavanu niketā||\nbiprabadhū saba bhūpa bolāī| caila cāru bhūṣana pahirāī||\nbahuri bolāi suāsini līnhīṃ| ruci bicāri pahirāvani dīnhīṃ||\nnegī nega joga saba lehīṃ| ruci anurupa bhūpamani dehīṃ||\npriya pāhune pūjya je jāne| bhūpati bhalī bhā~ti sanamāne||\ndeva dekhi raghubīra bibāhū| baraṣi prasūna prasaṃsi uchāhū||\ndohā/soraṭhā\ncale nisāna bajāi sura nija nija pura sukha pāi|\nkahata parasapara rāma jasu prema na hṛdaya~ samāi||353||" },
    { devanagari: "चौपाई\nसब बिधि सबहि समदि नरनाहू। रहा हृदयँ भरि पूरि उछाहू।।\nजहँ रनिवासु तहाँ पगु धारे। सहित बहूटिन्ह कुअँर निहारे।।\nलिए गोद करि मोद समेता। को कहि सकइ भयउ सुखु जेता।।\nबधू सप्रेम गोद बैठारीं। बार बार हियँ हरषि दुलारीं।।\nदेखि समाजु मुदित रनिवासू। सब कें उर अनंद कियो बासू।।\nकहेउ भूप जिमि भयउ बिबाहू। सुनि हरषु होत सब काहू।।\nजनक राज गुन सीलु बड़ाई। प्रीति रीति संपदा सुहाई।।\nबहुबिधि भूप भाट जिमि बरनी। रानीं सब प्रमुदित सुनि करनी।।\nदोहा/सोरठा\nसुतन्ह समेत नहाइ नृप बोलि बिप्र गुर ग्याति।\nभोजन कीन्ह अनेक बिधि घरी पंच गइ राति।।354।।", iast: "caupāī\nsaba bidhi sabahi samadi naranāhū| rahā hṛdaya~ bhari pūri uchāhū||\njaha~ ranivāsu tahā~ pagu dhāre| sahita bahūṭinha kua~ra nihāre||\nlie goda kari moda sametā| ko kahi sakai bhayau sukhu jetā||\nbadhū saprema goda baiṭhārīṃ| bāra bāra hiya~ haraṣi dulārīṃ||\ndekhi samāju mudita ranivāsū| saba keṃ ura anaṃda kiyo bāsū||\nkaheu bhūpa jimi bhayau bibāhū| suni haraṣu hota saba kāhū||\njanaka rāja guna sīlu baṛāī| prīti rīti saṃpadā suhāī||\nbahubidhi bhūpa bhāṭa jimi baranī| rānīṃ saba pramudita suni karanī||\ndohā/soraṭhā\nsutanha sameta nahāi nṛpa boli bipra gura gyāti|\nbhojana kīnha aneka bidhi gharī paṃca gai rāti||354||" },
    { devanagari: "चौपाई\nमंगलगान करहिं बर भामिनि। भै सुखमूल मनोहर जामिनि।।\nअँचइ पान सब काहूँ पाए। स्त्रग सुगंध भूषित छबि छाए।।\nरामहि देखि रजायसु पाई। निज निज भवन चले सिर नाई।।\nप्रेम प्रमोद बिनोदु बढ़ाई। समउ समाजु मनोहरताई।।\nकहि न सकहि सत सारद सेसू। बेद बिरंचि महेस गनेसू।।\nसो मै कहौं कवन बिधि बरनी। भूमिनागु सिर धरइ कि धरनी।।\nनृप सब भाँति सबहि सनमानी। कहि मृदु बचन बोलाई रानी।।\nबधू लरिकनीं पर घर आईं। राखेहु नयन पलक की नाई।।\nदोहा/सोरठा\nलरिका श्रमित उनीद बस सयन करावहु जाइ।\nअस कहि गे बिश्रामगृहँ राम चरन चितु लाइ।।355।।", iast: "caupāī\nmaṃgalagāna karahiṃ bara bhāmini| bhai sukhamūla manohara jāmini||\na~cai pāna saba kāhū~ pāe| straga sugaṃdha bhūṣita chabi chāe||\nrāmahi dekhi rajāyasu pāī| nija nija bhavana cale sira nāī||\nprema pramoda binodu baṛhāī| samau samāju manoharatāī||\nkahi na sakahi sata sārada sesū| beda biraṃci mahesa ganesū||\nso mai kahauṃ kavana bidhi baranī| bhūmināgu sira dharai ki dharanī||\nnṛpa saba bhā~ti sabahi sanamānī| kahi mṛdu bacana bolāī rānī||\nbadhū larikanīṃ para ghara āīṃ| rākhehu nayana palaka kī nāī||\ndohā/soraṭhā\nlarikā śramita unīda basa sayana karāvahu jāi|\nasa kahi ge biśrāmagṛha~ rāma carana citu lāi||355||" },
    { devanagari: "चौपाई\nभूप बचन सुनि सहज सुहाए। जरित कनक मनि पलँग डसाए।।\nसुभग सुरभि पय फेन समाना। कोमल कलित सुपेतीं नाना।।\nउपबरहन बर बरनि न जाहीं। स्त्रग सुगंध मनिमंदिर माहीं।।\nरतनदीप सुठि चारु चँदोवा। कहत न बनइ जान जेहिं जोवा।।\nसेज रुचिर रचि रामु उठाए। प्रेम समेत पलँग पौढ़ाए।।\nअग्या पुनि पुनि भाइन्ह दीन्ही। निज निज सेज सयन तिन्ह कीन्ही।।\nदेखि स्याम मृदु मंजुल गाता। कहहिं सप्रेम बचन सब माता।।\nमारग जात भयावनि भारी। केहि बिधि तात ताड़का मारी।।\nदोहा/सोरठा\nघोर निसाचर बिकट भट समर गनहिं नहिं काहु।।\nमारे सहित सहाय किमि खल मारीच सुबाहु।।356।।", iast: "caupāī\nbhūpa bacana suni sahaja suhāe| jarita kanaka mani pala~ga ḍasāe||\nsubhaga surabhi paya phena samānā| komala kalita supetīṃ nānā||\nupabarahana bara barani na jāhīṃ| straga sugaṃdha manimaṃdira māhīṃ||\nratanadīpa suṭhi cāru ca~dovā| kahata na banai jāna jehiṃ jovā||\nseja rucira raci rāmu uṭhāe| prema sameta pala~ga pauṛhāe||\nagyā puni puni bhāinha dīnhī| nija nija seja sayana tinha kīnhī||\ndekhi syāma mṛdu maṃjula gātā| kahahiṃ saprema bacana saba mātā||\nmāraga jāta bhayāvani bhārī| kehi bidhi tāta tāṛakā mārī||\ndohā/soraṭhā\nghora nisācara bikaṭa bhaṭa samara ganahiṃ nahiṃ kāhu||\nmāre sahita sahāya kimi khala mārīca subāhu||356||" },
    { devanagari: "चौपाई\nमुनि प्रसाद बलि तात तुम्हारी। ईस अनेक करवरें टारी।।\nमख रखवारी करि दुहुँ भाई। गुरु प्रसाद सब बिद्या पाई।।\nमुनितय तरी लगत पग धूरी। कीरति रही भुवन भरि पूरी।।\nकमठ पीठि पबि कूट कठोरा। नृप समाज महुँ सिव धनु तोरा।।\nबिस्व बिजय जसु जानकि पाई। आए भवन ब्याहि सब भाई।।\nसकल अमानुष करम तुम्हारे। केवल कौसिक कृपाँ सुधारे।।\nआजु सुफल जग जनमु हमारा। देखि तात बिधुबदन तुम्हारा।।\nजे दिन गए तुम्हहि बिनु देखें। ते बिरंचि जनि पारहिं लेखें।।\nदोहा/सोरठा\nराम प्रतोषीं मातु सब कहि बिनीत बर बैन।\nसुमिरि संभु गुर बिप्र पद किए नीदबस नैन।।357।।", iast: "caupāī\nmuni prasāda bali tāta tumhārī| īsa aneka karavareṃ ṭārī||\nmakha rakhavārī kari duhu~ bhāī| guru prasāda saba bidyā pāī||\nmunitaya tarī lagata paga dhūrī| kīrati rahī bhuvana bhari pūrī||\nkamaṭha pīṭhi pabi kūṭa kaṭhorā| nṛpa samāja mahu~ siva dhanu torā||\nbisva bijaya jasu jānaki pāī| āe bhavana byāhi saba bhāī||\nsakala amānuṣa karama tumhāre| kevala kausika kṛpā~ sudhāre||\nāju suphala jaga janamu hamārā| dekhi tāta bidhubadana tumhārā||\nje dina gae tumhahi binu dekheṃ| te biraṃci jani pārahiṃ lekheṃ||\ndohā/soraṭhā\nrāma pratoṣīṃ mātu saba kahi binīta bara baina|\nsumiri saṃbhu gura bipra pada kie nīdabasa naina||357||" },
    { devanagari: "चौपाई\nनीदउँ बदन सोह सुठि लोना। मनहुँ साँझ सरसीरुह सोना।।\nघर घर करहिं जागरन नारीं। देहिं परसपर मंगल गारीं।।\nपुरी बिराजति राजति रजनी। रानीं कहहिं बिलोकहु सजनी।।\nसुंदर बधुन्ह सासु लै सोई। फनिकन्ह जनु सिरमनि उर गोई।।\nप्रात पुनीत काल प्रभु जागे। अरुनचूड़ बर बोलन लागे।।\nबंदि मागधन्हि गुनगन गाए। पुरजन द्वार जोहारन आए।।\nबंदि बिप्र सुर गुर पितु माता। पाइ असीस मुदित सब भ्राता।।\nजननिन्ह सादर बदन निहारे। भूपति संग द्वार पगु धारे।।\nदोहा/सोरठा\nकीन्ह सौच सब सहज सुचि सरित पुनीत नहाइ।\nप्रातक्रिया करि तात पहिं आए चारिउ भाइ।।358।।", iast: "caupāī\nnīdau~ badana soha suṭhi lonā| manahu~ sā~jha sarasīruha sonā||\nghara ghara karahiṃ jāgarana nārīṃ| dehiṃ parasapara maṃgala gārīṃ||\npurī birājati rājati rajanī| rānīṃ kahahiṃ bilokahu sajanī||\nsuṃdara badhunha sāsu lai soī| phanikanha janu siramani ura goī||\nprāta punīta kāla prabhu jāge| arunacūṛa bara bolana lāge||\nbaṃdi māgadhanhi gunagana gāe| purajana dvāra johārana āe||\nbaṃdi bipra sura gura pitu mātā| pāi asīsa mudita saba bhrātā||\njananinha sādara badana nihāre| bhūpati saṃga dvāra pagu dhāre||\ndohā/soraṭhā\nkīnha sauca saba sahaja suci sarita punīta nahāi|\nprātakriyā kari tāta pahiṃ āe cāriu bhāi||358||" },
    { devanagari: "चौपाई\nभूप बिलोकि लिए उर लाई। बैठै हरषि रजायसु पाई।।\nदेखि रामु सब सभा जुड़ानी। लोचन लाभ अवधि अनुमानी।।\nपुनि बसिष्टु मुनि कौसिक आए। सुभग आसनन्हि मुनि बैठाए।।\nसुतन्ह समेत पूजि पद लागे। निरखि रामु दोउ गुर अनुरागे।।\nकहहिं बसिष्टु धरम इतिहासा। सुनहिं महीसु सहित रनिवासा।।\nमुनि मन अगम गाधिसुत करनी। मुदित बसिष्ट बिपुल बिधि बरनी।।\nबोले बामदेउ सब साँची। कीरति कलित लोक तिहुँ माची।।\nसुनि आनंदु भयउ सब काहू। राम लखन उर अधिक उछाहू।।\nदोहा/सोरठा\nमंगल मोद उछाह नित जाहिं दिवस एहि भाँति।\nउमगी अवध अनंद भरि अधिक अधिक अधिकाति।।359।।", iast: "caupāī\nbhūpa biloki lie ura lāī| baiṭhai haraṣi rajāyasu pāī||\ndekhi rāmu saba sabhā juṛānī| locana lābha avadhi anumānī||\npuni basiṣṭu muni kausika āe| subhaga āsananhi muni baiṭhāe||\nsutanha sameta pūji pada lāge| nirakhi rāmu dou gura anurāge||\nkahahiṃ basiṣṭu dharama itihāsā| sunahiṃ mahīsu sahita ranivāsā||\nmuni mana agama gādhisuta karanī| mudita basiṣṭa bipula bidhi baranī||\nbole bāmadeu saba sā~cī| kīrati kalita loka tihu~ mācī||\nsuni ānaṃdu bhayau saba kāhū| rāma lakhana ura adhika uchāhū||\ndohā/soraṭhā\nmaṃgala moda uchāha nita jāhiṃ divasa ehi bhā~ti|\numagī avadha anaṃda bhari adhika adhika adhikāti||359||" },
    { devanagari: "चौपाई\nसुदिन सोधि कल कंकन छौरे। मंगल मोद बिनोद न थोरे।।\nनित नव सुखु सुर देखि सिहाहीं। अवध जन्म जाचहिं बिधि पाहीं।।\nबिस्वामित्रु चलन नित चहहीं। राम सप्रेम बिनय बस रहहीं।।\nदिन दिन सयगुन भूपति भाऊ। देखि सराह महामुनिराऊ।।\nमागत बिदा राउ अनुरागे। सुतन्ह समेत ठाढ़ भे आगे।।\nनाथ सकल संपदा तुम्हारी। मैं सेवकु समेत सुत नारी।।\nकरब सदा लरिकनः पर छोहू। दरसन देत रहब मुनि मोहू।।\nअस कहि राउ सहित सुत रानी। परेउ चरन मुख आव न बानी।।\nदीन्ह असीस बिप्र बहु भाँती। चले न प्रीति रीति कहि जाती।।\nरामु सप्रेम संग सब भाई। आयसु पाइ फिरे पहुँचाई।।\nदोहा/सोरठा\nराम रूपु भूपति भगति ब्याहु उछाहु अनंदु।\nजात सराहत मनहिं मन मुदित गाधिकुलचंदु।।360।।", iast: "caupāī\nsudina sodhi kala kaṃkana chaure| maṃgala moda binoda na thore||\nnita nava sukhu sura dekhi sihāhīṃ| avadha janma jācahiṃ bidhi pāhīṃ||\nbisvāmitru calana nita cahahīṃ| rāma saprema binaya basa rahahīṃ||\ndina dina sayaguna bhūpati bhāū| dekhi sarāha mahāmunirāū||\nmāgata bidā rāu anurāge| sutanha sameta ṭhāṛha bhe āge||\nnātha sakala saṃpadā tumhārī| maiṃ sevaku sameta suta nārī||\nkaraba sadā larikanaḥ para chohū| darasana deta rahaba muni mohū||\nasa kahi rāu sahita suta rānī| pareu carana mukha āva na bānī||\ndīnha asīsa bipra bahu bhā~tī| cale na prīti rīti kahi jātī||\nrāmu saprema saṃga saba bhāī| āyasu pāi phire pahu~cāī||\ndohā/soraṭhā\nrāma rūpu bhūpati bhagati byāhu uchāhu anaṃdu|\njāta sarāhata manahiṃ mana mudita gādhikulacaṃdu||360||" },
    { devanagari: "चौपाई\nबामदेव रघुकुल गुर ग्यानी। बहुरि गाधिसुत कथा बखानी।।\nसुनि मुनि सुजसु मनहिं मन राऊ। बरनत आपन पुन्य प्रभाऊ।।\nबहुरे लोग रजायसु भयऊ। सुतन्ह समेत नृपति गृहँ गयऊ।।\nजहँ तहँ राम ब्याहु सबु गावा। सुजसु पुनीत लोक तिहुँ छावा।।\nआए ब्याहि रामु घर जब तें। बसइ अनंद अवध सब तब तें।।\nप्रभु बिबाहँ जस भयउ उछाहू। सकहिं न बरनि गिरा अहिनाहू।।\nकबिकुल जीवनु पावन जानी।।राम सीय जसु मंगल खानी।।\nतेहि ते मैं कछु कहा बखानी। करन पुनीत हेतु निज बानी।।", iast: "caupāī\nbāmadeva raghukula gura gyānī| bahuri gādhisuta kathā bakhānī||\nsuni muni sujasu manahiṃ mana rāū| baranata āpana punya prabhāū||\nbahure loga rajāyasu bhayaū| sutanha sameta nṛpati gṛha~ gayaū||\njaha~ taha~ rāma byāhu sabu gāvā| sujasu punīta loka tihu~ chāvā||\nāe byāhi rāmu ghara jaba teṃ| basai anaṃda avadha saba taba teṃ||\nprabhu bibāha~ jasa bhayau uchāhū| sakahiṃ na barani girā ahināhū||\nkabikula jīvanu pāvana jānī||rāma sīya jasu maṃgala khānī||\ntehi te maiṃ kachu kahā bakhānī| karana punīta hetu nija bānī||" },
  ],
}

export default balKand